| Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā |
13. д̣̇ааналагкан̣аад̣̇ивинижчаяагат̇аа
13. Dānalakkhaṇādivinicchayakathā
69. д̣̇аанависсаасаг̇г̇аахзхи лаабхасса барин̣аамананд̇и зд̇т̇а д̇аава д̣̇аананд̇и ад̇д̇ано санд̇агасса жийвараад̣̇ибаригкаарасса сад̣̇д̇хивихааригаад̣̇ийсу яасса гассажи д̣̇аанам̣. д̇ад̇рид̣̇ам̣ д̣̇ааналагкан̣ам̣ – ‘‘ид̣̇ам̣ д̇уяхам̣ д̣̇зми д̣̇ад̣̇аами д̣̇аж̇ж̇аами он̣ож̇зми барижжаж̇аами виссаж̇ж̇аамий’’д̇и ваа ‘‘ид̇т̇аннаамасса д̣̇зми…бз… виссаж̇ж̇аамий’’д̇и ваа вад̣̇ад̇и, саммукааби бараммукааби д̣̇иннам̣язва ход̇и. ‘‘д̇уяхам̣ г̇ан̣хаахий’’д̇и вуд̇д̇з ‘‘маяхам̣ г̇ан̣хаамий’’д̇и вад̣̇ад̇и, суд̣̇иннам̣ суг̇г̇ахид̇ан̃жа. ‘‘д̇ава санд̇агам̣ гарохи, д̇ава санд̇агам̣ ход̇у, д̇ава санд̇агам̣ ход̇ий’’д̇и вуд̇д̇з ‘‘мама санд̇агам̣ гароми, мама санд̇агам̣ ход̇у, мама санд̇агам̣ гариссаамий’’д̇и вад̣̇ад̇и, д̣̇уд̣̇иннам̣ д̣̇уг̇г̇ахид̇ан̃жа. нзва д̣̇аад̇аа д̣̇аад̇ум̣ ж̇аанаад̇и, на ид̇аро г̇ахзд̇ум̣, сажз бана ‘‘д̇ава санд̇агам̣ гарохий’’д̇и вуд̇д̇з ‘‘саад̇ху, бханд̇з, маяхам̣ г̇ан̣хаамий’’д̇и г̇ан̣хаад̇и, суг̇г̇ахид̇ам̣. сажз бана зго ‘‘ид̣̇ам̣ жийварам̣ г̇ан̣хаахий’’д̇и вад̣̇ад̇и, ид̇аро ‘‘на г̇ан̣хаамий’’д̇и вад̣̇ад̇и, буна со ‘‘д̣̇иннам̣ маяаа д̇уяхам̣, г̇ан̣хаахий’’д̇и вад̣̇ад̇и, ид̇ароби ‘‘на маяхам̣ иминаа ад̇т̇о’’д̇и вад̣̇ад̇и, д̇ад̇о буримоби ‘‘маяаа д̣̇инна’’нд̇и д̣̇асаахам̣ ад̇иггаамзд̇и, бажчимоби ‘‘маяаа бадигкид̇д̇а’’нд̇и, гасса аабад̇д̇ийд̇и? на гассажи. яасса бана ружжад̇и, д̇зна ад̇хидтахид̇ваа барибхун̃ж̇ид̇аб̣б̣ам̣. ‘‘ид̇т̇аннаамасса д̣̇зхий’’д̇и д̣̇иннам̣ яаава барасса хад̇т̇ам̣ на баабун̣аад̇и, д̇аава яо бахин̣ад̇и, д̇ассзва санд̇агам̣, ‘‘ид̇т̇аннаамасса д̣̇аммий’’д̇и д̣̇иннам̣ бана яасса бахийяад̇и, д̇асса санд̇агам̣. д̇асмаа бхигку бхигкусса хад̇т̇з жийварам̣ бахин̣ад̇и ‘‘ид̣̇ам̣ жийварам̣ ид̇т̇аннаамасса д̣̇зхий’’д̇и. со анд̇араамаг̇г̇з яо бахин̣ад̇и, д̇асса виссаасаа г̇ан̣хаад̇и, суг̇г̇ахид̇ам̣. яасса бахийяад̇и, д̇асса виссаасаа г̇ан̣хаад̇и, д̣̇уг̇г̇ахид̇ам̣.
