| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
7. сад̇д̇амаваг̇г̇о
7. Sattamavaggo
(66) 4. д̣̇аанагат̇аа
(66) 4. Dānakathā
478. жзд̇асиго д̇хаммо д̣̇аананд̇и? ааманд̇аа. лаб̣бхаа жзд̇асиго д̇хаммо барзсам̣ д̣̇аад̇унд̇и? на хзвам̣ вад̇д̇аб̣б̣з …бз… лаб̣бхаа жзд̇асиго д̇хаммо барзсам̣ д̣̇аад̇унд̇и? ааманд̇аа. лаб̣бхаа пассо барзсам̣ д̣̇аад̇унд̇и? на хзвам̣ вад̇д̇аб̣б̣з …бз… лаб̣бхаа взд̣̇анаа…бз… сан̃н̃аа… жзд̇анаа… сад̣̇д̇хаа… вийрияам̣… сад̇и… самаад̇хи… бан̃н̃аа барзсам̣ д̣̇аад̇унд̇и? на хзвам̣ вад̇д̇аб̣б̣з…бз….
478. Cetasiko dhammo dānanti? Āmantā. Labbhā cetasiko dhammo paresaṃ dātunti? Na hevaṃ vattabbe …pe… labbhā cetasiko dhammo paresaṃ dātunti? Āmantā. Labbhā phasso paresaṃ dātunti? Na hevaṃ vattabbe …pe… labbhā vedanā…pe… saññā… cetanā… saddhā… vīriyaṃ… sati… samādhi… paññā paresaṃ dātunti? Na hevaṃ vattabbe…pe….
479. на вад̇д̇аб̣б̣ам̣ – жзд̇асиго д̇хаммо д̣̇аананд̇и? ааманд̇аа. д̣̇аанам̣ анидтапалам̣ аганд̇апалам̣ аманун̃н̃апалам̣ сзжанагапалам̣ д̣̇угкуд̣̇раяам̣ д̣̇угкавибааганд̇и? на хзвам̣ вад̇д̇аб̣б̣з…бз… нану д̣̇аанам̣ идтапалам̣ ганд̇апалам̣ манун̃н̃апалам̣ асзжанагапалам̣ сукуд̣̇раяам̣ сукавибааганд̇и? ааманд̇аа. хан̃жи д̣̇аанам̣ идтапалам̣ ганд̇апалам̣ манун̃н̃апалам̣ асзжанагапалам̣ сукуд̣̇раяам̣ сукавибаагам̣ , д̇зна вад̇а рз вад̇д̇аб̣б̣з – ‘‘жзд̇асиго д̇хаммо д̣̇аана’’нд̇и.
479. Na vattabbaṃ – cetasiko dhammo dānanti? Āmantā. Dānaṃ aniṭṭhaphalaṃ akantaphalaṃ amanuññaphalaṃ secanakaphalaṃ dukkhudrayaṃ dukkhavipākanti? Na hevaṃ vattabbe…pe… nanu dānaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti? Āmantā. Hañci dānaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākaṃ , tena vata re vattabbe – ‘‘cetasiko dhammo dāna’’nti.
д̣̇аанам̣ идтапалам̣ вуд̇д̇ам̣ бхаг̇авад̇аа, жийварам̣ д̣̇аананд̇и 1? ааманд̇аа. жийварам̣ идтапалам̣ ганд̇апалам̣ манун̃н̃апалам̣ асзжанагапалам̣ сукуд̣̇раяам̣ сукавибааганд̇и? на хзвам̣ вад̇д̇аб̣б̣з…бз… д̣̇аанам̣ идтапалам̣ вуд̇д̇ам̣ бхаг̇авад̇аа, бин̣д̣абаад̇о сзнаасанам̣ г̇илаанабажжаяабхзсаж̇ж̇абаригкааро д̣̇аананд̇и? ааманд̇аа. г̇илаанабажжаяабхзсаж̇ж̇абаригкааро идтапало ганд̇апало манун̃н̃апало асзжанагапало сукуд̣̇раяо сукавибаагод̇и? на хзвам̣ вад̇д̇аб̣б̣з…бз….
Dānaṃ iṭṭhaphalaṃ vuttaṃ bhagavatā, cīvaraṃ dānanti 2? Āmantā. Cīvaraṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti? Na hevaṃ vattabbe…pe… dānaṃ iṭṭhaphalaṃ vuttaṃ bhagavatā, piṇḍapāto senāsanaṃ gilānapaccayabhesajjaparikkhāro dānanti? Āmantā. Gilānapaccayabhesajjaparikkhāro iṭṭhaphalo kantaphalo manuññaphalo asecanakaphalo sukhudrayo sukhavipākoti? Na hevaṃ vattabbe…pe….
