| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. த³ண்ட³ஸுத்தங்
9. Daṇḍasuttaṃ
132. ஸாவத்தி²யங் விஹரதி…பே॰… ‘‘அனமதக்³கோ³யங், பி⁴க்க²வே, ஸங்ஸாரோ. புப்³பா³ கோடி ந பஞ்ஞாயதி அவிஜ்ஜானீவரணானங் ஸத்தானங் தண்ஹாஸங்யோஜனானங் ஸந்தா⁴வதங் ஸங்ஸரதங். ஸெய்யதா²பி, பி⁴க்க²வே, த³ண்டோ³ உபரிவேஹாஸங் கி²த்தோ ஸகிம்பி மூலேன நிபததி, ஸகிம்பி மஜ்ஜே²ன நிபததி, ஸகிம்பி அந்தேன நிபததி; ஏவமேவ கோ², பி⁴க்க²வே, அவிஜ்ஜானீவரணா ஸத்தா தண்ஹாஸங்யோஜனா ஸந்தா⁴வந்தா ஸங்ஸரந்தா ஸகிம்பி அஸ்மா லோகா பரங் லோகங் க³ச்ச²ந்தி, ஸகிம்பி பரஸ்மா லோகா இமங் லோகங் ஆக³ச்ச²ந்தி. தங் கிஸ்ஸ ஹேது? அனமதக்³கோ³யங், பி⁴க்க²வே, ஸங்ஸாரோ…பே॰… அலங் விமுச்சிது’’ந்தி. நவமங்.
132. Sāvatthiyaṃ viharati…pe… ‘‘anamataggoyaṃ, bhikkhave, saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Seyyathāpi, bhikkhave, daṇḍo uparivehāsaṃ khitto sakimpi mūlena nipatati, sakimpi majjhena nipatati, sakimpi antena nipatati; evameva kho, bhikkhave, avijjānīvaraṇā sattā taṇhāsaṃyojanā sandhāvantā saṃsarantā sakimpi asmā lokā paraṃ lokaṃ gacchanti, sakimpi parasmā lokā imaṃ lokaṃ āgacchanti. Taṃ kissa hetu? Anamataggoyaṃ, bhikkhave, saṃsāro…pe… alaṃ vimuccitu’’nti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8-9. க³ங்கா³ஸுத்தாதி³வண்ணனா • 8-9. Gaṅgāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. த³ண்ட³ஸுத்தவண்ணனா • 9. Daṇḍasuttavaṇṇanā
