| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੭. ਸਤ੍ਤਮવਗ੍ਗੋ
7. Sattamavaggo
(੬੬) ੪. ਦਾਨਕਥਾ
(66) 4. Dānakathā
੪੭੮. ਚੇਤਸਿਕੋ ਧਮ੍ਮੋ ਦਾਨਨ੍ਤਿ? ਆਮਨ੍ਤਾ। ਲਬ੍ਭਾ ਚੇਤਸਿਕੋ ਧਮ੍ਮੋ ਪਰੇਸਂ ਦਾਤੁਨ੍ਤਿ? ਨ ਹੇવਂ વਤ੍ਤਬ੍ਬੇ …ਪੇ॰… ਲਬ੍ਭਾ ਚੇਤਸਿਕੋ ਧਮ੍ਮੋ ਪਰੇਸਂ ਦਾਤੁਨ੍ਤਿ? ਆਮਨ੍ਤਾ। ਲਬ੍ਭਾ ਫਸ੍ਸੋ ਪਰੇਸਂ ਦਾਤੁਨ੍ਤਿ? ਨ ਹੇવਂ વਤ੍ਤਬ੍ਬੇ …ਪੇ॰… ਲਬ੍ਭਾ વੇਦਨਾ…ਪੇ॰… ਸਞ੍ਞਾ… ਚੇਤਨਾ… ਸਦ੍ਧਾ… વੀਰਿਯਂ… ਸਤਿ… ਸਮਾਧਿ… ਪਞ੍ਞਾ ਪਰੇਸਂ ਦਾਤੁਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
478. Cetasiko dhammo dānanti? Āmantā. Labbhā cetasiko dhammo paresaṃ dātunti? Na hevaṃ vattabbe …pe… labbhā cetasiko dhammo paresaṃ dātunti? Āmantā. Labbhā phasso paresaṃ dātunti? Na hevaṃ vattabbe …pe… labbhā vedanā…pe… saññā… cetanā… saddhā… vīriyaṃ… sati… samādhi… paññā paresaṃ dātunti? Na hevaṃ vattabbe…pe….
੪੭੯. ਨ વਤ੍ਤਬ੍ਬਂ – ਚੇਤਸਿਕੋ ਧਮ੍ਮੋ ਦਾਨਨ੍ਤਿ? ਆਮਨ੍ਤਾ। ਦਾਨਂ ਅਨਿਟ੍ਠਫਲਂ ਅਕਨ੍ਤਫਲਂ ਅਮਨੁਞ੍ਞਫਲਂ ਸੇਚਨਕਫਲਂ ਦੁਕ੍ਖੁਦ੍ਰਯਂ ਦੁਕ੍ਖવਿਪਾਕਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਦਾਨਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖવਿਪਾਕਨ੍ਤਿ? ਆਮਨ੍ਤਾ। ਹਞ੍ਚਿ ਦਾਨਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖવਿਪਾਕਂ , ਤੇਨ વਤ ਰੇ વਤ੍ਤਬ੍ਬੇ – ‘‘ਚੇਤਸਿਕੋ ਧਮ੍ਮੋ ਦਾਨ’’ਨ੍ਤਿ।
479. Na vattabbaṃ – cetasiko dhammo dānanti? Āmantā. Dānaṃ aniṭṭhaphalaṃ akantaphalaṃ amanuññaphalaṃ secanakaphalaṃ dukkhudrayaṃ dukkhavipākanti? Na hevaṃ vattabbe…pe… nanu dānaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti? Āmantā. Hañci dānaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākaṃ , tena vata re vattabbe – ‘‘cetasiko dhammo dāna’’nti.