69.Dānavissāsaggāhehilābhassa pariṇāmananti ettha tāva dānanti attano santakassa cīvarādiparikkhārassa saddhivihārikādīsu yassa kassaci dānaṃ. Tatridaṃ dānalakkhaṇaṃ – ‘‘idaṃ tuyhaṃ demi dadāmi dajjāmi oṇojemi pariccajāmi vissajjāmī’’ti vā ‘‘itthannāmassa demi…pe… vissajjāmī’’ti vā vadati, sammukhāpi parammukhāpi dinnaṃyeva hoti. ‘‘Tuyhaṃ gaṇhāhī’’ti vutte ‘‘mayhaṃ gaṇhāmī’’ti vadati, sudinnaṃ suggahitañca. ‘‘Tava santakaṃ karohi, tava santakaṃ hotu, tava santakaṃ hotī’’ti vutte ‘‘mama santakaṃ karomi, mama santakaṃ hotu, mama santakaṃ karissāmī’’ti vadati, dudinnaṃ duggahitañca. Neva dātā dātuṃ jānāti, na itaro gahetuṃ, sace pana ‘‘tava santakaṃ karohī’’ti vutte ‘‘sādhu, bhante, mayhaṃ gaṇhāmī’’ti gaṇhāti, suggahitaṃ. Sace pana eko ‘‘idaṃ cīvaraṃ gaṇhāhī’’ti vadati, itaro ‘‘na gaṇhāmī’’ti vadati, puna so ‘‘dinnaṃ mayā tuyhaṃ, gaṇhāhī’’ti vadati, itaropi ‘‘na mayhaṃ iminā attho’’ti vadati, tato purimopi ‘‘mayā dinna’’nti dasāhaṃ atikkāmeti, pacchimopi ‘‘mayā paṭikkhitta’’nti, kassa āpattīti? Na kassaci. Yassa pana ruccati, tena adhiṭṭhahitvā paribhuñjitabbaṃ. ‘‘Itthannāmassa dehī’’ti dinnaṃ yāva parassa hatthaṃ na pāpuṇāti, tāva yo pahiṇati, tasseva santakaṃ, ‘‘itthannāmassa dammī’’ti dinnaṃ pana yassa pahīyati, tassa santakaṃ. Tasmā bhikkhu bhikkhussa hatthe cīvaraṃ pahiṇati ‘‘idaṃ cīvaraṃ itthannāmassa dehī’’ti. So antarāmagge yo pahiṇati, tassa vissāsā gaṇhāti, suggahitaṃ. Yassa pahīyati, tassa vissāsā gaṇhāti, duggahitaṃ.
бхигку (махаава. 378-379) бхигкусса хад̇т̇з жийварам̣ бахин̣ад̇и ‘‘имам̣ жийварам̣ ид̇т̇аннаамасса д̣̇зхий’’д̇и. со анд̇араамаг̇г̇з сун̣аад̇и ‘‘яо бахин̣ад̇и, со гаалагад̇о’’д̇и, д̇асса мад̇агажийварам̣ ад̇хидтаад̇и, сваад̇хидтид̇ам̣. яасса бахийяад̇и, д̇асса виссаасаа г̇ан̣хаад̇и, д̣̇уг̇г̇ахид̇ам̣. бхигку бхигкусса хад̇т̇з жийварам̣ бахин̣ад̇и ‘‘имам̣ жийварам̣ ид̇т̇аннаамасса д̣̇зхий’’д̇и. со анд̇араамаг̇г̇з сун̣аад̇и ‘‘яасса бахийяад̇и, со гаалагад̇о’’д̇и, д̇асса мад̇агажийварам̣ ад̇хидтаад̇и, д̣̇ваад̇хидтид̇ам̣. яо бахин̣ад̇и, д̇асса виссаасаа г̇ан̣хаад̇и, суг̇г̇ахид̇ам̣. бхигку бхигкусса хад̇т̇з жийварам̣ бахин̣ад̇и ‘‘имам̣ жийварам̣ ид̇т̇аннаамасса д̣̇зхий’’д̇и. со анд̇араамаг̇г̇з сун̣аад̇и ‘‘убхо гаалагад̇аа’’д̇и, яо бахин̣ад̇и, д̇асса мад̇агажийварам̣ ад̇хидтаад̇и, сваад̇хидтид̇ам̣. яасса бахийяад̇и, д̇асса мад̇агажийварам̣ ад̇хидтаад̇и, д̣̇ваад̇хидтид̇ам̣. бхигку бхигкусса хад̇т̇з жийварам̣ бахин̣ад̇и ‘‘имам̣ жийварам̣ ид̇т̇аннаамасса д̣̇аммий’’д̇и. со анд̇араамаг̇г̇з яо бахин̣ад̇и, д̇асса виссаасаа г̇ан̣хаад̇и, д̣̇уг̇г̇ахид̇ам̣. яасса бахийяад̇и, д̇асса виссаасаа