| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
6. д̣̇аанасуд̇д̇аван̣н̣анаа
6. Dānasuttavaṇṇanā
26. чадтз зван̃жзд̇и зд̇т̇а званд̇и убамаагаарз нибаад̇о, жзд̇и баригаббанз. сад̇д̇аад̇и руубаад̣̇ийсу сад̇д̇аа висад̇д̇аа. ж̇аанзяяунд̇и б̣уж̇жхзяяум̣. д̣̇аанасам̣вибхааг̇ассаад̇и яааяа хи жзд̇анааяа аннаад̣̇ид̣̇зяяад̇хаммам̣ сам̣харид̇ваа анугамбаабууж̇аасу ан̃н̃ад̇аравасзна барзсам̣ д̣̇ийяад̇и, д̇ам̣ д̣̇аанам̣. яааяа бана ад̇д̇анаа барибхун̃ж̇ид̇аб̣б̣абхаавзна г̇ахид̇авад̇т̇усса згад̣̇зсо сам̣вибхаж̇ид̇ваа д̣̇ийяад̇и, аяам̣ сам̣вибхааг̇о. вибааганд̇и палам̣. яат̇аахам̣ ж̇аанаамийд̇и яат̇аа ахам̣ ж̇аанаами. ид̣̇ам̣ вуд̇д̇ам̣ ход̇и – д̇иражчаанаг̇ад̇ассаби д̣̇аанам̣ д̣̇ад̇ваа ад̇д̇абхаавасад̇з бавад̇д̇асукавибажжанавасзна сад̇аг̇ун̣аа д̣̇агкин̣аа ход̇ийд̇и звамаад̣̇инаа, бхигкавз, язна багаарзна ахам̣ д̣̇аанасса сам̣вибхааг̇асса жа вибаагам̣ гаммавибаагам̣ н̃аан̣аб̣алзна бажжагкад̇о ж̇аанаами, звам̣ имз сад̇д̇аа яад̣̇и ж̇аанзяяунд̇и. на ад̣̇ад̇ваа бхун̃ж̇зяяунд̇и яам̣ бхун̃ж̇ид̇аб̣б̣аяуд̇д̇агам̣ ад̇д̇ано ад̇т̇и, д̇ад̇о барзсам̣ на ад̣̇ад̇ваа мажчарияажид̇д̇зна жа д̇ан̣хаалобхавасзна жа бхун̃ж̇зяяум̣, д̣̇ад̇ваава бхун̃ж̇зяяум̣. на жа нзсам̣ мажчзрамалам̣ жид̇д̇ам̣ барияаад̣̇ааяа д̇идтзяяаад̇и ад̇д̇ано самбад̇д̇ийнам̣ барзхи саад̇хааран̣абхааваасаханалагкан̣ам̣ жид̇д̇асса бабхассарабхаавад̣̇уусагаанам̣ убаггилзсабхууд̇аанам̣ ган̣хад̇хаммаанам̣ ан̃н̃ад̇арам̣ мажчзрамалам̣. ат̇а ваа яат̇аавуд̇д̇амажчзран̃жзва ан̃н̃амби д̣̇аананд̇арааяагарам̣ иссаалобхад̣̇осаад̣̇ималан̃жа нзсам̣ сад̇д̇аанам̣ жид̇д̇ам̣ яат̇аа д̣̇аанажзд̇анаа на бавад̇д̇ад̇и, на ваа субарисуд̣̇д̇хаа ход̇и, звам̣ барияаад̣̇ааяа барид̇о г̇ахзд̇ваа абхибхавид̇ваа на д̇идтзяяа. го хи саммад̣̇зва д̣̇аанапалам̣ ж̇аананд̇о ад̇д̇ано жид̇д̇з мажчзрамаласса огаасам̣ д̣̇ад̣̇зяяа.
26. Chaṭṭhe evañceti ettha evanti upamākāre nipāto, ceti parikappane. Sattāti rūpādīsu sattā visattā. Jāneyyunti bujjheyyuṃ. Dānasaṃvibhāgassāti yāya hi cetanāya annādideyyadhammaṃ saṃharitvā anukampāpūjāsu aññataravasena paresaṃ dīyati, taṃ dānaṃ. Yāya pana attanā paribhuñjitabbabhāvena gahitavatthussa ekadeso saṃvibhajitvā dīyati, ayaṃ saṃvibhāgo. Vipākanti phalaṃ. Yathāhaṃ jānāmīti yathā ahaṃ jānāmi. Idaṃ vuttaṃ hoti – tiracchānagatassapi dānaṃ datvā attabhāvasate pavattasukhavipaccanavasena sataguṇā dakkhiṇā hotīti evamādinā, bhikkhave, yena pakārena ahaṃ dānassa saṃvibhāgassa ca vipākaṃ kammavipākaṃ ñāṇabalena paccakkhato jānāmi, evaṃ ime sattā yadi jāneyyunti. Na adatvā bhuñjeyyunti yaṃ bhuñjitabbayuttakaṃ attano atthi, tato paresaṃ na adatvā macchariyacittena ca taṇhālobhavasena ca bhuñjeyyuṃ, datvāva bhuñjeyyuṃ. Na ca nesaṃ maccheramalaṃ cittaṃ pariyādāya tiṭṭheyyāti attano sampattīnaṃ parehi sādhāraṇabhāvāsahanalakkhaṇaṃ cittassa pabhassarabhāvadūsakānaṃ upakkilesabhūtānaṃ kaṇhadhammānaṃ aññataraṃ maccheramalaṃ. Atha vā yathāvuttamaccherañceva aññampi dānantarāyakaraṃ issālobhadosādimalañca nesaṃ sattānaṃ cittaṃ yathā dānacetanā na pavattati, na vā suparisuddhā hoti, evaṃ pariyādāya parito gahetvā abhibhavitvā na tiṭṭheyya. Ko hi sammadeva dānaphalaṃ jānanto attano citte maccheramalassa okāsaṃ dadeyya.
