| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਦਾਨਸੁਤ੍ਤવਣ੍ਣਨਾ
7. Dānasuttavaṇṇanā
੩੭. ਸਤ੍ਤਮੇ વੇਲ਼ੁਕਣ੍ਡਕੀਤਿ વੇਲ਼ੁਕਣ੍ਡਕਨਗਰવਾਸਿਨੀ। ਛਲ਼ਙ੍ਗਸਮਨ੍ਨਾਗਤਨ੍ਤਿ ਛਹਿ ਗੁਣਙ੍ਗੇਹਿ ਸਮਨ੍ਨਾਗਤਂ। ਦਕ੍ਖਿਣਂ ਪਤਿਟ੍ਠਾਪੇਤੀਤਿ ਦਾਨਂ ਦੇਤਿ। ਪੁਬ੍ਬੇવ ਦਾਨਾ ਸੁਮਨੋਤਿ ਦਾਨਂ ਦਸ੍ਸਾਮੀਤਿ ਮਾਸਡ੍ਢਮਾਸਤੋ ਪਟ੍ਠਾਯ ਸੋਮਨਸ੍ਸਪ੍ਪਤ੍ਤੋ ਹੋਤਿ। ਏਤ੍ਥ ਹਿ ਪੁਬ੍ਬੇਚੇਤਨਾ ਦਸ੍ਸਾਮੀਤਿ ਚਿਤ੍ਤੁਪ੍ਪਾਦਕਾਲਤੋ ਪਟ੍ਠਾਯ ‘‘ਇਤੋ ਉਟ੍ਠਿਤੇਨ ਦਾਨਂ ਦਸ੍ਸਾਮੀ’’ਤਿ ਖੇਤ੍ਤਗ੍ਗਹਣਂ ਆਦਿਂ ਕਤ੍વਾ ਚਿਨ੍ਤੇਨ੍ਤਸ੍ਸ ਲਬ੍ਭਤਿ। ਦਦਂ ਚਿਤ੍ਤਂ ਪਸਾਦੇਤੀਤਿ ਏવਂ વੁਤ੍ਤਾ ਮੁਞ੍ਚਚੇਤਨਾ ਪਨ ਦਾਨਕਾਲੇਯੇવ ਲਬ੍ਭਤਿ। ਦਤ੍વਾ ਅਤ੍ਤਮਨੋ ਹੋਤੀਤਿ ਅਯਂ ਪਨ ਅਪਰਚੇਤਨਾ ਅਪਰਾਪਰਂ ਅਨੁਸ੍ਸਰਨ੍ਤਸ੍ਸ ਲਬ੍ਭਤਿ। વੀਤਰਾਗਾਤਿ વਿਗਤਰਾਗਾ ਖੀਣਾਸવਾ। ਰਾਗવਿਨਯਾਯ વਾ ਪਟਿਪਨ੍ਨਾਤਿ ਰਾਗવਿਨਯਪਟਿਪਦਂ ਪਟਿਪਨ੍ਨਾ। ਉਕ੍ਕਟ੍ਠਦੇਸਨਾ ਚੇਸਾ, ਨ ਕੇવਲਂ ਪਨ ਖੀਣਾਸવਾਨਂ, ਅਨਾਗਾਮਿ-ਸਕਦਾਗਾਮਿ-ਸੋਤਾਪਨ੍ਨਾਨਮ੍ਪਿ ਅਨ੍ਤਮਸੋ ਤਦਹੁਪਬ੍ਬਜਿਤਸ੍ਸ ਭਣ੍ਡਗਾਹਕਸਾਮਣੇਰਸ੍ਸਾਪਿ ਦਿਨ੍ਨਾ ਦਕ੍ਖਿਣਾ ਛਲ਼ਙ੍ਗਸਮਨ੍ਨਾਗਤਾવ ਹੋਤਿ। ਸੋਪਿ ਹਿ ਸੋਤਾਪਤ੍ਤਿਮਗ੍ਗਤ੍ਥਮੇવ ਪਬ੍ਬਜਿਤੋ।
37. Sattame veḷukaṇḍakīti veḷukaṇḍakanagaravāsinī. Chaḷaṅgasamannāgatanti chahi guṇaṅgehi samannāgataṃ. Dakkhiṇaṃ patiṭṭhāpetīti dānaṃ deti. Pubbeva dānā sumanoti dānaṃ dassāmīti māsaḍḍhamāsato paṭṭhāya somanassappatto hoti. Ettha hi pubbecetanā dassāmīti cittuppādakālato paṭṭhāya ‘‘ito uṭṭhitena dānaṃ dassāmī’’ti khettaggahaṇaṃ ādiṃ katvā cintentassa labbhati. Dadaṃ cittaṃ pasādetīti evaṃ vuttā muñcacetanā pana dānakāleyeva labbhati. Datvā