| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā |
೪. ದಾನಕಥಾವಣ್ಣನಾ
4. Dānakathāvaṇṇanā
೪೭೯. ಫಲದಾನಭಾವದೀಪನತ್ಥನ್ತಿ ಫಲದಾನಸಬ್ಭಾವದೀಪನತ್ಥಂ। ಫಲದಾನಂ ವುತ್ತಂ ವಿಯ ಹೋತೀತಿ ಚಿತ್ತೇನ ಫಲದಾನಂ ಪಧಾನಭಾವೇ ವುತ್ತಂ ವಿಯ ಹೋತೀತಿ ಅತ್ಥೋ। ಅಞ್ಞಥಾ ದಾನಭಾವೋತಿ ನ ಸಕ್ಕಾ ವತ್ತುಂ। ದಾನಭಾವೋಪಿ ಹಿ ‘‘ದಾನಂ ಅನಿಟ್ಠಫಲ’’ನ್ತಿಆದಿನಾ ವುತ್ತೋಯೇವಾತಿ। ತನ್ನಿವಾರಣತ್ಥನ್ತಿ ಫಲದಾನನಿವಾರಣತ್ಥಂ। ಏತನ್ತಿ ‘‘ದಾನಂ ಅನಿಟ್ಠಫಲ’’ನ್ತಿಆದಿವಚನಂ। ಭೇಸಜ್ಜಾದಿವಸೇನ ಆಬಾಧಾನಿಟ್ಠತಾ ದೇಯ್ಯಧಮ್ಮಸ್ಸ ಅನಿಟ್ಠಫಲತಾಪರಿಯಾಯೋ ದಟ್ಠಬ್ಬೋ।
479. Phaladānabhāvadīpanatthanti phaladānasabbhāvadīpanatthaṃ. Phaladānaṃ vuttaṃ viya hotīti cittena phaladānaṃ padhānabhāve vuttaṃ viya hotīti attho. Aññathā dānabhāvoti na sakkā vattuṃ. Dānabhāvopi hi ‘‘dānaṃ aniṭṭhaphala’’ntiādinā vuttoyevāti. Tannivāraṇatthanti phaladānanivāraṇatthaṃ. Etanti ‘‘dānaṃ aniṭṭhaphala’’ntiādivacanaṃ. Bhesajjādivasena ābādhāniṭṭhatā deyyadhammassa aniṭṭhaphalatāpariyāyo daṭṭhabbo.
ಕಥಂ ತಥೇವ ಸುತ್ತಂ ಸಕವಾದಿಪರವಾದಿವಾದೇಸು ಯುಜ್ಜತೀತಿ ಚೋದನಾಯ ‘‘ನ ಪನ ಏಕೇನತ್ಥೇನಾ’’ತಿ ವುತ್ತಂ ವಿಭಾವೇತುಂ ‘‘ದೇಯ್ಯಧಮ್ಮೋವ ದಾನ’’ನ್ತಿಆದಿ ವುತ್ತಂ। ತತ್ಥ ನಿವತ್ತನಪಕ್ಖೇಯೇವ ಏವ-ಕಾರೋ ಯುತ್ತೋ, ನ ಸಾಧನಪಕ್ಖೇ ದ್ವಿನ್ನಮ್ಪಿ ದಾನಭಾವಸ್ಸ ಇಚ್ಛಿತತ್ತಾ। ತೇನಾಹ ‘‘ಚೇತಸಿಕೋವಾತಿ ಅತ್ಥೋ ದಟ್ಠಬ್ಬೋ, ದೇಯ್ಯಧಮ್ಮೋವಾ’’ತಿ ಚ। ತೇನೇವಾಹ ‘‘ದ್ವಿನ್ನಞ್ಹಿ ದಾನಾನನ್ತಿಆದಿ। ಸಙ್ಕರಭಾವಮೋಚನತ್ಥನ್ತಿ ಸತಿಪಿ ದಾನಭಾವೇ ಸಭಾವಸಙ್ಕರಮೋಚನತ್ಥಂ। ತೇನಾಹ ‘‘ಚೇತಸಿಕಸ್ಸಾ’’ತಿಆದಿ।
Kathaṃ tatheva suttaṃ sakavādiparavādivādesu yujjatīti codanāya ‘‘na pana ekenatthenā’’ti vuttaṃ vibhāvetuṃ ‘‘deyyadhammova dāna’’ntiādi vuttaṃ. Tattha nivattanapakkheyeva eva-kāro yutto, na sādhanapakkhe dvinnampi dānabhāvassa icchitattā. Tenāha ‘‘cetasikovāti attho daṭṭhabbo, deyyadhammovā’’ti ca. Tenevāha ‘‘dvinnañhi dānānantiādi. Saṅkarabhāvamocanatthanti satipi dānabhāve sabhāvasaṅkaramocanatthaṃ. Tenāha ‘‘cetasikassā’’tiādi.
ದಾನಕಥಾವಣ್ಣನಾ ನಿಟ್ಠಿತಾ।
Dānakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೬೬) ೪. ದಾನಕಥಾ • (66) 4. Dānakathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೪. ದಾನಕಥಾವಣ್ಣನಾ • 4. Dānakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೪. ದಾನಕಥಾವಣ್ಣನಾ • 4. Dānakathāvaṇṇanā