яоби нзсам̣ асса жаримо аалобод̇и нзсам̣ сад̇д̇аанам̣ яо саб̣б̣абажчимаго аалобо сияаа. жаримам̣ габ̣ал̣анд̇и д̇ассзва взважанам̣. ид̣̇ам̣ вуд̇д̇ам̣ ход̇и – имз сад̇д̇аа багад̇ияаа яад̇д̇агзхи аалобзхи саяам̣ яаабзяяум̣, д̇зсу згамзва аалобам̣ ад̇д̇ано ад̇т̇ааяа табзд̇ваа д̇ад̣̇ан̃н̃з саб̣б̣з аалобз ааг̇ад̇ааг̇ад̇аанам̣ ад̇т̇игаанам̣ д̣̇ад̇ваа яо табид̇о аалобо асса, со ид̇ха жаримо аалобо наама. д̇ад̇оби на асам̣вибхаж̇ид̇ваа бхун̃ж̇зяяум̣, сажз нзсам̣ бадиг̇г̇аахагаа ассууд̇и нзсам̣ сад̇д̇аанам̣ бадиг̇г̇аахагаа яад̣̇и сияум̣, д̇ад̇оби яат̇аавуд̇д̇ажаримаалобад̇оби сам̣вибхаж̇ид̇ваава згад̣̇зсам̣ д̣̇ад̇ваава бхун̃ж̇зяяум̣, яат̇аахам̣ д̣̇аанасам̣вибхааг̇асса вибаагам̣ бажжагкад̇о ж̇аанаами, звам̣ яад̣̇и ж̇аанзяяунд̇и. яасмаа жа код̇иаад̣̇инаа гаммапаласса аббажжагкабхаавад̇о звамзд̇з сад̇д̇аа д̣̇аанасам̣вибхааг̇зсу на бавад̇д̇анд̇ийд̇и яат̇аад̇хиббзд̇амад̇т̇ам̣ гааран̣зна самбадибаад̣̇зд̇и. зд̇знзва д̇зсам̣ д̇ад̣̇ан̃н̃абун̃н̃зсу жа аббадибад̇д̇ияаа абун̃н̃зсу жа бадибад̇д̇ияаа гааран̣ам̣ д̣̇ассид̇анд̇и д̣̇адтаб̣б̣ам̣.
Yopi nesaṃ assa carimo ālopoti nesaṃ sattānaṃ yo sabbapacchimako ālopo siyā. Carimaṃ kabaḷanti tasseva vevacanaṃ. Idaṃ vuttaṃ hoti – ime sattā pakatiyā yattakehi ālopehi sayaṃ yāpeyyuṃ, tesu ekameva ālopaṃ attano atthāya ṭhapetvā tadaññe sabbe ālope āgatāgatānaṃ atthikānaṃ datvā yo ṭhapito ālopo assa, so idha carimo ālopo nāma. Tatopi na asaṃvibhajitvā bhuñjeyyuṃ, sace nesaṃ paṭiggāhakā assūti nesaṃ sattānaṃ paṭiggāhakā yadi siyuṃ, tatopi yathāvuttacarimālopatopi saṃvibhajitvāva ekadesaṃ datvāva bhuñjeyyuṃ, yathāhaṃ dānasaṃvibhāgassa vipākaṃ paccakkhato jānāmi, evaṃ yadi jāneyyunti. Yasmā ca khotiādinā kammaphalassa appaccakkhabhāvato evamete sattā dānasaṃvibhāgesu na pavattantīti yathādhippetamatthaṃ kāraṇena sampaṭipādeti. Eteneva tesaṃ tadaññapuññesu ca appaṭipattiyā apuññesu ca paṭipattiyā kāraṇaṃ dassitanti daṭṭhabbaṃ.