ਦਾਨਂ ਇਟ੍ਠਫਲਂ વੁਤ੍ਤਂ ਭਗવਤਾ, ਚੀવਰਂ ਦਾਨਨ੍ਤਿ 1? ਆਮਨ੍ਤਾ। ਚੀવਰਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖવਿਪਾਕਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦਾਨਂ ਇਟ੍ਠਫਲਂ વੁਤ੍ਤਂ ਭਗવਤਾ, ਪਿਣ੍ਡਪਾਤੋ ਸੇਨਾਸਨਂ ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰੋ ਦਾਨਨ੍ਤਿ? ਆਮਨ੍ਤਾ। ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰੋ ਇਟ੍ਠਫਲੋ ਕਨ੍ਤਫਲੋ ਮਨੁਞ੍ਞਫਲੋ ਅਸੇਚਨਕਫਲੋ ਸੁਖੁਦ੍ਰਯੋ ਸੁਖવਿਪਾਕੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Dānaṃ iṭṭhaphalaṃ vuttaṃ bhagavatā, cīvaraṃ dānanti 2? Āmantā. Cīvaraṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti? Na hevaṃ vattabbe…pe… dānaṃ iṭṭhaphalaṃ vuttaṃ bhagavatā, piṇḍapāto senāsanaṃ gilānapaccayabhesajjaparikkhāro dānanti? Āmantā. Gilānapaccayabhesajjaparikkhāro iṭṭhaphalo kantaphalo manuññaphalo asecanakaphalo sukhudrayo sukhavipākoti? Na hevaṃ vattabbe…pe….
੪੮੦. ਨ વਤ੍ਤਬ੍ਬਂ – ‘‘ਚੇਤਸਿਕੋ ਧਮ੍ਮੋ ਦਾਨ’’ਨ੍ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ –
480. Na vattabbaṃ – ‘‘cetasiko dhammo dāna’’nti? Āmantā. Nanu vuttaṃ bhagavatā –
‘‘ਸਦ੍ਧਾ ਹਿਰਿਯਂ ਕੁਸਲਞ੍ਚ ਦਾਨਂ,
‘‘Saddhā hiriyaṃ kusalañca dānaṃ,
ਧਮ੍ਮਾ ਏਤੇ ਸਪ੍ਪੁਰਿਸਾਨੁਯਾਤਾ।
Dhammā ete sappurisānuyātā;
ਏਤਞ੍ਹਿ ਮਗ੍ਗਂ ਦਿવਿਯਂ વਦਨ੍ਤਿ,
Etañhi maggaṃ diviyaṃ vadanti,
ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਚੇਤਸਿਕੋ ਧਮ੍ਮੋ ਦਾਨਨ੍ਤਿ।
Attheva suttantoti? Āmantā. Tena hi cetasiko dhammo dānanti.
