Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

    10. д̣̇ан̣д̣аваг̇г̇о

    10. Daṇḍavaggo

    1. чаб̣б̣аг̇г̇ияабхигкувад̇т̇у

    1. Chabbaggiyabhikkhuvatthu

    саб̣б̣з д̇асанд̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о чаб̣б̣аг̇г̇ияз бхигкуу аараб̣бха гат̇зси.

    Sabbetasantīti imaṃ dhammadesanaṃ satthā jetavane viharanto chabbaggiye bhikkhū ārabbha kathesi.

    згасмин̃хи самаяз сад̇д̇арасаваг̇г̇иязхи сзнаасанз бадиж̇аг̇г̇ид̇з чаб̣б̣аг̇г̇ияаа бхигкуу ‘‘нигкамат̇а, маяам̣ махаллагад̇араа, амхаагам̣ зд̇ам̣ баабун̣аад̇ий’’д̇и вад̇ваа д̇зхи ‘‘на маяам̣ д̣̇ассаама, амхзхи батамам̣ бадиж̇аг̇г̇ид̇а’’нд̇и вуд̇д̇з д̇з бхигкуу бахарим̣су. сад̇д̇арасаваг̇г̇ияаа маран̣абхаяад̇аж̇ж̇ид̇аа махаавиравам̣ виравим̣су. сад̇т̇аа д̇зсам̣ сад̣̇д̣̇ам̣ суд̇ваа ‘‘гим̣ ид̣̇а’’нд̇и бужчид̇ваа ‘‘ид̣̇ам̣ наамаа’’д̇и аарожид̇з ‘‘на, бхигкавз, ид̇о бадтааяа бхигкунаа наама звам̣ гад̇д̇аб̣б̣ам̣, яо гарод̇и, со имам̣ наама аабад̇д̇им̣ аабаж̇ж̇ад̇ий’’д̇и бахаарад̣̇аанасигкаабад̣̇ам̣ (баажи. 449 аад̣̇аяо) бан̃н̃аабзд̇ваа, ‘‘бхигкавз, бхигкунаа наама ‘яат̇аа ахам̣, д̇ат̇зва ан̃н̃зби д̣̇ан̣д̣асса д̇асанд̇и, мажжуно бхааяанд̇ий’д̇и н̃ад̇ваа баро на бахарид̇аб̣б̣о, на гхаад̇зд̇аб̣б̣о’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Ekasmiñhi samaye sattarasavaggiyehi senāsane paṭijaggite chabbaggiyā bhikkhū ‘‘nikkhamatha, mayaṃ mahallakatarā, amhākaṃ etaṃ pāpuṇātī’’ti vatvā tehi ‘‘na mayaṃ dassāma, amhehi paṭhamaṃ paṭijaggita’’nti vutte te bhikkhū pahariṃsu. Sattarasavaggiyā maraṇabhayatajjitā mahāviravaṃ viraviṃsu. Satthā tesaṃ saddaṃ sutvā ‘‘kiṃ ida’’nti pucchitvā ‘‘idaṃ nāmā’’ti ārocite ‘‘na, bhikkhave, ito paṭṭhāya bhikkhunā nāma evaṃ kattabbaṃ, yo karoti, so imaṃ nāma āpattiṃ āpajjatī’’ti pahāradānasikkhāpadaṃ (pāci. 449 ādayo) paññāpetvā, ‘‘bhikkhave, bhikkhunā nāma ‘yathā ahaṃ, tatheva aññepi daṇḍassa tasanti, maccuno bhāyantī’ti ñatvā paro na paharitabbo, na ghātetabbo’’ti vatvā anusandhiṃ ghaṭetvā dhammaṃ desento imaṃ gāthamāha –

    129.

    129.

    ‘‘саб̣б̣з д̇асанд̇и д̣̇ан̣д̣асса, саб̣б̣з бхааяанд̇и мажжуно;

    ‘‘Sabbe tasanti daṇḍassa, sabbe bhāyanti maccuno;

    ад̇д̇аанам̣ убамам̣ гад̇ваа, на ханзяяа на гхаад̇аяз’’д̇и.

    Attānaṃ upamaṃ katvā, na haneyya na ghātaye’’ti.

    д̇ад̇т̇а саб̣б̣з д̇асанд̇ийд̇и саб̣б̣зби сад̇д̇аа ад̇д̇ани д̣̇ан̣д̣з бад̇анд̇з д̇асса д̣̇ан̣д̣асса д̇асанд̇и. мажжунод̇и маран̣ассааби бхааяанд̇иязва. имиссаа жа д̣̇зсанааяа б̣яан̃ж̇анам̣ ниравасзсам̣, ад̇т̇о бана саавасзсо. яат̇аа хи ран̃н̃аа ‘‘саб̣б̣з саннибад̇анд̇уу’’д̇и бхзрияаа жараабид̇ааяаби рааж̇амахаамад̇д̇з табзд̇ваа сзсаа саннибад̇анд̇и, звамид̇ха ‘‘саб̣б̣з д̇асанд̇ий’’д̇и вуд̇д̇зби хад̇т̇ааж̇аанзяяо ассааж̇аанзяяо усабхааж̇аанзяяо кийн̣аасавод̇и имз жад̇д̇ааро табзд̇ваа авасзсаава д̇асанд̇ийд̇и взд̣̇ид̇аб̣б̣аа. имзсу хи кийн̣аасаво саггааяад̣̇идтияаа бахийнад̇д̇аа маран̣агасад̇д̇ам̣ абассанд̇о на бхааяад̇и, ид̇арз д̇аяо саггааяад̣̇идтияаа б̣алавад̇д̇аа ад̇д̇ано бадибагкабхууд̇ам̣ сад̇д̇ам̣ абассанд̇аа на бхааяанд̇ийд̇и. на ханзяяа на гхаад̇аязд̇и яат̇аа ахам̣ , звам̣ ан̃н̃зби сад̇д̇аад̇и нзва барам̣ бахарзяяа на бахараабзяяаад̇и ад̇т̇о.

    Tattha sabbe tasantīti sabbepi sattā attani daṇḍe patante tassa daṇḍassa tasanti. Maccunoti maraṇassāpi bhāyantiyeva. Imissā ca desanāya byañjanaṃ niravasesaṃ, attho pana sāvaseso. Yathā hi raññā ‘‘sabbe sannipatantū’’ti bheriyā carāpitāyapi rājamahāmatte ṭhapetvā sesā sannipatanti, evamidha ‘‘sabbe tasantī’’ti vuttepi hatthājāneyyo assājāneyyo usabhājāneyyo khīṇāsavoti ime cattāro ṭhapetvā avasesāva tasantīti veditabbā. Imesu hi khīṇāsavo sakkāyadiṭṭhiyā pahīnattā maraṇakasattaṃ apassanto na bhāyati, itare tayo sakkāyadiṭṭhiyā balavattā attano paṭipakkhabhūtaṃ sattaṃ apassantā na bhāyantīti. Na haneyya na ghātayeti yathā ahaṃ , evaṃ aññepi sattāti neva paraṃ pahareyya na paharāpeyyāti attho.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    чаб̣б̣аг̇г̇ияабхигкувад̇т̇у батамам̣.

    Chabbaggiyabhikkhuvatthu paṭhamaṃ.

    2. чаб̣б̣аг̇г̇ияабхигкувад̇т̇у

    2. Chabbaggiyabhikkhuvatthu

    саб̣б̣з д̇асанд̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о чаб̣б̣аг̇г̇ияз бхигкуу аараб̣бха гат̇зси.

    Sabbe tasantīti imaṃ dhammadesanaṃ satthā jetavane viharanto chabbaggiye bhikkhū ārabbha kathesi.

    д̇зязва згасмин̃хи самаяз д̇знзва гааран̣зна буримасигкаабад̣̇з сад̇д̇арасаваг̇г̇ияз бахарим̣су. д̇знзва гааран̣зна д̇зсам̣ д̇аласад̇д̇игам̣ уг̇г̇ирим̣су. ид̇хааби сад̇т̇аа д̇зсам̣ сад̣̇д̣̇ам̣ суд̇ваа ‘‘гим̣ ид̣̇а’’нд̇и бужчид̇ваа ‘‘ид̣̇ам̣ наамаа’’д̇и аарожид̇з ‘‘на, бхигкавз, ид̇о бадтааяа бхигкунаа наама звам̣ гад̇д̇аб̣б̣ам̣, яо гарод̇и, со имам̣ наама аабад̇д̇им̣ аабаж̇ж̇ад̇ий’’д̇и д̇аласад̇д̇игасигкаабад̣̇ам̣ (баажи. 454 аад̣̇аяо) бан̃н̃аабзд̇ваа, ‘‘бхигкавз, бхигкунаа наама ‘яат̇аа ахам̣, д̇ат̇зва ан̃н̃зби д̣̇ан̣д̣асса д̇асанд̇и, яат̇аа жа маяхам̣, д̇ат̇зва нзсам̣ ж̇ийвид̇ам̣ бияа’нд̇и н̃ад̇ваа баро на бахарид̇аб̣б̣о на гхаадзд̇аб̣б̣о’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Teyeva ekasmiñhi samaye teneva kāraṇena purimasikkhāpade sattarasavaggiye pahariṃsu. Teneva kāraṇena tesaṃ talasattikaṃ uggiriṃsu. Idhāpi satthā tesaṃ saddaṃ sutvā ‘‘kiṃ ida’’nti pucchitvā ‘‘idaṃ nāmā’’ti ārocite ‘‘na, bhikkhave, ito paṭṭhāya bhikkhunā nāma evaṃ kattabbaṃ, yo karoti, so imaṃ nāma āpattiṃ āpajjatī’’ti talasattikasikkhāpadaṃ (pāci. 454 ādayo) paññāpetvā, ‘‘bhikkhave, bhikkhunā nāma ‘yathā ahaṃ, tatheva aññepi daṇḍassa tasanti, yathā ca mayhaṃ, tatheva nesaṃ jīvitaṃ piya’nti ñatvā paro na paharitabbo na ghāṭetabbo’’ti vatvā anusandhiṃ ghaṭetvā dhammaṃ desento imaṃ gāthamāha –

    130.

    130.

    ‘‘саб̣б̣з д̇асанд̇и д̣̇ан̣д̣асса, саб̣б̣зсам̣ ж̇ийвид̇ам̣ бияам̣;

    ‘‘Sabbe tasanti daṇḍassa, sabbesaṃ jīvitaṃ piyaṃ;

    ад̇д̇аанам̣ убамам̣ гад̇ваа, на ханзяяа на гхаад̇аяз’’д̇и.

    Attānaṃ upamaṃ katvā, na haneyya na ghātaye’’ti.

    д̇ад̇т̇а саб̣б̣зсам̣ ж̇ийвид̇ам̣ бияанд̇и кийн̣аасавам̣ табзд̇ваа сзсасад̇д̇аанам̣ ж̇ийвид̇ам̣ бияам̣ мад̇хурам̣, кийн̣аасаво бана ж̇ийвид̇з ваа маран̣з ваа убзгкагова ход̇и. сзсам̣ буримасад̣̇исамзваад̇и.

    Tattha sabbesaṃ jīvitaṃ piyanti khīṇāsavaṃ ṭhapetvā sesasattānaṃ jīvitaṃ piyaṃ madhuraṃ, khīṇāsavo pana jīvite vā maraṇe vā upekkhakova hoti. Sesaṃ purimasadisamevāti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    чаб̣б̣аг̇г̇ияабхигкувад̇т̇у д̣̇уд̇ияам̣.

    Chabbaggiyabhikkhuvatthu dutiyaṃ.

    3. саб̣б̣ахулагумаарагавад̇т̇у

    3. Sabbahulakumārakavatthu

    сукагаамаани бхууд̇аанийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о самб̣ахулз гумаарагз аараб̣бха гат̇зси.

    Sukhakāmānibhūtānīti imaṃ dhammadesanaṃ satthā jetavane viharanto sambahule kumārake ārabbha kathesi.

    згасмин̃хи самаяз сад̇т̇аа саавад̇т̇ияам̣ бин̣д̣ааяа бависанд̇о анд̇араамаг̇г̇з самб̣ахулз гумаарагз згам̣ гхарасаббаж̇аад̇игам̣ ахим̣ д̣̇ан̣д̣агзна бахаранд̇з д̣̇исваа ‘‘гумаарагаа гим̣ гарот̇аа’’д̇и бужчид̇ваа ‘‘ахим̣, бханд̇з, д̣̇ан̣д̣агзна бахараамаа’’д̇и вуд̇д̇з ‘‘гим̣ гааран̣аа’’д̇и буна бужчид̇ваа ‘‘д̣ам̣санабхаязна, бханд̇з’’д̇и вуд̇д̇з ‘‘д̇умхз ‘ад̇д̇ано сукам̣ гариссаамаа’д̇и имам̣ бахаранд̇аа ниб̣б̣ад̇д̇аниб̣б̣ад̇д̇адтаанз сукалаабхино на бхависсат̇а. ад̇д̇ано сукам̣ бад̇т̇знд̇зна хи барам̣ бахарид̇ум̣ на ваддад̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имаа г̇аат̇аа абхааси –

    Ekasmiñhi samaye satthā sāvatthiyaṃ piṇḍāya pavisanto antarāmagge sambahule kumārake ekaṃ gharasappajātikaṃ ahiṃ daṇḍakena paharante disvā ‘‘kumārakā kiṃ karothā’’ti pucchitvā ‘‘ahiṃ, bhante, daṇḍakena paharāmā’’ti vutte ‘‘kiṃ kāraṇā’’ti puna pucchitvā ‘‘ḍaṃsanabhayena, bhante’’ti vutte ‘‘tumhe ‘attano sukhaṃ karissāmā’ti imaṃ paharantā nibbattanibbattaṭṭhāne sukhalābhino na bhavissatha. Attano sukhaṃ patthentena hi paraṃ paharituṃ na vaṭṭatī’’ti vatvā anusandhiṃ ghaṭetvā dhammaṃ desento imā gāthā abhāsi –

    131.

    131.

    ‘‘сукагаамаани бхууд̇аани, яо д̣̇ан̣д̣зна вихим̣сад̇и;

    ‘‘Sukhakāmāni bhūtāni, yo daṇḍena vihiṃsati;

    ад̇д̇ано сукамзсаано, бзжжа со на лабхад̇з сукам̣.

    Attano sukhamesāno, pecca so na labhate sukhaṃ.

    132.

    132.

    ‘‘сукагаамаани бхууд̇аани, яо д̣̇ан̣д̣зна на хим̣сад̇и;

    ‘‘Sukhakāmāni bhūtāni, yo daṇḍena na hiṃsati;

    ад̇д̇ано сукамзсаано, бзжжа со лабхад̇з сука’’нд̇и.

    Attano sukhamesāno, pecca so labhate sukha’’nti.

    д̇ад̇т̇а яо д̣̇ан̣д̣знаад̇и яо буг̇г̇ало д̣̇ан̣д̣зна ваа лзд̣д̣уаад̣̇ийхи ваа вихзтзд̇и. бзжжа со на лабхад̇з суканд̇и со буг̇г̇ало баралогз мануссасукам̣ ваа д̣̇иб̣б̣асукам̣ ваа барамад̇т̇абхууд̇ам̣ ваа ниб̣б̣аанасукам̣ на лабхад̇и. д̣̇уд̇ияаг̇аат̇ааяа бзжжа со лабхад̇зд̇и со буг̇г̇ало баралогз вуд̇д̇аббагаарам̣ д̇ивид̇хамби сукам̣ лабхад̇ийд̇и ад̇т̇о.

    Tattha yo daṇḍenāti yo puggalo daṇḍena vā leḍḍuādīhi vā viheṭheti. Pecca so na labhate sukhanti so puggalo paraloke manussasukhaṃ vā dibbasukhaṃ vā paramatthabhūtaṃ vā nibbānasukhaṃ na labhati. Dutiyagāthāya pecca so labhateti so puggalo paraloke vuttappakāraṃ tividhampi sukhaṃ labhatīti attho.

    д̣̇зсанаавасаанз бан̃жасад̇ааби д̇з гумаарагаа сод̇аабад̇д̇ипалз бад̇идтахим̣сууд̇и.

    Desanāvasāne pañcasatāpi te kumārakā sotāpattiphale patiṭṭhahiṃsūti.

    самб̣ахулагумаарагавад̇т̇у д̇ад̇ияам̣.

    Sambahulakumārakavatthu tatiyaṃ.

    4. гон̣д̣ад̇хаанад̇т̇зравад̇т̇у

    4. Koṇḍadhānattheravatthu

    маавожа парусам̣ ган̃жийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о гон̣д̣ад̇хаанад̇т̇зрам̣ аараб̣бха гат̇зси.

    Māvocapharusaṃ kañcīti imaṃ dhammadesanaṃ satthā jetavane viharanto koṇḍadhānattheraṃ ārabbha kathesi.

    д̇асса гира баб̣б̣аж̇ид̇ад̣̇ивасад̇о бадтааяа згам̣ ид̇т̇ируубам̣ т̇зрзна сад̣̇д̇хим̣язва вижарад̇и. д̇ам̣ т̇зро на бассад̇и, махааж̇ано бана бассад̇и. анд̇ог̇аамам̣ бин̣д̣ааяа жарад̇обисса мануссаа згам̣ бхигкам̣ д̣̇ад̇ваа, ‘‘бханд̇з, аяам̣ д̇умхаагам̣ ход̇у, аяам̣ бана д̇умхаагам̣ сахааяигааяаа’’д̇и вад̇ваа д̣̇уд̇ияамби д̣̇ад̣̇анд̇и.

    Tassa kira pabbajitadivasato paṭṭhāya ekaṃ itthirūpaṃ therena saddhiṃyeva vicarati. Taṃ thero na passati, mahājano pana passati. Antogāmaṃ piṇḍāya caratopissa manussā ekaṃ bhikkhaṃ datvā, ‘‘bhante, ayaṃ tumhākaṃ hotu, ayaṃ pana tumhākaṃ sahāyikāyā’’ti vatvā dutiyampi dadanti.

    гим̣ д̇асса буб̣б̣агамманд̇и? гассабасаммаасамб̣уд̣̇д̇хагаалз гира д̣̇вз сахааяагаа бхигкуу згамаад̇угужчид̇о нигканд̇асад̣̇исаа ад̇ивияа самаг̇г̇аа ахзсум̣. д̣̇ийгхааяугаб̣уд̣̇д̇хагаалз жа анусам̣важчарам̣ ваа анучамаасам̣ ваа бхигкуу убосат̇ад̇т̇ааяа саннибад̇анд̇и. д̇асмаа д̇зби ‘‘убосат̇аг̇г̇ам̣ г̇амиссаамаа’’д̇и васанадтаанаа нигкамим̣су. д̇з згаа д̇аавад̇им̣сабхаванз ниб̣б̣ад̇д̇ад̣̇звад̇аа д̣̇исваа ‘‘имз бхигкуу ад̇ивияа самаг̇г̇аа, саггаа ну ко имз бхинд̣̇ид̇у’’нд̇и жинд̇зд̇ваа ад̇д̇ано б̣аалад̇ааяа жинд̇ид̇асамананд̇арамзва ааг̇анд̇ваа д̇зсу згзна, ‘‘аавусо, мухуд̇д̇ам̣ ааг̇амзхи, сарийрагижжзнамхи ад̇т̇иго’’д̇и вуд̇д̇з саа д̣̇звад̇аа згам̣ мануссид̇т̇иван̣н̣ам̣ маабзд̇ваа т̇зрасса г̇ажчанд̇арам̣ бависид̇ваа нигкаманагаалз згзна хад̇т̇зна гзсагалаабам̣, згзна ниваасанам̣ сан̣таабаяамаанаа д̇асса бидтид̇о нигками. со д̇ам̣ на бассад̇и, д̇амааг̇амаяамаано бана бурад̇о тид̇абхигку нивад̇д̇ид̇ваа ологаяамаано д̇ам̣ д̇ат̇аа гад̇ваа нигкаманд̇ам̣ басси. саа д̇зна д̣̇идтабхаавам̣ н̃ад̇ваа анд̇арад̇хааяи. ид̇аро д̇ам̣ бхигкум̣ ад̇д̇ано санд̇игам̣ ааг̇ад̇агаалз ааха – ‘‘аавусо, сийлам̣ д̇з бхинна’’нд̇и. ‘‘над̇т̇аавусо, маяхам̣ зварууба’’нд̇и. ид̣̇аанзва д̇з маяаа бажчад̇о нигкамамаанаа д̇арун̣аид̇т̇ий ид̣̇ам̣ наама гаронд̇ий д̣̇идтаа, д̇вам̣ ‘‘над̇т̇и маяхам̣ зварууба’’нд̇и гим̣ вад̣̇зсийд̇и. со асанияаа мад̇т̇агз авад̇т̇адо вияа маа мам̣, аавусо, наасзхи, над̇т̇и маяхам̣ зваруубанд̇и. ид̇аро ‘‘маяаа саамам̣ агкийхи д̣̇идтам̣, гим̣ д̇ава сад̣̇д̣̇ахиссаамий’’д̇и д̣̇ан̣д̣аго вияа бхиж̇ж̇ид̇ваа баггаами, убосат̇аг̇г̇зби ‘‘наахам̣ иминаа сад̣̇д̇хим̣ убосат̇ам̣ гариссаамий’’д̇и нисийд̣̇и. ид̇аро ‘‘маяхам̣, бханд̇з, сийлз ан̣умад̇д̇амби гаал̣ам̣ над̇т̇ий’’д̇и бхигкуунам̣ гат̇зси. соби ‘‘маяаа саамам̣ д̣̇идта’’нд̇и ааха. д̣̇звад̇аа д̇ам̣ д̇зна сад̣̇д̇хим̣ убосат̇ам̣ гаад̇ум̣ анижчанд̇ам̣ д̣̇исваа ‘‘бхаарияам̣ маяаа гаммам̣ гад̇а’’нд̇и жинд̇зд̇ваа – ‘‘бханд̇з, маяхам̣ аяяасса сийлабхзд̣̇о над̇т̇и, маяаа бана виймам̣санавасзнзд̇ам̣ гад̇ам̣, гарот̇а д̇зна сад̣̇д̇хим̣ убосат̇а’’нд̇и ааха. со д̇ассаа аагаасз тад̇ваа гат̇знд̇ияаа сад̣̇д̣̇ахид̇ваа убосат̇ам̣ агааси , на бана т̇зрз буб̣б̣з вияа муд̣̇ужид̇д̇о ахоси. зд̇д̇агам̣ д̣̇звад̇ааяа буб̣б̣агаммам̣.