г̇ан̣хаад̇и, суг̇г̇ахид̇ам̣. бхигку бхигкусса хад̇т̇з жийварам̣ бахин̣ад̇и ‘‘имам̣ жийварам̣ ид̇т̇аннаамасса д̣̇аммий’’д̇и. со анд̇араамаг̇г̇з сун̣аад̇и ‘‘яо бахин̣ад̇и, со гаалагад̇о’’д̇и, д̇асса мад̇агажийварам̣ ад̇хидтаад̇и, д̣̇ваад̇хидтид̇ам̣. яасса бахийяад̇и, д̇асса виссаасаа г̇ан̣хаад̇и, суг̇г̇ахид̇ам̣. бхигку бхигкусса хад̇т̇з жийварам̣ бахин̣ад̇и ‘‘имам̣ жийварам̣ ид̇т̇аннаамасса д̣̇аммий’’д̇и. со анд̇араамаг̇г̇з сун̣аад̇и ‘‘яасса бахийяад̇и, со гаалагад̇о’’д̇и, д̇асса мад̇агажийварам̣ ад̇хидтаад̇и, сваад̇хидтид̇ам̣. яо бахин̣ад̇и, д̇асса виссаасаа г̇ан̣хаад̇и, д̣̇уг̇г̇ахид̇ам̣. бхигку бхигкусса хад̇т̇з жийварам̣ бахин̣ад̇и ‘‘имам̣ жийварам̣ ид̇т̇аннаамасса д̣̇аммий’’д̇и. со анд̇араамаг̇г̇з сун̣аад̇и ‘‘убхо гаалагад̇аа’’д̇и. яо бахин̣ад̇и, д̇асса мад̇агажийварам̣ ад̇хидтаад̇и, д̣̇ваад̇хидтид̇ам̣. яасса бахийяад̇и, д̇асса мад̇агажийварам̣ ад̇хидтаад̇и, сваад̇хидтид̇ам̣.
Bhikkhu (mahāva. 378-379) bhikkhussa hatthe cīvaraṃ pahiṇati ‘‘imaṃ cīvaraṃ itthannāmassa dehī’’ti. So antarāmagge suṇāti ‘‘yo pahiṇati, so kālakato’’ti, tassa matakacīvaraṃ adhiṭṭhāti, svādhiṭṭhitaṃ. Yassa pahīyati, tassa vissāsā gaṇhāti, duggahitaṃ. Bhikkhu bhikkhussa hatthe cīvaraṃ pahiṇati ‘‘imaṃ cīvaraṃ itthannāmassa dehī’’ti. So antarāmagge suṇāti ‘‘yassa pahīyati, so kālakato’’ti, tassa matakacīvaraṃ adhiṭṭhāti, dvādhiṭṭhitaṃ. Yo pahiṇati, tassa vissāsā gaṇhāti, suggahitaṃ. Bhikkhu bhikkhussa hatthe cīvaraṃ pahiṇati ‘‘imaṃ cīvaraṃ itthannāmassa dehī’’ti. So antarāmagge suṇāti ‘‘ubho kālakatā’’ti, yo pahiṇati, tassa matakacīvaraṃ adhiṭṭhāti, svādhiṭṭhitaṃ. Yassa pahīyati, tassa matakacīvaraṃ adhiṭṭhāti, dvādhiṭṭhitaṃ. Bhikkhu bhikkhussa hatthe cīvaraṃ pahiṇati ‘‘imaṃ cīvaraṃ itthannāmassa dammī’’ti. So antarāmagge yo pahiṇati, tassa vissāsā gaṇhāti, duggahitaṃ. Yassa pahīyati, tassa vissāsā gaṇhāti, suggahitaṃ. Bhikkhu bhikkhussa hatthe cīvaraṃ pahiṇati ‘‘imaṃ cīvaraṃ itthannāmassa dammī’’ti. So antarāmagge suṇāti ‘‘yo pahiṇati, so kālakato’’ti, tassa matakacīvaraṃ adhiṭṭhāti, dvādhiṭṭhitaṃ. Yassa pahīyati, tassa vissāsā gaṇhāti, suggahitaṃ. Bhikkhu bhikkhussa hatthe cīvaraṃ pahiṇati ‘‘imaṃ cīvaraṃ itthannāmassa dammī’’ti. So antarāmagge suṇāti ‘‘yassa pahīyati, so kālakato’’ti, tassa matakacīvaraṃ adhiṭṭhāti, svādhiṭṭhitaṃ. Yo pahiṇati, tassa vissāsā gaṇhāti, duggahitaṃ. Bhikkhu bhikkhussa hatthe cīvaraṃ pahiṇati ‘‘imaṃ cīvaraṃ itthannāmassa dammī’’ti. So antarāmagge suṇāti ‘‘ubho kālakatā’’ti. Yo pahiṇati, tassa matakacīvaraṃ adhiṭṭhāti, dvādhiṭṭhitaṃ. Yassa pahīyati, tassa matakacīvaraṃ adhiṭṭhāti, svādhiṭṭhitaṃ.
