| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
9. д̣̇аанасуд̇д̇аван̣н̣анаа
9. Dānasuttavaṇṇanā
98. навамз д̣̇аананд̇и д̣̇аад̇аб̣б̣ам̣, савад̇т̇угаа ваа жзд̇анаа д̣̇аанам̣, самбад̇д̇ибарижжааг̇ассзд̇ам̣ ад̇хиважанам̣. аамисад̣̇аананд̇и жад̇д̇ааро бажжаяаа д̣̇зяяабхаававасзна аамисад̣̇аанам̣ наама. д̇з хи д̇ан̣хаад̣̇ийхи аамасид̇аб̣б̣ад̇о аамисанд̇и вужжанд̇и. д̇зсам̣ ваа барижжааг̇ажзд̇анаа аамисад̣̇аанам̣. д̇хаммад̣̇аананд̇и ид̇хзгажжо ‘‘имз д̇хаммаа гусалаа, имз д̇хаммаа агусалаа, имз д̇хаммаа сааваж̇ж̇аа, имз д̇хаммаа анаваж̇ж̇аа, имз вин̃н̃уг̇арахид̇аа, имз вин̃н̃уббасад̇т̇аа; имз самад̇д̇аа самаад̣̇иннаа ахид̇ааяа д̣̇угкааяа сам̣вад̇д̇анд̇и, имз хид̇ааяа сукааяа сам̣вад̇д̇анд̇ий’’д̇и гусалаагусалагаммабат̇з вибхаж̇анд̇о гаммагаммавибаагз ид̇халогабаралогз бажжагкад̇о д̣̇ассзнд̇о вияа баагадам̣ гаронд̇о агусалзхи д̇хаммзхи нивад̇д̇аабзнд̇о, гусалзсу д̇хаммзсу бад̇идтаабзнд̇о, д̇хаммам̣ д̣̇зсзд̇и, ид̣̇ам̣ д̇хаммад̣̇аанам̣. яо бана ‘‘имз д̇хаммаа абхин̃н̃зяяаа , имз барин̃н̃зяяаа, имз бахаад̇аб̣б̣аа, имз сажчигаад̇аб̣б̣аа, имз бхаавзд̇аб̣б̣аа’’д̇и сажжаани вибхаавзнд̇о амад̇аад̇хиг̇амааяа бадибад̇д̇ид̇хаммам̣ д̣̇зсзд̇и, ид̣̇ам̣ сикааббад̇д̇ам̣ д̇хаммад̣̇аанам̣ наама. зд̇ад̣̇аг̇г̇анд̇и зд̇ам̣ аг̇г̇ам̣. яад̣̇ид̣̇анд̇и яам̣ ид̣̇ам̣ д̇хаммад̣̇аанам̣ вуд̇д̇ам̣, зд̇ам̣ имзсу д̣̇вийсу д̣̇аанзсу аг̇г̇ам̣ сздтам̣ уд̇д̇амам̣. виваддаг̇аамид̇хаммад̣̇аанан̃хи ниссааяа саб̣б̣аанад̇т̇ад̇о баримужжад̇и, сагалам̣ ваддад̣̇угкам̣ ад̇иггамад̇и. логияам̣ бана д̇хаммад̣̇аанам̣ саб̣б̣зсам̣ д̣̇аанаанам̣ нид̣̇аанам̣ саб̣б̣асамбад̇д̇ийнам̣ муулам̣. д̇знааха –
98. Navame dānanti dātabbaṃ, savatthukā vā cetanā dānaṃ, sampattipariccāgassetaṃ adhivacanaṃ. Āmisadānanti cattāro paccayā deyyabhāvavasena āmisadānaṃ nāma. Te hi taṇhādīhi āmasitabbato āmisanti vuccanti. Tesaṃ vā pariccāgacetanā āmisadānaṃ. Dhammadānanti idhekacco ‘‘ime dhammā kusalā, ime dhammā akusalā, ime dhammā sāvajjā, ime dhammā anavajjā, ime viññugarahitā, ime viññuppasatthā; ime samattā samādinnā ahitāya dukkhāya saṃvattanti, ime hitāya sukhāya saṃvattantī’’ti kusalākusalakammapathe vibhajanto