    Kiṃ tassa pubbakammanti? Kassapasammāsambuddhakāle kira dve sahāyakā bhikkhū ekamātukucchito nikkhantasadisā ativiya samaggā ahesuṃ. Dīghāyukabuddhakāle ca anusaṃvaccharaṃ vā anuchamāsaṃ vā bhikkhū uposathatthāya sannipatanti. Tasmā tepi ‘‘uposathaggaṃ gamissāmā’’ti vasanaṭṭhānā nikkhamiṃsu. Te ekā tāvatiṃsabhavane nibbattadevatā disvā ‘‘ime bhikkhū ativiya samaggā, sakkā nu kho ime bhinditu’’nti cintetvā attano bālatāya cintitasamanantarameva āgantvā tesu ekena, ‘‘āvuso, muhuttaṃ āgamehi, sarīrakiccenamhi atthiko’’ti vutte sā devatā ekaṃ manussitthivaṇṇaṃ māpetvā therassa gacchantaraṃ pavisitvā nikkhamanakāle ekena hatthena kesakalāpaṃ, ekena nivāsanaṃ saṇṭhāpayamānā tassa piṭṭhito nikkhami. So taṃ na passati, tamāgamayamāno pana purato ṭhitabhikkhu nivattitvā olokayamāno taṃ tathā katvā nikkhamantaṃ passi. Sā tena diṭṭhabhāvaṃ ñatvā antaradhāyi. Itaro taṃ bhikkhuṃ attano santikaṃ āgatakāle āha – ‘‘āvuso, sīlaṃ te bhinna’’nti. ‘‘Natthāvuso, mayhaṃ evarūpa’’nti. Idāneva te mayā pacchato nikkhamamānā taruṇaitthī idaṃ nāma karontī diṭṭhā, tvaṃ ‘‘natthi mayhaṃ evarūpa’’nti kiṃ vadesīti. So asaniyā matthake avatthaṭo viya mā maṃ, āvuso, nāsehi, natthi mayhaṃ evarūpanti. Itaro ‘‘mayā sāmaṃ akkhīhi diṭṭhaṃ, kiṃ tava saddahissāmī’’ti daṇḍako viya bhijjitvā pakkāmi, uposathaggepi ‘‘nāhaṃ iminā saddhiṃ uposathaṃ karissāmī’’ti nisīdi. Itaro ‘‘mayhaṃ, bhante, sīle aṇumattampi kāḷaṃ natthī’’ti bhikkhūnaṃ kathesi. Sopi ‘‘mayā sāmaṃ diṭṭha’’nti āha. Devatā taṃ tena saddhiṃ uposathaṃ kātuṃ anicchantaṃ disvā ‘‘bhāriyaṃ mayā kammaṃ kata’’nti cintetvā – ‘‘bhante, mayhaṃ ayyassa sīlabhedo natthi, mayā pana vīmaṃsanavasenetaṃ kataṃ, karotha tena saddhiṃ uposatha’’nti āha. So tassā ākāse ṭhatvā kathentiyā saddahitvā uposathaṃ akāsi , na pana there pubbe viya muducitto ahosi. Ettakaṃ devatāya pubbakammaṃ.

    ааяубарияосаанз бана д̇з т̇зраа яат̇аасукам̣ д̣̇звалогз ниб̣б̣ад̇д̇им̣су. д̣̇звад̇аа абийжимхи ниб̣б̣ад̇д̇ид̇ваа згам̣ б̣уд̣̇д̇ханд̇арам̣ д̇ад̇т̇а бажжид̇ваа имасмим̣ б̣уд̣̇д̇хуббаад̣̇з саавад̇т̇ияам̣ ниб̣б̣ад̇д̇ид̇ваа вуд̣̇д̇химанвааяа саасанз баб̣б̣аж̇ид̇ваа убасамбад̣̇ам̣ лабхи. д̇асса баб̣б̣аж̇ид̇ад̣̇ивасад̇о бадтааяа д̇ам̣ ид̇т̇ируубам̣ д̇ат̇зва бан̃н̃ааяи. д̇знзвасса гон̣д̣ад̇хаанад̇т̇зрод̇и наамам̣ гарим̣су. д̇ам̣ д̇ат̇аавижаранд̇ам̣ д̣̇исваа бхигкуу анаат̇абин̣д̣игам̣ аахам̣су – ‘‘махаасздти, имам̣ д̣̇уссийлам̣ д̇ава вихаараа нийхара. иман̃хи ниссааяа сзсабхигкуунам̣ аяасо уббаж̇ж̇иссад̇ий’’д̇и. гим̣ бана, бханд̇з, сад̇т̇аа вихаарз над̇т̇ийд̇и? ад̇т̇и убаасагаад̇и. д̇зна хи, бханд̇з, сад̇т̇аава ж̇ааниссад̇ийд̇и. бхигкуу г̇анд̇ваа висаакааяаби д̇ат̇зва гат̇зсум̣. сааби нзсам̣ д̇ат̇зва бадиважанам̣ ад̣̇ааси.

    Āyupariyosāne pana te therā yathāsukhaṃ devaloke nibbattiṃsu. Devatā apīcimhi nibbattitvā ekaṃ buddhantaraṃ tattha paccitvā imasmiṃ buddhuppāde sāvatthiyaṃ nibbattitvā vuddhimanvāya sāsane pabbajitvā upasampadaṃ labhi. Tassa pabbajitadivasato paṭṭhāya taṃ itthirūpaṃ tatheva paññāyi. Tenevassa koṇḍadhānattheroti nāmaṃ kariṃsu. Taṃ tathāvicarantaṃ disvā bhikkhū anāthapiṇḍikaṃ āhaṃsu – ‘‘mahāseṭṭhi, imaṃ dussīlaṃ tava vihārā nīhara. Imañhi nissāya sesabhikkhūnaṃ ayaso uppajjissatī’’ti. Kiṃ pana, bhante, satthā vihāre natthīti? Atthi upāsakāti. Tena hi, bhante, satthāva jānissatīti. Bhikkhū gantvā visākhāyapi tatheva kathesuṃ. Sāpi nesaṃ tatheva paṭivacanaṃ adāsi.

    бхигкууби д̇зхи асамбадижчид̇аважанаа ран̃н̃о аарожзсум̣ – ‘‘махаарааж̇а, гон̣д̣ад̇хаанад̇т̇зро згам̣ ид̇т̇им̣ г̇ахзд̇ваа вижаранд̇о саб̣б̣зсам̣ аяасам̣ уббаад̣̇зси, д̇ам̣ д̇умхаагам̣ виж̇ид̇аа нийхарат̇аа’’д̇и. ‘‘гахам̣ бана со, бханд̇з’’д̇и? ‘‘вихаарз, махаарааж̇аа’’д̇и. ‘‘гад̇арасмим̣ сзнаасанз вихарад̇ий’’д̇и? ‘‘асугасмим̣ наамаа’’д̇и. ‘‘д̇зна хи г̇ажчат̇а, ахам̣ д̇ам̣ г̇ан̣хиссаамий’’д̇и со сааяанхасамаяз вихаарам̣ г̇анд̇ваа д̇ам̣ сзнаасанам̣ бурисзхи баригкибаабзд̇ваа т̇зрасса васанадтаанаабхимуко аг̇амааси. т̇зро махаасад̣̇д̣̇ам̣ суд̇ваа вихаараа нигкамид̇ваа бамукз адтааси. д̇амбисса ид̇т̇ируубам̣ бидтибассз тид̇ам̣ рааж̇аа ад̣̇д̣̇аса. т̇зро ран̃н̃о ааг̇аманам̣ н̃ад̇ваа вихаарам̣ абхирухид̇ваа нисийд̣̇и. рааж̇аа т̇зрам̣ на ванд̣̇и, д̇амби ид̇т̇им̣ наад̣̇д̣̇аса. со д̣̇вааранд̇арзби хздтааман̃жзби ологзнд̇о ад̣̇исваава т̇зрам̣ ааха – ‘‘бханд̇з, имасмим̣ таанз згам̣ ид̇т̇им̣ ад̣̇д̣̇асам̣, гахам̣ саа’’д̇и? ‘‘на бассаами, махаарааж̇аа’’д̇и. ‘‘ид̣̇аани маяаа д̇умхаагам̣ бидтибассз тид̇аа д̣̇идтаа’’д̇и вуд̇д̇зби ‘‘ахам̣ на бассаами’’жжзвааха. рааж̇аа ‘‘гим̣ ну ко зд̇а’’нд̇и жинд̇зд̇ваа, ‘‘бханд̇з, ид̇о д̇аава нигкамат̇аа’’д̇и ааха. т̇зрз нигкамид̇ваа бамукз тид̇з буна саа т̇зрасса бидтибассз адтааси. рааж̇аа д̇ам̣ д̣̇исваа буна убарид̇алам̣ абхирухи, д̇асса ааг̇ад̇абхаавам̣ н̃ад̇ваа т̇зро нисийд̣̇и. буна рааж̇аа д̇ам̣ саб̣б̣адтаанзсу ологзнд̇оби ад̣̇исваа, ‘‘бханд̇з, гахам̣ саа ид̇т̇ий’’д̇и буна т̇зрам̣ бужчи. наахам̣ бассаами махаарааж̇аад̇и. ‘‘гим̣ гат̇зт̇а, бханд̇з, маяаа ид̣̇аанзва д̇умхаагам̣ бидтибассз тид̇аа д̣̇идтаа’’д̇и ааха. аама, махаарааж̇а, махааж̇аноби ‘‘мз бажчад̇о бажчад̇о ид̇т̇ий вижарад̇ий’’д̇и вад̣̇ад̇и, ахам̣ бана на бассаамийд̇и . рааж̇аа ‘‘бадируубагзна бхавид̇аб̣б̣а’’нд̇и саллагкзд̇ваа буна т̇зрам̣, ‘‘бханд̇з, ид̇о д̇аава од̇арат̇аа’’д̇и вад̇ваа т̇зрз од̇арид̇ваа бамукз тид̇з буна д̇ам̣ д̇асса бидтибассз тид̇ам̣ д̣̇исваа убарид̇алам̣ абхирухи. буна наад̣̇д̣̇аса. со буна т̇зрам̣ бужчид̇ваа д̇зна ‘‘на бассаами’’жжзва вуд̇д̇з ‘‘бадируубагамзвзд̇а’’нд̇и нидтам̣ г̇анд̇ваа т̇зрам̣ ааха – ‘‘бханд̇з, зваруубз сам̣гилзсз д̇умхаагам̣ бидтид̇о вижаранд̇з ан̃н̃о гожи д̇умхаагам̣ бхигкам̣ на д̣̇ассад̇и, ниб̣ад̣̇д̇хам̣ мама г̇зхам̣ бависат̇а, ахамзва жад̇уухи бажжаязхи убадтахиссаамий’’д̇и т̇зрам̣ ниманд̇зд̇ваа баггаами.

    Bhikkhūpi tehi asampaṭicchitavacanā rañño ārocesuṃ – ‘‘mahārāja, koṇḍadhānatthero ekaṃ itthiṃ gahetvā vicaranto sabbesaṃ ayasaṃ uppādesi, taṃ tumhākaṃ vijitā nīharathā’’ti. ‘‘Kahaṃ pana so, bhante’’ti? ‘‘Vihāre, mahārājā’’ti. ‘‘Katarasmiṃ senāsane viharatī’’ti? ‘‘Asukasmiṃ nāmā’’ti. ‘‘Tena hi gacchatha, ahaṃ taṃ gaṇhissāmī’’ti so sāyanhasamaye vihāraṃ gantvā taṃ senāsanaṃ purisehi parikkhipāpetvā therassa vasanaṭṭhānābhimukho agamāsi. Thero mahāsaddaṃ sutvā vihārā nikkhamitvā pamukhe aṭṭhāsi. Tampissa itthirūpaṃ piṭṭhipasse ṭhitaṃ rājā addasa. Thero rañño āgamanaṃ ñatvā vihāraṃ abhiruhitvā nisīdi. Rājā theraṃ na vandi, tampi itthiṃ nāddasa. So dvārantarepi heṭṭhāmañcepi olokento adisvāva theraṃ āha – ‘‘bhante, imasmiṃ ṭhāne ekaṃ itthiṃ addasaṃ, kahaṃ sā’’ti? ‘‘Na passāmi, mahārājā’’ti. ‘‘Idāni mayā tumhākaṃ piṭṭhipasse ṭhitā diṭṭhā’’ti vuttepi ‘‘ahaṃ na passāmi’’ccevāha. Rājā ‘‘kiṃ nu kho eta’’nti cintetvā, ‘‘bhante, ito tāva nikkhamathā’’ti āha. There nikkhamitvā pamukhe ṭhite puna sā therassa piṭṭhipasse aṭṭhāsi. Rājā taṃ disvā puna uparitalaṃ abhiruhi, tassa āgatabhāvaṃ ñatvā thero nisīdi. Puna rājā taṃ sabbaṭṭhānesu olokentopi adisvā, ‘‘bhante, kahaṃ sā itthī’’ti puna theraṃ pucchi. Nāhaṃ passāmi mahārājāti. ‘‘Kiṃ kathetha, bhante, mayā idāneva tumhākaṃ piṭṭhipasse ṭhitā diṭṭhā’’ti āha. Āma, mahārāja, mahājanopi ‘‘me pacchato pacchato itthī vicaratī’’ti vadati, ahaṃ pana na passāmīti . Rājā ‘‘paṭirūpakena bhavitabba’’nti sallakkhetvā puna theraṃ, ‘‘bhante, ito tāva otarathā’’ti vatvā there otaritvā pamukhe ṭhite puna taṃ tassa piṭṭhipasse ṭhitaṃ disvā uparitalaṃ abhiruhi. Puna nāddasa. So puna theraṃ pucchitvā tena ‘‘na passāmi’’cceva vutte ‘‘paṭirūpakameveta’’nti niṭṭhaṃ gantvā theraṃ āha – ‘‘bhante, evarūpe saṃkilese tumhākaṃ piṭṭhito vicarante añño koci tumhākaṃ bhikkhaṃ na dassati, nibaddhaṃ mama gehaṃ pavisatha, ahameva catūhi paccayehi upaṭṭhahissāmī’’ti theraṃ nimantetvā pakkāmi.

    бхигкуу ‘‘бассат̇аавусо, ран̃н̃о баабагирияам̣, ‘зд̇ам̣ вихаарад̇о нийхараа’д̇и вуд̇д̇з ааг̇анд̇ваа жад̇уухи бажжаязхи ниманд̇зд̇ваа г̇ад̇о’’д̇и уж̇жхааяим̣су. д̇амби т̇зрам̣ аахам̣су – ‘‘амбхо, д̣̇уссийла, ид̣̇ааниси рааж̇агон̣д̣о ж̇аад̇о’’д̇и. соби буб̣б̣з бхигкуу гин̃жи вад̇д̇ум̣ асаггонд̇о ‘‘д̇умхз д̣̇уссийлаа, д̇умхз гон̣д̣аа, д̇умхз ид̇т̇им̣ г̇ахзд̇ваа вижарат̇аа’’д̇и ааха. д̇з г̇анд̇ваа сад̇т̇у аарожзсум̣ – ‘‘бханд̇з, гон̣д̣ад̇хаанад̇т̇зро амхзхи вуд̇д̇о амхз ‘д̣̇уссийлаа’д̇иаад̣̇ийни вад̇ваа аггосад̇ий’’д̇и. сад̇т̇аа д̇ам̣ баггосаабзд̇ваа бужчи – ‘‘сажжам̣ гира д̇вам̣, бхигку, звам̣ вад̣̇зсий’’д̇и? ‘‘сажжам̣, бханд̇з’’д̇и. ‘‘гим̣ гааран̣аа’’д̇и? ‘‘маяаа сад̣̇д̇хим̣ гат̇ид̇агааран̣аа’’д̇и. ‘‘д̇умхз, бхигкавз, иминаа сад̣̇д̇хим̣ гасмаа гат̇зт̇аа’’д̇и. ‘‘имасса бажчад̇о ид̇т̇им̣ вижаранд̇им̣ д̣̇исваа, бханд̇з’’д̇и. ‘‘имз гира д̇аяаа сад̣̇д̇хим̣ ид̇т̇им̣ вижаранд̇им̣ д̣̇исваа вад̣̇анд̇и, д̇вам̣ гасмаа гат̇зси , зд̇з д̇аава д̣̇исваа гат̇знд̇и. д̇вам̣ ад̣̇исваава имзхи сад̣̇д̇хим̣ гасмаа гат̇зси, нану буб̣б̣з д̇авзва баабигам̣ д̣̇идтим̣ ниссааяа ид̣̇ам̣ ж̇аад̇ам̣, ид̣̇аани гасмаа буна баабигам̣ д̣̇идтим̣ г̇ан̣хаасий’’д̇и. бхигкуу ‘‘гим̣ бана, бханд̇з, иминаа буб̣б̣з гад̇а’’нд̇и бужчим̣су. ат̇а нзсам̣ сад̇т̇аа д̇асса буб̣б̣агаммам̣ гат̇зд̇ваа ‘‘бхигку ид̣̇ам̣ баабагаммам̣ ниссааяа д̇вам̣ имам̣ виббагаарам̣ бад̇д̇о, ид̣̇аани д̇з буна д̇ат̇ааруубам̣ баабигам̣ д̣̇идтим̣ г̇ахзд̇ум̣ на яуд̇д̇ам̣, маа буна бхигкуухи сад̣̇д̇хим̣ гин̃жи гат̇зхи, ниссад̣̇д̣̇о мукаваддияам̣ чиннагам̣сат̇ааласад̣̇исо хохи, звам̣ гаронд̇о ниб̣б̣аанаббад̇д̇о наама бхависсад̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имаа г̇аат̇аа абхааси –

    Bhikkhū ‘‘passathāvuso, rañño pāpakiriyaṃ, ‘etaṃ vihārato nīharā’ti vutte āgantvā catūhi paccayehi nimantetvā gato’’ti ujjhāyiṃsu. Tampi theraṃ āhaṃsu – ‘‘ambho, dussīla, idānisi rājakoṇḍo jāto’’ti. Sopi pubbe bhikkhū kiñci vattuṃ asakkonto ‘‘tumhe dussīlā, tumhe koṇḍā, tumhe itthiṃ gahetvā vicarathā’’ti āha. Te gantvā satthu ārocesuṃ – ‘‘bhante, koṇḍadhānatthero amhehi vutto amhe ‘dussīlā’tiādīni vatvā akkosatī’’ti. Satthā taṃ pakkosāpetvā pucchi – ‘‘saccaṃ kira tvaṃ, bhikkhu, evaṃ vadesī’’ti? ‘‘Saccaṃ, bhante’’ti. ‘‘Kiṃ kāraṇā’’ti? ‘‘Mayā saddhiṃ kathitakāraṇā’’ti. ‘‘Tumhe, bhikkhave, iminā saddhiṃ kasmā kathethā’’ti. ‘‘Imassa pacchato itthiṃ vicarantiṃ disvā, bhante’’ti. ‘‘Ime kira tayā saddhiṃ itthiṃ vicarantiṃ disvā vadanti, tvaṃ kasmā kathesi , ete tāva disvā kathenti. Tvaṃ adisvāva imehi saddhiṃ kasmā kathesi, nanu pubbe taveva pāpikaṃ diṭṭhiṃ nissāya idaṃ jātaṃ, idāni kasmā puna pāpikaṃ diṭṭhiṃ gaṇhāsī’’ti. Bhikkhū ‘‘kiṃ pana, bhante, iminā pubbe kata’’nti pucchiṃsu. Atha nesaṃ satthā tassa pubbakammaṃ kathetvā ‘‘bhikkhu idaṃ pāpakammaṃ nissāya tvaṃ imaṃ vippakāraṃ patto, idāni te puna tathārūpaṃ pāpikaṃ diṭṭhiṃ gahetuṃ na yuttaṃ, mā puna bhikkhūhi saddhiṃ kiñci kathehi, nissaddo mukhavaṭṭiyaṃ chinnakaṃsathālasadiso hohi, evaṃ karonto nibbānappatto nāma bhavissatī’’ti vatvā anusandhiṃ ghaṭetvā dhammaṃ desento imā gāthā abhāsi –

    133.

    133.

    ‘‘маавожа парусам̣ ган̃жи, вуд̇д̇аа бадивад̣̇зяяу д̇ам̣;

    ‘‘Māvoca pharusaṃ kañci, vuttā paṭivadeyyu taṃ;

    д̣̇угкаа хи саарамбхагат̇аа, бадид̣̇ан̣д̣аа пусзяяу д̇ам̣.

    Dukkhā hi sārambhakathā, paṭidaṇḍā phuseyyu taṃ.

    134.

    134.

    ‘‘сажз нзрзси ад̇д̇аанам̣, гам̣со убахад̇о яат̇аа;

    ‘‘Sace neresi attānaṃ, kaṃso upahato yathā;

    зса бад̇д̇оси ниб̣б̣аанам̣, саарамбхо д̇з на виж̇ж̇ад̇ий’’д̇и.

    Esa pattosi nibbānaṃ, sārambho te na vijjatī’’ti.

    д̇ад̇т̇а маавожа парусам̣ ган̃жийд̇и ган̃жи згабуг̇г̇аламби парусам̣ маа аважа. вуд̇д̇аад̇и д̇аяаа барз ‘‘д̣̇уссийлаа’’д̇и вуд̇д̇аа, д̇амби д̇ат̇зва бадивад̣̇зяяум̣. саарамбхагат̇аад̇и зсаа гаран̣уд̇д̇араа яуг̇аг̇г̇аахагат̇аа наама д̣̇угкаа. бадид̣̇ан̣д̣аад̇и гааяад̣̇ан̣д̣аад̣̇ийхи барам̣ бахаранд̇асса д̇аад̣̇исаа бадид̣̇ан̣д̣аа жа д̇ава мад̇т̇агз бад̇зяяум̣. сажз нзрзсийд̇и сажз ад̇д̇аанам̣ нижжалам̣ гаад̇ум̣ сагкиссаси. гам̣со убахад̇о яат̇аад̇и мукаваддияам̣ чинд̣̇ид̇ваа д̇аламад̇д̇ам̣ гад̇ваа табид̇агам̣сат̇аалам̣ вияа. д̇ан̃хи хад̇т̇абаад̣̇зхи ваа д̣̇ан̣д̣агзна ваа бахадамби сад̣̇д̣̇ам̣ на гарод̇и, зса бад̇д̇осийд̇и сажз зваруубо бхавид̇ум̣ сагкиссаси, имам̣ бадибад̣̇ам̣ буураяамаано ид̣̇аани аббад̇д̇оби зсо ниб̣б̣аанаббад̇д̇о наама. саарамбхо д̇з на виж̇ж̇ад̇ийд̇и звам̣ санд̇з жа бана ‘‘д̇вам̣ д̣̇уссийло, д̇умхз д̣̇уссийлаа’’д̇извамаад̣̇иго уд̇д̇арагаран̣аваажаалагкан̣о саарамбхоби д̇з на виж̇ж̇ад̇и, на бхависсад̇иязваад̇и ад̇т̇о.

    Tattha māvoca pharusaṃ kañcīti kañci ekapuggalampi pharusaṃ mā avaca. Vuttāti tayā pare ‘‘dussīlā’’ti vuttā, tampi tatheva paṭivadeyyuṃ. Sārambhakathāti esā karaṇuttarā yugaggāhakathā nāma dukkhā. Paṭidaṇḍāti kāyadaṇḍādīhi paraṃ paharantassa tādisā paṭidaṇḍā ca tava matthake pateyyuṃ. Sace neresīti sace attānaṃ niccalaṃ kātuṃ sakkhissasi. Kaṃso upahato yathāti mukhavaṭṭiyaṃ chinditvā talamattaṃ katvā ṭhapitakaṃsathālaṃ viya. Tañhi hatthapādehi vā daṇḍakena vā pahaṭampi saddaṃ na karoti, esa pattosīti sace evarūpo bhavituṃ sakkhissasi, imaṃ paṭipadaṃ pūrayamāno idāni appattopi eso nibbānappatto nāma. Sārambho te na vijjatīti evaṃ sante ca pana ‘‘tvaṃ dussīlo, tumhe dussīlā’’tievamādiko uttarakaraṇavācālakkhaṇo sārambhopi te na vijjati, na bhavissatiyevāti attho.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣су, гон̣д̣ад̇хаанад̇т̇зроби сад̇т̇аараа д̣̇иннаоваад̣̇з тад̇ваа арахад̇д̇ам̣ баабун̣и, на жирассзва аагаасз уббад̇ид̇ваа батамам̣ салаагам̣ г̇ан̣хийд̇и.