барижжаж̇ид̇ваа д̣̇иннам̣ буна гзнажи гааран̣зна губид̇о аахараабзд̇ум̣ на лабхад̇и. ад̇д̇анаа д̣̇иннамби хи жийварам̣ сагасан̃н̃ааяа ажчинд̣̇ад̇о ниссаг̇г̇ияам̣, ан̃н̃ам̣ баригкаарам̣ анд̇амасо суужимби ажчинд̣̇ад̇о д̣̇уггадам̣. сажз бана ‘‘бханд̇з, д̇умхаагам̣ ид̣̇ам̣ саарубба’’нд̇и саяамзва д̣̇зд̇и, г̇ахзд̇ум̣ ваддад̇и. ат̇а бана ‘‘аавусо, маяам̣ д̇уяхам̣ ‘вад̇д̇абадивад̇д̇ам̣ гариссад̇и, амхаагам̣ санд̇игз убаж̇жхам̣ г̇ан̣хиссад̇и, д̇хаммам̣ барияаабун̣иссад̇ий’д̇и жийварам̣ ад̣̇амхаа, со д̣̇аани д̇вам̣ на вад̇д̇ам̣ гароси, на убаж̇жхам̣ г̇ан̣хааси, на д̇хаммам̣ барияаабун̣аасий’’д̇и звамаад̣̇ийни вуд̇д̇о ‘‘бханд̇з, жийварад̇т̇ааяа ман̃н̃з бхан̣ат̇а, ид̣̇ам̣ во жийвара’’нд̇и д̣̇зд̇и, звамби ваддад̇и. д̣̇исаабаггаманд̇ам̣ ваа бана д̣̇ахарам̣ ‘‘нивад̇д̇зт̇а на’’нд̇и бхан̣ад̇и, со на нивад̇д̇ад̇и, жийварз г̇ахзд̇ваа нирунд̇хат̇аад̇и, зван̃жз нивад̇д̇ад̇и, саад̇ху. сажз ‘‘бад̇д̇ажийварад̇т̇ааяа ман̃н̃з д̇умхз бхан̣ат̇а, г̇ан̣хат̇а на’’нд̇и д̣̇зд̇и, звамби ваддад̇и. виб̣бхаманд̇ам̣ ваа д̣̇исваа ‘‘маяам̣ д̇уяхам̣ ‘вад̇д̇ам̣ гариссад̇ий’д̇и бад̇д̇ажийварам̣ ад̣̇амхаа, со д̣̇аани д̇вам̣ виб̣бхамид̇ваа жарасий’’д̇и вад̣̇ад̇и, ид̇аро ‘‘г̇ан̣хат̇а д̇умхаагам̣ бад̇д̇ажийвара’’нд̇и д̣̇зд̇и, звамби ваддад̇и. ‘‘мама санд̇игз убаж̇жхам̣ г̇ан̣ханд̇ассзва д̣̇зми, ан̃н̃ад̇т̇а г̇ан̣ханд̇асса на д̣̇зми, вад̇д̇ам̣ гаронд̇ассзва д̣̇зми, агаронд̇асса на д̣̇зми, д̇хаммам̣ барияаабун̣анд̇ассзва д̣̇зми, абарияаабун̣анд̇асса на д̣̇зми, авиб̣бхаманд̇ассзва д̣̇зми, виб̣бхаманд̇асса на д̣̇змий’’д̇и звам̣ бана д̣̇аад̇ум̣ на ваддад̇и, д̣̇ад̣̇ад̇о д̣̇уггадам̣, аахараабзд̇ум̣ бана ваддад̇и, виссаж̇ж̇зд̇ваа д̣̇иннам̣ ажчинд̣̇ид̇ваа г̇ан̣ханд̇о бхан̣д̣аг̇гхзна гаарзд̇аб̣б̣о. аяам̣ д̇аава д̣̇аанз винижчаяо.
