| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
৪. দানকথাৰণ্ণনা
4. Dānakathāvaṇṇanā
৪৭৯. ফলদানভাৰদীপনত্থন্তি ফলদানসব্ভাৰদীপনত্থং। ফলদানং ৰুত্তং ৰিয হোতীতি চিত্তেন ফলদানং পধানভাৰে ৰুত্তং ৰিয হোতীতি অত্থো। অঞ্ঞথা দানভাৰোতি ন সক্কা ৰত্তুং। দানভাৰোপি হি ‘‘দানং অনিট্ঠফল’’ন্তিআদিনা ৰুত্তোযেৰাতি। তন্নিৰারণত্থন্তি ফলদাননিৰারণত্থং। এতন্তি ‘‘দানং অনিট্ঠফল’’ন্তিআদিৰচনং। ভেসজ্জাদিৰসেন আবাধানিট্ঠতা দেয্যধম্মস্স অনিট্ঠফলতাপরিযাযো দট্ঠব্বো।
479. Phaladānabhāvadīpanatthanti phaladānasabbhāvadīpanatthaṃ. Phaladānaṃ vuttaṃ viya hotīti cittena phaladānaṃ padhānabhāve vuttaṃ viya hotīti attho. Aññathā dānabhāvoti na sakkā vattuṃ. Dānabhāvopi hi ‘‘dānaṃ aniṭṭhaphala’’ntiādinā vuttoyevāti. Tannivāraṇatthanti phaladānanivāraṇatthaṃ. Etanti ‘‘dānaṃ aniṭṭhaphala’’ntiādivacanaṃ. Bhesajjādivasena ābādhāniṭṭhatā deyyadhammassa aniṭṭhaphalatāpariyāyo daṭṭhabbo.
কথং তথেৰ সুত্তং সকৰাদিপরৰাদিৰাদেসু যুজ্জতীতি চোদনায ‘‘ন পন একেনত্থেনা’’তি ৰুত্তং ৰিভাৰেতুং ‘‘দেয্যধম্মোৰ দান’’ন্তিআদি ৰুত্তং। তত্থ নিৰত্তনপক্খেযেৰ এৰ-কারো যুত্তো, ন সাধনপক্খে দ্ৰিন্নম্পি দানভাৰস্স ইচ্ছিতত্তা। তেনাহ ‘‘চেতসিকোৰাতি অত্থো দট্ঠব্বো, দেয্যধম্মোৰা’’তি চ। তেনেৰাহ ‘‘দ্ৰিন্নঞ্হি দানানন্তিআদি। সঙ্করভাৰমোচনত্থন্তি সতিপি দানভাৰে সভাৰসঙ্করমোচনত্থং। তেনাহ ‘‘চেতসিকস্সা’’তিআদি।
Kathaṃ tatheva suttaṃ sakavādiparavādivādesu yujjatīti codanāya ‘‘na pana ekenatthenā’’ti vuttaṃ vibhāvetuṃ ‘‘deyyadhammova dāna’’ntiādi vuttaṃ. Tattha nivattanapakkheyeva eva-kāro yutto, na sādhanapakkhe dvinnampi dānabhāvassa icchitattā. Tenāha ‘‘cetasikovāti attho daṭṭhabbo, deyyadhammovā’’ti ca. Tenevāha ‘‘dvinnañhi dānānantiādi. Saṅkarabhāvamocanatthanti satipi dānabhāve sabhāvasaṅkaramocanatthaṃ. Tenāha ‘‘cetasikassā’’tiādi.
দানকথাৰণ্ণনা নিট্ঠিতা।
Dānakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৬৬) ৪. দানকথা • (66) 4. Dānakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৪. দানকথাৰণ্ণনা • 4. Dānakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৪. দানকথাৰণ্ণনা • 4. Dānakathāvaṇṇanā