    Desanāvasāne bahū sotāpattiphalādīni pāpuṇiṃsu, koṇḍadhānattheropi satthārā dinnaovāde ṭhatvā arahattaṃ pāpuṇi, na cirasseva ākāse uppatitvā paṭhamaṃ salākaṃ gaṇhīti.

    гон̣д̣ад̇хаанад̇т̇зравад̇т̇у жад̇уд̇т̇ам̣.

    Koṇḍadhānattheravatthu catutthaṃ.

    5. убосат̇игаид̇т̇ийнам̣ вад̇т̇у

    5. Uposathikaitthīnaṃ vatthu

    яат̇аа д̣̇ан̣д̣знаад̇и имам̣ д̇хаммад̣̇зсанам̣ сад̇т̇аа буб̣б̣аараамз вихаранд̇о висаакаад̣̇ийнам̣ убаасигаанам̣ убосат̇агаммам̣ аараб̣бха гат̇зси.

    Yathā daṇḍenāti imaṃ dhammadesanaṃ satthā pubbārāme viharanto visākhādīnaṃ upāsikānaṃ uposathakammaṃ ārabbha kathesi.

    саавад̇т̇ияам̣ гира згасмим̣ махааубосат̇ад̣̇ивасз бан̃жасад̇амад̇д̇аа ид̇т̇ияо убосат̇игаа худ̇ваа вихаарам̣ аг̇амим̣су. висаакаа д̇аасу махаллагид̇т̇ияо убасан̇гамид̇ваа бужчи, ‘‘аммаа, гимад̇т̇ам̣ убосат̇игаа ж̇аад̇ад̇т̇аа’’д̇и. д̇аахи ‘‘д̣̇иб̣б̣асамбад̇д̇им̣ бад̇т̇зд̇ваа’’д̇и вуд̇д̇з маж̇жхимид̇т̇ияо бужчи, д̇аахи ‘‘сабад̇д̇иваасаа мужжанад̇т̇ааяаа’’д̇и вуд̇д̇з д̇арун̣ид̇т̇ияо бужчи, д̇аахи ‘‘батамаг̇аб̣бхз буд̇д̇абадилаабхад̇т̇ааяаа’’д̇и вуд̇д̇з гумааригааяо бужчи, д̇аахи ‘‘д̇арун̣абхаавзязва бад̇игулаг̇аманад̇т̇ааяаа’’д̇и вуд̇д̇з д̇ам̣ саб̣б̣амби д̇аасам̣ гат̇ам̣ суд̇ваа д̇аа аад̣̇ааяа сад̇т̇у санд̇игам̣ г̇анд̇ваа бадибаадияаа аарожзси. д̇ам̣ суд̇ваа сад̇т̇аа ‘‘висаакз имзсам̣ сад̇д̇аанам̣ ж̇аад̇иаад̣̇аяо наама д̣̇ан̣д̣ахад̇т̇агаг̇обаалагасад̣̇исаа, ж̇аад̇и ж̇арааяа санд̇игам̣, ж̇араа б̣яаад̇хино санд̇игам̣, б̣яаад̇хи маран̣асса санд̇игам̣ бзсзд̇ваа маран̣ам̣ гутаарияаа чинд̣̇анд̇аа вияа ж̇ийвид̇ам̣ чинд̣̇ад̇и, звам̣ санд̇зби виваддам̣ бад̇т̇знд̇аа наама над̇т̇и, ваддамзва бана бад̇т̇знд̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Sāvatthiyaṃ kira ekasmiṃ mahāuposathadivase pañcasatamattā itthiyo uposathikā hutvā vihāraṃ agamiṃsu. Visākhā tāsu mahallakitthiyo upasaṅkamitvā pucchi, ‘‘ammā, kimatthaṃ uposathikā jātatthā’’ti. Tāhi ‘‘dibbasampattiṃ patthetvā’’ti vutte majjhimitthiyo pucchi, tāhi ‘‘sapattivāsā muccanatthāyā’’ti vutte taruṇitthiyo pucchi, tāhi ‘‘paṭhamagabbhe puttapaṭilābhatthāyā’’ti vutte kumārikāyo pucchi, tāhi ‘‘taruṇabhāveyeva patikulagamanatthāyā’’ti vutte taṃ sabbampi tāsaṃ kathaṃ sutvā tā ādāya satthu santikaṃ gantvā paṭipāṭiyā ārocesi. Taṃ sutvā satthā ‘‘visākhe imesaṃ sattānaṃ jātiādayo nāma daṇḍahatthakagopālakasadisā, jāti jarāya santikaṃ, jarā byādhino santikaṃ, byādhi maraṇassa santikaṃ pesetvā maraṇaṃ kuṭhāriyā chindantā viya jīvitaṃ chindati, evaṃ santepi vivaṭṭaṃ patthentā nāma natthi, vaṭṭameva pana patthentī’’ti vatvā anusandhiṃ ghaṭetvā dhammaṃ desento imaṃ gāthamāha –

    135.

    135.

    ‘‘яат̇аа д̣̇ан̣д̣зна г̇обаало, г̇ааво бааж̇зд̇и г̇ожарам̣;

    ‘‘Yathā daṇḍena gopālo, gāvo pājeti gocaraṃ;

    звам̣ ж̇араа жа мажжу жа, ааяум̣ бааж̇знд̇и баан̣ина’’нд̇и.

    Evaṃ jarā ca maccu ca, āyuṃ pājenti pāṇina’’nti.

    д̇ад̇т̇а бааж̇зд̇ийд̇и чзго г̇обаало гзд̣̇ааранд̇арам̣ бависанд̇ияо г̇ааво д̣̇ан̣д̣зна ниваарзд̇ваа д̇знзва бот̇знд̇о сулабхад̇ин̣од̣̇агам̣ г̇ожарам̣ нзд̇и. ааяум̣ бааж̇знд̇ийд̇и ж̇ийвид̇инд̣̇рияам̣ чинд̣̇анд̇и кзбзнд̇и. г̇обаалаго вияа хи ж̇араа жа мажжу жа, г̇ог̇ан̣о вияа ж̇ийвид̇инд̣̇рияам̣, г̇ожарабхууми вияа маран̣ам̣. д̇ад̇т̇а ж̇аад̇и д̇аава сад̇д̇аанам̣ ж̇ийвид̇инд̣̇рияам̣ ж̇арааяа санд̇игам̣ бзсзси, ж̇араа б̣яаад̇хино санд̇игам̣ , б̣яаад̇хи маран̣асса санд̇игам̣. д̇амзва маран̣ам̣ гутаарияаа чзд̣̇ам̣ вияа чинд̣̇ид̇ваа г̇ажчад̇ийд̇и ид̣̇амзд̇т̇а обаммасамбадибаад̣̇анам̣.

    Tattha pājetīti cheko gopālo kedārantaraṃ pavisantiyo gāvo daṇḍena nivāretvā teneva pothento sulabhatiṇodakaṃ gocaraṃ neti. Āyuṃ pājentīti jīvitindriyaṃ chindanti khepenti. Gopālako viya hi jarā ca maccu ca, gogaṇo viya jīvitindriyaṃ, gocarabhūmi viya maraṇaṃ. Tattha jāti tāva sattānaṃ jīvitindriyaṃ jarāya santikaṃ pesesi, jarā byādhino santikaṃ , byādhi maraṇassa santikaṃ. Tameva maraṇaṃ kuṭhāriyā chedaṃ viya chinditvā gacchatīti idamettha opammasampaṭipādanaṃ.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    убосат̇игаид̇т̇ийнам̣ вад̇т̇у бан̃жамам̣.

    Uposathikaitthīnaṃ vatthu pañcamaṃ.

    6. аж̇аг̇арабзд̇авад̇т̇у

    6. Ajagarapetavatthu

    ат̇а баабаани гаммаанийд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о аж̇аг̇арабзд̇ам̣ аараб̣бха гат̇зси.

    Athapāpāni kammānīti imaṃ dhammadesanaṃ satthā veḷuvane viharanto ajagarapetaṃ ārabbha kathesi.

    згасмин̃хи самаяз махаамог̇г̇аллаанад̇т̇зро лагкан̣ад̇т̇зрзна сад̣̇д̇хим̣ г̇иж̇жхагуудад̇о од̇аранд̇о д̣̇иб̣б̣зна жагкунаа бан̃жавийсад̇ияож̇анигам̣ аж̇аг̇арабзд̇ам̣ наама ад̣̇д̣̇аса. д̇асса сийсад̇о аг̇г̇иж̇аалаа удтахид̇ваа барияанд̇ам̣ г̇ажчанд̇и, барияанд̇ад̇о удтахид̇ваа сийсам̣ г̇ажчанд̇и, убхаяад̇о удтахид̇ваа маж̇жхз од̇аранд̇и. т̇зро д̇ам̣ д̣̇исваа сид̇ам̣ баад̇ваагааси. лагкан̣ад̇т̇зрзна сид̇агааран̣ам̣ будто ‘‘агаало, аавусо, имасса бан̃хасса взяяаагаран̣ааяа, сад̇т̇у санд̇игз мам̣ бужчзяяаасий’’д̇и вад̇ваа рааж̇аг̇ахз бин̣д̣ааяа жарид̇ваа сад̇т̇у санд̇игам̣ г̇ад̇агаалз лагкан̣ад̇т̇зрзна будто ааха – ‘‘д̇ад̇раахам̣, аавусо, згам̣ бзд̇ам̣ ад̣̇д̣̇асам̣, д̇асса зваруубо наама ад̇д̇абхааво, ахам̣ д̇ам̣ д̣̇исваа ‘на вад̇а мз зваруубо ад̇д̇абхааво д̣̇идтабуб̣б̣о’д̇и сид̇ам̣ баад̇ваагааси’’нд̇и. сад̇т̇аа ‘‘жагкубхууд̇аа вад̇а, бхигкавз, саавагаа вихаранд̇ий’’д̇иаад̣̇ийни (баараа. 228; сам̣. ни. 2.202) вад̣̇анд̇о т̇зрасса гат̇ам̣ бад̇идтаабзд̇ваа ‘‘маяааби зсо, бхигкавз, бзд̇о б̣од̇химан̣д̣зязва д̣̇идто, ‘яз жа бана мз важанам̣ на сад̣̇д̣̇ахзяяум̣, д̇зсам̣ д̇ам̣ ахид̇ааяа ассаа’д̇и на гат̇зсим̣, ид̣̇аани мог̇г̇аллаанам̣ сагким̣ лабхид̇ваа гат̇змий’’д̇и вад̇ваа бхигкуухи д̇асса буб̣б̣агаммам̣ будто б̣яаагааси –

    Ekasmiñhi samaye mahāmoggallānatthero lakkhaṇattherena saddhiṃ gijjhakūṭato otaranto dibbena cakkhunā pañcavīsatiyojanikaṃ ajagarapetaṃ nāma addasa. Tassa sīsato aggijālā uṭṭhahitvā pariyantaṃ gacchanti, pariyantato uṭṭhahitvā sīsaṃ gacchanti, ubhayato uṭṭhahitvā majjhe otaranti. Thero taṃ disvā sitaṃ pātvākāsi. Lakkhaṇattherena sitakāraṇaṃ puṭṭho ‘‘akālo, āvuso, imassa pañhassa veyyākaraṇāya, satthu santike maṃ puccheyyāsī’’ti vatvā rājagahe piṇḍāya caritvā satthu santikaṃ gatakāle lakkhaṇattherena puṭṭho āha – ‘‘tatrāhaṃ, āvuso, ekaṃ petaṃ addasaṃ, tassa evarūpo nāma attabhāvo, ahaṃ taṃ disvā ‘na vata me evarūpo attabhāvo diṭṭhapubbo’ti sitaṃ pātvākāsi’’nti. Satthā ‘‘cakkhubhūtā vata, bhikkhave, sāvakā viharantī’’tiādīni (pārā. 228; saṃ. ni. 2.202) vadanto therassa kathaṃ patiṭṭhāpetvā ‘‘mayāpi eso, bhikkhave, peto bodhimaṇḍeyeva diṭṭho, ‘ye ca pana me vacanaṃ na saddaheyyuṃ, tesaṃ taṃ ahitāya assā’ti na kathesiṃ, idāni moggallānaṃ sakkhiṃ labhitvā kathemī’’ti vatvā bhikkhūhi tassa pubbakammaṃ puṭṭho byākāsi –

    гассабаб̣уд̣̇д̇хагаалз гира суман̇г̇аласздти наама суван̣н̣идтагаахи бхуумим̣ сант̇арид̇ваа вийсад̇иусабхадтаанз д̇ад̇д̇агзнзва д̇ханзна вихаарам̣ гаарзд̇ваа д̇аавад̇д̇агзнзва вихаарамахам̣ гаарзси. со згад̣̇ивасам̣ баад̇ова сад̇т̇у санд̇игам̣ г̇ажчанд̇о наг̇арад̣̇ваарз згиссаа саалааяа гаасаавам̣ сасийсам̣ баарубид̇ваа галаламагкид̇зхи баад̣̇зхи нибаннам̣ згам̣ жорам̣ д̣̇исваа ‘‘аяам̣ галаламагкид̇абаад̣̇о рад̇д̇им̣ вижарид̇ваа д̣̇иваа нибаннамануссо бхависсад̇ий’’д̇и ааха. жоро мукам̣ виварид̇ваа сздтим̣ д̣̇исваа ‘‘ход̇у, ж̇ааниссаами д̇з гад̇д̇аб̣б̣а’’нд̇и аагхаад̇ам̣ б̣анд̇хид̇ваа сад̇д̇агкад̇д̇ум̣ кзд̇д̇ам̣ жхаабзси, сад̇д̇агкад̇д̇ум̣ важ̇з г̇уннам̣ баад̣̇з чинд̣̇и, сад̇д̇агкад̇д̇ум̣ г̇зхам̣ жхаабзси, со зд̇д̇агзнааби гобам̣ ниб̣б̣аабзд̇ум̣ асаггонд̇о д̇асса жуул̣уубадтаагзна сад̣̇д̇хим̣ мид̇д̇асант̇авам̣ гад̇ваа ‘‘гим̣ д̇з сздтино бияа’’нд̇и будто ‘‘г̇анд̇хагудид̇о ан̃н̃ам̣ д̇асса бияад̇арам̣ над̇т̇ий’’д̇и суд̇ваа ‘‘ход̇у, г̇анд̇хагудим̣ жхаабзд̇ваа гобам̣ ниб̣б̣аабзссаамий’’д̇и сад̇т̇ари бин̣д̣ааяа бавидтз баанийяабарибхож̇анийяагхадз бхинд̣̇ид̇ваа г̇анд̇хагудияам̣ аг̇г̇им̣ ад̣̇ааси. сздти ‘‘г̇анд̇хагуди гира жхааяад̇ий’’д̇и суд̇ваа ааг̇ажчанд̇о жхаамагаалз ааг̇анд̇ваа г̇анд̇хагудим̣ жхаамам̣ ологзнд̇о ваалаг̇г̇амад̇д̇амби д̣̇оманассам̣ агад̇ваа ваамаб̣аахум̣ саман̃ж̇ид̇ваа д̣̇агкин̣зна хад̇т̇зна махааабподанам̣ абподзси. ат̇а нам̣ самийбз тид̇аа бужчим̣су – ‘‘гасмаа, саами, зд̇д̇агам̣ д̇ханам̣ виссаж̇ж̇зд̇ваа гад̇аг̇анд̇хагудияаа жхаамагаалз абподзсий’’д̇и? со ааха – ‘‘зд̇д̇агам̣ мз, д̇аад̇аа, аг̇г̇иаад̣̇ийхи асаад̇хааран̣з б̣уд̣̇д̇хасса саасанз д̇ханам̣ нид̣̇ахид̇ум̣ лад̣̇д̇хам̣, ‘бунаби зд̇д̇агам̣ д̇ханам̣ виссаж̇ж̇зд̇ваа сад̇т̇у г̇анд̇хагудим̣ гаад̇ум̣ лабхиссаамий’д̇и д̇удтамаанасо абподзси’’нд̇и. со буна д̇ад̇д̇агам̣ д̇ханам̣ виссаж̇ж̇зд̇ваа г̇анд̇хагудим̣ гаарзд̇ваа вийсад̇исахассабхигкубариваарасса сад̇т̇уно д̣̇аанам̣ ад̣̇ааси. д̇ам̣ д̣̇исваа жоро жинд̇зси – ‘‘ахам̣ имам̣ амаарзд̇ваа ман̇гугаад̇ум̣ на сагкиссаами, ход̇у, маарзссаами на’’нд̇и ниваасананд̇арз чуригам̣ б̣анд̇хид̇ваа сад̇д̇аахам̣ вихаарз вижаранд̇оби огаасам̣ на лабхи. махаасздтиби сад̇д̇а д̣̇ивасаани б̣уд̣̇д̇хаббамукасса бхигкусан̇гхасса д̣̇аанам̣ д̣̇ад̇ваа сад̇т̇аарам̣ ванд̣̇ид̇ваа ааха – ‘‘бханд̇з, мама згзна бурисзна сад̇д̇агкад̇д̇ум̣ кзд̇д̇ам̣ жхаабид̇ам̣, сад̇д̇агкад̇д̇ум̣ важ̇з г̇уннам̣ баад̣̇аа чиннаа, сад̇д̇агкад̇д̇ум̣ г̇зхам̣ жхаабид̇ам̣, ид̣̇аани г̇анд̇хагудиби д̇знзва жхаабид̇аа бхависсад̇и, ахам̣ имасмим̣ д̣̇аанз батамам̣ бад̇д̇им̣ д̇асса д̣̇аммий’’д̇и.

    Kassapabuddhakāle kira sumaṅgalaseṭṭhi nāma suvaṇṇiṭṭhakāhi bhūmiṃ santharitvā vīsatiusabhaṭṭhāne tattakeneva dhanena vihāraṃ kāretvā tāvattakeneva vihāramahaṃ kāresi. So ekadivasaṃ pātova satthu santikaṃ gacchanto nagaradvāre ekissā sālāya kāsāvaṃ sasīsaṃ pārupitvā kalalamakkhitehi pādehi nipannaṃ ekaṃ coraṃ disvā ‘‘ayaṃ kalalamakkhitapādo rattiṃ vicaritvā divā nipannamanusso bhavissatī’’ti āha. Coro mukhaṃ vivaritvā seṭṭhiṃ disvā ‘‘hotu, jānissāmi te kattabba’’nti āghātaṃ bandhitvā sattakkhattuṃ khettaṃ jhāpesi, sattakkhattuṃ vaje gunnaṃ pāde chindi, sattakkhattuṃ gehaṃ jhāpesi, so ettakenāpi kopaṃ nibbāpetuṃ asakkonto tassa cūḷūpaṭṭhākena saddhiṃ mittasanthavaṃ katvā ‘‘kiṃ te seṭṭhino piya’’nti puṭṭho ‘‘gandhakuṭito aññaṃ tassa piyataraṃ natthī’’ti sutvā ‘‘hotu, gandhakuṭiṃ jhāpetvā kopaṃ nibbāpessāmī’’ti satthari piṇḍāya paviṭṭhe pānīyaparibhojanīyaghaṭe bhinditvā gandhakuṭiyaṃ aggiṃ adāsi. Seṭṭhi ‘‘gandhakuṭi kira jhāyatī’’ti sutvā āgacchanto jhāmakāle āgantvā gandhakuṭiṃ jhāmaṃ olokento vālaggamattampi domanassaṃ akatvā vāmabāhuṃ samañjitvā dakkhiṇena hatthena mahāapphoṭanaṃ apphoṭesi. Atha naṃ samīpe ṭhitā pucchiṃsu – ‘‘kasmā, sāmi, ettakaṃ dhanaṃ vissajjetvā katagandhakuṭiyā jhāmakāle apphoṭesī’’ti? So āha – ‘‘ettakaṃ me, tātā, aggiādīhi asādhāraṇe buddhassa sāsane dhanaṃ nidahituṃ laddhaṃ, ‘punapi ettakaṃ dhanaṃ vissajjetvā satthu gandhakuṭiṃ kātuṃ labhissāmī’ti tuṭṭhamānaso apphoṭesi’’nti. So puna tattakaṃ dhanaṃ vissajjetvā gandhakuṭiṃ kāretvā vīsatisahassabhikkhuparivārassa satthuno dānaṃ adāsi. Taṃ disvā coro cintesi – ‘‘ahaṃ imaṃ amāretvā maṅkukātuṃ na sakkhissāmi, hotu, māressāmi na’’nti nivāsanantare churikaṃ bandhitvā sattāhaṃ vihāre vicarantopi okāsaṃ na labhi. Mahāseṭṭhipi satta divasāni buddhappamukhassa bhikkhusaṅghassa dānaṃ datvā satthāraṃ vanditvā āha – ‘‘bhante, mama ekena purisena sattakkhattuṃ khettaṃ jhāpitaṃ, sattakkhattuṃ vaje gunnaṃ pādā chinnā, sattakkhattuṃ gehaṃ jhāpitaṃ, idāni gandhakuṭipi teneva jhāpitā bhavissati, ahaṃ imasmiṃ dāne paṭhamaṃ pattiṃ tassa dammī’’ti.

    д̇ам̣ суд̇ваа жоро ‘‘бхаарияам̣ вад̇а мз гаммам̣ гад̇ам̣, звам̣ абараад̇хагаарагз маяи имасса гобамад̇д̇амби над̇т̇и, имасмимби д̣̇аанз маяхамзва батамам̣ бад̇д̇им̣ д̣̇зд̇и, ахам̣ имасмим̣ д̣̇уб̣бхаами, зваруубам̣ мз бурисам̣ акамаабзнд̇асса д̣̇звад̣̇ан̣д̣оби мз мад̇т̇агз бад̇зяяаа’’д̇и г̇анд̇ваа сздтисса баад̣̇амуулз нибаж̇ж̇ид̇ваа ‘‘камаахи мз, саамий’’д̇и вад̇ваа ‘‘гим̣ ид̣̇а’’нд̇и вуд̇д̇з, ‘‘саами, звам̣ аяуд̇д̇агам̣ гаммам̣ маяаа гад̇ам̣, д̇асса мз камаахий’’д̇и ааха. ат̇а нам̣ сздти ‘‘д̇аяаа мз ид̣̇ан̃жид̣̇ан̃жа гад̇а’’нд̇и саб̣б̣ам̣ бужчид̇ваа ‘‘аама, маяаа гад̇а’’нд̇и вуд̇д̇з, ‘‘д̇вам̣ маяаа на д̣̇идтабуб̣б̣о, гасмаа мз гуж̇жхид̇ваа звамагаасий’’д̇и бужчи. со згад̣̇ивасам̣ наг̇араа нигканд̇зна д̇зна вуд̇д̇аважанам̣ саарзд̇ваа ‘‘иминаа мз гааран̣зна гобо уббаад̣̇ид̇о’’д̇и ааха. сздти ад̇д̇анаа вуд̇д̇ам̣ сарид̇ваа ‘‘аама, д̇аад̇а, вуд̇д̇ам̣ маяаа , д̇ам̣ мз камаахий’’д̇и жорам̣ камаабзд̇ваа ‘‘удтзхи, д̇аад̇а, камаами д̇з, г̇ажча, д̇аад̇аа’’д̇и ааха. сажз мз, саами, камаси, сабуд̇д̇ад̣̇аарам̣ мам̣ г̇зхз д̣̇аасам̣ гарохийд̇и. д̇аад̇а, д̇вам̣ маяаа зд̇д̇агз гат̇ид̇з зваруубам̣ чзд̣̇анам̣ агааси, г̇зхз васанд̇зна бана сад̣̇д̇хим̣ на саггаа гин̃жи гат̇зд̇ум̣, на мз д̇аяаа г̇зхз васанд̇зна гижжам̣ ад̇т̇и, камаами д̇з, г̇ажча, д̇аад̇аад̇и. жоро д̇ам̣ гаммам̣ гад̇ваа ааяубарияосаанз авийжимхи ниб̣б̣ад̇д̇о д̣̇ийгхарад̇д̇ам̣ д̇ад̇т̇а бажжид̇ваа вибаагаавасзсзна ид̣̇аани г̇иж̇жхагуудз баб̣б̣ад̇з бажжад̇ийд̇и.

