| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਦਾਨਮਹਪ੍ਫਲਸੁਤ੍ਤવਣ੍ਣਨਾ
9. Dānamahapphalasuttavaṇṇanā
੫੨. ਨવਮੇ ਸਾਪੇਖੋਤਿ ਸਤਣ੍ਹੋ। ਪਟਿਬਦ੍ਧਚਿਤ੍ਤੋਤਿ વਿਪਾਕੇ ਬਦ੍ਧਚਿਤ੍ਤੋ। ਸਨ੍ਨਿਧਿਪੇਖੋਤਿ ਨਿਧਾਨਪੇਖੋ ਹੁਤ੍વਾ। ਪੇਚ੍ਚਾਤਿ ਪਰਲੋਕਂ ਗਨ੍ਤ੍વਾ। ਤਂ ਕਮ੍ਮਂ ਖੇਪੇਤ੍વਾਤਿ ਤਂ ਕਮ੍ਮવਿਪਾਕਂ ਖੇਪੇਤ੍વਾ। ਇਦ੍ਧਿਨ੍ਤਿ વਿਪਾਕਿਦ੍ਧਿਂ। ਯਸਨ੍ਤਿ ਪਰਿવਾਰਸਮ੍ਪਦਂ। ਆਧਿਪਚ੍ਚਨ੍ਤਿ ਜੇਟ੍ਠਭਾવਕਾਰਣਂ। ਆਗਨ੍ਤਾ ਇਤ੍ਥਤ੍ਤਨ੍ਤਿ ਇਤ੍ਥਭਾવਂ ਇਮੇ ਪਞ੍ਚਕ੍ਖਨ੍ਧੇ ਪੁਨ ਆਗਨ੍ਤਾ, ਨ ਤਤ੍ਰੂਪਪਤ੍ਤਿਕੋ ਨ ਉਪਰੂਪਪਤ੍ਤਿਕੋ, ਹੇਟ੍ਠਾਗਾਮੀਯੇવ ਹੋਤੀਤਿ ਅਤ੍ਥੋ। ਸਾਹੁ ਦਾਨਨ੍ਤਿ ਦਾਨਂ ਨਾਮੇਤਂ ਸਾਧੁ ਭਦ੍ਦਕਂ ਸੁਨ੍ਦਰਂ। ਤਾਨਿ ਮਹਾਯਞ੍ਞਾਨੀਤਿ ਤਾਨਿ ਸਪ੍ਪਿਨવਨੀਤਦਧਿਮਧੁਫਾਣਿਤਾਦੀਹਿ ਨਿਟ੍ਠਾਨਂ ਗਤਾਨਿ ਮਹਾਦਾਨਾਨਿ। ਚਿਤ੍ਤਾਲਙ੍ਕਾਰਚਿਤ੍ਤਪਰਿਕ੍ਖਾਰਨ੍ਤਿ ਸਮਥવਿਪਸ੍ਸਨਾਚਿਤ੍ਤਸ੍ਸ ਅਲਙ੍ਕਾਰਭੂਤਞ੍ਚੇવ ਪਰਿવਾਰਭੂਤਞ੍ਚ। ਬ੍ਰਹ੍ਮਕਾਯਿਕਾਨਂ ਦੇવਾਨਂ ਸਹਬ੍ਯਤਨ੍ਤਿ ਨ ਸਕ੍ਕਾ ਤਤ੍ਥ ਦਾਨੇਨ ਉਪਪਜ੍ਜਿਤੁਂ। ਯਸ੍ਮਾ ਪਨ ਤਂ ਸਮਥવਿਪਸ੍ਸਨਾਚਿਤ੍ਤਸ੍ਸ ਅਲਙ੍ਕਾਰਭੂਤਂ, ਤਸ੍ਮਾ ਤੇਨ ਦਾਨਾਲਙ੍ਕਤੇਨ ਚਿਤ੍ਤੇਨ ਝਾਨਞ੍ਚੇવ ਅਰਿਯਮਗ੍ਗਞ੍ਚ ਨਿਬ੍ਬਤ੍ਤੇਤ੍વਾ ਝਾਨੇਨ ਤਤ੍ਥ ਉਪਪਜ੍ਜਤਿ। ਅਨਾਗਾਮੀ ਹੋਤੀਤਿ ਝਾਨਾਨਾਗਾਮੀ ਨਾਮ ਹੋਤਿ। ਅਨਾਗਨ੍ਤਾ ਇਤ੍ਥਤ੍ਤਨ੍ਤਿ ਪੁਨ ਇਤ੍ਥਭਾવਂ ਨ ਆਗਨ੍ਤਾ, ਉਪਰੂਪਪਤ੍ਤਿਕੋ વਾ ਤਤ੍ਰੂਪਪਤ੍ਤਿਕੋ વਾ ਹੁਤ੍વਾ ਤਤ੍ਥੇવ ਪਰਿਨਿਬ੍ਬਾਯਤਿ। ਇਤਿ ਇਮੇਸੁ ਦਾਨੇਸੁ ਪਠਮਂ ਤਣ੍ਹੁਤ੍ਤਰਿਯਦਾਨਂ, ਦੁਤਿਯਂ ਚਿਤ੍ਤੀਕਾਰਦਾਨਂ, ਤਤਿਯਂ ਹਿਰੋਤ੍ਤਪ੍ਪਦਾਨਂ, ਚਤੁਤ੍ਥਂ ਨਿਰવਸੇਸਦਾਨਂ , ਪਞ੍ਚਮਂ ਦਕ੍ਖਿਣੇਯ੍ਯਦਾਨਂ, ਛਟ੍ਠਂ ਸੋਮਨਸ੍ਸੁਪવਿਚਾਰਦਾਨਂ, ਸਤ੍ਤਮਂ ਅਲਙ੍ਕਾਰਪਰਿવਾਰਦਾਨਂ ਨਾਮਾਤਿ।
