| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
4. தா³னகதா²வண்ணனா
4. Dānakathāvaṇṇanā
479. ப²லதா³னபா⁴வதீ³பனத்த²ந்தி ப²லதா³னஸப்³பா⁴வதீ³பனத்த²ங். ப²லதா³னங் வுத்தங் விய ஹோதீதி சித்தேன ப²லதா³னங் பதா⁴னபா⁴வே வுத்தங் விய ஹோதீதி அத்தோ². அஞ்ஞதா² தா³னபா⁴வோதி ந ஸக்கா வத்துங். தா³னபா⁴வோபி ஹி ‘‘தா³னங் அனிட்ட²ப²ல’’ந்திஆதி³னா வுத்தோயேவாதி. தன்னிவாரணத்த²ந்தி ப²லதா³னநிவாரணத்த²ங். ஏதந்தி ‘‘தா³னங் அனிட்ட²ப²ல’’ந்திஆதி³வசனங். பே⁴ஸஜ்ஜாதி³வஸேன ஆபா³தா⁴னிட்ட²தா தெ³ய்யத⁴ம்மஸ்ஸ அனிட்ட²ப²லதாபரியாயோ த³ட்ட²ப்³போ³.
479. Phaladānabhāvadīpanatthanti phaladānasabbhāvadīpanatthaṃ. Phaladānaṃ vuttaṃ viya hotīti cittena phaladānaṃ padhānabhāve vuttaṃ viya hotīti attho. Aññathā dānabhāvoti na sakkā vattuṃ. Dānabhāvopi hi ‘‘dānaṃ aniṭṭhaphala’’ntiādinā vuttoyevāti. Tannivāraṇatthanti phaladānanivāraṇatthaṃ. Etanti ‘‘dānaṃ aniṭṭhaphala’’ntiādivacanaṃ. Bhesajjādivasena ābādhāniṭṭhatā deyyadhammassa aniṭṭhaphalatāpariyāyo daṭṭhabbo.
கத²ங் ததே²வ ஸுத்தங் ஸகவாதி³பரவாதி³வாதே³ஸு யுஜ்ஜதீதி சோத³னாய ‘‘ந பன ஏகேனத்தே²னா’’தி வுத்தங் விபா⁴வேதுங் ‘‘தெ³ய்யத⁴ம்மோவ தா³ன’’ந்திஆதி³ வுத்தங். தத்த² நிவத்தனபக்கே²யேவ ஏவ-காரோ யுத்தோ, ந ஸாத⁴னபக்கே² த்³வின்னம்பி தா³னபா⁴வஸ்ஸ இச்சி²தத்தா. தேனாஹ ‘‘சேதஸிகோவாதி அத்தோ² த³ட்ட²ப்³போ³, தெ³ய்யத⁴ம்மோவா’’தி ச. தேனேவாஹ ‘‘த்³வின்னஞ்ஹி தா³னானந்திஆதி³. ஸங்கரபா⁴வமோசனத்த²ந்தி ஸதிபி தா³னபா⁴வே ஸபா⁴வஸங்கரமோசனத்த²ங். தேனாஹ ‘‘சேதஸிகஸ்ஸா’’திஆதி³.
Kathaṃ tatheva suttaṃ sakavādiparavādivādesu yujjatīti codanāya ‘‘na pana ekenatthenā’’ti vuttaṃ vibhāvetuṃ ‘‘deyyadhammova dāna’’ntiādi vuttaṃ. Tattha nivattanapakkheyeva eva-kāro yutto, na sādhanapakkhe dvinnampi dānabhāvassa icchitattā. Tenāha ‘‘cetasikovāti attho daṭṭhabbo, deyyadhammovā’’ti ca. Tenevāha ‘‘dvinnañhi dānānantiādi. Saṅkarabhāvamocanatthanti satipi dānabhāve sabhāvasaṅkaramocanatthaṃ. Tenāha ‘‘cetasikassā’’tiādi.
தா³னகதா²வண்ணனா நிட்டி²தா.
Dānakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (66) 4. தா³னகதா² • (66) 4. Dānakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 4. தா³னகதா²வண்ணனா • 4. Dānakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 4. தா³னகதா²வண்ணனா • 4. Dānakathāvaṇṇanā