    Taṃ sutvā coro ‘‘bhāriyaṃ vata me kammaṃ kataṃ, evaṃ aparādhakārake mayi imassa kopamattampi natthi, imasmimpi dāne mayhameva paṭhamaṃ pattiṃ deti, ahaṃ imasmiṃ dubbhāmi, evarūpaṃ me purisaṃ akhamāpentassa devadaṇḍopi me matthake pateyyā’’ti gantvā seṭṭhissa pādamūle nipajjitvā ‘‘khamāhi me, sāmī’’ti vatvā ‘‘kiṃ ida’’nti vutte, ‘‘sāmi, evaṃ ayuttakaṃ kammaṃ mayā kataṃ, tassa me khamāhī’’ti āha. Atha naṃ seṭṭhi ‘‘tayā me idañcidañca kata’’nti sabbaṃ pucchitvā ‘‘āma, mayā kata’’nti vutte, ‘‘tvaṃ mayā na diṭṭhapubbo, kasmā me kujjhitvā evamakāsī’’ti pucchi. So ekadivasaṃ nagarā nikkhantena tena vuttavacanaṃ sāretvā ‘‘iminā me kāraṇena kopo uppādito’’ti āha. Seṭṭhi attanā vuttaṃ saritvā ‘‘āma, tāta, vuttaṃ mayā , taṃ me khamāhī’’ti coraṃ khamāpetvā ‘‘uṭṭhehi, tāta, khamāmi te, gaccha, tātā’’ti āha. Sace me, sāmi, khamasi, saputtadāraṃ maṃ gehe dāsaṃ karohīti. Tāta, tvaṃ mayā ettake kathite evarūpaṃ chedanaṃ akāsi, gehe vasantena pana saddhiṃ na sakkā kiñci kathetuṃ, na me tayā gehe vasantena kiccaṃ atthi, khamāmi te, gaccha, tātāti. Coro taṃ kammaṃ katvā āyupariyosāne avīcimhi nibbatto dīgharattaṃ tattha paccitvā vipākāvasesena idāni gijjhakūṭe pabbate paccatīti.

    звам̣ сад̇т̇аа д̇асса буб̣б̣агаммам̣ гат̇зд̇ваа, ‘‘бхигкавз, б̣аалаа наама баабаани гаммаани гаронд̇аа на б̣уж̇жханд̇и, бажчаа бана ад̇д̇анаа гад̇агаммзхи д̣аяхамаанаа ад̇д̇анаава ад̇д̇ано д̣̇ааваг̇г̇исад̣̇исаава хонд̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Evaṃ satthā tassa pubbakammaṃ kathetvā, ‘‘bhikkhave, bālā nāma pāpāni kammāni karontā na bujjhanti, pacchā pana attanā katakammehi ḍayhamānā attanāva attano dāvaggisadisāva hontī’’ti vatvā anusandhiṃ ghaṭetvā dhammaṃ desento imaṃ gāthamāha –

    136.

    136.

    ‘‘ат̇а баабаани гаммаани, гарам̣ б̣аало на б̣уж̇жхад̇и;

    ‘‘Atha pāpāni kammāni, karaṃ bālo na bujjhati;

    сзхи гаммзхи д̣̇уммзд̇хо, аг̇г̇ид̣ад̣дхова д̇аббад̇ий’’д̇и.

    Sehi kammehi dummedho, aggiḍaḍḍhova tappatī’’ti.

    д̇ад̇т̇а ат̇а баабаанийд̇и на гзвалам̣ б̣аало год̇хавасзна баабаани гарод̇и, гаронд̇оби бана на б̣уж̇жхад̇ийд̇и ад̇т̇о. баабам̣ гаронд̇о жа ‘‘баабам̣ гаромий’’д̇и аб̣уж̇жханаго наама над̇т̇и. ‘‘имасса гаммасса зваруубо наама вибааго’’д̇и аж̇аананад̇ааяа ‘‘на б̣уж̇жхад̇ий’’д̇и вуд̇д̇ам̣. сзхийд̇и со д̇зхи ад̇д̇ано санд̇агзхи гаммзхи д̣̇уммзд̇хо ниббан̃н̃о буг̇г̇ало нираяз ниб̣б̣ад̇д̇ид̇ваа аг̇г̇ид̣ад̣дхова д̇аббад̇ийд̇и ад̇т̇о.

    Tattha atha pāpānīti na kevalaṃ bālo kodhavasena pāpāni karoti, karontopi pana na bujjhatīti attho. Pāpaṃ karonto ca ‘‘pāpaṃ karomī’’ti abujjhanako nāma natthi. ‘‘Imassa kammassa evarūpo nāma vipāko’’ti ajānanatāya ‘‘na bujjhatī’’ti vuttaṃ. Sehīti so tehi attano santakehi kammehi dummedho nippañño puggalo niraye nibbattitvā aggiḍaḍḍhova tappatīti attho.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    аж̇аг̇арабзд̇авад̇т̇у чадтам̣.

    Ajagarapetavatthu chaṭṭhaṃ.

    7. махаамог̇г̇аллаанад̇т̇зравад̇т̇у

    7. Mahāmoggallānattheravatthu

    яо д̣̇ан̣д̣знаад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о махаамог̇г̇аллаанад̇т̇зрам̣ аараб̣бха гат̇зси.

    Yodaṇḍenāti imaṃ dhammadesanaṃ satthā veḷuvane viharanto mahāmoggallānattheraṃ ārabbha kathesi.

    згасмин̃хи самаяз д̇ид̇т̇ияаа саннибад̇ид̇ваа манд̇зсум̣ – ‘‘ж̇аанаат̇аавусо, ‘гзна гааран̣зна саман̣асса г̇од̇амасса лаабхасаггааро махаа худ̇ваа ниб̣б̣ад̇д̇о’д̇и . маяам̣ на ж̇аанаама, д̇умхз бана ж̇аанаат̇аад̇и. аама, ж̇аанаама, махаамог̇г̇аллаанам̣ наама згам̣ ниссааяа уббанно. со хи д̣̇звалогам̣ г̇анд̇ваа д̣̇звад̇аахи гад̇агаммам̣ бужчид̇ваа ааг̇анд̇ваа мануссаанам̣ гат̇зд̇и ‘ид̣̇ам̣ наама гад̇ваа зваруубам̣ самбад̇д̇им̣ лабханд̇ий’д̇и. нираяз ниб̣б̣ад̇д̇аанамби гаммам̣ бужчид̇ваа ааг̇анд̇ваа мануссаанам̣ гат̇зд̇и ‘ид̣̇ам̣ наама гад̇ваа зваруубам̣ д̣̇угкам̣ анубхаванд̇ий’д̇и. мануссаа д̇асса гат̇ам̣ суд̇ваа маханд̇ам̣ лаабхасаггаарам̣ абхихаранд̇и, сажз д̇ам̣ маарзд̇ум̣ сагкиссаама, со лаабхасаггааро амхаагам̣ ниб̣б̣ад̇д̇иссад̇ий’’д̇и. д̇з ‘‘ад̇т̇зго убааяо’’д̇и саб̣б̣з згажчанд̣̇аа худ̇ваа ‘‘яам̣гин̃жи гад̇ваа д̇ам̣ маараабзссаамаа’’д̇и ад̇д̇ано убадтаагз самаад̣̇абзд̇ваа гахаабан̣асахассам̣ лабхид̇ваа бурисагхаад̇агаммам̣ гад̇ваа жаранд̇з жорз баггосаабзд̇ваа ‘‘махаамог̇г̇аллаанад̇т̇зро наама гаал̣асилааяам̣ васад̇и, д̇ад̇т̇а г̇анд̇ваа д̇ам̣ маарзт̇аа’’д̇и д̇зсам̣ гахаабан̣з ад̣̇ам̣су. жораа д̇ханалобхзна самбадижчид̇ваа ‘‘т̇зрам̣ маарзссаамаа’’д̇и г̇анд̇ваа д̇асса васанадтаанам̣ бариваарзсум̣. т̇зро д̇зхи баригкид̇д̇абхаавам̣ н̃ад̇ваа гун̃жигажчид̣̇д̣̇зна нигкамид̇ваа баггаами. д̇з жораа д̇ам̣ д̣̇ивасам̣ т̇зрам̣ ад̣̇исваа бунзгад̣̇ивасам̣ г̇анд̇ваа баригкибим̣су. т̇зро н̃ад̇ваа ган̣н̣игааман̣д̣алам̣ бхинд̣̇ид̇ваа аагаасам̣ багканд̣̇и. звам̣ д̇з батамамаасзби маж̇жхимамаасзби т̇зрам̣ г̇ахзд̇ум̣ наасагким̣су. бажчимамаасз бана самбад̇д̇з т̇зро ад̇д̇анаа гад̇агаммасса аагад̣дханабхаавам̣ н̃ад̇ваа на абаг̇ажчи. жораа г̇анд̇ваа т̇зрам̣ г̇ахзд̇ваа д̇ан̣д̣улаган̣амад̇д̇аанисса адтийни гаронд̇аа бхинд̣̇им̣су. ат̇а нам̣ ‘‘мад̇о’’д̇и сан̃н̃ааяа згасмим̣ г̇умб̣абидтз кибид̇ваа баггамим̣су.

    Ekasmiñhi samaye titthiyā sannipatitvā mantesuṃ – ‘‘jānāthāvuso, ‘kena kāraṇena samaṇassa gotamassa lābhasakkāro mahā hutvā nibbatto’ti . Mayaṃ na jānāma, tumhe pana jānāthāti. Āma, jānāma, mahāmoggallānaṃ nāma ekaṃ nissāya uppanno. So hi devalokaṃ gantvā devatāhi katakammaṃ pucchitvā āgantvā manussānaṃ katheti ‘idaṃ nāma katvā evarūpaṃ sampattiṃ labhantī’ti. Niraye nibbattānampi kammaṃ pucchitvā āgantvā manussānaṃ katheti ‘idaṃ nāma katvā evarūpaṃ dukkhaṃ anubhavantī’ti. Manussā tassa kathaṃ sutvā mahantaṃ lābhasakkāraṃ abhiharanti, sace taṃ māretuṃ sakkhissāma, so lābhasakkāro amhākaṃ nibbattissatī’’ti. Te ‘‘attheko upāyo’’ti sabbe ekacchandā hutvā ‘‘yaṃkiñci katvā taṃ mārāpessāmā’’ti attano upaṭṭhāke samādapetvā kahāpaṇasahassaṃ labhitvā purisaghātakammaṃ katvā carante core pakkosāpetvā ‘‘mahāmoggallānatthero nāma kāḷasilāyaṃ vasati, tattha gantvā taṃ mārethā’’ti tesaṃ kahāpaṇe adaṃsu. Corā dhanalobhena sampaṭicchitvā ‘‘theraṃ māressāmā’’ti gantvā tassa vasanaṭṭhānaṃ parivāresuṃ. Thero tehi parikkhittabhāvaṃ ñatvā kuñcikacchiddena nikkhamitvā pakkāmi. Te corā taṃ divasaṃ theraṃ adisvā punekadivasaṃ gantvā parikkhipiṃsu. Thero ñatvā kaṇṇikāmaṇḍalaṃ bhinditvā ākāsaṃ pakkhandi. Evaṃ te paṭhamamāsepi majjhimamāsepi theraṃ gahetuṃ nāsakkhiṃsu. Pacchimamāse pana sampatte thero attanā katakammassa ākaḍḍhanabhāvaṃ ñatvā na apagacchi. Corā gantvā theraṃ gahetvā taṇḍulakaṇamattānissa aṭṭhīni karontā bhindiṃsu. Atha naṃ ‘‘mato’’ti saññāya ekasmiṃ gumbapiṭṭhe khipitvā pakkamiṃsu.

    т̇зро ‘‘сад̇т̇аарам̣ бассид̇ваава бариниб̣б̣ааяиссаамий’’д̇и ад̇д̇абхаавам̣ жхаанавзтанзна взтзд̇ваа т̇ирам̣ гад̇ваа аагаасзна сад̇т̇у санд̇игам̣ г̇анд̇ваа сад̇т̇аарам̣ ванд̣̇ид̇ваа, ‘‘бханд̇з, бариниб̣б̣ааяиссаамий’’д̇и ааха. ‘‘бариниб̣б̣ааяиссаси, мог̇г̇аллаанаа’’д̇и? ‘‘аама, бханд̇з’’д̇и. ‘‘гад̇т̇а г̇анд̇ваа’’д̇и? ‘‘гаал̣асилаабад̣̇зсам̣, бханд̇з’’д̇и. д̇зна хи, мог̇г̇аллаана, маяхам̣ д̇хаммам̣ гат̇зд̇ваа яаахи. д̇аад̣̇исасса хи мз саавагасса ид̣̇аани д̣̇ассанам̣ над̇т̇ийд̇и. со ‘‘звам̣ гариссаами, бханд̇з’’д̇и сад̇т̇аарам̣ ванд̣̇ид̇ваа аагаасам̣ уббад̇ид̇ваа бариниб̣б̣аанад̣̇ивасз саарибуд̇д̇ад̇т̇зро вияа наанаббагаараа ид̣̇д̇хияо гад̇ваа д̇хаммам̣ гат̇зд̇ваа сад̇т̇аарам̣ ванд̣̇ид̇ваа гаал̣асилаадавим̣ г̇анд̇ваа бариниб̣б̣ааяи. ‘‘т̇зрам̣ гира жораа маарзсу’’нд̇и аяамби гат̇аа сагалаж̇амб̣уд̣̇ийбз бад̇т̇ари. рааж̇аа аж̇аад̇асад̇д̇у жорз бариязсанад̇т̇ааяа жарабурисз баяож̇зси. д̇зсуби жорзсу сураабаанз сурам̣ биванд̇зсу зго згасса бидтим̣ бахарид̇ваа баад̇зси. со д̇ам̣ санд̇зж̇ж̇зд̇ваа ‘‘амбхо д̣̇уб̣б̣инийд̇а, д̇вам̣ гасмаа мз бидтим̣ баад̇зсий’’д̇и ааха. гим̣ бана харз д̣̇удтажора, д̇аяаа махаамог̇г̇аллаанад̇т̇зро батамам̣ бахадод̇и? гим̣ бана маяаа бахадабхаавам̣ д̇вам̣ на ж̇аанаасийд̇и? ид̇и нзсам̣ ‘‘маяаа бахадо, маяаа бахадо’’д̇и вад̣̇анд̇аанам̣ важанам̣ суд̇ваа д̇з жарабурисаа д̇з саб̣б̣з жорз г̇ахзд̇ваа ран̃н̃о аарожзсум̣. рааж̇аа жорз баггосаабзд̇ваа бужчи – ‘‘д̇умхзхи т̇зро маарид̇о’’д̇и? ‘‘аама, д̣̇зваа’’д̇и. ‘‘гзна д̇умхз уяяож̇ид̇аа’’д̇и? ‘‘наг̇г̇асаман̣агзхи, д̣̇зваа’’д̇и. рааж̇аа бан̃жасад̇з наг̇г̇асаман̣агз г̇аахаабзд̇ваа бан̃жасад̇зхи жорзхи сад̣̇д̇хим̣ рааж̇ан̇г̇ан̣з наабхиббамаан̣зсу ааваадзсу никан̣аабзд̇ваа балаалзхи бадижчаад̣̇аабзд̇ваа аг̇г̇им̣ д̣̇аабзси . ат̇а нзсам̣ жхаамабхаавам̣ н̃ад̇ваа аяанан̇г̇алзхи гасаабзд̇ваа саб̣б̣з кан̣д̣аакан̣д̣игам̣ гаараабзси.

    Thero ‘‘satthāraṃ passitvāva parinibbāyissāmī’’ti attabhāvaṃ jhānaveṭhanena veṭhetvā thiraṃ katvā ākāsena satthu santikaṃ gantvā satthāraṃ vanditvā, ‘‘bhante, parinibbāyissāmī’’ti āha. ‘‘Parinibbāyissasi, moggallānā’’ti? ‘‘Āma, bhante’’ti. ‘‘Kattha gantvā’’ti? ‘‘Kāḷasilāpadesaṃ, bhante’’ti. Tena hi, moggallāna, mayhaṃ dhammaṃ kathetvā yāhi. Tādisassa hi me sāvakassa idāni dassanaṃ natthīti. So ‘‘evaṃ karissāmi, bhante’’ti satthāraṃ vanditvā ākāsaṃ uppatitvā parinibbānadivase sāriputtatthero viya nānappakārā iddhiyo katvā dhammaṃ kathetvā satthāraṃ vanditvā kāḷasilāṭaviṃ gantvā parinibbāyi. ‘‘Theraṃ kira corā māresu’’nti ayampi kathā sakalajambudīpe patthari. Rājā ajātasattu core pariyesanatthāya carapurise payojesi. Tesupi coresu surāpāne suraṃ pivantesu eko ekassa piṭṭhiṃ paharitvā pātesi. So taṃ santejjetvā ‘‘ambho dubbinīta, tvaṃ kasmā me piṭṭhiṃ pātesī’’ti āha. Kiṃ pana hare duṭṭhacora, tayā mahāmoggallānatthero paṭhamaṃ pahaṭoti? Kiṃ pana mayā pahaṭabhāvaṃ tvaṃ na jānāsīti? Iti nesaṃ ‘‘mayā pahaṭo, mayā pahaṭo’’ti vadantānaṃ vacanaṃ sutvā te carapurisā te sabbe core gahetvā rañño ārocesuṃ. Rājā core pakkosāpetvā pucchi – ‘‘tumhehi thero mārito’’ti? ‘‘Āma, devā’’ti. ‘‘Kena tumhe uyyojitā’’ti? ‘‘Naggasamaṇakehi, devā’’ti. Rājā pañcasate naggasamaṇake gāhāpetvā pañcasatehi corehi saddhiṃ rājaṅgaṇe nābhippamāṇesu āvāṭesu nikhaṇāpetvā palālehi paṭicchādāpetvā aggiṃ dāpesi . Atha nesaṃ jhāmabhāvaṃ ñatvā ayanaṅgalehi kasāpetvā sabbe khaṇḍākhaṇḍikaṃ kārāpesi.

    бхигкуу д̇хаммасабхааяам̣ гат̇ам̣ самудтаабзсум̣ – ‘‘махаамог̇г̇аллаанад̇т̇зро ад̇д̇ано анануруубамзва маран̣ам̣ бад̇д̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, мог̇г̇аллаано имассзва ад̇д̇абхаавасса анануруубам̣ маран̣ам̣ бад̇д̇о, буб̣б̣з бана д̇зна гад̇асса гаммасса ануруубамзва маран̣ам̣ бад̇д̇о’’д̇и вад̇ваа ‘‘гим̣ банасса, бханд̇з, буб̣б̣агамма’’нд̇и будто вид̇т̇аарзд̇ваа гат̇зси –

    Bhikkhū dhammasabhāyaṃ kathaṃ samuṭṭhāpesuṃ – ‘‘mahāmoggallānatthero attano ananurūpameva maraṇaṃ patto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, moggallāno imasseva attabhāvassa ananurūpaṃ maraṇaṃ patto, pubbe pana tena katassa kammassa anurūpameva maraṇaṃ patto’’ti vatvā ‘‘kiṃ panassa, bhante, pubbakamma’’nti puṭṭho vitthāretvā kathesi –

    ад̇ийд̇з гира б̣аараан̣асиваасий зго гулабуд̇д̇о саяамзва годданабажанаад̣̇ийни гаммаани гаронд̇о маад̇аабид̇аро бадиж̇аг̇г̇и. ат̇асса маад̇аабид̇аро нам̣, ‘‘д̇аад̇а, д̇вам̣ згагова г̇зхз жа аран̃н̃з жа гаммам̣ гаронд̇о гиламаси, згам̣ д̇з гумааригам̣ аанзссаамаа’’д̇и вад̇ваа, ‘‘аммад̇аад̇аа, на маяхам̣ зваруубааяад̇т̇о, ахам̣ яаава д̇умхз ж̇ийват̇а, д̇аава во сахад̇т̇аа убадтахиссаамий’’д̇и д̇зна бадигкид̇д̇аа бунаббунам̣ д̇ам̣ яаажид̇ваа гумааригам̣ аанаяим̣су. саа гад̇ибаахамзва д̇з убадтахид̇ваа бажчаа д̇зсам̣ д̣̇ассанамби анижчанд̇ий ‘‘на саггаа д̇ава маад̇аабид̇уухи сад̣̇д̇хим̣ згадтаанз васид̇у’’нд̇и уж̇жхааяид̇ваа д̇асмим̣ ад̇д̇ано гат̇ам̣ аг̇г̇ан̣ханд̇з д̇асса б̣ахиг̇ад̇агаалз магаживаагакан̣д̣аани жа яааг̇упзн̣ан̃жа г̇ахзд̇ваа д̇ад̇т̇а д̇ад̇т̇а аагирид̇ваа д̇знааг̇анд̇ваа ‘‘гим̣ ид̣̇а’’нд̇и будтаа ааха – ‘‘имзсам̣ анд̇хамахаллагаанам̣ зд̇ам̣ гаммам̣, саб̣б̣ам̣ г̇зхам̣ гилидтам̣ гаронд̇аа вижаранд̇и, на саггаа зд̇зхи сад̣̇д̇хим̣ згадтаанз васид̇у’’нд̇и. звам̣ д̇ааяа нам̣ бунаббунам̣ гат̇аяамаанааяа зваруубоби буурид̇абаарамий сад̇д̇о маад̇аабид̇уухи сад̣̇д̇хим̣ бхиж̇ж̇и. со ‘‘ход̇у, ж̇ааниссаами нзсам̣ гад̇д̇аб̣б̣а’’нд̇и д̇з бхож̇зд̇ваа, ‘‘аммад̇аад̇аа, асугадтаанз наама д̇умхаагам̣ н̃аад̇агаа ааг̇аманам̣ бажжаасийсанд̇и, д̇ад̇т̇а г̇амиссаамаа’’д̇и д̇з яаанагам̣ ааробзд̇ваа аад̣̇ааяа г̇ажчанд̇о адавимаж̇жхам̣ бад̇д̇агаалз, ‘‘д̇аад̇а, расмияо г̇ан̣хаат̇а, г̇ааво бад̇од̣̇асан̃н̃ааяа г̇амиссанд̇и, имасмим̣ таанз жораа васанд̇и, ахам̣ од̇араамий’’д̇и бид̇у хад̇т̇з расмияо д̣̇ад̇ваа од̇арид̇ваа г̇ажчанд̇о сад̣̇д̣̇ам̣ баривад̇д̇зд̇ваа жораанам̣ удтид̇асад̣̇д̣̇амагааси. маад̇аабид̇аро сад̣̇д̣̇ам̣ суд̇ваа ‘‘жораа удтид̇аа’’д̇и сан̃н̃ааяа, ‘‘д̇аад̇а, маяам̣ махаллагаа, д̇вам̣ ад̇д̇аанамзва рагкаахий’’д̇и аахам̣су. со маад̇аабид̇аро д̇ат̇аавираванд̇зби жорасад̣̇д̣̇ам̣ гаронд̇о годдзд̇ваа маарзд̇ваа адавияам̣ кибид̇ваа бажжааг̇ами.