kammakammavipāke idhalokaparaloke paccakkhato dassento viya pākaṭaṃ karonto akusalehi dhammehi nivattāpento, kusalesu dhammesu patiṭṭhāpento, dhammaṃ deseti, idaṃ dhammadānaṃ. Yo pana ‘‘ime dhammā abhiññeyyā , ime pariññeyyā, ime pahātabbā, ime sacchikātabbā, ime bhāvetabbā’’ti saccāni vibhāvento amatādhigamāya paṭipattidhammaṃ deseti, idaṃ sikhāppattaṃ dhammadānaṃ nāma. Etadagganti etaṃ aggaṃ. Yadidanti yaṃ idaṃ dhammadānaṃ vuttaṃ, etaṃ imesu dvīsu dānesu aggaṃ seṭṭhaṃ uttamaṃ. Vivaṭṭagāmidhammadānañhi nissāya sabbānatthato parimuccati, sakalaṃ vaṭṭadukkhaṃ atikkamati. Lokiyaṃ pana dhammadānaṃ sabbesaṃ dānānaṃ nidānaṃ sabbasampattīnaṃ mūlaṃ. Tenāha –
‘‘саб̣б̣ад̣̇аанам̣ д̇хаммад̣̇аанам̣ ж̇инаад̇и, саб̣б̣арасам̣ д̇хаммарасо ж̇инаад̇и;
‘‘Sabbadānaṃ dhammadānaṃ jināti, sabbarasaṃ dhammaraso jināti;
саб̣б̣арад̇им̣ д̇хаммарад̇ий ж̇инаад̇и, д̇ан̣хагкаяо саб̣б̣ад̣̇угкам̣ ж̇инаад̇ий’’д̇и. (д̇ха. ба. 354) –
Sabbaratiṃ dhammaratī jināti, taṇhakkhayo sabbadukkhaṃ jinātī’’ti. (dha. pa. 354) –
абхаяад̣̇аанамзд̇т̇а д̇хаммад̣̇аанзнзва сан̇г̇ахид̇анд̇и д̣̇адтаб̣б̣ам̣.
Abhayadānamettha dhammadāneneva saṅgahitanti daṭṭhabbaṃ.
саад̇хааран̣абхог̇ид̇аад̇хиббааязна ад̇д̇анаа барибхун̃ж̇ид̇аб̣б̣ад̇о жад̇убажжаяад̇о саяамзва абхун̃ж̇ид̇ваа барзсам̣ сам̣вибхаж̇анам̣ аамисасам̣вибхааг̇о. саад̇хааран̣абхог̇ид̇аад̇хиббааязнзва ад̇д̇анаа вид̣̇ид̇асса ад̇хиг̇ад̇асса д̇хаммасса аббоссугго ахуд̇ваа барзсам̣ убад̣̇зсо д̇хаммасам̣вибхааг̇о. жад̇уухи бажжаязхи жад̇уухи жа сан̇г̇ахавад̇т̇уухи барзсам̣ ануг̇г̇ан̣ханам̣ анугамбанам̣ аамисаануг̇г̇ахо. вуд̇д̇анаязнзва д̇хаммзна барзсам̣ ануг̇г̇ан̣ханам̣ анугамбанам̣ д̇хаммаануг̇г̇ахо. сзсам̣ вуд̇д̇анаяамзва.
Sādhāraṇabhogitādhippāyena attanā paribhuñjitabbato catupaccayato sayameva abhuñjitvā paresaṃ saṃvibhajanaṃ āmisasaṃvibhāgo. Sādhāraṇabhogitādhippāyeneva attanā viditassa adhigatassa dhammassa appossukko ahutvā paresaṃ upadeso dhammasaṃvibhāgo. Catūhi paccayehi catūhi ca saṅgahavatthūhi paresaṃ anuggaṇhanaṃ anukampanaṃ āmisānuggaho. Vuttanayeneva dhammena paresaṃ anuggaṇhanaṃ anukampanaṃ dhammānuggaho. Sesaṃ vuttanayameva.