480. на вад̇д̇аб̣б̣ам̣ – ‘‘жзд̇асиго д̇хаммо д̣̇аана’’нд̇и? ааманд̇аа. нану вуд̇д̇ам̣ бхаг̇авад̇аа –
480. Na vattabbaṃ – ‘‘cetasiko dhammo dāna’’nti? Āmantā. Nanu vuttaṃ bhagavatā –
‘‘сад̣̇д̇хаа хирияам̣ гусалан̃жа д̣̇аанам̣,
‘‘Saddhā hiriyaṃ kusalañca dānaṃ,
д̇хаммаа зд̇з саббурисаануяаад̇аа;
Dhammā ete sappurisānuyātā;
зд̇ан̃хи маг̇г̇ам̣ д̣̇ивияам̣ вад̣̇анд̇и,
Etañhi maggaṃ diviyaṃ vadanti,
ад̇т̇зва суд̇д̇анд̇од̇и? ааманд̇аа. д̇зна хи жзд̇асиго д̇хаммо д̣̇аананд̇и.
Attheva suttantoti? Āmantā. Tena hi cetasiko dhammo dānanti.
на вад̇д̇аб̣б̣ам̣ – ‘‘жзд̇асиго д̇хаммо д̣̇аана’’нд̇и? ааманд̇аа. нану вуд̇д̇ам̣ бхаг̇авад̇аа – ‘‘бан̃жимаани, бхигкавз, д̣̇аанаани махаад̣̇аанаани аг̇г̇ан̃н̃аани рад̇д̇ан̃н̃аани вам̣сан̃н̃аани бораан̣аани асан̇гин̣н̣аани асан̇гин̣н̣абуб̣б̣аани, на сан̇гияанд̇и на сан̇гияиссанд̇и, аббадигудтаани саман̣зхи б̣раахман̣зхи вин̃н̃уухи! гад̇амаани бан̃жа? ид̇ха, бхигкавз, арияасааваго баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и. баан̣аад̇ибаад̇аа бадивирад̇о, бхигкавз, арияасааваго абаримаан̣аанам̣ сад̇д̇аанам̣ абхаяам̣ д̣̇зд̇и авзрам̣ д̣̇зд̇и аб̣яааб̣аж̇жхам̣ 5 д̣̇зд̇и. абаримаан̣аанам̣ сад̇д̇аанам̣ абхаяам̣ д̣̇ад̇ваа авзрам̣ д̣̇ад̇ваа аб̣яааб̣аж̇жхам̣ д̣̇ад̇ваа абаримаан̣асса абхаяасса авзрасса аб̣яааб̣аж̇жхасса бхааг̇ий ход̇и. ид̣̇ам̣, бхигкавз , батамам̣ д̣̇аанам̣ махаад̣̇аанам̣ аг̇г̇ан̃н̃ам̣ рад̇д̇ан̃н̃ам̣ вам̣сан̃н̃ам̣ бораан̣ам̣ асан̇гин̣н̣ам̣ асан̇гин̣н̣абуб̣б̣ам̣, на сан̇гияад̇и на сан̇гияиссад̇и, аббадигудтам̣ саман̣зхи б̣раахман̣зхи вин̃н̃уухи. буна жабарам̣, бхигкавз, арияасааваго ад̣̇иннаад̣̇аанам̣ бахааяа…бз… гаамзсумижчаажаарам̣ бахааяа…бз… мусааваад̣̇ам̣ бахааяа…бз… сураамзраяамаж̇ж̇абамаад̣̇адтаанам̣ бахааяа сураамзраяамаж̇ж̇абамаад̣̇адтаанаа бадивирад̇о ход̇и. сураамзраяамаж̇ж̇абамаад̣̇адтаанаа бадивирад̇о, бхигкавз, арияасааваго абаримаан̣аанам̣ сад̇д̇аанам̣ абхаяам̣ д̣̇зд̇и авзрам̣ д̣̇зд̇и аб̣яааб̣аж̇жхам̣ д̣̇зд̇и. абаримаан̣аанам̣ сад̇д̇аанам̣ абхаяам̣ д̣̇ад̇ваа авзрам̣ д̣̇ад̇ваа аб̣яааб̣аж̇жхам̣ д̣̇ад̇ваа абаримаан̣асса абхаяасса авзрасса аб̣яааб̣аж̇жхасса бхааг̇ий ход̇и. ид̣̇ам̣, бхигкавз , бан̃жамам̣ д̣̇аанам̣ махаад̣̇аанам̣ аг̇г̇ан̃н̃ам̣ рад̇д̇ан̃н̃ам̣ вам̣сан̃н̃ам̣ бораан̣ам̣ асан̇гин̣н̣ам̣ асан̇гин̣н̣абуб̣б̣ам̣, на сан̇гияад̇и на сан̇гияиссад̇и, аббадигудтам̣ саман̣зхи б̣раахман̣зхи вин̃н̃уухи. имаани ко, бхигкавз, бан̃жа д̣̇аанаани махаад̣̇аанаани аг̇г̇ан̃н̃аани рад̇д̇ан̃н̃аани вам̣сан̃н̃аани бораан̣аани асан̇гин̣н̣аани асан̇гин̣н̣абуб̣б̣аани, на сан̇гияанд̇и на сан̇гияиссанд̇и, аббадигудтаани саман̣зхи б̣раахман̣зхи вин̃н̃уухий’’д̇и 6. ад̇т̇зва суд̇д̇анд̇од̇и? ааманд̇аа. д̇зна хи жзд̇асиго д̇хаммо д̣̇аананд̇и.
Na vattabbaṃ – ‘‘cetasiko dhammo dāna’’nti? Āmantā. Nanu vuttaṃ bhagavatā – ‘‘pañcimāni, bhikkhave, dānāni mahādānāni aggaññāni rattaññāni vaṃsaññāni porāṇāni asaṅkiṇṇāni asaṅkiṇṇapubbāni, na saṅkiyanti na saṅkiyissanti, appaṭikuṭṭhāni samaṇehi brāhmaṇehi viññūhi! Katamāni pañca? Idha, bhikkhave, ariyasāvako pāṇātipātaṃ pahāya pāṇātipātā paṭivirato hoti. Pāṇātipātā paṭivirato, bhikkhave, ariyasāvako aparimāṇānaṃ sattānaṃ abhayaṃ deti averaṃ deti abyābajjhaṃ 7 deti. Aparimāṇānaṃ sattānaṃ abhayaṃ datvā averaṃ datvā abyābajjhaṃ datvā aparimāṇassa abhayassa averassa abyābajjhassa bhāgī hoti. Idaṃ, bhikkhave , paṭhamaṃ dānaṃ mahādānaṃ aggaññaṃ rattaññaṃ vaṃsaññaṃ porāṇaṃ asaṅkiṇṇaṃ asaṅkiṇṇapubbaṃ, na saṅkiyati na saṅkiyissati, appaṭikuṭṭhaṃ samaṇehi brāhmaṇehi viññūhi. Puna caparaṃ, bhikkhave, ariyasāvako adinnādānaṃ pahāya…pe… kāmesumicchācāraṃ pahāya…pe… musāvādaṃ pahāya…pe… surāmerayamajjapamādaṭṭhānaṃ pahāya surāmerayamajjapamādaṭṭhānā paṭivirato hoti. Surāmerayamajjapamādaṭṭhānā paṭivirato, bhikkhave, ariyasāvako aparimāṇānaṃ sattānaṃ abhayaṃ deti averaṃ deti abyābajjhaṃ deti. Aparimāṇānaṃ sattānaṃ abhayaṃ datvā averaṃ datvā abyābajjhaṃ datvā aparimāṇassa abhayassa averassa abyābajjhassa bhāgī hoti. Idaṃ, bhikkhave , pañcamaṃ dānaṃ mahādānaṃ aggaññaṃ rattaññaṃ vaṃsaññaṃ porāṇaṃ asaṅkiṇṇaṃ asaṅkiṇṇapubbaṃ, na saṅkiyati na saṅkiyissati, appaṭikuṭṭhaṃ samaṇehi brāhmaṇehi viññūhi. Imāni kho, bhikkhave, pañca dānāni mahādānāni aggaññāni rattaññāni vaṃsaññāni porāṇāni asaṅkiṇṇāni asaṅkiṇṇapubbāni, na saṅkiyanti na saṅkiyissanti, appaṭikuṭṭhāni samaṇehi brāhmaṇehi viññūhī’’ti 8. Attheva suttantoti? Āmantā. Tena hi cetasiko dhammo dānanti.