Pariccajitvā dinnaṃ puna kenaci kāraṇena kupito āharāpetuṃ na labhati. Attanā dinnampi hi cīvaraṃ sakasaññāya acchindato nissaggiyaṃ, aññaṃ parikkhāraṃ antamaso sūcimpi acchindato dukkaṭaṃ. Sace pana ‘‘bhante, tumhākaṃ idaṃ sāruppa’’nti sayameva deti, gahetuṃ vaṭṭati. Atha pana ‘‘āvuso, mayaṃ tuyhaṃ ‘vattapaṭivattaṃ karissati, amhākaṃ santike upajjhaṃ gaṇhissati, dhammaṃ pariyāpuṇissatī’ti cīvaraṃ adamhā, so dāni tvaṃ na vattaṃ karosi, na upajjhaṃ gaṇhāsi, na dhammaṃ pariyāpuṇāsī’’ti evamādīni vutto ‘‘bhante, cīvaratthāya maññe bhaṇatha, idaṃ vo cīvara’’nti deti, evampi vaṭṭati. Disāpakkamantaṃ vā pana daharaṃ ‘‘nivattetha na’’nti bhaṇati, so na nivattati, cīvare gahetvā nirundhathāti, evañce nivattati, sādhu. Sace ‘‘pattacīvaratthāya maññe tumhe bhaṇatha, gaṇhatha na’’nti deti, evampi vaṭṭati. Vibbhamantaṃ vā disvā ‘‘mayaṃ tuyhaṃ ‘vattaṃ karissatī’ti pattacīvaraṃ adamhā, so dāni tvaṃ vibbhamitvā carasī’’ti vadati, itaro ‘‘gaṇhatha tumhākaṃ pattacīvara’’nti deti, evampi vaṭṭati. ‘‘Mama santike upajjhaṃ gaṇhantasseva demi, aññattha gaṇhantassa na demi, vattaṃ karontasseva demi, akarontassa na demi, dhammaṃ pariyāpuṇantasseva demi, apariyāpuṇantassa na demi, avibbhamantasseva demi, vibbhamantassa na demī’’ti evaṃ pana dātuṃ na vaṭṭati, dadato dukkaṭaṃ, āharāpetuṃ pana vaṭṭati, vissajjetvā dinnaṃ acchinditvā gaṇhanto bhaṇḍagghena kāretabbo. Ayaṃ tāva dāne vinicchayo.
70. виссаасаг̇г̇аахалагкан̣ам̣ бана иминаа суд̇д̇зна ж̇аанид̇аб̣б̣ам̣ –
70.Vissāsaggāhalakkhaṇaṃ pana iminā suttena jānitabbaṃ –
‘‘ануж̇аанаами , бхигкавз, бан̃жахан̇г̇зхи саманнааг̇ад̇асса виссаасам̣ г̇ахзд̇ум̣ санд̣̇идто жа ход̇и, самбхад̇д̇о жа, аалабид̇о жа, ж̇ийвад̇и жа, г̇ахид̇з жа ад̇д̇амано ход̇ий’’д̇и (махаава. 356).
‘‘Anujānāmi , bhikkhave, pañcahaṅgehi samannāgatassa vissāsaṃ gahetuṃ sandiṭṭho ca hoti, sambhatto ca, ālapito ca, jīvati ca, gahite ca attamano hotī’’ti (mahāva. 356).
д̇ад̇т̇а (баараа. адта. 1.131) санд̣̇идтод̇и д̣̇идтамад̇д̇агамид̇д̇о. самбхад̇д̇од̇и д̣̇ал̣хамид̇д̇о. аалабид̇од̇и ‘‘мама санд̇агам̣ яам̣ ижчаси, д̇ам̣ г̇ан̣хзяяааси, аабужчид̇ваа г̇ахан̣з гааран̣ам̣ над̇т̇ий’’д̇и вуд̇д̇о. ж̇ийвад̇ийд̇и анудтаанасзяяааяа саяид̇оби яааваж̇ийвид̇инд̣̇рияубажчзд̣̇ам̣ на баабун̣аад̇и. г̇ахид̇з жа ад̇д̇аманод̇и г̇ахид̇з д̇удтажид̇д̇о ход̇и. ‘‘зваруубасса санд̇агам̣ г̇ахид̇з мз ад̇д̇амано бхависсад̇ий’’д̇и ж̇аананд̇зна г̇ахзд̇ум̣ ваддад̇и. анавасзсабарияаад̣̇аанавасзна жзд̇аани бан̃жан̇г̇аани вуд̇д̇аани, виссаасаг̇г̇аахо