    Atīte kira bārāṇasivāsī eko kulaputto sayameva koṭṭanapacanādīni kammāni karonto mātāpitaro paṭijaggi. Athassa mātāpitaro naṃ, ‘‘tāta, tvaṃ ekakova gehe ca araññe ca kammaṃ karonto kilamasi, ekaṃ te kumārikaṃ ānessāmā’’ti vatvā, ‘‘ammatātā, na mayhaṃ evarūpāyattho, ahaṃ yāva tumhe jīvatha, tāva vo sahatthā upaṭṭhahissāmī’’ti tena paṭikkhittā punappunaṃ taṃ yācitvā kumārikaṃ ānayiṃsu. Sā katipāhameva te upaṭṭhahitvā pacchā tesaṃ dassanampi anicchantī ‘‘na sakkā tava mātāpitūhi saddhiṃ ekaṭṭhāne vasitu’’nti ujjhāyitvā tasmiṃ attano kathaṃ aggaṇhante tassa bahigatakāle makacivākakhaṇḍāni ca yāgupheṇañca gahetvā tattha tattha ākiritvā tenāgantvā ‘‘kiṃ ida’’nti puṭṭhā āha – ‘‘imesaṃ andhamahallakānaṃ etaṃ kammaṃ, sabbaṃ gehaṃ kiliṭṭhaṃ karontā vicaranti, na sakkā etehi saddhiṃ ekaṭṭhāne vasitu’’nti. Evaṃ tāya naṃ punappunaṃ kathayamānāya evarūpopi pūritapāramī satto mātāpitūhi saddhiṃ bhijji. So ‘‘hotu, jānissāmi nesaṃ kattabba’’nti te bhojetvā, ‘‘ammatātā, asukaṭṭhāne nāma tumhākaṃ ñātakā āgamanaṃ paccāsīsanti, tattha gamissāmā’’ti te yānakaṃ āropetvā ādāya gacchanto aṭavimajjhaṃ pattakāle, ‘‘tāta, rasmiyo gaṇhātha, gāvo patodasaññāya gamissanti, imasmiṃ ṭhāne corā vasanti, ahaṃ otarāmī’’ti pitu hatthe rasmiyo datvā otaritvā gacchanto saddaṃ parivattetvā corānaṃ uṭṭhitasaddamakāsi. Mātāpitaro saddaṃ sutvā ‘‘corā uṭṭhitā’’ti saññāya, ‘‘tāta, mayaṃ mahallakā, tvaṃ attānameva rakkhāhī’’ti āhaṃsu. So mātāpitaro tathāviravantepi corasaddaṃ karonto koṭṭetvā māretvā aṭaviyaṃ khipitvā paccāgami.

    сад̇т̇аа ид̣̇ам̣ д̇асса буб̣б̣агаммам̣ гат̇зд̇ваа, ‘‘бхигкавз, мог̇г̇аллаано зд̇д̇агам̣ гаммам̣ гад̇ваа анзгавассасад̇асахассаани нираяз бажжид̇ваа вибаагаавасзсзна ад̇д̇абхаавасад̇з звамзва годдзд̇ваа сам̣жун̣н̣ид̇о маран̣ам̣ бад̇д̇о. звам̣ мог̇г̇аллаанзна ад̇д̇ано гаммаануруубамзва маран̣ам̣ лад̣̇д̇хам̣, бан̃жахи жорасад̇зхи сад̣̇д̇хим̣ лабхим̣су. аббад̣̇удтзсу хи бад̣̇уссанд̇о д̣̇асахи гааран̣зхи анаяаб̣яасанам̣ баабун̣аад̇иязваа’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имаа г̇аат̇аа абхааси –

    Satthā idaṃ tassa pubbakammaṃ kathetvā, ‘‘bhikkhave, moggallāno ettakaṃ kammaṃ katvā anekavassasatasahassāni niraye paccitvā vipākāvasesena attabhāvasate evameva koṭṭetvā saṃcuṇṇito maraṇaṃ patto. Evaṃ moggallānena attano kammānurūpameva maraṇaṃ laddhaṃ, pañcahi corasatehi saddhiṃ labhiṃsu. Appaduṭṭhesu hi padussanto dasahi kāraṇehi anayabyasanaṃ pāpuṇātiyevā’’ti vatvā anusandhiṃ ghaṭetvā dhammaṃ desento imā gāthā abhāsi –

    137.

    137.

    ‘‘яо д̣̇ан̣д̣зна ад̣̇ан̣д̣зсу, аббад̣̇удтзсу д̣̇уссад̇и;

    ‘‘Yo daṇḍena adaṇḍesu, appaduṭṭhesu dussati;

    д̣̇асаннаман̃н̃ад̇арам̣ таанам̣, киббамзва ниг̇ажчад̇и.

    Dasannamaññataraṃ ṭhānaṃ, khippameva nigacchati.

    138.

    138.

    ‘‘взд̣̇анам̣ парусам̣ ж̇ааним̣, сарийрасса ва бхзд̣̇анам̣;

    ‘‘Vedanaṃ pharusaṃ jāniṃ, sarīrassa va bhedanaṃ;

    г̇аругам̣ вааби ааб̣аад̇хам̣, жид̇д̇агкзбам̣ ва баабун̣з.

    Garukaṃ vāpi ābādhaṃ, cittakkhepaṃ va pāpuṇe.

    139.

    139.

    ‘‘рааж̇ад̇о ваа убасаг̇г̇ам̣, аб̣бхагкаанам̣ ва д̣̇аарун̣ам̣;

    ‘‘Rājato vā upasaggaṃ, abbhakkhānaṃ va dāruṇaṃ;

    баригкаяам̣ ва н̃аад̇ийнам̣, бхог̇аанам̣ ва бабхан̇г̇урам̣.

    Parikkhayaṃ va ñātīnaṃ, bhogānaṃ va pabhaṅguraṃ.

    140.

    140.

    ‘‘ат̇а ваасса аг̇аараани, аг̇г̇и д̣ахад̇и бааваго;

    ‘‘Atha vāssa agārāni, aggi ḍahati pāvako;

    гааяасса бхзд̣̇аа д̣̇уббан̃н̃о, нираяам̣ собабаж̇ж̇ад̇ий’’д̇и.

    Kāyassa bhedā duppañño, nirayaṃ sopapajjatī’’ti.

    д̇ад̇т̇а ад̣̇ан̣д̣зсууд̇и гааяад̣̇ан̣д̣аад̣̇ирахид̇зсу кийн̣аасавзсу. аббад̣̇удтзсууд̇и барзсу ваа ад̇д̇ани ваа нирабараад̇хзсу. д̣̇асаннаман̃н̃ад̇арам̣ таананд̇и д̣̇асасу д̣̇угкагааран̣зсу ан̃н̃ад̇арам̣ гааран̣ам̣. взд̣̇ананд̇и сийсарог̇аад̣̇ибхзд̣̇ам̣ парусам̣ взд̣̇анам̣. ж̇аанинд̇и гижчаад̇хиг̇ад̇асса д̇ханасса ж̇ааним̣. бхзд̣̇ананд̇и хад̇т̇ажчзд̣̇аад̣̇игам̣ сарийрабхзд̣̇анам̣. г̇аруганд̇и багкахад̇азгажагкугабийтасаббигун̣ийбхаавагудтарог̇аад̣̇ибхзд̣̇ам̣ г̇аругааб̣аад̇хам̣ ваа. жид̇д̇агкзбанд̇и уммаад̣̇ам̣. убасаг̇г̇анд̇и яасавилобасзнаабад̇идтаанаад̣̇иажчинд̣̇анаад̣̇игам̣ рааж̇ад̇о убасаг̇г̇ам̣ ваа. аб̣бхагкаананд̇и ад̣̇идтаасуд̇аажинд̇ид̇абуб̣б̣ам̣ ‘‘ид̣̇ам̣ санд̇хижчзд̣̇аад̣̇игаммам̣, ид̣̇ам̣ ваа рааж̇аабараад̇хид̇агаммам̣ д̇аяаа гад̇а’’нд̇и зваруубам̣ д̣̇аарун̣ам̣ аб̣бхагкаанам̣ ваа. баригкаяам̣ ва н̃аад̇ийнанд̇и ад̇д̇ано авассаяо бхавид̇ум̣ самад̇т̇аанам̣ н̃аад̇ийнам̣ баригкаяам̣ ваа. бабхан̇г̇уранд̇и бабхан̇г̇убхаавам̣ бууд̇ибхаавам̣. яам̣ хисса г̇зхз д̇хан̃н̃ам̣, д̇ам̣ бууд̇ибхаавам̣ аабаж̇ж̇ад̇и, суван̣н̣ам̣ ан̇г̇аарабхаавам̣, муд̇д̇аа габбаасадтибхаавам̣, гахаабан̣ам̣ габаалакан̣д̣аад̣̇ибхаавам̣, д̣̇вибад̣̇ажад̇уббад̣̇аа гаан̣агун̣аад̣̇ибхааванд̇и ад̇т̇о. аг̇г̇и д̣ахад̇ийд̇и згасам̣важчарз д̣̇вад̇д̇игкад̇д̇ум̣ ан̃н̃асмим̣ д̣аахагз авиж̇ж̇амаанзби асаниаг̇г̇и ваа бад̇ид̇ваа д̣ахад̇и, ад̇д̇анова д̇хаммад̇ааяа удтид̇о бааваго ваа д̣ахад̇иязва. нираяанд̇и д̣̇идтзва д̇хаммз имзсам̣ д̣̇асаннам̣ таанаанам̣ ан̃н̃ад̇арам̣ бад̇вааби згам̣сзна самбарааяз бад̇д̇аб̣б̣ам̣ д̣̇ассзд̇ум̣ ‘‘нираяам̣ собабаж̇ж̇ад̇ий’’д̇и вуд̇д̇ам̣.

    Tattha adaṇḍesūti kāyadaṇḍādirahitesu khīṇāsavesu. Appaduṭṭhesūti paresu vā attani vā niraparādhesu. Dasannamaññataraṃ ṭhānanti dasasu dukkhakāraṇesu aññataraṃ kāraṇaṃ. Vedananti sīsarogādibhedaṃ pharusaṃ vedanaṃ. Jāninti kicchādhigatassa dhanassa jāniṃ. Bhedananti hatthacchedādikaṃ sarīrabhedanaṃ. Garukanti pakkhahataekacakkhukapīṭhasappikuṇībhāvakuṭṭharogādibhedaṃ garukābādhaṃ vā. Cittakkhepanti ummādaṃ. Upasagganti yasavilopasenāpatiṭṭhānādiacchindanādikaṃ rājato upasaggaṃ vā. Abbhakkhānanti adiṭṭhaasutaacintitapubbaṃ ‘‘idaṃ sandhicchedādikammaṃ, idaṃ vā rājāparādhitakammaṃ tayā kata’’nti evarūpaṃ dāruṇaṃ abbhakkhānaṃ vā. Parikkhayaṃ va ñātīnanti attano avassayo bhavituṃ samatthānaṃ ñātīnaṃ parikkhayaṃ vā. Pabhaṅguranti pabhaṅgubhāvaṃ pūtibhāvaṃ. Yaṃ hissa gehe dhaññaṃ, taṃ pūtibhāvaṃ āpajjati, suvaṇṇaṃ aṅgārabhāvaṃ, muttā kappāsaṭṭhibhāvaṃ, kahāpaṇaṃ kapālakhaṇḍādibhāvaṃ, dvipadacatuppadā kāṇakuṇādibhāvanti attho. Aggi ḍahatīti ekasaṃvacchare dvattikkhattuṃ aññasmiṃ ḍāhake avijjamānepi asaniaggi vā patitvā ḍahati, attanova dhammatāya uṭṭhito pāvako vā ḍahatiyeva. Nirayanti diṭṭheva dhamme imesaṃ dasannaṃ ṭhānānaṃ aññataraṃ patvāpi ekaṃsena samparāye pattabbaṃ dassetuṃ ‘‘nirayaṃ sopapajjatī’’ti vuttaṃ.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    махаамог̇г̇аллаанад̇т̇зравад̇т̇у сад̇д̇амам̣.

    Mahāmoggallānattheravatthu sattamaṃ.

    8. б̣ахубхан̣д̣игабхигкувад̇т̇у

    8. Bahubhaṇḍikabhikkhuvatthu

    на наг̇г̇ажарияаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о б̣ахубхан̣д̣игам̣ бхигкум̣ аараб̣бха гат̇зси.

    Nanaggacariyāti imaṃ dhammadesanaṃ satthā jetavane viharanto bahubhaṇḍikaṃ bhikkhuṃ ārabbha kathesi.

    саавад̇т̇иваасий гирзго гудумб̣иго бхарияааяа гаалагад̇ааяа баб̣б̣аж̇и. со баб̣б̣аж̇анд̇о ад̇д̇ано баривзн̣ан̃жа аг̇г̇исаалан̃жа бхан̣д̣аг̇аб̣бхан̃жа гаарзд̇ваа саб̣б̣амби бхан̣д̣аг̇аб̣бхам̣ саббимад̇худ̇злаад̣̇ийхи буурзд̇ваа баб̣б̣аж̇и, баб̣б̣аж̇ид̇ваа жа бана ад̇д̇ано д̣̇аасз баггосаабзд̇ваа яат̇ааружигам̣ аахаарам̣ бажаабзд̇ваа бхун̃ж̇ад̇и. б̣ахубхан̣д̣о жа б̣ахубаригкааро жа ахоси. рад̇д̇им̣ ан̃н̃ам̣ ниваасанабаарубанам̣ ход̇и, д̣̇иваа ан̃н̃ам̣ ниваасанабаарубанам̣ ход̇и, д̣̇иваа ан̃н̃ам̣ вихаарабажжанд̇з васад̇и. д̇ассзгад̣̇ивасам̣ жийварабажжад̇т̇аран̣аани сугкаабзнд̇асса сзнаасанажааригам̣ аахин̣д̣анд̇аа бхигкуу бассид̇ваа ‘‘гассимаани, аавусо’’д̇и бужчид̇ваа ‘‘маяха’’нд̇и вуд̇д̇з, ‘‘аавусо, бхаг̇авад̇аа д̇ижийвараани анун̃н̃аад̇аани, д̇ван̃жа бана звам̣ аббижчасса б̣уд̣̇д̇хасса саасанз баб̣б̣аж̇ид̇ваа звам̣ б̣ахубаригкааро ж̇аад̇о’’д̇и д̇ам̣ сад̇т̇у санд̇игам̣ нзд̇ваа, ‘‘бханд̇з , аяам̣ бхигку ад̇иб̣ахубхан̣д̣о’’д̇и аарожзсум̣. сад̇т̇аа ‘‘сажжам̣ гира д̇ам̣ бхигкуу’’д̇и бужчид̇ваа ‘‘сажжам̣, бханд̇з’’д̇и вуд̇д̇з ааха – ‘‘гасмаа бана д̇вам̣, бхигку, маяаа аббижчад̇ааяа д̇хаммз д̣̇зсид̇з звам̣ б̣ахубхан̣д̣о ж̇аад̇о’’д̇и. со д̇аавад̇д̇агзнзва губид̇о ‘‘иминаа д̣̇аани нийхаарзна жариссаамий’’д̇и баарубанам̣ чад̣д̣зд̇ваа барисамаж̇жхз згажийваро адтааси. ат̇а нам̣ сад̇т̇аа убад̇т̇амбхаяамаано нану д̇вам̣ бхигку буб̣б̣з хирод̇д̇аббаг̇авзсаго д̣̇агарагкасагаалзби хирод̇д̇аббам̣ г̇авзсамаано д̣̇ваад̣̇аса вассаани вихааси, гасмаа ид̣̇аани звам̣ г̇аругз б̣уд̣̇д̇хасаасанз баб̣б̣аж̇ид̇ваа жад̇убарисамаж̇жхз баарубанам̣ чад̣д̣зд̇ваа хирод̇д̇аббам̣ бахааяа тид̇осийд̇и. со сад̇т̇у важанам̣ суд̇ваа хирод̇д̇аббам̣ бажжубадтаабзд̇ваа д̇ам̣ жийварам̣ баарубид̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и. бхигкуу д̇асса ад̇т̇асса аавибхаавад̇т̇ам̣ бхаг̇аванд̇ам̣ яаажим̣су. бхаг̇аваа ад̇ийд̇ам̣ аахарид̇ваа гат̇зси –

    Sāvatthivāsī kireko kuṭumbiko bhariyāya kālakatāya pabbaji. So pabbajanto attano pariveṇañca aggisālañca bhaṇḍagabbhañca kāretvā sabbampi bhaṇḍagabbhaṃ sappimadhutelādīhi pūretvā pabbaji, pabbajitvā ca pana attano dāse pakkosāpetvā yathārucikaṃ āhāraṃ pacāpetvā bhuñjati. Bahubhaṇḍo ca bahuparikkhāro ca ahosi. Rattiṃ aññaṃ nivāsanapārupanaṃ hoti, divā aññaṃ nivāsanapārupanaṃ hoti, divā aññaṃ vihārapaccante vasati. Tassekadivasaṃ cīvarapaccattharaṇāni sukkhāpentassa senāsanacārikaṃ āhiṇḍantā bhikkhū passitvā ‘‘kassimāni, āvuso’’ti pucchitvā ‘‘mayha’’nti vutte, ‘‘āvuso, bhagavatā ticīvarāni anuññātāni, tvañca pana evaṃ appicchassa buddhassa sāsane pabbajitvā evaṃ bahuparikkhāro jāto’’ti taṃ satthu santikaṃ netvā, ‘‘bhante , ayaṃ bhikkhu atibahubhaṇḍo’’ti ārocesuṃ. Satthā ‘‘saccaṃ kira taṃ bhikkhū’’ti pucchitvā ‘‘saccaṃ, bhante’’ti vutte āha – ‘‘kasmā pana tvaṃ, bhikkhu, mayā appicchatāya dhamme desite evaṃ bahubhaṇḍo jāto’’ti. So tāvattakeneva kupito ‘‘iminā dāni nīhārena carissāmī’’ti pārupanaṃ chaḍḍetvā parisamajjhe ekacīvaro aṭṭhāsi. Atha naṃ satthā upatthambhayamāno nanu tvaṃ bhikkhu pubbe hirottappagavesako dakarakkhasakālepi hirottappaṃ gavesamāno dvādasa vassāni vihāsi, kasmā idāni evaṃ garuke buddhasāsane pabbajitvā catuparisamajjhe pārupanaṃ chaḍḍetvā hirottappaṃ pahāya ṭhitosīti. So satthu vacanaṃ sutvā hirottappaṃ paccupaṭṭhāpetvā taṃ cīvaraṃ pārupitvā satthāraṃ vanditvā ekamantaṃ nisīdi. Bhikkhū tassa atthassa āvibhāvatthaṃ bhagavantaṃ yāciṃsu. Bhagavā atītaṃ āharitvā kathesi –

    ад̇ийд̇з гира б̣аараан̣асиран̃н̃о аг̇г̇амахзсияаа гужчисмим̣ б̣од̇хисад̇д̇о бадисанд̇хим̣ г̇ан̣хи. д̇асса наамаг̇г̇ахан̣ад̣̇ивасз махим̣сагумаарод̇и наамам̣ гарим̣су. д̇асса ганидтабхаад̇аа жанд̣̇агумааро наама ахоси. д̇зсам̣ маад̇ари гаалагад̇ааяа рааж̇аа ан̃н̃ам̣ аг̇г̇амахзсидтаанз табзси. сааби буд̇д̇ам̣ виж̇ааяи, суурияагумаарод̇исса наамам̣ гарим̣су. д̇ам̣ д̣̇исваа рааж̇аа д̇удто ‘‘буд̇д̇асса д̇з варам̣ д̣̇аммий’’д̇и ааха. сааби ко, ‘‘д̣̇зва, ижчид̇агаалз г̇ан̣хиссаамий’’д̇и вад̇ваа буд̇д̇асса ваяаббад̇д̇агаалз рааж̇аанам̣ ааха – ‘‘д̣̇звзна маяхам̣ буд̇д̇асса ж̇аад̇агаалз варо д̣̇инно, ид̣̇аани мз буд̇д̇асса раж̇ж̇ам̣ д̣̇зхий’’д̇и . рааж̇аа ‘‘мама д̣̇вз буд̇д̇аа аг̇г̇игканд̇хаа вияа ж̇аланд̇аа вижаранд̇и, на саггаа д̇асса раж̇ж̇ам̣ д̣̇аад̇у’’нд̇и бадигкибид̇вааби д̇ам̣ бунаббунам̣ яаажамаанамзва д̣̇исваа ‘‘аяам̣ мз буд̇д̇аанам̣ анад̇т̇амби гарзяяаа’’д̇и буд̇д̇з баггосаабзд̇ваа, ‘‘д̇аад̇аа, ахам̣ суурияагумаарасса ж̇аад̇агаалз варам̣ ад̣̇аасим̣, ид̣̇аанисса маад̇аа раж̇ж̇ам̣ яаажад̇и, ахам̣ д̇асса на д̣̇аад̇угаамо, д̇асса маад̇аа д̇умхаагам̣ анад̇т̇амби гарзяяа, г̇ажчат̇а д̇умхз, аран̃н̃з васид̇ваа мамажжаязнааг̇анд̇ваа раж̇ж̇ам̣ г̇ан̣хат̇аа’’д̇и уяяож̇зси. д̇з бид̇арам̣ ванд̣̇ид̇ваа баасаад̣̇аа од̇аранд̇з рааж̇ан̇г̇ан̣з гийл̣амаано суурияагумааро д̣̇исваа д̇ам̣ гааран̣ам̣ н̃ад̇ваа д̇зхи сад̣̇д̇хим̣ нигками. д̇зсам̣ химаванд̇ам̣ бавидтагаалз б̣од̇хисад̇д̇о маг̇г̇аа оггамма ан̃н̃ад̇арасмим̣ ругкамуулз нисийд̣̇ид̇ваа суурияагумаарам̣ ааха – ‘‘д̇аад̇а, зд̇ам̣ сарам̣ г̇анд̇ваа нхад̇ваа жа бивид̇ваа жа амхаагамби бад̣̇уминибан̣н̣зхи уд̣̇агам̣ аахараа’’д̇и. со бана саро взссаван̣н̣асса санд̇игаа згзна д̣̇агарагкасзна лад̣̇д̇хо ход̇и. взссаван̣н̣о жа д̇ам̣ ааха – ‘‘табзд̇ваа д̣̇звад̇хаммаж̇аананагз яз жа ан̃н̃з имам̣ сарам̣ од̇аранд̇и, д̇з каад̣̇ид̇ум̣ лабхасий’’д̇и. д̇ад̇о бадтааяа со д̇ам̣ сарам̣ од̇ин̣н̣од̇ин̣н̣з д̣̇звад̇хаммз бужчид̇ваа аж̇аананд̇з каад̣̇ад̇и, суурияагумаароби д̇ам̣ сарам̣ авиймам̣сид̇ваава од̇ари, д̇зна жа ‘‘д̣̇звад̇хаммз ж̇аанаасий’’д̇и бужчид̇о ‘‘д̣̇звад̇хаммаа наама жанд̣̇имасуурияаа’’д̇и ааха. ат̇а нам̣ ‘‘д̇вам̣ д̣̇звад̇хаммз на ж̇аанаасий’’д̇и уд̣̇агам̣ бавзсзд̇ваа ад̇д̇ано бхаванз табзси. б̣од̇хисад̇д̇оби д̇ам̣ жирааяанд̇ам̣ д̣̇исваа жанд̣̇агумаарам̣ бзсзси. соби д̇зна ‘‘д̣̇звад̇хаммз ж̇аанаасий’’д̇и бужчид̇о ‘‘д̣̇звад̇хаммаа наама жад̇ассо д̣̇исаа’’д̇и ааха. д̣̇агарагкасо д̇амби уд̣̇агам̣ бавзсзд̇ваа д̇ад̇т̇зва табзси.

