| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. දණ්‌ඩදායකත්‌ථෙරඅපදානං
5. Daṇḍadāyakattheraapadānaṃ
18.
18.
‘‘කානනං වනමොගය්‌හ, වෙළුං ඡෙත්‌වානහං තදා;
‘‘Kānanaṃ vanamogayha, veḷuṃ chetvānahaṃ tadā;
ආලම්‌බනං කරිත්‌වාන, සඞ්‌ඝස්‌ස අදදං අහං.
Ālambanaṃ karitvāna, saṅghassa adadaṃ ahaṃ.
19.
19.
‘‘තෙන චිත්‌තප්‌පසාදෙන, සුබ්‌බතෙ අභිවාදිය;
‘‘Tena cittappasādena, subbate abhivādiya;
ආලම්‌බනම්‌පි දත්‌වාන, පක්‌කාමිං උත්‌තරාමුඛො.
Ālambanampi datvāna, pakkāmiṃ uttarāmukho.
20.
20.
‘‘චතුන්‌නවුතිතො කප්‌පෙ, යං දණ්‌ඩමදදිං තදා;
‘‘Catunnavutito kappe, yaṃ daṇḍamadadiṃ tadā;
දුග්‌ගතිං නාභිජානාමි, දණ්‌ඩදානස්‌සිදං ඵලං.
Duggatiṃ nābhijānāmi, daṇḍadānassidaṃ phalaṃ.
21.
21.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා දණ්‌ඩදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā daṇḍadāyako thero imā gāthāyo abhāsitthāti.
දණ්‌ඩදායකත්‌ථෙරස්‌සාපදානං පඤ්‌චමං.
Daṇḍadāyakattherassāpadānaṃ pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. පදුමකෙසරියත්‌ථෙරඅපදානාදිවණ්‌ණනා • 1-10. Padumakesariyattheraapadānādivaṇṇanā