481. на вад̇д̇аб̣б̣ам̣ – ‘‘д̣̇зяяад̇хаммо д̣̇аана’’нд̇и? ааманд̇аа. нану вуд̇д̇ам̣ бхаг̇авад̇аа – ‘‘ид̇хзгажжо аннам̣ д̣̇зд̇и, баанам̣ д̣̇зд̇и, вад̇т̇ам̣ д̣̇зд̇и, яаанам̣ д̣̇зд̇и, маалам̣ д̣̇зд̇и, г̇анд̇хам̣ д̣̇зд̇и, вилзбанам̣ д̣̇зд̇и, сзяяам̣ д̣̇зд̇и, аавасат̇ам̣ д̣̇зд̇и, бад̣̇ийбзяяам̣ д̣̇зд̇ий’’д̇и 9! ад̇т̇зва суд̇д̇анд̇од̇и? ааманд̇аа. д̇зна хи д̣̇зяяад̇хаммо д̣̇аананд̇и.
481. Na vattabbaṃ – ‘‘deyyadhammo dāna’’nti? Āmantā. Nanu vuttaṃ bhagavatā – ‘‘idhekacco annaṃ deti, pānaṃ deti, vatthaṃ deti, yānaṃ deti, mālaṃ deti, gandhaṃ deti, vilepanaṃ deti, seyyaṃ deti, āvasathaṃ deti, padīpeyyaṃ detī’’ti 10! Attheva suttantoti? Āmantā. Tena hi deyyadhammo dānanti.
482. д̣̇зяяад̇хаммо д̣̇аананд̇и? ааманд̇аа. д̣̇зяяад̇хаммо идтапало ганд̇апало манун̃н̃апало асзжанагапало сукуд̣̇раяо сукавибаагод̇и? на хзвам̣ вад̇д̇аб̣б̣з…бз… д̣̇аанам̣ идтапалам̣ вуд̇д̇ам̣ бхаг̇авад̇аа, жийварам̣ д̣̇аананд̇и? ааманд̇аа. жийварам̣ идтапалам̣ ганд̇апалам̣ манун̃н̃апалам̣ асзжанагапалам̣ сукуд̣̇раяам̣ сукавибааганд̇и? на хзвам̣ вад̇д̇аб̣б̣з…бз… д̣̇аанам̣ идтапалам̣ вуд̇д̇ам̣ бхаг̇авад̇аа, бин̣д̣абаад̇о д̣̇аанам̣… сзнаасанам̣ д̣̇аанам̣… г̇илаанабажжаяабхзсаж̇ж̇абаригкааро д̣̇аананд̇и? ааманд̇аа. г̇илаанабажжаяабхзсаж̇ж̇абаригкааро идтапало ганд̇апало манун̃н̃апало асзжанагапало сукуд̣̇раяо сукавибаагод̇и? на хзвам̣ вад̇д̇аб̣б̣з…бз… д̇зна хи на вад̇д̇аб̣б̣ам̣ – ‘‘д̣̇зяяад̇хаммо д̣̇аана’’нд̇и.
482. Deyyadhammo dānanti? Āmantā. Deyyadhammo iṭṭhaphalo kantaphalo manuññaphalo asecanakaphalo sukhudrayo sukhavipākoti? Na hevaṃ vattabbe…pe… dānaṃ iṭṭhaphalaṃ vuttaṃ bhagavatā, cīvaraṃ dānanti? Āmantā. Cīvaraṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti? Na hevaṃ vattabbe…pe… dānaṃ iṭṭhaphalaṃ vuttaṃ bhagavatā, piṇḍapāto dānaṃ… senāsanaṃ dānaṃ… gilānapaccayabhesajjaparikkhāro dānanti? Āmantā. Gilānapaccayabhesajjaparikkhāro iṭṭhaphalo kantaphalo manuññaphalo asecanakaphalo sukhudrayo sukhavipākoti? Na hevaṃ vattabbe…pe… tena hi na vattabbaṃ – ‘‘deyyadhammo dāna’’nti.
д̣̇аанагат̇аа нидтид̇аа.
Dānakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 4. д̣̇аанагат̇ааван̣н̣анаа • 4. Dānakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. д̣̇аанагат̇ааван̣н̣анаа • 4. Dānakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. д̣̇аанагат̇ааван̣н̣анаа • 4. Dānakathāvaṇṇanā