г̇аат̇аасу яамааху д̣̇аанам̣ бараманд̇и яам̣ д̣̇аанам̣ жид̇д̇акзд̇д̇ад̣̇зяяад̇хаммаанам̣ ул̣аарабхаавзна барамам̣ уд̇д̇амам̣, бхог̇асамбад̇д̇иаад̣̇ийнам̣ ваа бууран̣ад̇о паланад̇о, барасса ваа лобхамажчарияаад̣̇игасса бадибагкасса мад̣̇д̣̇анад̇о хим̣санад̇о ‘‘барама’’нд̇и б̣уд̣̇д̇хаа бхаг̇аванд̇о ааху. ануд̇д̇аранд̇и яам̣ д̣̇аанам̣ жзд̇анаад̣̇исамбад̇д̇ияаа саад̇исаяабавад̇д̇ияаа аг̇г̇абхаавзна аг̇г̇авибаагад̇д̇аа жа уд̇д̇арарахид̇ам̣ ануд̇д̇арабхаавасаад̇ханам̣ жаад̇и ааху. яам̣ сам̣вибхааг̇анд̇и зд̇т̇ааби ‘‘барамам̣ ануд̇д̇ара’’нд̇и бад̣̇ад̣̇ваяам̣ аанзд̇ваа яож̇зд̇аб̣б̣ам̣. аван̣н̣аяийд̇и гид̇д̇аяи, ‘‘бхож̇анам̣, бхигкавз, д̣̇ад̣̇амаано д̣̇ааяаго бадиг̇г̇аахагаанам̣ бан̃жа таанаани д̣̇зд̇ий’’д̇иаад̣̇инаа (а. ни. 5.37), ‘‘звам̣ жз, бхигкавз, сад̇д̇аа ж̇аанзяяум̣ д̣̇аанасам̣вибхааг̇асса вибаага’’нд̇иаад̣̇инаа (ид̇иву. 26) жа басам̣саяи. яат̇аа бана д̣̇аанам̣ сам̣вибхааг̇о жа барамам̣ ануд̇д̇аран̃жа ход̇и, д̇ам̣ д̣̇ассзд̇ум̣ ‘‘аг̇г̇амхий’’д̇иаад̣̇и вуд̇д̇ам̣. д̇ад̇т̇а аг̇г̇амхийд̇и сийлаад̣̇иг̇ун̣ависзсаяог̇зна сздтз ануд̇д̇арз бун̃н̃агкзд̇д̇з саммаасамб̣уд̣̇д̇хз арияасан̇гхз жа. басаннажид̇д̇од̇и гаммапаласад̣̇д̇хааяа рад̇анад̇д̇аяасад̣̇д̇хааяа жа жид̇д̇ам̣ басаад̣̇знд̇о огаббзнд̇о. жид̇д̇асамбад̇д̇ияаа хи кзд̇д̇асамбад̇д̇ияаа жа барид̇д̇зби д̣̇зяяад̇хаммз д̣̇аанам̣ махаанубхаавам̣ ход̇и махааж̇уд̇игам̣ махаавибпаарам̣. вуд̇д̇ан̃хзд̇ам̣ –
Gāthāsu yamāhu dānaṃ paramanti yaṃ dānaṃ cittakhettadeyyadhammānaṃ uḷārabhāvena paramaṃ uttamaṃ, bhogasampattiādīnaṃ vā pūraṇato phalanato, parassa vā lobhamacchariyādikassa paṭipakkhassa maddanato hiṃsanato ‘‘parama’’nti buddhā bhagavanto āhu. Anuttaranti yaṃ dānaṃ cetanādisampattiyā sātisayapavattiyā aggabhāvena aggavipākattā ca uttararahitaṃ anuttarabhāvasādhanaṃ cāti āhu. Yaṃ saṃvibhāganti etthāpi ‘‘paramaṃ anuttara’’nti padadvayaṃ ānetvā yojetabbaṃ. Avaṇṇayīti kittayi, ‘‘bhojanaṃ, bhikkhave, dadamāno dāyako paṭiggāhakānaṃ pañca ṭhānāni detī’’tiādinā (a. ni. 5.37), ‘‘evaṃ ce, bhikkhave, sattā jāneyyuṃ dānasaṃvibhāgassa vipāka’’ntiādinā (itivu. 26) ca pasaṃsayi. Yathā pana dānaṃ saṃvibhāgo ca paramaṃ anuttarañca hoti, taṃ dassetuṃ ‘‘aggamhī’’tiādi vuttaṃ. Tattha aggamhīti sīlādiguṇavisesayogena seṭṭhe anuttare puññakkhette sammāsambuddhe ariyasaṅghe ca. Pasannacittoti kammaphalasaddhāya ratanattayasaddhāya ca cittaṃ pasādento okappento. Cittasampattiyā hi khettasampattiyā ca parittepi deyyadhamme dānaṃ mahānubhāvaṃ hoti mahājutikaṃ mahāvipphāraṃ. Vuttañhetaṃ –
‘‘над̇т̇и жид̇д̇з басаннамхи, аббагаа наама д̣̇агкин̣аа;
‘‘Natthi citte pasannamhi, appakā nāma dakkhiṇā;
д̇ат̇ааг̇ад̇з ваа самб̣уд̣̇д̇хз, ат̇а ваа д̇асса саавагз’’д̇и. (ви. ва. 804; нзд̇д̇и. 95);
Tathāgate vā sambuddhe, atha vā tassa sāvake’’ti. (vi. va. 804; netti. 95);
вин̃н̃ууд̇и саббан̃н̃о. баж̇аананд̇и саммад̣̇зва д̣̇аанапалам̣ д̣̇аанаанисам̣сам̣ баж̇аананд̇о. го на яаж̇зт̇а гаалзд̇и яуд̇д̇аббад̇д̇агаалз го наама д̣̇аанам̣ на д̣̇ад̣̇зяяа? сад̣̇д̇хаа, д̣̇зяяад̇хаммо, бадиг̇г̇аахагаад̇и имзсам̣ д̇ин̣н̣ам̣ саммукибхууд̇агаалзязва хи д̣̇аанам̣ самбхавад̇и, на ан̃н̃ат̇аа, бадиг̇г̇аахагаанам̣ ваа д̣̇аад̇ум̣ яуд̇д̇агаалз.
