| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. д̣̇аанасуд̇д̇аван̣н̣анаа
7. Dānasuttavaṇṇanā
37. сад̇д̇амз взл̣уган̣д̣агийд̇и взл̣уган̣д̣аганаг̇араваасиний. чал̣ан̇г̇асаманнааг̇ад̇анд̇и чахи г̇ун̣ан̇г̇зхи саманнааг̇ад̇ам̣. д̣̇агкин̣ам̣ бад̇идтаабзд̇ийд̇и д̣̇аанам̣ д̣̇зд̇и. буб̣б̣зва д̣̇аанаа суманод̇и д̣̇аанам̣ д̣̇ассаамийд̇и маасад̣дхамаасад̇о бадтааяа соманассаббад̇д̇о ход̇и. зд̇т̇а хи буб̣б̣зжзд̇анаа д̣̇ассаамийд̇и жид̇д̇уббаад̣̇агаалад̇о бадтааяа ‘‘ид̇о удтид̇зна д̣̇аанам̣ д̣̇ассаамий’’д̇и кзд̇д̇аг̇г̇ахан̣ам̣ аад̣̇им̣ гад̇ваа жинд̇знд̇асса лаб̣бхад̇и. д̣̇ад̣̇ам̣ жид̇д̇ам̣ басаад̣̇зд̇ийд̇и звам̣ вуд̇д̇аа мун̃жажзд̇анаа бана д̣̇аанагаалзязва лаб̣бхад̇и. д̣̇ад̇ваа ад̇д̇амано ход̇ийд̇и аяам̣ бана абаражзд̇анаа абараабарам̣ ануссаранд̇асса лаб̣бхад̇и. вийд̇арааг̇аад̇и виг̇ад̇арааг̇аа кийн̣аасаваа. рааг̇авинаяааяа ваа бадибаннаад̇и рааг̇авинаяабадибад̣̇ам̣ бадибаннаа. уггадтад̣̇зсанаа жзсаа, на гзвалам̣ бана кийн̣аасаваанам̣, анааг̇аами-сагад̣̇ааг̇аами-сод̇аабаннаанамби анд̇амасо д̇ад̣̇ахубаб̣б̣аж̇ид̇асса бхан̣д̣аг̇аахагасааман̣зрассааби д̣̇иннаа д̣̇агкин̣аа чал̣ан̇г̇асаманнааг̇ад̇аава ход̇и. соби хи сод̇аабад̇д̇имаг̇г̇ад̇т̇амзва баб̣б̣аж̇ид̇о.
37. Sattame veḷukaṇḍakīti veḷukaṇḍakanagaravāsinī. Chaḷaṅgasamannāgatanti chahi guṇaṅgehi samannāgataṃ. Dakkhiṇaṃ patiṭṭhāpetīti dānaṃ deti. Pubbeva dānā sumanoti dānaṃ dassāmīti māsaḍḍhamāsato paṭṭhāya somanassappatto hoti. Ettha hi pubbecetanā dassāmīti cittuppādakālato paṭṭhāya ‘‘ito uṭṭhitena dānaṃ dassāmī’’ti khettaggahaṇaṃ ādiṃ katvā cintentassa labbhati. Dadaṃ cittaṃ pasādetīti evaṃ vuttā muñcacetanā pana dānakāleyeva labbhati. Datvā attamano hotīti ayaṃ pana aparacetanā aparāparaṃ anussarantassa labbhati. Vītarāgāti vigatarāgā khīṇāsavā. Rāgavinayāya vā paṭipannāti rāgavinayapaṭipadaṃ paṭipannā. Ukkaṭṭhadesanā cesā, na kevalaṃ pana khīṇāsavānaṃ, anāgāmi-sakadāgāmi-sotāpannānampi antamaso tadahupabbajitassa bhaṇḍagāhakasāmaṇerassāpi dinnā dakkhiṇā chaḷaṅgasamannāgatāva hoti. Sopi hi sotāpattimaggatthameva pabbajito.
яан̃н̃асса самбад̣̇аад̇и д̣̇аанасса барибун̣н̣ад̇аа. сан̃н̃ад̇аад̇и сийласан̃н̃амзна сан̃н̃ад̇аа. саяам̣ аажамаяид̇ваанаад̇и ад̇д̇анаава хад̇т̇абаад̣̇з д̇ховид̇ваа мукам̣ вигкаалзд̇ваа. сагзхи баан̣ибхийд̇и ад̇д̇ано хад̇т̇зхи. саязхийд̇иби баато. сад̣̇д̇ход̇и рад̇анад̇д̇аяаг̇ун̣з сад̣̇д̣̇аханд̇о. муд̇д̇зна жзд̇асаад̇и лаабхамажчарияаад̣̇ийхи вимуд̇д̇зна жид̇д̇зна. аб̣яаабаж̇жхам̣ сукам̣ логанд̇и нид̣̇д̣̇угкам̣ ул̣аарасукасоманассам̣ д̣̇звалогам̣.
Yaññassa sampadāti dānassa paripuṇṇatā. Saññatāti sīlasaññamena saññatā. Sayaṃ ācamayitvānāti attanāva hatthapāde dhovitvā mukhaṃ vikkhāletvā. Sakehi pāṇibhīti attano hatthehi. Sayehītipi pāṭho. Saddhoti ratanattayaguṇe saddahanto. Muttena cetasāti lābhamacchariyādīhi vimuttena cittena. Abyāpajjhaṃsukhaṃ lokanti niddukkhaṃ uḷārasukhasomanassaṃ devalokaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. чал̣ан̇г̇ад̣̇аанасуд̇д̇ам̣ • 7. Chaḷaṅgadānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. чал̣ан̇г̇ад̣̇аанасуд̇д̇аван̣н̣анаа • 7. Chaḷaṅgadānasuttavaṇṇanā