52. Navame sāpekhoti sataṇho. Paṭibaddhacittoti vipāke baddhacitto. Sannidhipekhoti nidhānapekho hutvā. Peccāti paralokaṃ gantvā. Taṃ kammaṃ khepetvāti taṃ kammavipākaṃ khepetvā. Iddhinti vipākiddhiṃ. Yasanti parivārasampadaṃ. Ādhipaccanti jeṭṭhabhāvakāraṇaṃ. Āgantā itthattanti itthabhāvaṃ ime pañcakkhandhe puna āgantā, na tatrūpapattiko na uparūpapattiko, heṭṭhāgāmīyeva hotīti attho. Sāhu dānanti dānaṃ nāmetaṃ sādhu bhaddakaṃ sundaraṃ. Tāni mahāyaññānīti tāni sappinavanītadadhimadhuphāṇitādīhi niṭṭhānaṃ gatāni mahādānāni. Cittālaṅkāracittaparikkhāranti samathavipassanācittassa alaṅkārabhūtañceva parivārabhūtañca. Brahmakāyikānaṃ devānaṃ sahabyatanti na sakkā tattha dānena upapajjituṃ. Yasmā pana taṃ samathavipassanācittassa alaṅkārabhūtaṃ, tasmā tena dānālaṅkatena cittena jhānañceva ariyamaggañca nibbattetvā jhānena tattha upapajjati. Anāgāmī hotīti jhānānāgāmī nāma hoti. Anāgantā itthattanti puna itthabhāvaṃ na āgantā, uparūpapattiko vā tatrūpapattiko vā hutvā tattheva parinibbāyati. Iti imesu dānesu paṭhamaṃ taṇhuttariyadānaṃ, dutiyaṃ cittīkāradānaṃ, tatiyaṃ hirottappadānaṃ, catutthaṃ niravasesadānaṃ , pañcamaṃ dakkhiṇeyyadānaṃ, chaṭṭhaṃ somanassupavicāradānaṃ, sattamaṃ alaṅkāraparivāradānaṃ nāmāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਦਾਨਮਹਪ੍ਫਲਸੁਤ੍ਤਂ • 9. Dānamahapphalasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਦਾਨਮਹਪ੍ਫਲਸੁਤ੍ਤવਣ੍ਣਨਾ • 9. Dānamahapphalasuttavaṇṇanā