    Atīte kira bārāṇasirañño aggamahesiyā kucchismiṃ bodhisatto paṭisandhiṃ gaṇhi. Tassa nāmaggahaṇadivase mahiṃsakumāroti nāmaṃ kariṃsu. Tassa kaniṭṭhabhātā candakumāro nāma ahosi. Tesaṃ mātari kālakatāya rājā aññaṃ aggamahesiṭṭhāne ṭhapesi. Sāpi puttaṃ vijāyi, sūriyakumārotissa nāmaṃ kariṃsu. Taṃ disvā rājā tuṭṭho ‘‘puttassa te varaṃ dammī’’ti āha. Sāpi kho, ‘‘deva, icchitakāle gaṇhissāmī’’ti vatvā puttassa vayappattakāle rājānaṃ āha – ‘‘devena mayhaṃ puttassa jātakāle varo dinno, idāni me puttassa rajjaṃ dehī’’ti . Rājā ‘‘mama dve puttā aggikkhandhā viya jalantā vicaranti, na sakkā tassa rajjaṃ dātu’’nti paṭikkhipitvāpi taṃ punappunaṃ yācamānameva disvā ‘‘ayaṃ me puttānaṃ anatthampi kareyyā’’ti putte pakkosāpetvā, ‘‘tātā, ahaṃ sūriyakumārassa jātakāle varaṃ adāsiṃ, idānissa mātā rajjaṃ yācati, ahaṃ tassa na dātukāmo, tassa mātā tumhākaṃ anatthampi kareyya, gacchatha tumhe, araññe vasitvā mamaccayenāgantvā rajjaṃ gaṇhathā’’ti uyyojesi. Te pitaraṃ vanditvā pāsādā otarante rājaṅgaṇe kīḷamāno sūriyakumāro disvā taṃ kāraṇaṃ ñatvā tehi saddhiṃ nikkhami. Tesaṃ himavantaṃ paviṭṭhakāle bodhisatto maggā okkamma aññatarasmiṃ rukkhamūle nisīditvā sūriyakumāraṃ āha – ‘‘tāta, etaṃ saraṃ gantvā nhatvā ca pivitvā ca amhākampi paduminipaṇṇehi udakaṃ āharā’’ti. So pana saro vessavaṇṇassa santikā ekena dakarakkhasena laddho hoti. Vessavaṇṇo ca taṃ āha – ‘‘ṭhapetvā devadhammajānanake ye ca aññe imaṃ saraṃ otaranti, te khādituṃ labhasī’’ti. Tato paṭṭhāya so taṃ saraṃ otiṇṇotiṇṇe devadhamme pucchitvā ajānante khādati, sūriyakumāropi taṃ saraṃ avīmaṃsitvāva otari, tena ca ‘‘devadhamme jānāsī’’ti pucchito ‘‘devadhammā nāma candimasūriyā’’ti āha. Atha naṃ ‘‘tvaṃ devadhamme na jānāsī’’ti udakaṃ pavesetvā attano bhavane ṭhapesi. Bodhisattopi taṃ cirāyantaṃ disvā candakumāraṃ pesesi. Sopi tena ‘‘devadhamme jānāsī’’ti pucchito ‘‘devadhammā nāma catasso disā’’ti āha. Dakarakkhaso tampi udakaṃ pavesetvā tattheva ṭhapesi.

    б̣од̇хисад̇д̇о д̇асмимби жирааяанд̇з ‘‘анд̇арааязна бхавид̇аб̣б̣а’’нд̇и саяам̣ г̇анд̇ваа д̣̇виннамби од̇аран̣абад̣̇ам̣язва д̣̇исваа ‘‘аяам̣ саро рагкасабариг̇г̇ахид̇о’’д̇и н̃ад̇ваа каг̇г̇ам̣ саннаяхид̇ваа д̇ханум̣ г̇ахзд̇ваа адтааси. рагкасо д̇ам̣ анод̇аранд̇ам̣ д̣̇исваа ванагаммигабурисавзсзнааг̇анд̇ваа ааха – ‘‘бхо буриса, д̇вам̣ маг̇г̇агиланд̇о, гасмаа имам̣ сарам̣ од̇арид̇ваа нхад̇ваа жа бивид̇ваа жа бхисамулаалам̣ каад̣̇ид̇ваа бубпаани биланд̇хид̇ваа на г̇ажчасий’’д̇и. б̣од̇хисад̇д̇о д̇ам̣ д̣̇исваава ‘‘зса со яагко’’д̇и н̃ад̇ваа ‘‘д̇аяаа мз бхаад̇аро г̇ахид̇аа’’д̇и ааха. аама, маяаа г̇ахид̇аад̇и. гим̣ гааран̣аад̇и? ахам̣ имам̣ сарам̣ од̇ин̣н̣од̇ин̣н̣з лабхаамийд̇и . гим̣ бана саб̣б̣зва лабхасийд̇и? д̣̇звад̇хаммаж̇аананагз табзд̇ваа авасзсз лабхаамийд̇и. ад̇т̇и бана д̇з д̣̇звад̇хаммзхи ад̇т̇од̇и? аама, ад̇т̇ийд̇и. ахам̣ гат̇зссаамийд̇и. д̇зна хи гат̇зхийд̇и. на саггаа гилидтзна г̇ад̇д̇зна гат̇зд̇унд̇и. яагко б̣од̇хисад̇д̇ам̣ нхаабзд̇ваа баанийяам̣ бааязд̇ваа алан̇гарид̇ваа алан̇гад̇аман̣д̣абамаж̇жхз баллан̇гам̣ ааробзд̇ваа саяамасса баад̣̇амуулз нисийд̣̇и. ат̇а нам̣ б̣од̇хисад̇д̇о ‘‘саггажжам̣ сун̣аахий’’д̇и вад̇ваа имам̣ г̇аат̇амааха –

    Bodhisatto tasmimpi cirāyante ‘‘antarāyena bhavitabba’’nti sayaṃ gantvā dvinnampi otaraṇapadaṃyeva disvā ‘‘ayaṃ saro rakkhasapariggahito’’ti ñatvā khaggaṃ sannayhitvā dhanuṃ gahetvā aṭṭhāsi. Rakkhaso taṃ anotarantaṃ disvā vanakammikapurisavesenāgantvā āha – ‘‘bho purisa, tvaṃ maggakilanto, kasmā imaṃ saraṃ otaritvā nhatvā ca pivitvā ca bhisamulālaṃ khāditvā pupphāni pilandhitvā na gacchasī’’ti. Bodhisatto taṃ disvāva ‘‘esa so yakkho’’ti ñatvā ‘‘tayā me bhātaro gahitā’’ti āha. Āma, mayā gahitāti. Kiṃ kāraṇāti? Ahaṃ imaṃ saraṃ otiṇṇotiṇṇe labhāmīti . Kiṃ pana sabbeva labhasīti? Devadhammajānanake ṭhapetvā avasese labhāmīti. Atthi pana te devadhammehi atthoti? Āma, atthīti. Ahaṃ kathessāmīti. Tena hi kathehīti. Na sakkā kiliṭṭhena gattena kathetunti. Yakkho bodhisattaṃ nhāpetvā pānīyaṃ pāyetvā alaṅkaritvā alaṅkatamaṇḍapamajjhe pallaṅkaṃ āropetvā sayamassa pādamūle nisīdi. Atha naṃ bodhisatto ‘‘sakkaccaṃ suṇāhī’’ti vatvā imaṃ gāthamāha –

    ‘‘хириод̇д̇аббасамбаннаа, суггад̇хаммасамаахид̇аа;

    ‘‘Hiriottappasampannā, sukkadhammasamāhitā;

    санд̇о саббурисаа логз, д̣̇звад̇хаммаад̇и вужжарз’’д̇и. (ж̇аа. 1.1.6);

    Santo sappurisā loke, devadhammāti vuccare’’ti. (jā. 1.1.6);

    яагко имам̣ д̇хаммад̣̇зсанам̣ суд̇ваа басанно б̣од̇хисад̇д̇ам̣ ааха – ‘‘бан̣д̣ид̇а, ахам̣ д̇з басанно, згам̣ бхаад̇арам̣ д̣̇амми, гад̇арам̣ аанзмий’’д̇и? ‘‘ганидтам̣ аанзхий’’д̇и. бан̣д̣ид̇а, д̇вам̣ гзвалам̣ д̣̇звад̇хаммз ж̇аанаасиязва, на бана д̇зсу вад̇д̇асийд̇и. гим̣ гааран̣аад̇и? яасмаа ж̇здтам̣ табзд̇ваа ганидтам̣ аахараабзнд̇о ж̇здтаабажааяигагаммам̣ на гаросийд̇и, д̣̇звад̇хаммз жаахам̣ яагка ж̇аанаами, д̇зсу жа вад̇д̇аами. маяан̃хи зд̇ам̣ ниссааяа имам̣ аран̃н̃ам̣ бавидтаа. зд̇асса хи ад̇т̇ааяа амхаагам̣ бид̇арам̣ зд̇асса маад̇аа раж̇ж̇ам̣ яаажи, амхаагам̣ бана бид̇аа д̇ам̣ варам̣ ад̣̇ад̇ваа амхаагам̣ анурагкан̣ад̇т̇ааяа аран̃н̃з ваасам̣ ануж̇аани, со гумааро анивад̇д̇ид̇ваа амхзхи сад̣̇д̇хим̣ ааг̇ад̇о. ‘‘д̇ам̣ аран̃н̃з зго яагко каад̣̇ий’’д̇и вуд̇д̇зби на гожи сад̣̇д̣̇ахиссад̇и. д̇знаахам̣ г̇арахабхаяабхийд̇о д̇амзваахараабзмийд̇и. яагко б̣од̇хисад̇д̇асса басийд̣̇ид̇ваа ‘‘саад̇ху бан̣д̣ид̇а, д̇вамзва д̣̇звад̇хаммз ж̇аанааси, д̣̇звад̇хаммзсу жа вад̇д̇асий’’д̇и д̣̇вз бхаад̇аро аанзд̇ваа ад̣̇ааси. ат̇а нам̣ б̣од̇хисад̇д̇о яагкабхаавз аад̣̇ийнавам̣ гат̇зд̇ваа бан̃жасу сийлзсу бад̇идтаабзси. со д̇зна сусам̣вихид̇аарагко д̇асмим̣ аран̃н̃з васид̇ваа бид̇ари гаалагад̇з яагкам̣ аад̣̇ааяа б̣аараан̣асим̣ г̇анд̇ваа раж̇ж̇ам̣ г̇ахзд̇ваа жанд̣̇агумаарасса убараж̇ж̇ам̣, суурияагумаарасса сзнаабад̇идтаанам̣ д̣̇ад̇ваа яагкасса раман̣ийяз таанз ааяад̇анам̣ гаараабзд̇ваа яат̇аа со лаабхаг̇г̇аббад̇д̇о ход̇и, д̇ат̇аа агааси.

    Yakkho imaṃ dhammadesanaṃ sutvā pasanno bodhisattaṃ āha – ‘‘paṇḍita, ahaṃ te pasanno, ekaṃ bhātaraṃ dammi, kataraṃ ānemī’’ti? ‘‘Kaniṭṭhaṃ ānehī’’ti. Paṇḍita, tvaṃ kevalaṃ devadhamme jānāsiyeva, na pana tesu vattasīti. Kiṃ kāraṇāti? Yasmā jeṭṭhaṃ ṭhapetvā kaniṭṭhaṃ āharāpento jeṭṭhāpacāyikakammaṃ na karosīti, devadhamme cāhaṃ yakkha jānāmi, tesu ca vattāmi. Mayañhi etaṃ nissāya imaṃ araññaṃ paviṭṭhā. Etassa hi atthāya amhākaṃ pitaraṃ etassa mātā rajjaṃ yāci, amhākaṃ pana pitā taṃ varaṃ adatvā amhākaṃ anurakkhaṇatthāya araññe vāsaṃ anujāni, so kumāro anivattitvā amhehi saddhiṃ āgato. ‘‘Taṃ araññe eko yakkho khādī’’ti vuttepi na koci saddahissati. Tenāhaṃ garahabhayabhīto tamevāharāpemīti. Yakkho bodhisattassa pasīditvā ‘‘sādhu paṇḍita, tvameva devadhamme jānāsi, devadhammesu ca vattasī’’ti dve bhātaro ānetvā adāsi. Atha naṃ bodhisatto yakkhabhāve ādīnavaṃ kathetvā pañcasu sīlesu patiṭṭhāpesi. So tena susaṃvihitārakkho tasmiṃ araññe vasitvā pitari kālakate yakkhaṃ ādāya bārāṇasiṃ gantvā rajjaṃ gahetvā candakumārassa uparajjaṃ, sūriyakumārassa senāpatiṭṭhānaṃ datvā yakkhassa ramaṇīye ṭhāne āyatanaṃ kārāpetvā yathā so lābhaggappatto hoti, tathā akāsi.

    сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси ‘‘д̇ад̣̇аа рагкасо б̣ахубхан̣д̣игабхигку ахоси, суурияагумааро аананд̣̇о, жанд̣̇агумааро саарибуд̇д̇о, махим̣сагумааро бана ахамзваа’’д̇и. звам̣ сад̇т̇аа ж̇аад̇агам̣ гат̇зд̇ваа ‘‘звам̣ д̇вам̣, бхигку, буб̣б̣з д̣̇звад̇хаммз г̇авзсамаано хириод̇д̇аббасамбанно вижарид̇ваа ид̣̇аани жад̇убарисамаж̇жхз иминаа нийхаарзна тад̇ваа мама бурад̇о ‘аббижчомхий’д̇и вад̣̇анд̇о аяуд̇д̇ам̣ агааси. на хи саадагабадигкзбаад̣̇имад̇д̇зна саман̣о наама ход̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Satthā imaṃ dhammadesanaṃ āharitvā jātakaṃ samodhānesi ‘‘tadā rakkhaso bahubhaṇḍikabhikkhu ahosi, sūriyakumāro ānando, candakumāro sāriputto, mahiṃsakumāro pana ahamevā’’ti. Evaṃ satthā jātakaṃ kathetvā ‘‘evaṃ tvaṃ, bhikkhu, pubbe devadhamme gavesamāno hiriottappasampanno vicaritvā idāni catuparisamajjhe iminā nīhārena ṭhatvā mama purato ‘appicchomhī’ti vadanto ayuttaṃ akāsi. Na hi sāṭakapaṭikkhepādimattena samaṇo nāma hotī’’ti vatvā anusandhiṃ ghaṭetvā dhammaṃ desento imaṃ gāthamāha –

    141.

    141.

    ‘‘на наг̇г̇ажарияаа на ж̇адаа на бан̇гаа, наанаасагаа т̇ан̣д̣иласааяигаа ваа;

    ‘‘Na naggacariyā na jaṭā na paṅkā, nānāsakā thaṇḍilasāyikā vā;

    раж̇ож̇аллам̣ уггудигаббад̇хаанам̣, сод̇хзнд̇и мажжам̣ авид̇ин̣н̣аган̇ка’’нд̇и.

    Rajojallaṃ ukkuṭikappadhānaṃ, sodhenti maccaṃ avitiṇṇakaṅkha’’nti.

    д̇ад̇т̇а наанаасагаад̇и на анасагаа, бхад̇д̇абадигкзбагаад̇и ад̇т̇о. т̇ан̣д̣иласааяигаад̇и бхуумисаяанаа. раж̇ож̇алланд̇и гад̣̇д̣̇амалзбанаагаарзна сарийрз саннихид̇араж̇о . уггудигаббад̇хаананд̇и уггудигабхаавзна аарад̣̇д̇хавийрияам̣. ид̣̇ам̣ вуд̇д̇ам̣ ход̇и – яо хи мажжо ‘‘звам̣ ахам̣ логаниссаран̣асан̇каад̇ам̣ суд̣̇д̇хим̣ баабун̣иссаамий’’д̇и имзсу наг̇г̇ажарияаад̣̇ийсу яам̣ гин̃жи самаад̣̇ааяа вад̇д̇зяяа, со гзвалам̣ мижчаад̣̇ассанан̃жзва вад̣дхзяяа, гиламат̇асса жа бхааг̇ий асса. на хи зд̇аани сусамаад̣̇иннааниби адтавад̇т̇угааяа ган̇кааяа авид̇ин̣н̣абхаавзна авид̇ин̣н̣аган̇кам̣ мажжам̣ сод̇хзнд̇ийд̇и.

    Tattha nānāsakāti na anasakā, bhattapaṭikkhepakāti attho. Thaṇḍilasāyikāti bhūmisayanā. Rajojallanti kaddamalepanākārena sarīre sannihitarajo . Ukkuṭikappadhānanti ukkuṭikabhāvena āraddhavīriyaṃ. Idaṃ vuttaṃ hoti – yo hi macco ‘‘evaṃ ahaṃ lokanissaraṇasaṅkhātaṃ suddhiṃ pāpuṇissāmī’’ti imesu naggacariyādīsu yaṃ kiñci samādāya vatteyya, so kevalaṃ micchādassanañceva vaḍḍheyya, kilamathassa ca bhāgī assa. Na hi etāni susamādinnānipi aṭṭhavatthukāya kaṅkhāya avitiṇṇabhāvena avitiṇṇakaṅkhaṃ maccaṃ sodhentīti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    б̣ахубхан̣д̣игабхигкувад̇т̇у адтамам̣.

    Bahubhaṇḍikabhikkhuvatthu aṭṭhamaṃ.

    9. санд̇ад̇имахаамад̇д̇авад̇т̇у

    9. Santatimahāmattavatthu

    алан̇гад̇о жзбийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о санд̇ад̇имахаамад̇д̇ам̣ аараб̣бха гат̇зси.

    Alaṅkato cepīti imaṃ dhammadesanaṃ satthā jetavane viharanto santatimahāmattaṃ ārabbha kathesi.

    со хи згасмим̣ гаалз ран̃н̃о басзнад̣̇игосаласса бажжанд̇ам̣ губид̇ам̣ вуубасамзд̇ваа ааг̇ад̇о. ат̇асса рааж̇аа д̇удто сад̇д̇а д̣̇ивасаани раж̇ж̇ам̣ д̣̇ад̇ваа згам̣ нажжаг̇ийд̇агусалам̣ ид̇т̇им̣ ад̣̇ааси. со сад̇д̇а д̣̇ивасаани сураамад̣̇амад̇д̇о худ̇ваа сад̇д̇амз д̣̇ивасз саб̣б̣аалан̇гаарабадиман̣д̣ид̇о хад̇т̇игканд̇хавараг̇ад̇о нхаанад̇ид̇т̇ам̣ г̇ажчанд̇о сад̇т̇аарам̣ бин̣д̣ааяа бависанд̇ам̣ д̣̇вааранд̇арз д̣̇исваа хад̇т̇игканд̇хавараг̇ад̇ова сийсам̣ жаалзд̇ваа ванд̣̇ид̇ваа баггаами. сад̇т̇аа сид̇ам̣ гад̇ваа ‘‘го ну ко, бханд̇з, сид̇абаад̇угаран̣з хзд̇уу’’д̇и аананд̣̇ад̇т̇зрзна будто сид̇агааран̣ам̣ аажигканд̇о ааха – ‘‘бассаананд̣̇а, санд̇ад̇имахаамад̇д̇ам̣, аж̇ж̇а саб̣б̣аабхаран̣абадиман̣д̣ид̇ова мама санд̇игам̣ ааг̇анд̇ваа жад̇уббад̣̇игаг̇аат̇аавасаанз арахад̇д̇ам̣ бад̇ваа сад̇д̇ад̇ааламад̇д̇з аагаасз нисийд̣̇ид̇ваа бариниб̣б̣ааяиссад̇ий’’д̇и. махааж̇ано т̇зрзна сад̣̇д̇хим̣ гат̇знд̇асса сад̇т̇у важанам̣ ассоси. д̇ад̇т̇а мижчаад̣̇идтигаа жинд̇аяим̣су – ‘‘бассат̇а саман̣асса г̇од̇амасса гирияам̣, мукаббад̇д̇амзва бхаасад̇и, аж̇ж̇а гира зса звам̣ сураамад̣̇амад̇д̇о яат̇аалан̇гад̇ова зд̇асса санд̇игз д̇хаммам̣ суд̇ваа бариниб̣б̣ааяиссад̇и, аж̇ж̇зва д̇ам̣ мусааваад̣̇зна ниг̇г̇ан̣хиссаамаа’’д̇и. саммаад̣̇идтигаа жинд̇зсум̣ – ‘‘ахо б̣уд̣̇д̇хаанам̣ махаанубхаавад̇аа, аж̇ж̇а б̣уд̣̇д̇халийл̣ан̃жзва санд̇ад̇имахаамад̇д̇алийл̣ан̃жа д̣̇адтум̣ лабхиссаамаа’’д̇и.

    So hi ekasmiṃ kāle rañño pasenadikosalassa paccantaṃ kupitaṃ vūpasametvā āgato. Athassa rājā tuṭṭho satta divasāni rajjaṃ datvā ekaṃ naccagītakusalaṃ itthiṃ adāsi. So satta divasāni surāmadamatto hutvā sattame divase sabbālaṅkārapaṭimaṇḍito hatthikkhandhavaragato nhānatitthaṃ gacchanto satthāraṃ piṇḍāya pavisantaṃ dvārantare disvā hatthikkhandhavaragatova sīsaṃ cāletvā vanditvā pakkāmi. Satthā sitaṃ katvā ‘‘ko nu kho, bhante, sitapātukaraṇe hetū’’ti ānandattherena puṭṭho sitakāraṇaṃ ācikkhanto āha – ‘‘passānanda, santatimahāmattaṃ, ajja sabbābharaṇapaṭimaṇḍitova mama santikaṃ āgantvā catuppadikagāthāvasāne arahattaṃ patvā sattatālamatte ākāse nisīditvā parinibbāyissatī’’ti. Mahājano therena saddhiṃ kathentassa satthu vacanaṃ assosi. Tattha micchādiṭṭhikā cintayiṃsu – ‘‘passatha samaṇassa gotamassa kiriyaṃ, mukhappattameva bhāsati, ajja kira esa evaṃ surāmadamatto yathālaṅkatova etassa santike dhammaṃ sutvā parinibbāyissati, ajjeva taṃ musāvādena niggaṇhissāmā’’ti. Sammādiṭṭhikā cintesuṃ – ‘‘aho buddhānaṃ mahānubhāvatā, ajja buddhalīḷañceva santatimahāmattalīḷañca daṭṭhuṃ labhissāmā’’ti.