г̇аат̇аасу яат̇аавуд̇д̇ам̣ махзсинаад̇и махзсинаа бхаг̇авад̇аа ‘‘д̇иражчаанаг̇ад̇з д̣̇аанам̣ д̣̇ад̇ваа сад̇аг̇ун̣аа д̣̇агкин̣аа баадиган̇кид̇аб̣б̣аа’ д̇иаад̣̇инаа, ид̇хзва ваа ‘‘звам̣ жз сад̇д̇аа ж̇аанзяяу’’нд̇иаад̣̇инаа яат̇аавуд̇д̇ам̣, н̃аан̣ажаарзна д̇ам̣ яат̇аавуд̇д̇ам̣ жид̇д̇ам̣ н̃аад̇анд̇и ад̇т̇о. вибаагам̣ сам̣вибхааг̇ассаад̇и сам̣вибхааг̇ассаби вибаагам̣, го бана ваад̣̇о д̣̇аанасса. яат̇аа ход̇и махабпаланд̇и яат̇аа со вибааго маханд̇ам̣ палам̣ ход̇и, звам̣ имз сад̇д̇аа яад̣̇и ж̇аанзяяунд̇и самб̣анд̇хо. винзяяа мажчзрамаланд̇и мажчарияамалам̣ абанзд̇ваа гаммапаласад̣̇д̇хааяа рад̇анад̇д̇аяасад̣̇д̇хааяа жа висзсад̇о басаннзна жид̇д̇зна язсу гилзсзхи аарагад̇д̇аа ариязсу сийлаад̣̇иг̇ун̣асамбаннзсу д̣̇иннам̣ аббагамби д̣̇аанам̣ махабпалам̣ ход̇и, д̇зсу яуд̇д̇агаалзна д̣̇аж̇ж̇ум̣ д̣̇ад̣̇зяяум̣.
Gāthāsu yathāvuttaṃ mahesināti mahesinā bhagavatā ‘‘tiracchānagate dānaṃ datvā sataguṇā dakkhiṇā pāṭikaṅkhitabbā’ tiādinā, idheva vā ‘‘evaṃ ce sattā jāneyyu’’ntiādinā yathāvuttaṃ, ñāṇacārena taṃ yathāvuttaṃ cittaṃ ñātanti attho. Vipākaṃ saṃvibhāgassāti saṃvibhāgassapi vipākaṃ, ko pana vādo dānassa. Yathā hoti mahapphalanti yathā so vipāko mahantaṃ phalaṃ hoti, evaṃ ime sattā yadi jāneyyunti sambandho. Vineyya maccheramalanti macchariyamalaṃ apanetvā kammaphalasaddhāya ratanattayasaddhāya ca visesato pasannena cittena yesu kilesehi ārakattā ariyesu sīlādiguṇasampannesu dinnaṃ appakampi dānaṃ mahapphalaṃ hoti, tesu yuttakālena dajjuṃ dadeyyuṃ.
махабпалабхаавагаран̣ад̇о д̣̇агкин̣ам̣ араханд̇ийд̇и д̣̇агкин̣зяяаа, саммаабадибаннаа, д̇зсу д̣̇агкин̣зяязсу. д̣̇агкин̣ам̣ баралогам̣ сад̣̇д̣̇ахид̇ваа д̣̇аад̇аб̣б̣ам̣ д̣̇зяяад̇хаммам̣ яат̇аа д̇ам̣ д̣̇аанам̣ ход̇и махаад̣̇аанам̣, звам̣ д̣̇ад̇ваа. ат̇а ваа б̣ахуно аннам̣ д̣̇ад̇ваа, гат̇ам̣ бана аннам̣ д̣̇аад̇аб̣б̣анд̇и ааха ‘‘д̣̇агкин̣зяязсу д̣̇агкин̣а’’нд̇и. ид̇о мануссад̇д̇аа мануссад̇д̇абхаавад̇о жуд̇аа бадисанд̇хивасзна саг̇г̇ам̣ г̇ажчанд̇и д̣̇ааяагаа. гаамагааминод̇и гаамзд̇аб̣б̣аанам̣ ул̣аараанам̣ д̣̇звабхог̇аанам̣ бадилад̣̇д̇харуубавибхавзна гаммунаа убаг̇аманз саад̇хугаарид̇ааяа гаамагаамино саб̣б̣агаамасаман̇г̇ино. мод̣̇анд̇и яат̇ааружи барижаарзнд̇ийд̇и ад̇т̇о.
Mahapphalabhāvakaraṇato dakkhiṇaṃ arahantīti dakkhiṇeyyā, sammāpaṭipannā, tesu dakkhiṇeyyesu. Dakkhiṇaṃ paralokaṃ saddahitvā dātabbaṃ deyyadhammaṃ yathā taṃ dānaṃ hoti mahādānaṃ, evaṃ datvā. Atha vā bahuno annaṃ datvā, kathaṃ pana annaṃ dātabbanti āha ‘‘dakkhiṇeyyesu dakkhiṇa’’nti. Ito manussattā manussattabhāvato cutā paṭisandhivasena saggaṃ gacchanti dāyakā. Kāmakāminoti kāmetabbānaṃ uḷārānaṃ devabhogānaṃ paṭiladdharūpavibhavena kammunā upagamane sādhukāritāya kāmakāmino sabbakāmasamaṅgino. Modanti yathāruci paricārentīti attho.
чадтасуд̇д̇аван̣н̣анаа нидтид̇аа.
Chaṭṭhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 6. д̣̇аанасуд̇д̇ам̣ • 6. Dānasuttaṃ