attamano hotīti ayaṃ pana aparacetanā aparāparaṃ anussarantassa labbhati. Vītarāgāti vigatarāgā khīṇāsavā. Rāgavinayāya vā paṭipannāti rāgavinayapaṭipadaṃ paṭipannā. Ukkaṭṭhadesanā cesā, na kevalaṃ pana khīṇāsavānaṃ, anāgāmi-sakadāgāmi-sotāpannānampi antamaso tadahupabbajitassa bhaṇḍagāhakasāmaṇerassāpi dinnā dakkhiṇā chaḷaṅgasamannāgatāva hoti. Sopi hi sotāpattimaggatthameva pabbajito.
ਯਞ੍ਞਸ੍ਸ ਸਮ੍ਪਦਾਤਿ ਦਾਨਸ੍ਸ ਪਰਿਪੁਣ੍ਣਤਾ। ਸਞ੍ਞਤਾਤਿ ਸੀਲਸਞ੍ਞਮੇਨ ਸਞ੍ਞਤਾ। ਸਯਂ ਆਚਮਯਿਤ੍વਾਨਾਤਿ ਅਤ੍ਤਨਾવ ਹਤ੍ਥਪਾਦੇ ਧੋવਿਤ੍વਾ ਮੁਖਂ વਿਕ੍ਖਾਲੇਤ੍વਾ। ਸਕੇਹਿ ਪਾਣਿਭੀਤਿ ਅਤ੍ਤਨੋ ਹਤ੍ਥੇਹਿ। ਸਯੇਹੀਤਿਪਿ ਪਾਠੋ। ਸਦ੍ਧੋਤਿ ਰਤਨਤ੍ਤਯਗੁਣੇ ਸਦ੍ਦਹਨ੍ਤੋ। ਮੁਤ੍ਤੇਨ ਚੇਤਸਾਤਿ ਲਾਭਮਚ੍ਛਰਿਯਾਦੀਹਿ વਿਮੁਤ੍ਤੇਨ ਚਿਤ੍ਤੇਨ। ਅਬ੍ਯਾਪਜ੍ਝਂ ਸੁਖਂ ਲੋਕਨ੍ਤਿ ਨਿਦ੍ਦੁਕ੍ਖਂ ਉਲ਼ਾਰਸੁਖਸੋਮਨਸ੍ਸਂ ਦੇવਲੋਕਂ।
Yaññassa sampadāti dānassa paripuṇṇatā. Saññatāti sīlasaññamena saññatā. Sayaṃ ācamayitvānāti attanāva hatthapāde dhovitvā mukhaṃ vikkhāletvā. Sakehi pāṇibhīti attano hatthehi. Sayehītipi pāṭho. Saddhoti ratanattayaguṇe saddahanto. Muttena cetasāti lābhamacchariyādīhi vimuttena cittena. Abyāpajjhaṃsukhaṃ lokanti niddukkhaṃ uḷārasukhasomanassaṃ devalokaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਛਲ਼ਙ੍ਗਦਾਨਸੁਤ੍ਤਂ • 7. Chaḷaṅgadānasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਛਲ਼ਙ੍ਗਦਾਨਸੁਤ੍ਤવਣ੍ਣਨਾ • 7. Chaḷaṅgadānasuttavaṇṇanā