бана д̇ийхи ан̇г̇зхи рухад̇и санд̣̇идто, ж̇ийвад̇и, г̇ахид̇з ад̇д̇амано, самбхад̇д̇о, ж̇ийвад̇и, г̇ахид̇з ад̇д̇амано, аалабид̇о, ж̇ийвад̇и, г̇ахид̇з ад̇д̇аманод̇и. яо бана на ж̇ийвад̇и, на жа г̇ахид̇з ад̇д̇амано ход̇и, д̇асса санд̇агам̣ виссаасаг̇г̇аахзна г̇ахид̇амби буна д̣̇аад̇аб̣б̣ам̣. д̣̇ад̣̇амаанзна жа мад̇агад̇ханам̣ д̇аава яз д̇асса д̇ханз иссараа г̇ахадтаа ваа баб̣б̣аж̇ид̇аа ваа, д̇зсам̣ д̣̇аад̇аб̣б̣ам̣. анад̇д̇аманасса санд̇агам̣ д̇ассзва д̣̇аад̇аб̣б̣ам̣, яо бана батамам̣язва ‘‘судту гад̇ам̣ д̇аяаа мама санд̇агам̣ г̇ан̣ханд̇знаа’’д̇и важийбхзд̣̇зна ваа жид̇д̇уббаад̣̇амад̇д̇зна ваа анумод̣̇ид̇ваа бажчаа гзнажи гааран̣зна губид̇о, бажжаахараабзд̇ум̣ на лабхад̇и, яоби ад̣̇аад̇угаамо, жид̇д̇зна бана ад̇хиваасзд̇и, на гин̃жи вад̣̇ад̇и, соби буна бажжаахараабзд̇ум̣ на лабхад̇и. яо бана ‘‘маяаа д̇умхаагам̣ санд̇агам̣ г̇ахид̇ам̣ ваа барибхуд̇д̇ам̣ ваа’’д̇и вуд̇д̇з ‘‘г̇ахид̇ам̣ ваа ход̇у барибхуд̇д̇ам̣ ваа, маяаа бана д̇ам̣ гзнажид̣̇зва гаран̣ийязна табид̇ам̣, д̇ам̣ баагад̇игам̣ гаад̇ум̣ ваддад̇ий’’д̇и вад̣̇ад̇и, аяам̣ бажжаахараабзд̇ум̣ лабхад̇и. аяам̣ виссаасаг̇г̇аахз винижчаяо.
Tattha (pārā. aṭṭha. 1.131) sandiṭṭhoti diṭṭhamattakamitto. Sambhattoti daḷhamitto. Ālapitoti ‘‘mama santakaṃ yaṃ icchasi, taṃ gaṇheyyāsi, āpucchitvā gahaṇe kāraṇaṃ natthī’’ti vutto. Jīvatīti anuṭṭhānaseyyāya sayitopi yāvajīvitindriyupacchedaṃ na pāpuṇāti. Gahite ca attamanoti gahite tuṭṭhacitto hoti. ‘‘Evarūpassa santakaṃ gahite me attamano bhavissatī’’ti jānantena gahetuṃ vaṭṭati. Anavasesapariyādānavasena cetāni pañcaṅgāni vuttāni, vissāsaggāho pana tīhi aṅgehi ruhati sandiṭṭho, jīvati, gahite attamano, sambhatto, jīvati, gahite attamano, ālapito, jīvati, gahite attamanoti. Yo pana na jīvati, na ca gahite attamano hoti, tassa santakaṃ vissāsaggāhena gahitampi puna dātabbaṃ. Dadamānena ca matakadhanaṃ tāva ye tassa dhane issarā gahaṭṭhā vā pabbajitā vā, tesaṃ dātabbaṃ. Anattamanassa santakaṃ tasseva dātabbaṃ, yo pana paṭhamaṃyeva ‘‘suṭṭhu kataṃ tayā mama santakaṃ gaṇhantenā’’ti vacībhedena vā cittuppādamattena vā anumoditvā pacchā kenaci kāraṇena kupito, paccāharāpetuṃ na labhati, yopi adātukāmo, cittena pana adhivāseti, na kiñci vadati, sopi puna paccāharāpetuṃ na labhati. Yo pana ‘‘mayā tumhākaṃ santakaṃ gahitaṃ vā paribhuttaṃ vā’’ti vutte ‘‘gahitaṃ vā hotu paribhuttaṃ vā, mayā pana taṃ kenacideva karaṇīyena ṭhapitaṃ, taṃ pākatikaṃ kātuṃ vaṭṭatī’’ti vadati, ayaṃ paccāharāpetuṃ labhati. Ayaṃ vissāsaggāhe vinicchayo.
