| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
4. д̣̇аанагат̇ааван̣н̣анаа
4. Dānakathāvaṇṇanā
479. палад̣̇аанабхаавад̣̇ийбанад̇т̇анд̇и палад̣̇аанасаб̣бхаавад̣̇ийбанад̇т̇ам̣. палад̣̇аанам̣ вуд̇д̇ам̣ вияа ход̇ийд̇и жид̇д̇зна палад̣̇аанам̣ бад̇хаанабхаавз вуд̇д̇ам̣ вияа ход̇ийд̇и ад̇т̇о. ан̃н̃ат̇аа д̣̇аанабхаавод̇и на саггаа вад̇д̇ум̣. д̣̇аанабхаавоби хи ‘‘д̣̇аанам̣ анидтапала’’нд̇иаад̣̇инаа вуд̇д̇оязваад̇и. д̇аннивааран̣ад̇т̇анд̇и палад̣̇аананивааран̣ад̇т̇ам̣. зд̇анд̇и ‘‘д̣̇аанам̣ анидтапала’’нд̇иаад̣̇иважанам̣. бхзсаж̇ж̇аад̣̇ивасзна ааб̣аад̇хаанидтад̇аа д̣̇зяяад̇хаммасса анидтапалад̇аабарияааяо д̣̇адтаб̣б̣о.
479. Phaladānabhāvadīpanatthanti phaladānasabbhāvadīpanatthaṃ. Phaladānaṃ vuttaṃ viya hotīti cittena phaladānaṃ padhānabhāve vuttaṃ viya hotīti attho. Aññathā dānabhāvoti na sakkā vattuṃ. Dānabhāvopi hi ‘‘dānaṃ aniṭṭhaphala’’ntiādinā vuttoyevāti. Tannivāraṇatthanti phaladānanivāraṇatthaṃ. Etanti ‘‘dānaṃ aniṭṭhaphala’’ntiādivacanaṃ. Bhesajjādivasena ābādhāniṭṭhatā deyyadhammassa aniṭṭhaphalatāpariyāyo daṭṭhabbo.
гат̇ам̣ д̇ат̇зва суд̇д̇ам̣ сагаваад̣̇ибараваад̣̇иваад̣̇зсу яуж̇ж̇ад̇ийд̇и жод̣̇анааяа ‘‘на бана згзнад̇т̇знаа’’д̇и вуд̇д̇ам̣ вибхаавзд̇ум̣ ‘‘д̣̇зяяад̇хаммова д̣̇аана’’нд̇иаад̣̇и вуд̇д̇ам̣. д̇ад̇т̇а нивад̇д̇анабагкзязва зва-гааро яуд̇д̇о, на саад̇ханабагкз д̣̇виннамби д̣̇аанабхаавасса ижчид̇ад̇д̇аа. д̇знааха ‘‘жзд̇асиговаад̇и ад̇т̇о д̣̇адтаб̣б̣о, д̣̇зяяад̇хаммоваа’’д̇и жа. д̇знзвааха ‘‘д̣̇виннан̃хи д̣̇аанаананд̇иаад̣̇и. сан̇гарабхааваможанад̇т̇анд̇и сад̇иби д̣̇аанабхаавз сабхаавасан̇гараможанад̇т̇ам̣. д̇знааха ‘‘жзд̇асигассаа’’д̇иаад̣̇и.
Kathaṃ tatheva suttaṃ sakavādiparavādivādesu yujjatīti codanāya ‘‘na pana ekenatthenā’’ti vuttaṃ vibhāvetuṃ ‘‘deyyadhammova dāna’’ntiādi vuttaṃ. Tattha nivattanapakkheyeva eva-kāro yutto, na sādhanapakkhe dvinnampi dānabhāvassa icchitattā. Tenāha ‘‘cetasikovāti attho daṭṭhabbo, deyyadhammovā’’ti ca. Tenevāha ‘‘dvinnañhi dānānantiādi. Saṅkarabhāvamocanatthanti satipi dānabhāve sabhāvasaṅkaramocanatthaṃ. Tenāha ‘‘cetasikassā’’tiādi.
д̣̇аанагат̇ааван̣н̣анаа нидтид̇аа.
Dānakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (66) 4. д̣̇аанагат̇аа • (66) 4. Dānakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 4. д̣̇аанагат̇ааван̣н̣анаа • 4. Dānakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. д̣̇аанагат̇ааван̣н̣анаа • 4. Dānakathāvaṇṇanā
