| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੪. ਦਾਨਕਥਾવਣ੍ਣਨਾ
4. Dānakathāvaṇṇanā
੪੭੯. ਫਲਦਾਨਭਾવਦੀਪਨਤ੍ਥਨ੍ਤਿ ਫਲਦਾਨਸਬ੍ਭਾવਦੀਪਨਤ੍ਥਂ। ਫਲਦਾਨਂ વੁਤ੍ਤਂ વਿਯ ਹੋਤੀਤਿ ਚਿਤ੍ਤੇਨ ਫਲਦਾਨਂ ਪਧਾਨਭਾવੇ વੁਤ੍ਤਂ વਿਯ ਹੋਤੀਤਿ ਅਤ੍ਥੋ। ਅਞ੍ਞਥਾ ਦਾਨਭਾવੋਤਿ ਨ ਸਕ੍ਕਾ વਤ੍ਤੁਂ। ਦਾਨਭਾવੋਪਿ ਹਿ ‘‘ਦਾਨਂ ਅਨਿਟ੍ਠਫਲ’’ਨ੍ਤਿਆਦਿਨਾ વੁਤ੍ਤੋਯੇવਾਤਿ। ਤਨ੍ਨਿવਾਰਣਤ੍ਥਨ੍ਤਿ ਫਲਦਾਨਨਿવਾਰਣਤ੍ਥਂ। ਏਤਨ੍ਤਿ ‘‘ਦਾਨਂ ਅਨਿਟ੍ਠਫਲ’’ਨ੍ਤਿਆਦਿવਚਨਂ। ਭੇਸਜ੍ਜਾਦਿવਸੇਨ ਆਬਾਧਾਨਿਟ੍ਠਤਾ ਦੇਯ੍ਯਧਮ੍ਮਸ੍ਸ ਅਨਿਟ੍ਠਫਲਤਾਪਰਿਯਾਯੋ ਦਟ੍ਠਬ੍ਬੋ।
479. Phaladānabhāvadīpanatthanti phaladānasabbhāvadīpanatthaṃ. Phaladānaṃ vuttaṃ viya hotīti cittena phaladānaṃ padhānabhāve vuttaṃ viya hotīti attho. Aññathā dānabhāvoti na sakkā vattuṃ. Dānabhāvopi hi ‘‘dānaṃ aniṭṭhaphala’’ntiādinā vuttoyevāti. Tannivāraṇatthanti phaladānanivāraṇatthaṃ. Etanti ‘‘dānaṃ aniṭṭhaphala’’ntiādivacanaṃ. Bhesajjādivasena ābādhāniṭṭhatā deyyadhammassa aniṭṭhaphalatāpariyāyo daṭṭhabbo.
ਕਥਂ ਤਥੇવ ਸੁਤ੍ਤਂ ਸਕવਾਦਿਪਰવਾਦਿવਾਦੇਸੁ ਯੁਜ੍ਜਤੀਤਿ ਚੋਦਨਾਯ ‘‘ਨ ਪਨ ਏਕੇਨਤ੍ਥੇਨਾ’’ਤਿ વੁਤ੍ਤਂ વਿਭਾવੇਤੁਂ ‘‘ਦੇਯ੍ਯਧਮ੍ਮੋવ ਦਾਨ’’ਨ੍ਤਿਆਦਿ વੁਤ੍ਤਂ। ਤਤ੍ਥ ਨਿવਤ੍ਤਨਪਕ੍ਖੇਯੇવ ਏવ-ਕਾਰੋ ਯੁਤ੍ਤੋ, ਨ ਸਾਧਨਪਕ੍ਖੇ ਦ੍વਿਨ੍ਨਮ੍ਪਿ ਦਾਨਭਾવਸ੍ਸ ਇਚ੍ਛਿਤਤ੍ਤਾ। ਤੇਨਾਹ ‘‘ਚੇਤਸਿਕੋવਾਤਿ ਅਤ੍ਥੋ ਦਟ੍ਠਬ੍ਬੋ, ਦੇਯ੍ਯਧਮ੍ਮੋવਾ’’ਤਿ ਚ। ਤੇਨੇવਾਹ ‘‘ਦ੍વਿਨ੍ਨਞ੍ਹਿ ਦਾਨਾਨਨ੍ਤਿਆਦਿ। ਸਙ੍ਕਰਭਾવਮੋਚਨਤ੍ਥਨ੍ਤਿ ਸਤਿਪਿ ਦਾਨਭਾવੇ ਸਭਾવਸਙ੍ਕਰਮੋਚਨਤ੍ਥਂ। ਤੇਨਾਹ ‘‘ਚੇਤਸਿਕਸ੍ਸਾ’’ਤਿਆਦਿ।
Kathaṃ tatheva suttaṃ sakavādiparavādivādesu yujjatīti codanāya ‘‘na pana ekenatthenā’’ti vuttaṃ vibhāvetuṃ ‘‘deyyadhammova dāna’’ntiādi vuttaṃ. Tattha nivattanapakkheyeva eva-kāro yutto, na sādhanapakkhe dvinnampi dānabhāvassa icchitattā. Tenāha ‘‘cetasikovāti attho daṭṭhabbo, deyyadhammovā’’ti ca. Tenevāha ‘‘dvinnañhi dānānantiādi. Saṅkarabhāvamocanatthanti satipi dānabhāve sabhāvasaṅkaramocanatthaṃ. Tenāha ‘‘cetasikassā’’tiādi.
ਦਾਨਕਥਾવਣ੍ਣਨਾ ਨਿਟ੍ਠਿਤਾ।
Dānakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੬੬) ੪. ਦਾਨਕਥਾ • (66) 4. Dānakathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੪. ਦਾਨਕਥਾવਣ੍ਣਨਾ • 4. Dānakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. ਦਾਨਕਥਾવਣ੍ਣਨਾ • 4. Dānakathāvaṇṇanā