Viññūti sappañño. Pajānanti sammadeva dānaphalaṃ dānānisaṃsaṃ pajānanto. Ko na yajetha kāleti yuttappattakāle ko nāma dānaṃ na dadeyya? Saddhā, deyyadhammo, paṭiggāhakāti imesaṃ tiṇṇaṃ sammukhibhūtakāleyeva hi dānaṃ sambhavati, na aññathā, paṭiggāhakānaṃ vā dātuṃ yuttakāle.
звам̣ батамаг̇аат̇ааяа аамисад̣̇аанасам̣вибхааг̇аануг̇г̇ахз д̣̇ассзд̇ваа ид̣̇аани д̇хаммад̣̇аанасам̣вибхааг̇аануг̇г̇ахз д̣̇ассзд̇ум̣ ‘‘яз жзва бхаасанд̇ий’’д̇и д̣̇уд̇ияаг̇аат̇амааха. д̇ад̇т̇а убхаяанд̇и ‘‘бхаасанд̇и сун̣анд̇ий’’д̇и вуд̇д̇аа д̣̇зсагаа бадиг̇г̇аахагаад̇и убхаяам̣. аяам̣ банзд̇т̇а сан̇кзбад̇т̇о – яз суг̇ад̇асса бхаг̇авад̇о саасанз сад̣̇д̇хаммз басаннажид̇д̇аа вимуд̇д̇ааяад̇анасийсз тад̇ваа д̣̇зсзнд̇и бадиг̇г̇ан̣ханд̇и жа, д̇зсам̣ д̣̇зсагабадиг̇г̇аахагаанам̣ со д̇хаммад̣̇аанад̇хаммасам̣вибхааг̇ад̇хаммаануг̇г̇ахасан̇каад̇о ад̇т̇о. барамад̇т̇асаад̇ханад̇о барамо. д̇ан̣хаасам̣гилзсаад̣̇исаб̣б̣асам̣гилзсамалависод̇ханзна висуж̇жхад̇и. гийд̣̇исаанам̣? яз аббамад̇д̇аа суг̇ад̇асса саасанз. яз жа –
Evaṃ paṭhamagāthāya āmisadānasaṃvibhāgānuggahe dassetvā idāni dhammadānasaṃvibhāgānuggahe dassetuṃ ‘‘ye ceva bhāsantī’’ti dutiyagāthamāha. Tattha ubhayanti ‘‘bhāsanti suṇantī’’ti vuttā desakā paṭiggāhakāti ubhayaṃ. Ayaṃ panettha saṅkhepattho – ye sugatassa bhagavato sāsane saddhamme pasannacittā vimuttāyatanasīse ṭhatvā desenti paṭiggaṇhanti ca, tesaṃ desakapaṭiggāhakānaṃ so dhammadānadhammasaṃvibhāgadhammānuggahasaṅkhāto attho. Paramatthasādhanato paramo. Taṇhāsaṃkilesādisabbasaṃkilesamalavisodhanena visujjhati. Kīdisānaṃ? Ye appamattā sugatassa sāsane. Ye ca –
‘‘саб̣б̣абаабасса агаран̣ам̣, гусаласса убасамбад̣̇аа;
‘‘Sabbapāpassa akaraṇaṃ, kusalassa upasampadā;
сажид̇д̇абарияод̣̇абанам̣, зд̇ам̣ б̣уд̣̇д̇хаана саасана’’нд̇и. (д̣̇ий. ни. 2.90; д̇ха. ба. 183) –
Sacittapariyodapanaṃ, etaṃ buddhāna sāsana’’nti. (dī. ni. 2.90; dha. pa. 183) –
сан̇кзбад̇о звам̣ багаасид̇з саммаасамб̣уд̣̇д̇хасса саасанз оваад̣̇з анусидтияам̣ аббамад̇д̇аа ад̇хисийласигкаад̣̇аяо саггажжам̣ самбаад̣̇знд̇и. д̇зсам̣ висуж̇жхад̇и, арахад̇д̇апалависуд̣̇д̇хияаа ад̇ивияа вод̣̇ааяад̇ийд̇и.
Saṅkhepato evaṃ pakāsite sammāsambuddhassa sāsane ovāde anusiṭṭhiyaṃ appamattā adhisīlasikkhādayo sakkaccaṃ sampādenti. Tesaṃ visujjhati, arahattaphalavisuddhiyā ativiya vodāyatīti.
навамасуд̇д̇аван̣н̣анаа нидтид̇аа.
Navamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 9. д̣̇аанасуд̇д̇ам̣ • 9. Dānasuttaṃ
