| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. д̣̇аанамахабпаласуд̇д̇аван̣н̣анаа
9. Dānamahapphalasuttavaṇṇanā
52. навамз саабзкод̇и сад̇ан̣хо. бадиб̣ад̣̇д̇хажид̇д̇од̇и вибаагз б̣ад̣̇д̇хажид̇д̇о. саннид̇хибзкод̇и нид̇хаанабзко худ̇ваа. бзжжаад̇и баралогам̣ г̇анд̇ваа. д̇ам̣ гаммам̣ кзбзд̇ваад̇и д̇ам̣ гаммавибаагам̣ кзбзд̇ваа. ид̣̇д̇хинд̇и вибаагид̣̇д̇хим̣. яасанд̇и бариваарасамбад̣̇ам̣. аад̇хибажжанд̇и ж̇здтабхаавагааран̣ам̣. ааг̇анд̇аа ид̇т̇ад̇д̇анд̇и ид̇т̇абхаавам̣ имз бан̃жагканд̇хз буна ааг̇анд̇аа, на д̇ад̇руубабад̇д̇иго на убаруубабад̇д̇иго, хздтааг̇аамийязва ход̇ийд̇и ад̇т̇о. сааху д̣̇аананд̇и д̣̇аанам̣ наамзд̇ам̣ саад̇ху бхад̣̇д̣̇агам̣ сунд̣̇арам̣. д̇аани махааяан̃н̃аанийд̇и д̇аани саббинаванийд̇ад̣̇ад̇химад̇хупаан̣ид̇аад̣̇ийхи нидтаанам̣ г̇ад̇аани махаад̣̇аанаани. жид̇д̇аалан̇гааражид̇д̇абаригкааранд̇и самат̇авибассанаажид̇д̇асса алан̇гаарабхууд̇ан̃жзва бариваарабхууд̇ан̃жа. б̣рахмагааяигаанам̣ д̣̇зваанам̣ сахаб̣яад̇анд̇и на саггаа д̇ад̇т̇а д̣̇аанзна убабаж̇ж̇ид̇ум̣. яасмаа бана д̇ам̣ самат̇авибассанаажид̇д̇асса алан̇гаарабхууд̇ам̣, д̇асмаа д̇зна д̣̇аанаалан̇гад̇зна жид̇д̇зна жхаанан̃жзва арияамаг̇г̇ан̃жа ниб̣б̣ад̇д̇зд̇ваа жхаанзна д̇ад̇т̇а убабаж̇ж̇ад̇и. анааг̇аамий ход̇ийд̇и жхаанаанааг̇аамий наама ход̇и. анааг̇анд̇аа ид̇т̇ад̇д̇анд̇и буна ид̇т̇абхаавам̣ на ааг̇анд̇аа, убаруубабад̇д̇иго ваа д̇ад̇руубабад̇д̇иго ваа худ̇ваа д̇ад̇т̇зва бариниб̣б̣ааяад̇и. ид̇и имзсу д̣̇аанзсу батамам̣ д̇ан̣худ̇д̇арияад̣̇аанам̣, д̣̇уд̇ияам̣ жид̇д̇ийгаарад̣̇аанам̣, д̇ад̇ияам̣ хирод̇д̇аббад̣̇аанам̣, жад̇уд̇т̇ам̣ ниравасзсад̣̇аанам̣ , бан̃жамам̣ д̣̇агкин̣зяяад̣̇аанам̣, чадтам̣ соманассубавижаарад̣̇аанам̣, сад̇д̇амам̣ алан̇гаарабариваарад̣̇аанам̣ наамаад̇и.
52. Navame sāpekhoti sataṇho. Paṭibaddhacittoti vipāke baddhacitto. Sannidhipekhoti nidhānapekho hutvā. Peccāti paralokaṃ gantvā. Taṃ kammaṃ khepetvāti taṃ kammavipākaṃ khepetvā. Iddhinti vipākiddhiṃ. Yasanti parivārasampadaṃ. Ādhipaccanti jeṭṭhabhāvakāraṇaṃ. Āgantā itthattanti itthabhāvaṃ ime pañcakkhandhe puna āgantā, na tatrūpapattiko na uparūpapattiko, heṭṭhāgāmīyeva hotīti attho. Sāhu dānanti dānaṃ nāmetaṃ sādhu bhaddakaṃ sundaraṃ. Tāni mahāyaññānīti tāni sappinavanītadadhimadhuphāṇitādīhi niṭṭhānaṃ gatāni mahādānāni. Cittālaṅkāracittaparikkhāranti samathavipassanācittassa alaṅkārabhūtañceva parivārabhūtañca. Brahmakāyikānaṃ devānaṃ sahabyatanti na sakkā tattha dānena upapajjituṃ. Yasmā pana taṃ samathavipassanācittassa alaṅkārabhūtaṃ, tasmā tena dānālaṅkatena cittena jhānañceva ariyamaggañca nibbattetvā jhānena tattha upapajjati. Anāgāmī hotīti jhānānāgāmī nāma hoti. Anāgantā itthattanti puna itthabhāvaṃ na āgantā, uparūpapattiko vā tatrūpapattiko vā hutvā tattheva parinibbāyati. Iti imesu dānesu paṭhamaṃ taṇhuttariyadānaṃ, dutiyaṃ cittīkāradānaṃ, tatiyaṃ hirottappadānaṃ, catutthaṃ niravasesadānaṃ , pañcamaṃ dakkhiṇeyyadānaṃ, chaṭṭhaṃ somanassupavicāradānaṃ, sattamaṃ alaṅkāraparivāradānaṃ nāmāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. д̣̇аанамахабпаласуд̇д̇ам̣ • 9. Dānamahapphalasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. д̣̇аанамахабпаласуд̇д̇аван̣н̣анаа • 9. Dānamahapphalasuttavaṇṇanā
