| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. த³ண்ட³ஸுத்தங்
3. Daṇḍasuttaṃ
1103. ‘‘ஸெய்யதா²பி, பி⁴க்க²வே, த³ண்டோ³ உபரிவேஹாஸங் கி²த்தோ ஸகிம்பி மூலேன நிபததி, ஸகிம்பி அக்³கே³ன நிபததி; ஏவமேவ கோ², பி⁴க்க²வே, அவிஜ்ஜானீவரணா ஸத்தா தண்ஹாஸங்யோஜனா ஸந்தா⁴வந்தா ஸங்ஸரந்தா 1 ஸகிம்பி அஸ்மா லோகா பரங் லோகங் க³ச்ச²ந்தி, ஸகிம்பி பரஸ்மா லோகா இமங் லோகங் ஆக³ச்ச²ந்தி. தங் கிஸ்ஸ ஹேது? அதி³ட்ட²த்தா, பி⁴க்க²வே, சதுன்னங் அரியஸச்சானங். கதமேஸங் சதுன்னங்? து³க்க²ஸ்ஸ அரியஸச்சஸ்ஸ…பே॰… து³க்க²னிரோத⁴கா³மினியா படிபதா³ய அரியஸச்சஸ்ஸ.
1103. ‘‘Seyyathāpi, bhikkhave, daṇḍo uparivehāsaṃ khitto sakimpi mūlena nipatati, sakimpi aggena nipatati; evameva kho, bhikkhave, avijjānīvaraṇā sattā taṇhāsaṃyojanā sandhāvantā saṃsarantā 2 sakimpi asmā lokā paraṃ lokaṃ gacchanti, sakimpi parasmā lokā imaṃ lokaṃ āgacchanti. Taṃ kissa hetu? Adiṭṭhattā, bhikkhave, catunnaṃ ariyasaccānaṃ. Katamesaṃ catunnaṃ? Dukkhassa ariyasaccassa…pe… dukkhanirodhagāminiyā paṭipadāya ariyasaccassa.
‘‘தஸ்மாதிஹ , பி⁴க்க²வே, ‘இத³ங் து³க்க²’ந்தி யோகோ³ கரணீயோ…பே॰… ‘அயங் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. ததியங்.
‘‘Tasmātiha , bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. த³ண்ட³ஸுத்தவண்ணனா • 3. Daṇḍasuttavaṇṇanā