ਨ વਤ੍ਤਬ੍ਬਂ – ‘‘ਚੇਤਸਿਕੋ ਧਮ੍ਮੋ ਦਾਨ’’ਨ੍ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਪਞ੍ਚਿਮਾਨਿ, ਭਿਕ੍ਖવੇ, ਦਾਨਾਨਿ ਮਹਾਦਾਨਾਨਿ ਅਗ੍ਗਞ੍ਞਾਨਿ ਰਤ੍ਤਞ੍ਞਾਨਿ વਂਸਞ੍ਞਾਨਿ ਪੋਰਾਣਾਨਿ ਅਸਙ੍ਕਿਣ੍ਣਾਨਿ ਅਸਙ੍ਕਿਣ੍ਣਪੁਬ੍ਬਾਨਿ, ਨ ਸਙ੍ਕਿਯਨ੍ਤਿ ਨ ਸਙ੍ਕਿਯਿਸ੍ਸਨ੍ਤਿ, ਅਪ੍ਪਟਿਕੁਟ੍ਠਾਨਿ ਸਮਣੇਹਿ ਬ੍ਰਾਹ੍ਮਣੇਹਿ વਿਞ੍ਞੂਹਿ! ਕਤਮਾਨਿ ਪਞ੍ਚ? ਇਧ, ਭਿਕ੍ਖવੇ, ਅਰਿਯਸਾવਕੋ ਪਾਣਾਤਿਪਾਤਂ ਪਹਾਯ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ। ਪਾਣਾਤਿਪਾਤਾ ਪਟਿવਿਰਤੋ, ਭਿਕ੍ਖવੇ, ਅਰਿਯਸਾવਕੋ ਅਪਰਿਮਾਣਾਨਂ ਸਤ੍ਤਾਨਂ ਅਭਯਂ ਦੇਤਿ ਅવੇਰਂ ਦੇਤਿ ਅਬ੍ਯਾਬਜ੍ਝਂ 5 ਦੇਤਿ। ਅਪਰਿਮਾਣਾਨਂ ਸਤ੍ਤਾਨਂ ਅਭਯਂ ਦਤ੍વਾ ਅવੇਰਂ ਦਤ੍વਾ ਅਬ੍ਯਾਬਜ੍ਝਂ ਦਤ੍વਾ ਅਪਰਿਮਾਣਸ੍ਸ ਅਭਯਸ੍ਸ ਅવੇਰਸ੍ਸ ਅਬ੍ਯਾਬਜ੍ਝਸ੍ਸ ਭਾਗੀ ਹੋਤਿ। ਇਦਂ, ਭਿਕ੍ਖવੇ , ਪਠਮਂ ਦਾਨਂ ਮਹਾਦਾਨਂ ਅਗ੍ਗਞ੍ਞਂ ਰਤ੍ਤਞ੍ਞਂ વਂਸਞ੍ਞਂ ਪੋਰਾਣਂ ਅਸਙ੍ਕਿਣ੍ਣਂ ਅਸਙ੍ਕਿਣ੍ਣਪੁਬ੍ਬਂ, ਨ ਸਙ੍ਕਿਯਤਿ ਨ ਸਙ੍ਕਿਯਿਸ੍ਸਤਿ, ਅਪ੍ਪਟਿਕੁਟ੍ਠਂ ਸਮਣੇਹਿ ਬ੍ਰਾਹ੍ਮਣੇਹਿ વਿਞ੍ਞੂਹਿ। ਪੁਨ ਚਪਰਂ, ਭਿਕ੍ਖવੇ, ਅਰਿਯਸਾવਕੋ ਅਦਿਨ੍ਨਾਦਾਨਂ ਪਹਾਯ…ਪੇ॰… ਕਾਮੇਸੁਮਿਚ੍ਛਾਚਾਰਂ ਪਹਾਯ…ਪੇ॰… ਮੁਸਾવਾਦਂ ਪਹਾਯ…ਪੇ॰… ਸੁਰਾਮੇਰਯਮਜ੍ਜਪਮਾਦਟ੍ਠਾਨਂ ਪਹਾਯ ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਪਟਿવਿਰਤੋ ਹੋਤਿ। ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਪਟਿવਿਰਤੋ, ਭਿਕ੍ਖવੇ, ਅਰਿਯਸਾવਕੋ ਅਪਰਿਮਾਣਾਨਂ ਸਤ੍ਤਾਨਂ ਅਭਯਂ ਦੇਤਿ ਅવੇਰਂ ਦੇਤਿ ਅਬ੍ਯਾਬਜ੍ਝਂ ਦੇਤਿ। ਅਪਰਿਮਾਣਾਨਂ ਸਤ੍ਤਾਨਂ ਅਭਯਂ ਦਤ੍વਾ ਅવੇਰਂ ਦਤ੍વਾ ਅਬ੍ਯਾਬਜ੍ਝਂ ਦਤ੍વਾ ਅਪਰਿਮਾਣਸ੍ਸ ਅਭਯਸ੍ਸ ਅવੇਰਸ੍ਸ ਅਬ੍ਯਾਬਜ੍ਝਸ੍ਸ ਭਾਗੀ ਹੋਤਿ। ਇਦਂ, ਭਿਕ੍ਖવੇ , ਪਞ੍ਚਮਂ ਦਾਨਂ ਮਹਾਦਾਨਂ ਅਗ੍ਗਞ੍ਞਂ ਰਤ੍ਤਞ੍ਞਂ વਂਸਞ੍ਞਂ ਪੋਰਾਣਂ ਅਸਙ੍ਕਿਣ੍ਣਂ ਅਸਙ੍ਕਿਣ੍ਣਪੁਬ੍ਬਂ, ਨ ਸਙ੍ਕਿਯਤਿ ਨ ਸਙ੍ਕਿਯਿਸ੍ਸਤਿ, ਅਪ੍ਪਟਿਕੁਟ੍ਠਂ ਸਮਣੇਹਿ ਬ੍ਰਾਹ੍ਮਣੇਹਿ વਿਞ੍ਞੂਹਿ। ਇਮਾਨਿ ਖੋ, ਭਿਕ੍ਖવੇ, ਪਞ੍ਚ ਦਾਨਾਨਿ ਮਹਾਦਾਨਾਨਿ ਅਗ੍ਗਞ੍ਞਾਨਿ ਰਤ੍ਤਞ੍ਞਾਨਿ વਂਸਞ੍ਞਾਨਿ ਪੋਰਾਣਾਨਿ ਅਸਙ੍ਕਿਣ੍ਣਾਨਿ ਅਸਙ੍ਕਿਣ੍ਣਪੁਬ੍ਬਾਨਿ, ਨ ਸਙ੍ਕਿਯਨ੍ਤਿ ਨ ਸਙ੍ਕਿਯਿਸ੍ਸਨ੍ਤਿ, ਅਪ੍ਪਟਿਕੁਟ੍ਠਾਨਿ ਸਮਣੇਹਿ ਬ੍ਰਾਹ੍ਮਣੇਹਿ વਿਞ੍ਞੂਹੀ’’ਤਿ 6। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਚੇਤਸਿਕੋ ਧਮ੍ਮੋ ਦਾਨਨ੍ਤਿ।