    санд̇ад̇имахаамад̇д̇оби нхаанад̇ид̇т̇з д̣̇ивасабхааг̇ам̣ уд̣̇агагийл̣ам̣ гийл̣ид̇ваа уяяаанам̣ г̇анд̇ваа аабаанабхуумияам̣ нисийд̣̇и. сааби ид̇т̇ий ран̇г̇амаж̇жхам̣ од̇арид̇ваа нажжаг̇ийд̇ам̣ д̣̇ассзд̇ум̣ аарабхи. д̇ассаа сарийралийл̣ааяа д̣̇ассанад̇т̇ам̣ сад̇д̇аахам̣ аббаахаарад̇ааяа д̇ам̣ д̣̇ивасам̣ нажжаг̇ийд̇ам̣ д̣̇ассаяамаанааяа анд̇огужчияам̣ сад̇т̇агаваад̇аа самудтааяа хад̣̇аяамам̣сам̣ ганд̇ид̇ваа аг̇амам̣су. саа д̇ан̇кан̣ан̃н̃зва мукзна жзва агкийхи жа вивадзхи гааламагааси. санд̇ад̇имахаамад̇д̇о ‘‘убад̇хаарзт̇а на’’нд̇и вад̇ваа ‘‘нируд̣̇д̇хаа, саамий’’д̇и жа вуд̇д̇амад̇д̇зязва б̣алавасогзна абхибхууд̇о д̇ан̇кан̣ан̃н̃звасса сад̇д̇аахам̣ бийд̇асураа д̇ад̇д̇агабаалз уд̣̇агаб̣инд̣̇у вияа баригкаяам̣ аг̇амааси. со ‘‘на мз имам̣ согам̣ ан̃н̃з ниб̣б̣аабзд̇ум̣ сагкиссанд̇и ан̃н̃ад̇ра д̇ат̇ааг̇ад̇знаа’’д̇и б̣алагааяабаривуд̇о сааяанхасамаяз сад̇т̇у санд̇игам̣ г̇анд̇ваа ванд̣̇ид̇ваа звамааха – ‘‘бханд̇з, ‘зваруубо мз сого уббанно, д̇ам̣ мз д̇умхз ниб̣б̣аабзд̇ум̣ сагкиссат̇аа’д̇и ааг̇ад̇омхи, бадисаран̣ам̣ мз хот̇аа’’д̇и. ат̇а нам̣ сад̇т̇аа ‘‘согам̣ ниб̣б̣аабзд̇ум̣ самад̇т̇ассзва санд̇игам̣ ааг̇ад̇оси. имиссаа хи ид̇т̇ияаа иминаава аагаарзна мад̇агаалз д̇ава род̣̇анд̇асса баг̇гхарид̇аассууни жад̇уннам̣ махаасамуд̣̇д̣̇аанам̣ уд̣̇агад̇о ад̇ирзгад̇арааний’’д̇и вад̇ваа имам̣ г̇аат̇амааха –

    Santatimahāmattopi nhānatitthe divasabhāgaṃ udakakīḷaṃ kīḷitvā uyyānaṃ gantvā āpānabhūmiyaṃ nisīdi. Sāpi itthī raṅgamajjhaṃ otaritvā naccagītaṃ dassetuṃ ārabhi. Tassā sarīralīḷāya dassanatthaṃ sattāhaṃ appāhāratāya taṃ divasaṃ naccagītaṃ dassayamānāya antokucchiyaṃ satthakavātā samuṭṭhāya hadayamaṃsaṃ kantitvā agamaṃsu. Sā taṅkhaṇaññeva mukhena ceva akkhīhi ca vivaṭehi kālamakāsi. Santatimahāmatto ‘‘upadhāretha na’’nti vatvā ‘‘niruddhā, sāmī’’ti ca vuttamatteyeva balavasokena abhibhūto taṅkhaṇaññevassa sattāhaṃ pītasurā tattakapāle udakabindu viya parikkhayaṃ agamāsi. So ‘‘na me imaṃ sokaṃ aññe nibbāpetuṃ sakkhissanti aññatra tathāgatenā’’ti balakāyaparivuto sāyanhasamaye satthu santikaṃ gantvā vanditvā evamāha – ‘‘bhante, ‘evarūpo me soko uppanno, taṃ me tumhe nibbāpetuṃ sakkhissathā’ti āgatomhi, paṭisaraṇaṃ me hothā’’ti. Atha naṃ satthā ‘‘sokaṃ nibbāpetuṃ samatthasseva santikaṃ āgatosi. Imissā hi itthiyā imināva ākārena matakāle tava rodantassa paggharitaassūni catunnaṃ mahāsamuddānaṃ udakato atirekatarānī’’ti vatvā imaṃ gāthamāha –

    ‘‘яам̣ буб̣б̣з д̇ам̣ висосзхи, бажчаа д̇з мааху гин̃жанам̣;

    ‘‘Yaṃ pubbe taṃ visosehi, pacchā te māhu kiñcanaṃ;

    маж̇жхз жз но г̇ахзссаси, убасанд̇о жариссасий’’д̇и. (су. ни. 955, 1105; жуул̣ани. ж̇ад̇уган̣н̣имаан̣авабужчаанид̣̇д̣̇зса 68);

    Majjhe ce no gahessasi, upasanto carissasī’’ti. (su. ni. 955, 1105; cūḷani. jatukaṇṇimāṇavapucchāniddesa 68);

    г̇аат̇аабарияосаанз санд̇ад̇имахаамад̇д̇о арахад̇д̇ам̣ бад̇ваа ад̇д̇ано ааяусан̇каарам̣ ологзнд̇о д̇асса аббавад̇д̇анабхаавам̣ н̃ад̇ваа сад̇т̇аарам̣ ааха – ‘‘бханд̇з, бариниб̣б̣аанам̣ мз ануж̇аанаат̇аа’’д̇и. сад̇т̇аа д̇зна гад̇агаммам̣ ж̇аананд̇оби ‘‘мусааваад̣̇зна ниг̇г̇ан̣ханад̇т̇ам̣ саннибад̇ид̇аа мижчаад̣̇идтигаа огаасам̣ на лабхиссанд̇и, ‘б̣уд̣̇д̇халийл̣ан̃жзва санд̇ад̇имахаамад̇д̇алийл̣ан̃жа бассиссаамаа’д̇и саннибад̇ид̇аа саммаад̣̇идтигаа иминаа гад̇агаммам̣ суд̇ваа бун̃н̃зсу аад̣̇арам̣ гариссанд̇ий’’д̇и саллагкзд̇ваа ‘‘д̇зна хи д̇аяаа гад̇агаммам̣ маяхам̣ гат̇зхи, гат̇знд̇о жа бхуумияам̣ тид̇о агат̇зд̇ваа сад̇д̇ад̇ааламад̇д̇з аагаасз тид̇о гат̇зхий’’д̇и ааха. со ‘‘саад̇ху, бханд̇з’’д̇и сад̇т̇аарам̣ ванд̣̇ид̇ваа згад̇аалаббамаан̣ам̣ уг̇г̇амма орохид̇ваа буна сад̇т̇аарам̣ ванд̣̇ид̇ваа уг̇г̇ажчанд̇о бадибаадияаа сад̇д̇ад̇аалаббамаан̣з аагаасз баллан̇гзна нисийд̣̇ид̇ваа ‘‘сун̣аат̇а мз, бханд̇з, буб̣б̣агамма’’нд̇и вад̇ваа ааха –

    Gāthāpariyosāne santatimahāmatto arahattaṃ patvā attano āyusaṅkhāraṃ olokento tassa appavattanabhāvaṃ ñatvā satthāraṃ āha – ‘‘bhante, parinibbānaṃ me anujānāthā’’ti. Satthā tena katakammaṃ jānantopi ‘‘musāvādena niggaṇhanatthaṃ sannipatitā micchādiṭṭhikā okāsaṃ na labhissanti, ‘buddhalīḷañceva santatimahāmattalīḷañca passissāmā’ti sannipatitā sammādiṭṭhikā iminā katakammaṃ sutvā puññesu ādaraṃ karissantī’’ti sallakkhetvā ‘‘tena hi tayā katakammaṃ mayhaṃ kathehi, kathento ca bhūmiyaṃ ṭhito akathetvā sattatālamatte ākāse ṭhito kathehī’’ti āha. So ‘‘sādhu, bhante’’ti satthāraṃ vanditvā ekatālappamāṇaṃ uggamma orohitvā puna satthāraṃ vanditvā uggacchanto paṭipāṭiyā sattatālappamāṇe ākāse pallaṅkena nisīditvā ‘‘suṇātha me, bhante, pubbakamma’’nti vatvā āha –

    ид̇о зганавуд̇игаббз вибассийсаммаасамб̣уд̣̇д̇хагаалз ахам̣ б̣анд̇хумад̇инаг̇арз згасмим̣ гулз ниб̣б̣ад̇д̇ид̇ваа жинд̇зсим̣ – ‘‘гим̣ ну ко барзсам̣ чзд̣̇ам̣ ваа бийл̣ам̣ ваа агаран̣агамма’’нд̇и убад̇хаарзнд̇о д̇хаммагхосагагаммам̣ д̣̇исваа д̇ад̇о бадтааяа д̇ам̣ гаммам̣ гаронд̇о махааж̇анам̣ самаад̣̇абзд̇ваа ‘‘бун̃н̃аани гарот̇а, убосат̇ад̣̇ивасзсу убосат̇ам̣ самаад̣̇ияат̇а, д̣̇аанам̣ д̣̇зт̇а, д̇хаммам̣ сун̣аат̇а, б̣уд̣̇д̇харад̇анаад̣̇ийхи сад̣̇исам̣ ан̃н̃ам̣ наама над̇т̇и, д̇ин̣н̣ам̣ рад̇анаанам̣ саггаарам̣ гарот̇аа’’д̇и уг̇гхосзнд̇о вижараами. д̇асса маяхам̣ сад̣̇д̣̇ам̣ суд̇ваа б̣уд̣̇д̇хабид̇аа б̣анд̇хумад̇имахаарааж̇аа мам̣ баггосаабзд̇ваа, ‘‘д̇аад̇а, гим̣ гаронд̇о вижарасий’’д̇и бужчид̇ваа, ‘‘д̣̇зва, д̇ин̣н̣ам̣ рад̇анаанам̣ г̇ун̣ам̣ багаасзд̇ваа махааж̇анам̣ бун̃н̃агаммзсу самаад̣̇абзнд̇о вижараамий’’д̇и вуд̇д̇з, ‘‘гад̇т̇а нисинно вижарасий’’д̇и мам̣ бужчид̇ваа ‘‘бад̣̇асаава, д̣̇зваа’’д̇и маяаа вуд̇д̇з, ‘‘д̇аад̇а, на д̇вам̣ звам̣ вижарид̇ум̣ арахаси, имам̣ бубпад̣̇аамам̣ биланд̇хид̇ваа ассабидтз нисиннова вижараа’’д̇и маяхам̣ муд̇д̇аад̣̇аамасад̣̇исам̣ бубпад̣̇аамам̣ д̣̇ад̇ваа д̣̇анд̇ам̣ ассам̣ ад̣̇ааси. ат̇а мам̣ ран̃н̃аа д̣̇иннабарихаарзна д̇ат̇зва уг̇гхосзд̇ваа вижаранд̇ам̣ буна рааж̇аа баггосаабзд̇ваа, ‘‘д̇аад̇а, гим̣ гаронд̇о вижарасий’’д̇и бужчид̇ваа ‘‘д̇ад̣̇зва, д̣̇зваа’’д̇и вуд̇д̇з, ‘‘д̇аад̇а, ассоби д̇з наанужчавиго, ид̇ха нисийд̣̇ид̇ваа вижараа’’д̇и жад̇усинд̇хаваяуд̇д̇арат̇ам̣ ад̣̇ааси. д̇ад̇ияаваарзби мз рааж̇аа сад̣̇д̣̇ам̣ суд̇ваа баггосаабзд̇ваа, ‘‘д̇аад̇а, гим̣ гаронд̇о вижарасий’’д̇и бужчид̇ваа ‘‘д̇ад̣̇зва, д̣̇зваа’’д̇и вуд̇д̇з, ‘‘д̇аад̇а, рат̇оби д̇з наанужчавиго’’д̇и маяхам̣ маханд̇ам̣ бхог̇агканд̇хам̣ махаабасаад̇ханан̃жа д̣̇ад̇ваа зган̃жа хад̇т̇им̣ ад̣̇ааси. сваахам̣ саб̣б̣аабхаран̣абадиман̣д̣ид̇о хад̇т̇игканд̇хз нисинно асийд̇и вассасахассаани д̇хаммагхосагагаммам̣ агаасим̣, д̇асса мз зд̇д̇агам̣ гаалам̣ гааяад̇о жанд̣̇анаг̇анд̇хо вааяад̇и, мукад̇о уббалаг̇анд̇хо вааяад̇и. ид̣̇ам̣ маяаа гад̇агамманд̇и.

    Ito ekanavutikappe vipassīsammāsambuddhakāle ahaṃ bandhumatinagare ekasmiṃ kule nibbattitvā cintesiṃ – ‘‘kiṃ nu kho paresaṃ chedaṃ vā pīḷaṃ vā akaraṇakamma’’nti upadhārento dhammaghosakakammaṃ disvā tato paṭṭhāya taṃ kammaṃ karonto mahājanaṃ samādapetvā ‘‘puññāni karotha, uposathadivasesu uposathaṃ samādiyatha, dānaṃ detha, dhammaṃ suṇātha, buddharatanādīhi sadisaṃ aññaṃ nāma natthi, tiṇṇaṃ ratanānaṃ sakkāraṃ karothā’’ti ugghosento vicarāmi. Tassa mayhaṃ saddaṃ sutvā buddhapitā bandhumatimahārājā maṃ pakkosāpetvā, ‘‘tāta, kiṃ karonto vicarasī’’ti pucchitvā, ‘‘deva, tiṇṇaṃ ratanānaṃ guṇaṃ pakāsetvā mahājanaṃ puññakammesu samādapento vicarāmī’’ti vutte, ‘‘kattha nisinno vicarasī’’ti maṃ pucchitvā ‘‘padasāva, devā’’ti mayā vutte, ‘‘tāta, na tvaṃ evaṃ vicarituṃ arahasi, imaṃ pupphadāmaṃ pilandhitvā assapiṭṭhe nisinnova vicarā’’ti mayhaṃ muttādāmasadisaṃ pupphadāmaṃ datvā dantaṃ assaṃ adāsi. Atha maṃ raññā dinnaparihārena tatheva ugghosetvā vicarantaṃ puna rājā pakkosāpetvā, ‘‘tāta, kiṃ karonto vicarasī’’ti pucchitvā ‘‘tadeva, devā’’ti vutte, ‘‘tāta, assopi te nānucchaviko, idha nisīditvā vicarā’’ti catusindhavayuttarathaṃ adāsi. Tatiyavārepi me rājā saddaṃ sutvā pakkosāpetvā, ‘‘tāta, kiṃ karonto vicarasī’’ti pucchitvā ‘‘tadeva, devā’’ti vutte, ‘‘tāta, rathopi te nānucchaviko’’ti mayhaṃ mahantaṃ bhogakkhandhaṃ mahāpasādhanañca datvā ekañca hatthiṃ adāsi. Svāhaṃ sabbābharaṇapaṭimaṇḍito hatthikkhandhe nisinno asīti vassasahassāni dhammaghosakakammaṃ akāsiṃ, tassa me ettakaṃ kālaṃ kāyato candanagandho vāyati, mukhato uppalagandho vāyati. Idaṃ mayā katakammanti.

    звам̣ со ад̇д̇ано буб̣б̣агаммам̣ гат̇зд̇ваа аагаасз нисиннова д̇зж̇од̇хаад̇ум̣ самаабаж̇ж̇ид̇ваа бариниб̣б̣ааяи. сарийрз аг̇г̇иж̇аалаа удтахид̇ваа мам̣салохид̇ам̣ жхаабзси, суманабубпаани вияа д̇хаад̇уяо авасиссим̣су. сад̇т̇аа суд̣̇д̇хавад̇т̇ам̣ басаарзси, д̇хаад̇уяо д̇ад̇т̇а бад̇им̣су. д̇аа бад̇д̇з багкибид̇ваа жад̇умахаабат̇з т̇уубам̣ гаарзси ‘‘махааж̇ано ванд̣̇ид̇ваа бун̃н̃абхааг̇ий бхависсад̇ий’’д̇и. бхигкуу д̇хаммасабхааяам̣ гат̇ам̣ самудтаабзсум̣, ‘‘аавусо, санд̇ад̇имахаамад̇д̇о г̇аат̇аавасаанз арахад̇д̇ам̣ бад̇ваа алан̇гад̇абадияад̇д̇оязва аагаасз нисийд̣̇ид̇ваа бариниб̣б̣уд̇о, гим̣ ну ко зд̇ам̣ ‘саман̣о’д̇и вад̇д̇ум̣ ваддад̇и уд̣̇ааху б̣раахман̣о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, мама буд̇д̇ам̣ ‘саман̣о’д̇иби вад̇д̇ум̣ ваддад̇и, ‘б̣раахман̣о’д̇иби вад̇д̇ум̣ ваддад̇иязваа’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

    Evaṃ so attano pubbakammaṃ kathetvā ākāse nisinnova tejodhātuṃ samāpajjitvā parinibbāyi. Sarīre aggijālā uṭṭhahitvā maṃsalohitaṃ jhāpesi, sumanapupphāni viya dhātuyo avasissiṃsu. Satthā suddhavatthaṃ pasāresi, dhātuyo tattha patiṃsu. Tā patte pakkhipitvā catumahāpathe thūpaṃ kāresi ‘‘mahājano vanditvā puññabhāgī bhavissatī’’ti. Bhikkhū dhammasabhāyaṃ kathaṃ samuṭṭhāpesuṃ, ‘‘āvuso, santatimahāmatto gāthāvasāne arahattaṃ patvā alaṅkatapaṭiyattoyeva ākāse nisīditvā parinibbuto, kiṃ nu kho etaṃ ‘samaṇo’ti vattuṃ vaṭṭati udāhu brāhmaṇo’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, mama puttaṃ ‘samaṇo’tipi vattuṃ vaṭṭati, ‘brāhmaṇo’tipi vattuṃ vaṭṭatiyevā’’ti vatvā dhammaṃ desento imaṃ gāthamāha –

    142.

    142.

    алан̇гад̇о жзби самам̣ жарзяяа,

    Alaṅkato cepi samaṃ careyya,

    санд̇о д̣̇анд̇о нияад̇о б̣рахмажаарий;

    Santo danto niyato brahmacārī;

    саб̣б̣зсу бхууд̇зсу нид̇хааяа д̣̇ан̣д̣ам̣,

    Sabbesu bhūtesu nidhāya daṇḍaṃ,

    со б̣раахман̣о со саман̣о са бхигкуу’’д̇и.

    So brāhmaṇo so samaṇo sa bhikkhū’’ti.

    д̇ад̇т̇а алан̇гад̇од̇и вад̇т̇аабхаран̣зхи бадиман̣д̣ид̇о. д̇ассад̇т̇о – вад̇т̇аалан̇гаараад̣̇ийхи алан̇гад̇о жзби буг̇г̇ало гааяаад̣̇ийхи самам̣ жарзяяа, рааг̇аад̣̇ивуубасамзна санд̇о инд̣̇рияад̣̇аманзна д̣̇анд̇о жад̇умаг̇г̇анияамзна нияад̇о сздтажарияааяа б̣рахмажаарий гааяад̣̇ан̣д̣аад̣̇ийнам̣ оробид̇ад̇ааяа саб̣б̣зсу бхууд̇зсу нид̇хааяа д̣̇ан̣д̣ам̣. со зваруубо б̣аахид̇абаабад̇д̇аа б̣раахман̣од̇иби самид̇абаабад̇д̇аа саман̣од̇иби бхиннагилзсад̇д̇аа бхигкууд̇иби вад̇д̇аб̣б̣оязваад̇и.

    Tattha alaṅkatoti vatthābharaṇehi paṭimaṇḍito. Tassattho – vatthālaṅkārādīhi alaṅkato cepi puggalo kāyādīhi samaṃ careyya, rāgādivūpasamena santo indriyadamanena danto catumagganiyamena niyato seṭṭhacariyāya brahmacārī kāyadaṇḍādīnaṃ oropitatāya sabbesu bhūtesu nidhāya daṇḍaṃ. So evarūpo bāhitapāpattā brāhmaṇotipi samitapāpattā samaṇotipi bhinnakilesattā bhikkhūtipi vattabboyevāti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    санд̇ад̇имахаамад̇д̇авад̇т̇у навамам̣.

    Santatimahāmattavatthu navamaṃ.

    10. билод̇игад̇иссад̇т̇зравад̇т̇у

    10. Pilotikatissattheravatthu

    хирийнисзд̇ход̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о билод̇игад̇т̇зрам̣ аараб̣бха гат̇зси.

    Hirīnisedhoti imaṃ dhammadesanaṃ satthā jetavane viharanto pilotikattheraṃ ārabbha kathesi.

