| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
43. д̣̇ан̣д̣агаммавад̇т̇у
43. Daṇḍakammavatthu
107. д̇зна ко бана самаязна сааман̣зраа бхигкуусу аг̇аараваа аббад̇иссаа асабхааг̇авуд̇д̇игаа вихаранд̇и. бхигкуу уж̇жхааяанд̇и кияяанд̇и вибаажзнд̇и – ‘‘гат̇ан̃хи наама сааман̣зраа бхигкуусу аг̇аараваа аббад̇иссаа асабхааг̇авуд̇д̇игаа вихариссанд̇ий’’д̇и. бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, бан̃жахан̇г̇зхи саманнааг̇ад̇асса сааман̣зрасса д̣̇ан̣д̣агаммам̣ гаад̇ум̣. бхигкуунам̣ алаабхааяа барисаггад̇и, бхигкуунам̣ анад̇т̇ааяа барисаггад̇и, бхигкуунам̣ аваасааяа барисаггад̇и, бхигкуу аггосад̇и барибхаасад̇и, бхигкуу бхигкуухи бхзд̣̇зд̇и – ануж̇аанаами, бхигкавз, имзхи бан̃жахан̇г̇зхи саманнааг̇ад̇асса сааман̣зрасса д̣̇ан̣д̣агаммам̣ гаад̇унд̇и.
107. Tena kho pana samayena sāmaṇerā bhikkhūsu agāravā appatissā asabhāgavuttikā viharanti. Bhikkhū ujjhāyanti khiyyanti vipācenti – ‘‘kathañhi nāma sāmaṇerā bhikkhūsu agāravā appatissā asabhāgavuttikā viharissantī’’ti. Bhagavato etamatthaṃ ārocesuṃ…pe… anujānāmi, bhikkhave, pañcahaṅgehi samannāgatassa sāmaṇerassa daṇḍakammaṃ kātuṃ. Bhikkhūnaṃ alābhāya parisakkati, bhikkhūnaṃ anatthāya parisakkati, bhikkhūnaṃ avāsāya parisakkati, bhikkhū akkosati paribhāsati, bhikkhū bhikkhūhi bhedeti – anujānāmi, bhikkhave, imehi pañcahaṅgehi samannāgatassa sāmaṇerassa daṇḍakammaṃ kātunti.
ат̇а ко бхигкуунам̣ зд̇ад̣̇ахоси – ‘‘гим̣ ну ко д̣̇ан̣д̣агаммам̣ гаад̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ааваран̣ам̣ гаад̇унд̇и.
Atha kho bhikkhūnaṃ etadahosi – ‘‘kiṃ nu kho daṇḍakammaṃ kātabba’’nti? Bhagavato etamatthaṃ ārocesuṃ. Anujānāmi, bhikkhave, āvaraṇaṃ kātunti.
д̇зна ко бана самаязна бхигкуу сааман̣зраанам̣ саб̣б̣ам̣ сан̇гхаараамам̣ ааваран̣ам̣ гаронд̇и. сааман̣зраа аараамам̣ бависид̇ум̣ алабхамаанаа баггаманд̇иби , виб̣бхаманд̇иби, д̇ид̇т̇иязсуби сан̇гаманд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, саб̣б̣о сан̇гхаараамо ааваран̣ам̣ гаад̇аб̣б̣о. яо гарзяяа, аабад̇д̇и д̣̇уггадасса. ануж̇аанаами, бхигкавз, яад̇т̇а ваа васад̇и, яад̇т̇а ваа бадиггамад̇и, д̇ад̇т̇а ааваран̣ам̣ гаад̇унд̇и.
Tena kho pana samayena bhikkhū sāmaṇerānaṃ sabbaṃ saṅghārāmaṃ āvaraṇaṃ karonti. Sāmaṇerā ārāmaṃ pavisituṃ alabhamānā pakkamantipi , vibbhamantipi, titthiyesupi saṅkamanti. Bhagavato etamatthaṃ ārocesuṃ. Na, bhikkhave, sabbo saṅghārāmo āvaraṇaṃ kātabbo. Yo kareyya, āpatti dukkaṭassa. Anujānāmi, bhikkhave, yattha vā vasati, yattha vā paṭikkamati, tattha āvaraṇaṃ kātunti.
д̇зна ко бана самаязна бхигкуу сааман̣зраанам̣ мукад̣̇вааригам̣ аахаарам̣ ааваран̣ам̣ гаронд̇и. мануссаа яааг̇убаанамби сан̇гхабхад̇д̇амби гаронд̇аа сааман̣зрз звам̣ вад̣̇знд̇и – ‘‘зт̇а, бханд̇з, яааг̇ум̣ биват̇а; зт̇а, бханд̇з, бхад̇д̇ам̣ бхун̃ж̇ат̇аа’’д̇и. сааман̣зраа звам̣ вад̣̇знд̇и – ‘‘наавусо, лаб̣бхаа. бхигкуухи ааваран̣ам̣ гад̇а’’нд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхад̣̇анд̇аа сааман̣зраанам̣ мукад̣̇вааригам̣ аахаарам̣ ааваран̣ам̣ гариссанд̇ий’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, мукад̣̇ваариго аахааро ааваран̣ам̣ гаад̇аб̣б̣о. яо гарзяяа, аабад̇д̇и д̣̇уггадассаад̇и.
Tena kho pana samayena bhikkhū sāmaṇerānaṃ mukhadvārikaṃ āhāraṃ āvaraṇaṃ karonti. Manussā yāgupānampi saṅghabhattampi karontā sāmaṇere evaṃ vadenti – ‘‘etha, bhante, yāguṃ pivatha; etha, bhante, bhattaṃ bhuñjathā’’ti. Sāmaṇerā evaṃ vadenti – ‘‘nāvuso, labbhā. Bhikkhūhi āvaraṇaṃ kata’’nti. Manussā ujjhāyanti khiyyanti vipācenti – ‘‘kathañhi nāma bhadantā sāmaṇerānaṃ mukhadvārikaṃ āhāraṃ āvaraṇaṃ karissantī’’ti. Bhagavato etamatthaṃ ārocesuṃ. Na, bhikkhave, mukhadvāriko āhāro āvaraṇaṃ kātabbo. Yo kareyya, āpatti dukkaṭassāti.
д̣̇ан̣д̣агаммавад̇т̇у нидтид̇ам̣.
Daṇḍakammavatthu niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сигкаабад̣̇ад̣̇ан̣д̣агаммавад̇т̇угат̇аа • Sikkhāpadadaṇḍakammavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 42. сигкаабад̣̇ад̣̇ан̣д̣агаммавад̇т̇угат̇аа • 42. Sikkhāpadadaṇḍakammavatthukathā