Na vattabbaṃ – ‘‘cetasiko dhammo dāna’’nti? Āmantā. Nanu vuttaṃ bhagavatā – ‘‘pañcimāni, bhikkhave, dānāni mahādānāni aggaññāni rattaññāni vaṃsaññāni porāṇāni asaṅkiṇṇāni asaṅkiṇṇapubbāni, na saṅkiyanti na saṅkiyissanti, appaṭikuṭṭhāni samaṇehi brāhmaṇehi viññūhi! Katamāni pañca? Idha, bhikkhave, ariyasāvako pāṇātipātaṃ pahāya pāṇātipātā paṭivirato hoti. Pāṇātipātā paṭivirato, bhikkhave, ariyasāvako aparimāṇānaṃ sattānaṃ abhayaṃ deti averaṃ deti abyābajjhaṃ 7 deti. Aparimāṇānaṃ sattānaṃ abhayaṃ datvā averaṃ datvā abyābajjhaṃ datvā aparimāṇassa abhayassa averassa abyābajjhassa bhāgī hoti. Idaṃ, bhikkhave , paṭhamaṃ dānaṃ mahādānaṃ aggaññaṃ rattaññaṃ vaṃsaññaṃ porāṇaṃ asaṅkiṇṇaṃ asaṅkiṇṇapubbaṃ, na saṅkiyati na saṅkiyissati, appaṭikuṭṭhaṃ samaṇehi brāhmaṇehi viññūhi. Puna caparaṃ, bhikkhave, ariyasāvako adinnādānaṃ pahāya…pe… kāmesumicchācāraṃ pahāya…pe… musāvādaṃ pahāya…pe… surāmerayamajjapamādaṭṭhānaṃ pahāya surāmerayamajjapamādaṭṭhānā paṭivirato hoti. Surāmerayamajjapamādaṭṭhānā paṭivirato, bhikkhave, ariyasāvako aparimāṇānaṃ sattānaṃ abhayaṃ deti averaṃ deti abyābajjhaṃ deti. Aparimāṇānaṃ sattānaṃ abhayaṃ datvā averaṃ datvā abyābajjhaṃ datvā aparimāṇassa abhayassa averassa abyābajjhassa bhāgī hoti. Idaṃ, bhikkhave , pañcamaṃ dānaṃ mahādānaṃ aggaññaṃ rattaññaṃ vaṃsaññaṃ porāṇaṃ asaṅkiṇṇaṃ asaṅkiṇṇapubbaṃ, na saṅkiyati na saṅkiyissati, appaṭikuṭṭhaṃ samaṇehi brāhmaṇehi viññūhi. Imāni kho, bhikkhave, pañca dānāni mahādānāni aggaññāni rattaññāni vaṃsaññāni porāṇāni asaṅkiṇṇāni asaṅkiṇṇapubbāni, na saṅkiyanti na saṅkiyissanti, appaṭikuṭṭhāni samaṇehi brāhmaṇehi viññūhī’’ti 8. Attheva suttantoti? Āmantā. Tena hi cetasiko dhammo dānanti.