71. лаабхасса барин̣аамананд̇и ид̣̇ам̣ бана ан̃н̃зсам̣ ад̇т̇ааяа барин̣ад̇алаабхасса ад̇д̇ано ан̃н̃асса ваа барин̣ааманам̣ санд̇хааяа вуд̇д̇ам̣. д̇ад̇рааяам̣ винижчаяо (баараа. адта. 2.659-660) – сан̇гхасса барин̣ад̇ам̣ сахад̇хаммигаанам̣ ваа г̇ихийнам̣ ваа анд̇амасо маад̇усанд̇агамби ‘‘ид̣̇ам̣ маяхам̣ д̣̇зхий’’д̇и сан̇гхасса барин̣ад̇абхаавам̣ н̃ад̇ваа ад̇д̇ано барин̣аамзд̇ваа г̇ан̣ханд̇асса ниссаг̇г̇ияам̣ баажид̇д̇ияам̣, ‘‘имасса бхигкуно д̣̇зхий’’д̇и звам̣ ан̃н̃асса барин̣аамзнд̇асса суд̣̇д̇хигабаажид̇д̇ияам̣. д̇асмаа яоби вассигасаадигасамаяз маад̇угхарзби сан̇гхасса барин̣ад̇ам̣ вассигасаадигам̣ н̃ад̇ваа ад̇д̇ано барин̣аамзд̇и, ниссаг̇г̇ияам̣ баажид̇д̇ияам̣, барасса барин̣аамзд̇и, суд̣̇д̇хигабаажид̇д̇ияам̣. мануссаа ‘‘сан̇гхабхад̇д̇ам̣ гариссаамаа’’д̇и саббид̇злаад̣̇ийни аахаранд̇и, г̇илаано жзби бхигкусан̇гхасса барин̣ад̇абхаавам̣ н̃ад̇ваа гин̃жи яаажад̇и, ниссаг̇г̇ияам̣ баажид̇д̇ияамзва. сажз бана со ‘‘д̇умхаагам̣ саббиаад̣̇ийни аабхад̇аани ад̇т̇ий’’д̇и бужчид̇ваа ‘‘аама, ад̇т̇ий’’д̇и вуд̇д̇з ‘‘маяхамби д̣̇зт̇аа’’д̇и вад̣̇ад̇и, ваддад̇и. ат̇ааби нам̣ гуггужжааяанд̇ам̣ убаасагаа вад̣̇анд̇и ‘‘сан̇гхоби амхзхи д̣̇иннамзва лабхад̇и, г̇ан̣хат̇а, бханд̇з’’д̇и, звамби ваддад̇и.
71.Lābhassa pariṇāmananti idaṃ pana aññesaṃ atthāya pariṇatalābhassa attano aññassa vā pariṇāmanaṃ sandhāya vuttaṃ. Tatrāyaṃ vinicchayo (pārā. aṭṭha. 2.659-660) – saṅghassa pariṇataṃ sahadhammikānaṃ vā gihīnaṃ vā antamaso mātusantakampi ‘‘idaṃ mayhaṃ dehī’’ti saṅghassa pariṇatabhāvaṃ ñatvā attano pariṇāmetvā gaṇhantassa nissaggiyaṃ pācittiyaṃ, ‘‘imassa bhikkhuno dehī’’ti evaṃ aññassa pariṇāmentassa suddhikapācittiyaṃ. Tasmā yopi vassikasāṭikasamaye mātugharepi saṅghassa pariṇataṃ vassikasāṭikaṃ ñatvā attano pariṇāmeti, nissaggiyaṃ pācittiyaṃ, parassa pariṇāmeti, suddhikapācittiyaṃ. Manussā ‘‘saṅghabhattaṃ karissāmā’’ti sappitelādīni āharanti, gilāno cepi bhikkhusaṅghassa pariṇatabhāvaṃ ñatvā kiñci yācati, nissaggiyaṃ pācittiyameva. Sace pana so ‘‘tumhākaṃ sappiādīni ābhatāni atthī’’ti pucchitvā ‘‘āma, atthī’’ti vutte ‘‘mayhampi dethā’’ti vadati, vaṭṭati. Athāpi naṃ kukkuccāyantaṃ upāsakā vadanti ‘‘saṅghopi amhehi dinnameva labhati, gaṇhatha, bhante’’ti, evampi vaṭṭati.
