| Library / Tipiṭaka / ติปิฎก • Tipiṭaka / ปญฺจปกรณ-อนุฎีกา • Pañcapakaraṇa-anuṭīkā |
๔. ทานกถาวณฺณนา
4. Dānakathāvaṇṇanā
๔๗๙. ผลทานภาวทีปนตฺถนฺติ ผลทานสพฺภาวทีปนตฺถํฯ ผลทานํ วุตฺตํ วิย โหตีติ จิเตฺตน ผลทานํ ปธานภาเว วุตฺตํ วิย โหตีติ อโตฺถฯ อญฺญถา ทานภาโวติ น สกฺกา วตฺตุํฯ ทานภาโวปิ หิ ‘‘ทานํ อนิฎฺฐผล’’นฺติอาทินา วุโตฺตเยวาติฯ ตนฺนิวารณตฺถนฺติ ผลทานนิวารณตฺถํฯ เอตนฺติ ‘‘ทานํ อนิฎฺฐผล’’นฺติอาทิวจนํฯ เภสชฺชาทิวเสน อาพาธานิฎฺฐตา เทยฺยธมฺมสฺส อนิฎฺฐผลตาปริยาโย ทฎฺฐโพฺพฯ
479. Phaladānabhāvadīpanatthanti phaladānasabbhāvadīpanatthaṃ. Phaladānaṃ vuttaṃ viya hotīti cittena phaladānaṃ padhānabhāve vuttaṃ viya hotīti attho. Aññathā dānabhāvoti na sakkā vattuṃ. Dānabhāvopi hi ‘‘dānaṃ aniṭṭhaphala’’ntiādinā vuttoyevāti. Tannivāraṇatthanti phaladānanivāraṇatthaṃ. Etanti ‘‘dānaṃ aniṭṭhaphala’’ntiādivacanaṃ. Bhesajjādivasena ābādhāniṭṭhatā deyyadhammassa aniṭṭhaphalatāpariyāyo daṭṭhabbo.
กถํ ตเถว สุตฺตํ สกวาทิปรวาทิวาเทสุ ยุชฺชตีติ โจทนาย ‘‘น ปน เอเกนเตฺถนา’’ติ วุตฺตํ วิภาเวตุํ ‘‘เทยฺยธโมฺมว ทาน’’นฺติอาทิ วุตฺตํฯ ตตฺถ นิวตฺตนปเกฺขเยว เอว-กาโร ยุโตฺต, น สาธนปเกฺข ทฺวินฺนมฺปิ ทานภาวสฺส อิจฺฉิตตฺตาฯ เตนาห ‘‘เจตสิโกวาติ อโตฺถ ทฎฺฐโพฺพ, เทยฺยธโมฺมวา’’ติ จฯ เตเนวาห ‘‘ทฺวินฺนญฺหิ ทานานนฺติอาทิฯ สงฺกรภาวโมจนตฺถนฺติ สติปิ ทานภาเว สภาวสงฺกรโมจนตฺถํฯ เตนาห ‘‘เจตสิกสฺสา’’ติอาทิฯ
Kathaṃ tatheva suttaṃ sakavādiparavādivādesu yujjatīti codanāya ‘‘na pana ekenatthenā’’ti vuttaṃ vibhāvetuṃ ‘‘deyyadhammova dāna’’ntiādi vuttaṃ. Tattha nivattanapakkheyeva eva-kāro yutto, na sādhanapakkhe dvinnampi dānabhāvassa icchitattā. Tenāha ‘‘cetasikovāti attho daṭṭhabbo, deyyadhammovā’’ti ca. Tenevāha ‘‘dvinnañhi dānānantiādi. Saṅkarabhāvamocanatthanti satipi dānabhāve sabhāvasaṅkaramocanatthaṃ. Tenāha ‘‘cetasikassā’’tiādi.
ทานกถาวณฺณนา นิฎฺฐิตาฯ
Dānakathāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๖๖) ๔. ทานกถา • (66) 4. Dānakathā
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๔. ทานกถาวณฺณนา • 4. Dānakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๔. ทานกถาวณฺณนา • 4. Dānakathāvaṇṇanā