੪੮੧. ਨ વਤ੍ਤਬ੍ਬਂ – ‘‘ਦੇਯ੍ਯਧਮ੍ਮੋ ਦਾਨ’’ਨ੍ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਇਧੇਕਚ੍ਚੋ ਅਨ੍ਨਂ ਦੇਤਿ, ਪਾਨਂ ਦੇਤਿ, વਤ੍ਥਂ ਦੇਤਿ, ਯਾਨਂ ਦੇਤਿ, ਮਾਲਂ ਦੇਤਿ, ਗਨ੍ਧਂ ਦੇਤਿ, વਿਲੇਪਨਂ ਦੇਤਿ, ਸੇਯ੍ਯਂ ਦੇਤਿ, ਆવਸਥਂ ਦੇਤਿ, ਪਦੀਪੇਯ੍ਯਂ ਦੇਤੀ’’ਤਿ 9! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਦੇਯ੍ਯਧਮ੍ਮੋ ਦਾਨਨ੍ਤਿ।
481. Na vattabbaṃ – ‘‘deyyadhammo dāna’’nti? Āmantā. Nanu vuttaṃ bhagavatā – ‘‘idhekacco annaṃ deti, pānaṃ deti, vatthaṃ deti, yānaṃ deti, mālaṃ deti, gandhaṃ deti, vilepanaṃ deti, seyyaṃ deti, āvasathaṃ deti, padīpeyyaṃ detī’’ti 10! Attheva suttantoti? Āmantā. Tena hi deyyadhammo dānanti.
੪੮੨. ਦੇਯ੍ਯਧਮ੍ਮੋ ਦਾਨਨ੍ਤਿ? ਆਮਨ੍ਤਾ। ਦੇਯ੍ਯਧਮ੍ਮੋ ਇਟ੍ਠਫਲੋ ਕਨ੍ਤਫਲੋ ਮਨੁਞ੍ਞਫਲੋ ਅਸੇਚਨਕਫਲੋ ਸੁਖੁਦ੍ਰਯੋ ਸੁਖવਿਪਾਕੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦਾਨਂ ਇਟ੍ਠਫਲਂ વੁਤ੍ਤਂ ਭਗવਤਾ, ਚੀવਰਂ ਦਾਨਨ੍ਤਿ? ਆਮਨ੍ਤਾ। ਚੀવਰਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖવਿਪਾਕਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦਾਨਂ ਇਟ੍ਠਫਲਂ વੁਤ੍ਤਂ ਭਗવਤਾ, ਪਿਣ੍ਡਪਾਤੋ ਦਾਨਂ… ਸੇਨਾਸਨਂ ਦਾਨਂ… ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰੋ ਦਾਨਨ੍ਤਿ? ਆਮਨ੍ਤਾ। ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰੋ ਇਟ੍ਠਫਲੋ ਕਨ੍ਤਫਲੋ ਮਨੁਞ੍ਞਫਲੋ ਅਸੇਚਨਕਫਲੋ ਸੁਖੁਦ੍ਰਯੋ ਸੁਖવਿਪਾਕੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਤੇਨ ਹਿ ਨ વਤ੍ਤਬ੍ਬਂ – ‘‘ਦੇਯ੍ਯਧਮ੍ਮੋ ਦਾਨ’’ਨ੍ਤਿ।
482. Deyyadhammo dānanti? Āmantā. Deyyadhammo iṭṭhaphalo kantaphalo manuññaphalo asecanakaphalo sukhudrayo sukhavipākoti? Na hevaṃ vattabbe…pe… dānaṃ iṭṭhaphalaṃ vuttaṃ bhagavatā, cīvaraṃ dānanti? Āmantā. Cīvaraṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti? Na hevaṃ vattabbe…pe… dānaṃ iṭṭhaphalaṃ vuttaṃ bhagavatā, piṇḍapāto dānaṃ… senāsanaṃ dānaṃ… gilānapaccayabhesajjaparikkhāro dānanti? Āmantā. Gilānapaccayabhesajjaparikkhāro iṭṭhaphalo kantaphalo manuññaphalo asecanakaphalo sukhudrayo sukhavipākoti? Na hevaṃ vattabbe…pe… tena hi na vattabbaṃ – ‘‘deyyadhammo dāna’’nti.
ਦਾਨਕਥਾ ਨਿਟ੍ਠਿਤਾ।
Dānakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੪. ਦਾਨਕਥਾવਣ੍ਣਨਾ • 4. Dānakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. ਦਾਨਕਥਾવਣ੍ਣਨਾ • 4. Dānakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੪. ਦਾਨਕਥਾવਣ੍ਣਨਾ • 4. Dānakathāvaṇṇanā