згасмим̣ вихаарз сан̇гхасса барин̣ад̇ам̣ ан̃н̃авихаарам̣ уд̣̇д̣̇исид̇ваа ‘‘асугасмим̣ наама вихаарз сан̇гхасса д̣̇зт̇аа’’д̇и барин̣аамзд̇и, ‘‘гим̣ сан̇гхасса д̣̇аанзна, жзд̇ияасса бууж̇ам̣ гарот̇аа’’д̇и звам̣ жзд̇ияасса ваа барин̣аамзд̇и, д̣̇уггадам̣. жзд̇ияасса барин̣ад̇ам̣ ан̃н̃ажзд̇ияасса ваа сан̇гхасса ваа г̇ан̣асса ваа буг̇г̇аласса ваа барин̣аамзд̇и, д̣̇уггадамзва. нияамзд̇ваа ан̃н̃ажзд̇ияасса ад̇т̇ааяа робид̇амаалааважчад̇о ан̃н̃ажзд̇ияамхи бубпамби ааробзд̇ум̣ на ваддад̇и, згасса жзд̇ияасса бана чад̇д̇ам̣ ваа бадаагам̣ ваа ааробзд̇ваа тид̇ам̣ д̣̇исваа сзсам̣ ан̃н̃ажзд̇ияасса д̣̇аабзд̇ум̣ ваддад̇и. анд̇амасо сунакассаби барин̣ад̇ам̣ ‘‘имасса сунакасса маа д̣̇зхи, зд̇асса д̣̇зхий’’д̇и звам̣ ан̃н̃абуг̇г̇аласса барин̣аамзд̇и, д̣̇уггадам̣. сажз бана д̣̇ааяагаа ‘‘маяам̣ сан̇гхабхад̇д̇ам̣ гаад̇угаамаа, жзд̇ияабууж̇ам̣ гаад̇угаамаа, згасса бхигкуно баригкаарам̣ д̣̇аад̇угаамаа, д̇умхаагам̣ ружияаа д̣̇ассаама, бхан̣ат̇а гад̇т̇а д̣̇змаа’’д̇и вад̣̇анд̇и, звам̣ вуд̇д̇з д̇зна бхигкунаа ‘‘яад̇т̇а ижчат̇а, д̇ад̇т̇а д̣̇зт̇аа’’д̇и вад̇д̇аб̣б̣аа. сажз бана гзвалам̣ ‘‘гад̇т̇а д̣̇змаа’’д̇и бужчанд̇и, ‘‘яад̇т̇а д̇умхаагам̣ д̣̇зяяад̇хаммо барибхог̇ам̣ ваа лабхзяяа, бадисан̇каарам̣ ваа лабхзяяа, жирадтид̇иго ваа асса, яад̇т̇а ваа бана д̇умхаагам̣ жид̇д̇ам̣ басийд̣̇ад̇и, д̇ад̇т̇а д̣̇зт̇аа’’д̇и вад̇д̇ум̣ ваддад̇и.
Ekasmiṃ vihāre saṅghassa pariṇataṃ aññavihāraṃ uddisitvā ‘‘asukasmiṃ nāma vihāre saṅghassa dethā’’ti pariṇāmeti, ‘‘kiṃ saṅghassa dānena, cetiyassa pūjaṃ karothā’’ti evaṃ cetiyassa vā pariṇāmeti, dukkaṭaṃ. Cetiyassa pariṇataṃ aññacetiyassa vā saṅghassa vā gaṇassa vā puggalassa vā pariṇāmeti, dukkaṭameva. Niyametvā aññacetiyassa atthāya ropitamālāvacchato aññacetiyamhi pupphampi āropetuṃ na vaṭṭati, ekassa cetiyassa pana chattaṃ vā paṭākaṃ vā āropetvā ṭhitaṃ disvā sesaṃ aññacetiyassa dāpetuṃ vaṭṭati. Antamaso sunakhassapi pariṇataṃ ‘‘imassa sunakhassa mā dehi, etassa dehī’’ti evaṃ aññapuggalassa pariṇāmeti, dukkaṭaṃ. Sace pana dāyakā ‘‘mayaṃ saṅghabhattaṃ kātukāmā, cetiyapūjaṃ kātukāmā, ekassa bhikkhuno parikkhāraṃ dātukāmā, tumhākaṃ ruciyā dassāma, bhaṇatha kattha demā’’ti vadanti, evaṃ vutte tena bhikkhunā ‘‘yattha icchatha, tattha dethā’’ti vattabbā. Sace pana kevalaṃ ‘‘kattha demā’’ti pucchanti, ‘‘yattha tumhākaṃ deyyadhammo paribhogaṃ vā labheyya, paṭisaṅkhāraṃ vā labheyya, ciraṭṭhitiko vā assa, yattha vā pana tumhākaṃ cittaṃ pasīdati, tattha dethā’’ti vattuṃ vaṭṭati.
ид̇и баал̣имуд̇д̇агавинаяавинижчаяасан̇г̇ахз
Iti pāḷimuttakavinayavinicchayasaṅgahe
д̣̇ааналагкан̣аад̣̇ивинижчаяагат̇аа самад̇д̇аа.
Dānalakkhaṇādivinicchayakathā samattā.
