| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. දානානිසංසසුත්‌තං
5. Dānānisaṃsasuttaṃ
35. ‘‘පඤ්‌චිමෙ , භික්‌ඛවෙ, දානෙ ආනිසංසා. කතමෙ පඤ්‌ච? බහුනො ජනස්‌ස පියො හොති මනාපො; සන්‌තො සප්‌පුරිසා භජන්‌ති; කල්‍යාණො කිත්‌තිසද්‌දො අබ්‌භුග්‌ගච්‌ඡති; ගිහිධම්‌මා අනපගතො 1 හොති; කායස්‌ස භෙදා පරං මරණා සුගතිං සග්‌ගං ලොකං උපපජ්‌ජති. ඉමෙ ඛො, භික්‌ඛවෙ, පඤ්‌ච දානෙ ආනිසංසා’’ති.
35. ‘‘Pañcime , bhikkhave, dāne ānisaṃsā. Katame pañca? Bahuno janassa piyo hoti manāpo; santo sappurisā bhajanti; kalyāṇo kittisaddo abbhuggacchati; gihidhammā anapagato 2 hoti; kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca dāne ānisaṃsā’’ti.
‘‘දදමානො පියො හොති, සතං ධම්‌මං අනුක්‌කමං;
‘‘Dadamāno piyo hoti, sataṃ dhammaṃ anukkamaṃ;
‘‘තෙ තස්‌ස ධම්‌මං දෙසෙන්‌ති, සබ්‌බදුක්‌ඛාපනූදනං;
‘‘Te tassa dhammaṃ desenti, sabbadukkhāpanūdanaṃ;
යං සො ධම්‌මං ඉධඤ්‌ඤාය, පරිනිබ්‌බාති අනාසවො’’ති. පඤ්‌චමං;
Yaṃ so dhammaṃ idhaññāya, parinibbāti anāsavo’’ti. pañcamaṃ;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5. දානානිසංසසුත්‌තවණ්‌ණනා • 5. Dānānisaṃsasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 4-5. සීහසෙනාපතිසුත්‌තාදිවණ්‌ණනා • 4-5. Sīhasenāpatisuttādivaṇṇanā