    згасмин̃хи самаяз аананд̣̇ад̇т̇зро згам̣ билод̇игакан̣д̣анивад̇т̇ам̣ габаалам̣ аад̣̇ааяа бхигкааяа жаранд̇ам̣ д̣̇аарагам̣ д̣̇исваа ‘‘гим̣ д̇з звам̣ вижарид̇ваа ж̇ийванад̇о баб̣б̣аж̇ж̇аа на уд̇д̇арид̇араа’’д̇и вад̇ваа, ‘‘бханд̇з, го мам̣ баб̣б̣ааж̇зссад̇ий’’д̇и вуд̇д̇з ‘‘ахам̣ баб̣б̣ааж̇зссаамий’’д̇и д̇ам̣ аад̣̇ааяа г̇анд̇ваа сахад̇т̇аа нхаабзд̇ваа гаммадтаанам̣ д̣̇ад̇ваа баб̣б̣ааж̇зси. д̇ан̃жа бана нивад̇т̇абилод̇игакан̣д̣ам̣ басаарзд̇ваа ологзнд̇о бариссааванагаран̣амад̇д̇амби г̇аяхуубаг̇ам̣ ган̃жи бад̣̇зсам̣ ад̣̇исваа габаалзна сад̣̇д̇хим̣ згиссаа ругкасаакааяа табзси. со баб̣б̣аж̇ид̇ваа лад̣̇д̇хуубасамбад̣̇о б̣уд̣̇д̇хаанам̣ уббанналаабхасаггаарам̣ барибхун̃ж̇амаано махаг̇гхаани жийвараани ажчаад̣̇зд̇ваа вижаранд̇о т̇ууласарийро худ̇ваа угган̣тид̇ваа ‘‘гим̣ мз ж̇анасса сад̣̇д̇хаад̣̇зяяам̣ ниваасзд̇ваа вижаран̣зна, ад̇д̇ано билод̇игамзва ниваасзссаамий’’д̇и д̇ам̣ таанам̣ г̇анд̇ваа билод̇игам̣ г̇ахзд̇ваа ‘‘ахирига ниллаж̇ж̇а зваруубаанам̣ вад̇т̇аанам̣ ажчаад̣̇анадтаанам̣ бахааяа имам̣ билод̇игакан̣д̣ам̣ ниваасзд̇ваа габаалахад̇т̇о бхигкааяа жарид̇ум̣ г̇ажчасий’’д̇и д̇ам̣ аарамман̣ам̣ гад̇ваа ад̇д̇анаава ад̇д̇аанам̣ овад̣̇и, овад̣̇анд̇ассзва банасса жид̇д̇ам̣ саннисийд̣̇и. со д̇ам̣ билод̇игам̣ д̇ад̇т̇зва бадисаамзд̇ваа нивад̇д̇ид̇ваа вихаарамзва г̇ад̇о. со гад̇ибаахажжаязна бунаби угган̣тид̇ваа д̇ат̇зва вад̇ваа нивад̇д̇и, бунаби д̇ат̇зваад̇и. д̇ам̣ звам̣ абараабарам̣ вижаранд̇ам̣ д̣̇исваа бхигкуу ‘‘гахам̣ , аавусо, г̇ажчасий’’д̇и бужчанд̇и. со ‘‘аажарияасса санд̇игам̣ г̇ажчаамаавусо’’д̇и вад̇ваа зд̇знзва нийхаарзна ад̇д̇ано билод̇игакан̣д̣амзва аарамман̣ам̣ гад̇ваа ад̇д̇аанам̣ нисзд̇хзд̇ваа гад̇ибаахзнзва арахад̇д̇ам̣ баабун̣и. бхигкуу аахам̣су – ‘‘гим̣, аавусо, на д̣̇аани аажарияасса санд̇игам̣ г̇ажчаси, нану аяам̣ д̇з вижаран̣амаг̇г̇о’’д̇и. аавусо, аажариязна сад̣̇д̇хим̣ сам̣саг̇г̇з сад̇и г̇ад̇омхи, ид̣̇аани бана мз чинно сам̣саг̇г̇о, д̇знасса санд̇игам̣ на г̇ажчаамийд̇и. бхигкуу д̇ат̇ааг̇ад̇асса аарожзсум̣ – ‘‘бханд̇з, билод̇игад̇т̇зро ан̃н̃ам̣ б̣яаагарод̇ий’’д̇и. гимааха, бхигкавзд̇и? ид̣̇ам̣ наама, бханд̇зд̇и. д̇ам̣ суд̇ваа сад̇т̇аа ‘‘аама, бхигкавз, мама буд̇д̇о сам̣саг̇г̇з сад̇и аажарияасса санд̇игам̣ г̇ад̇о, ид̣̇аани банасса сам̣саг̇г̇о чинно, ад̇д̇анаава ад̇д̇аанам̣ нисзд̇хзд̇ваа арахад̇д̇ам̣ бад̇д̇о’’д̇и вад̇ваа имаа г̇аат̇аа абхааси –

    Ekasmiñhi samaye ānandatthero ekaṃ pilotikakhaṇḍanivatthaṃ kapālaṃ ādāya bhikkhāya carantaṃ dārakaṃ disvā ‘‘kiṃ te evaṃ vicaritvā jīvanato pabbajjā na uttaritarā’’ti vatvā, ‘‘bhante, ko maṃ pabbājessatī’’ti vutte ‘‘ahaṃ pabbājessāmī’’ti taṃ ādāya gantvā sahatthā nhāpetvā kammaṭṭhānaṃ datvā pabbājesi. Tañca pana nivatthapilotikakhaṇḍaṃ pasāretvā olokento parissāvanakaraṇamattampi gayhūpagaṃ kañci padesaṃ adisvā kapālena saddhiṃ ekissā rukkhasākhāya ṭhapesi. So pabbajitvā laddhūpasampado buddhānaṃ uppannalābhasakkāraṃ paribhuñjamāno mahagghāni cīvarāni acchādetvā vicaranto thūlasarīro hutvā ukkaṇṭhitvā ‘‘kiṃ me janassa saddhādeyyaṃ nivāsetvā vicaraṇena, attano pilotikameva nivāsessāmī’’ti taṃ ṭhānaṃ gantvā pilotikaṃ gahetvā ‘‘ahirika nillajja evarūpānaṃ vatthānaṃ acchādanaṭṭhānaṃ pahāya imaṃ pilotikakhaṇḍaṃ nivāsetvā kapālahattho bhikkhāya carituṃ gacchasī’’ti taṃ ārammaṇaṃ katvā attanāva attānaṃ ovadi, ovadantasseva panassa cittaṃ sannisīdi. So taṃ pilotikaṃ tattheva paṭisāmetvā nivattitvā vihārameva gato. So katipāhaccayena punapi ukkaṇṭhitvā tatheva vatvā nivatti, punapi tathevāti. Taṃ evaṃ aparāparaṃ vicarantaṃ disvā bhikkhū ‘‘kahaṃ , āvuso, gacchasī’’ti pucchanti. So ‘‘ācariyassa santikaṃ gacchāmāvuso’’ti vatvā eteneva nīhārena attano pilotikakhaṇḍameva ārammaṇaṃ katvā attānaṃ nisedhetvā katipāheneva arahattaṃ pāpuṇi. Bhikkhū āhaṃsu – ‘‘kiṃ, āvuso, na dāni ācariyassa santikaṃ gacchasi, nanu ayaṃ te vicaraṇamaggo’’ti. Āvuso, ācariyena saddhiṃ saṃsagge sati gatomhi, idāni pana me chinno saṃsaggo, tenassa santikaṃ na gacchāmīti. Bhikkhū tathāgatassa ārocesuṃ – ‘‘bhante, pilotikatthero aññaṃ byākarotī’’ti. Kimāha, bhikkhaveti? Idaṃ nāma, bhanteti. Taṃ sutvā satthā ‘‘āma, bhikkhave, mama putto saṃsagge sati ācariyassa santikaṃ gato, idāni panassa saṃsaggo chinno, attanāva attānaṃ nisedhetvā arahattaṃ patto’’ti vatvā imā gāthā abhāsi –

    143.

    143.

    ‘‘хирийнисзд̇хо бурисо, гожи логасмим̣ виж̇ж̇ад̇и;

    ‘‘Hirīnisedho puriso, koci lokasmiṃ vijjati;

    яо нид̣̇д̣̇ам̣ абаб̣од̇хзд̇и, ассо бхад̣̇ро гасаамива.

    Yo niddaṃ apabodheti, asso bhadro kasāmiva.

    144.

    144.

    ‘‘ассо яат̇аа бхад̣̇ро гасаанивидто,

    ‘‘Asso yathā bhadro kasāniviṭṭho,

    аад̇аабино сам̣взг̇ино бхаваат̇а;

    Ātāpino saṃvegino bhavātha;

    сад̣̇д̇хааяа сийлзна жа вийриязна жа,

    Saddhāya sīlena ca vīriyena ca,

    самаад̇хинаа д̇хаммавинижчаязна жа;

    Samādhinā dhammavinicchayena ca;

    самбаннавиж̇ж̇аажаран̣аа бад̇иссад̇аа,

    Sampannavijjācaraṇā patissatā,

    ж̇ахиссат̇а д̣̇угкамид̣̇ам̣ анаббага’’нд̇и.

    Jahissatha dukkhamidaṃ anappaka’’nti.

    д̇ад̇т̇а анд̇о уббаннам̣ агусалавид̇аггам̣ хирияаа нисзд̇хзд̇ийд̇и хирийнисзд̇хо. гожи логасминд̇и зваруубо буг̇г̇ало д̣̇уллабхо, гожид̣̇зва логасмим̣ виж̇ж̇ад̇и. яо нид̣̇д̣̇анд̇и аббамад̇д̇о саман̣ад̇хаммам̣ гаронд̇о ад̇д̇ано уббаннам̣ нид̣̇д̣̇ам̣ абахаранд̇о б̣уж̇жхад̇ийд̇и абаб̣од̇хзд̇и. гасаамиваад̇и яат̇аа бхад̣̇ро ассо ад̇д̇ани бад̇амаанам̣ гасам̣ абахарад̇и, ад̇д̇ани бад̇ид̇ум̣ на д̣̇зд̇и. яо звам̣ нид̣̇д̣̇ам̣ абаб̣од̇хзд̇и, со д̣̇уллабход̇и ад̇т̇о.

    Tattha anto uppannaṃ akusalavitakkaṃ hiriyā nisedhetīti hirīnisedho. Koci lokasminti evarūpo puggalo dullabho, kocideva lokasmiṃ vijjati. Yo niddanti appamatto samaṇadhammaṃ karonto attano uppannaṃ niddaṃ apaharanto bujjhatīti apabodheti. Kasāmivāti yathā bhadro asso attani patamānaṃ kasaṃ apaharati, attani patituṃ na deti. Yo evaṃ niddaṃ apabodheti, so dullabhoti attho.

    д̣̇уд̇ияаг̇аат̇ааяа аяам̣ сан̇кзбад̇т̇о – ‘‘бхигкавз, яат̇аа бхад̣̇ро ассо бамаад̣̇амааг̇амма гасааяа нивидто, ахамби наама гасааяа бахадо’’д̇и абарабхааг̇з аад̇аббам̣ гарод̇и, звам̣ д̇умхзби аад̇аабино сам̣взг̇ино бхават̇а , звам̣бхууд̇аа логияалогуд̇д̇арааяа д̣̇увид̇хааяа сад̣̇д̇хааяа жа жад̇убаарисуд̣̇д̇хисийлзна жа гааяигажзд̇асигавийриязна жа адтасамаабад̇д̇исамаад̇хинаа жа гааран̣аагааран̣аж̇аананалагкан̣зна д̇хаммавинижчаязна жа саманнааг̇ад̇аа худ̇ваа д̇иссаннам̣ ваа адтаннам̣ ваа виж̇ж̇аанам̣, бан̃жад̣̇асаннан̃жа жаран̣аанам̣ самбад̇д̇ияаа самбаннавиж̇ж̇аажаран̣аа . убадтид̇асад̇ид̇ааяа бад̇иссад̇аа худ̇ваа ид̣̇ам̣ анаббагам̣ ваддад̣̇угкам̣ баж̇ахиссат̇аад̇и.

    Dutiyagāthāya ayaṃ saṅkhepattho – ‘‘bhikkhave, yathā bhadro asso pamādamāgamma kasāya niviṭṭho, ahampi nāma kasāya pahaṭo’’ti aparabhāge ātappaṃ karoti, evaṃ tumhepi ātāpino saṃvegino bhavatha, evaṃbhūtā lokiyalokuttarāya duvidhāya saddhāya ca catupārisuddhisīlena ca kāyikacetasikavīriyena ca aṭṭhasamāpattisamādhinā ca kāraṇākāraṇajānanalakkhaṇena dhammavinicchayena ca samannāgatā hutvā tissannaṃ vā aṭṭhannaṃ vā vijjānaṃ, pañcadasannañca caraṇānaṃ sampattiyā sampannavijjācaraṇā. Upaṭṭhitasatitāya patissatā hutvā idaṃ anappakaṃ vaṭṭadukkhaṃ pajahissathāti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    билод̇игад̇иссад̇т̇зравад̇т̇у д̣̇асамам̣.

    Pilotikatissattheravatthu dasamaṃ.

    11. сукасааман̣зравад̇т̇у

    11. Sukhasāmaṇeravatthu

    уд̣̇аган̃хи наяанд̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о сукасааман̣зрам̣ аараб̣бха гат̇зси.

    Udakañhi nayantīti imaṃ dhammadesanaṃ satthā jetavane viharanto sukhasāmaṇeraṃ ārabbha kathesi.

    ад̇ийд̇асмин̃хи б̣аараан̣асисздтино г̇анд̇хагумааро наама буд̇д̇о ахоси. рааж̇аа д̇асса бид̇ари гаалагад̇з д̇ам̣ баггосаабзд̇ваа самассаасзд̇ваа маханд̇зна саггаарзна д̇ассзва сздтидтаанам̣ ад̣̇ааси. со д̇ад̇о бадтааяа г̇анд̇хасздтийд̇и бан̃н̃ааяи. ат̇асса бхан̣д̣ааг̇аариго д̇ханаг̇аб̣бхад̣̇ваарам̣ виварид̇ваа, ‘‘саами, ид̣̇ам̣ д̇з зд̇д̇агам̣ бид̇у д̇ханам̣, зд̇д̇агам̣ бид̇аамахаад̣̇ийна’’нд̇и нийхарид̇ваа д̣̇ассзси. со д̇ам̣ д̇ханараасим̣ ологзд̇ваа ааха – ‘‘гим̣ бана д̇з имам̣ д̇ханам̣ г̇ахзд̇ваа на г̇амим̣суу’’д̇и. ‘‘саами, д̇ханам̣ г̇ахзд̇ваа г̇ад̇аа наама над̇т̇и. ад̇д̇анаа гад̇ам̣ гусалаагусаламзва хи аад̣̇ааяа сад̇д̇аа г̇ажчанд̇ий’’д̇и. со жинд̇зси – ‘‘д̇з б̣аалад̇ааяа д̇ханам̣ сан̣таабзд̇ваа бахааяа г̇ад̇аа, ахам̣ банзд̇ам̣ г̇ахзд̇ваава г̇амиссаамий’’д̇и. звам̣ бана жинд̇знд̇о ‘‘д̣̇аанам̣ ваа д̣̇ассаами, бууж̇ам̣ ваа гариссаамий’’д̇и ажинд̇зд̇ваа ‘‘ид̣̇ам̣ саб̣б̣ам̣ каад̣̇ид̇ваава г̇амиссаамий’’д̇и жинд̇зси. со сад̇асахассам̣ виссаж̇ж̇зд̇ваа палигамаяам̣ нхаанагодтагам̣ гаарзси, сад̇асахассам̣ д̣̇ад̇ваа палигамаяамзва нхаанапалагам̣, сад̇асахассам̣ д̣̇ад̇ваа нисийд̣̇анабаллан̇гам̣, сад̇асахассам̣ д̣̇ад̇ваа бхож̇анабаад̇им̣, сад̇асахассамзва д̣̇ад̇ваа бхож̇анадтаанз ман̣д̣абам̣ гаараабзси, сад̇асахассам̣ д̣̇ад̇ваа бхож̇анабаад̇ияаа аасид̇д̇агуубад̇хаанам̣ гаарзси, сад̇асахассзнзва г̇зхз сийхабан̃ж̇арам̣ сан̣таабзси, ад̇д̇ано баад̇араасад̇т̇ааяа сахассам̣ ад̣̇ааси, сааяамаасад̇т̇ааяаби сахассамзва. бун̣н̣амад̣̇ивасз бана бхож̇анад̇т̇ааяа сад̇асахассам̣ д̣̇аабзси, д̇ам̣ бхад̇д̇ам̣ бхун̃ж̇анад̣̇ивасз сад̇асахассам̣ виссаж̇ж̇зд̇ваа наг̇арам̣ алан̇гарид̇ваа бхзрим̣ жараабзси – ‘‘г̇анд̇хасздтисса гира бхад̇д̇абхун̃ж̇анаагаарам̣ ологзнд̇уу’’д̇и.

    Atītasmiñhi bārāṇasiseṭṭhino gandhakumāro nāma putto ahosi. Rājā tassa pitari kālakate taṃ pakkosāpetvā samassāsetvā mahantena sakkārena tasseva seṭṭhiṭṭhānaṃ adāsi. So tato paṭṭhāya gandhaseṭṭhīti paññāyi. Athassa bhaṇḍāgāriko dhanagabbhadvāraṃ vivaritvā, ‘‘sāmi, idaṃ te ettakaṃ pitu dhanaṃ, ettakaṃ pitāmahādīna’’nti nīharitvā dassesi. So taṃ dhanarāsiṃ oloketvā āha – ‘‘kiṃ pana te imaṃ dhanaṃ gahetvā na gamiṃsū’’ti. ‘‘Sāmi, dhanaṃ gahetvā gatā nāma natthi. Attanā kataṃ kusalākusalameva hi ādāya sattā gacchantī’’ti. So cintesi – ‘‘te bālatāya dhanaṃ saṇṭhāpetvā pahāya gatā, ahaṃ panetaṃ gahetvāva gamissāmī’’ti. Evaṃ pana cintento ‘‘dānaṃ vā dassāmi, pūjaṃ vā karissāmī’’ti acintetvā ‘‘idaṃ sabbaṃ khāditvāva gamissāmī’’ti cintesi. So satasahassaṃ vissajjetvā phalikamayaṃ nhānakoṭṭhakaṃ kāresi, satasahassaṃ datvā phalikamayameva nhānaphalakaṃ, satasahassaṃ datvā nisīdanapallaṅkaṃ, satasahassaṃ datvā bhojanapātiṃ, satasahassameva datvā bhojanaṭṭhāne maṇḍapaṃ kārāpesi, satasahassaṃ datvā bhojanapātiyā āsittakūpadhānaṃ kāresi, satasahasseneva gehe sīhapañjaraṃ saṇṭhāpesi, attano pātarāsatthāya sahassaṃ adāsi, sāyamāsatthāyapi sahassameva. Puṇṇamadivase pana bhojanatthāya satasahassaṃ dāpesi, taṃ bhattaṃ bhuñjanadivase satasahassaṃ vissajjetvā nagaraṃ alaṅkaritvā bheriṃ carāpesi – ‘‘gandhaseṭṭhissa kira bhattabhuñjanākāraṃ olokentū’’ti.

    махааж̇ано ман̃жаад̇иман̃жз б̣анд̇хид̇ваа саннибад̇и. соби сад̇асахассаг̇гханагз нхаанагодтагз сад̇асахассаг̇гханагз палагз нисийд̣̇ид̇ваа сол̣асахи г̇анд̇ход̣̇агагхадзхи нхад̇ваа д̇ам̣ сийхабан̃ж̇арам̣ виварид̇ваа д̇асмим̣ баллан̇гз нисийд̣̇и. ат̇асса д̇асмим̣ аасид̇д̇агуубад̇хаанз д̇ам̣ баад̇им̣ табзд̇ваа сад̇асахассаг̇гханагам̣ бхож̇анам̣ вад̣дхзсум̣. со наадагабаривуд̇о зваруубааяа самбад̇д̇ияаа д̇ам̣ бхож̇анам̣ бхун̃ж̇ад̇и. абарзна самаязна зго г̇аамигамануссо ад̇д̇ано бариб̣б̣аяаахаран̣ад̇т̇ам̣ д̣̇ааруаад̣̇ийни яаанагз багкибид̇ваа наг̇арам̣ г̇анд̇ваа сахааяагасса г̇зхз ниваасам̣ г̇ан̣хи. д̇ад̣̇аа бана бун̣н̣амад̣̇ивасо ход̇и. ‘‘г̇анд̇хасздтино бхун̃ж̇аналийл̣ам̣ ологзнд̇уу’’д̇и наг̇арз бхзрим̣ жараабзси. ат̇а нам̣ сахааяаго ааха – ‘‘самма, г̇анд̇хасздтино д̇з бхун̃ж̇аналийл̣ам̣ д̣̇идтабуб̣б̣а’’нд̇и. ‘‘на д̣̇идтабуб̣б̣ам̣, саммаа’’д̇и. ‘‘д̇зна хи зхи, г̇ажчаама, аяам̣ наг̇арз бхзрий жарад̇и, зд̇асса махаасамбад̇д̇им̣ бассаамаа’’д̇и наг̇араваасий ж̇анабад̣̇аваасим̣ г̇ахзд̇ваа аг̇амааси. махааж̇аноби ман̃жаад̇иман̃жз абхирухид̇ваа бассад̇и. г̇аамаваасий бхад̇д̇аг̇анд̇хам̣ гхааяид̇ваава наг̇араваасим̣ ааха – ‘‘маяхам̣ зд̇ааяа баад̇ияаа бхад̇д̇абин̣д̣з бибаасаа ж̇аад̇аа’’д̇и. самма, маа зд̇ам̣ бад̇т̇аяи, на саггаа лад̣̇д̇хунд̇и. самма, алабханд̇о на ж̇ийвиссаамийд̇и. со д̇ам̣ бадиб̣аахид̇ум̣ асаггонд̇о барисабарияанд̇з тад̇ваа ‘‘бан̣амаами д̇з, саамий’’д̇и д̇игкад̇д̇ум̣ махаасад̣̇д̣̇ам̣ нижчаарзд̇ваа ‘‘го зсо’’д̇и вуд̇д̇з ахам̣, саамийд̇и. ‘‘гимзд̇а’’нд̇и. ‘‘аяам̣ зго г̇аамаваасий д̇умхаагам̣ баад̇ияам̣ бхад̇д̇абин̣д̣з бибаасам̣ убаад̣̇зси, згам̣ бхад̇д̇абин̣д̣ам̣ д̣̇аабзт̇аа’’д̇и. ‘‘на саггаа лад̣̇д̇ху’’нд̇и. ‘‘гим̣, самма, суд̇ам̣ д̇з’’д̇и? ‘‘суд̇ам̣ мз, абижа лабханд̇о ж̇ийвиссаами, алабханд̇асса мз маран̣ам̣ бхависсад̇ий’’д̇и. со бунаби вирави – ‘‘аяам̣ гира, саами, алабханд̇о мариссад̇и, ж̇ийвид̇амасса д̣̇зт̇аа’’д̇и. амбхо бхад̇д̇абин̣д̣о наама сад̇амби аг̇гхад̇и, сад̇ад̣̇ваяамби аг̇гхад̇и. яо яо яаажад̇и, д̇асса д̇асса д̣̇ад̣̇амаано ахам̣ гим̣ бхун̃ж̇иссаамийд̇и? саами, аяам̣ алабханд̇о мариссад̇и, ж̇ийвид̇амасса д̣̇зт̇аад̇и. на саггаава муд̇хаа лад̣̇д̇хум̣, яад̣̇и бана алабханд̇о на ж̇ийвад̇и, д̇ийн̣и сам̣важчараани мама г̇зхз бхад̇им̣ гарод̇у, звамасса бхад̇д̇абаад̇им̣ д̣̇аабзссаамийд̇и. г̇аамаваасий д̇ам̣ суд̇ваа ‘‘звам̣ ход̇у, саммаа’’д̇и сахааяагам̣ вад̇ваа буд̇д̇ад̣̇аарам̣ бахааяа ‘‘бхад̇д̇абаад̇иад̇т̇ааяа д̇ийн̣и сам̣важчараани бхад̇им̣ гариссаамий’’д̇и сздтисса г̇зхам̣ баависи. со бхад̇им̣ гаронд̇о саб̣б̣агижжаани саггажжам̣ агааси. г̇зхз ваа аран̃н̃з ваа рад̇д̇им̣ ваа д̣̇иваа ваа саб̣б̣аани гад̇д̇аб̣б̣агаммаани гад̇аанзва бан̃н̃ааяим̣су. ‘‘бхад̇д̇абхад̇иго’’д̇и жа вуд̇д̇з сагаланаг̇арзби бан̃н̃ааяи. ат̇асса д̣̇ивасз барибун̣н̣з бхад̇д̇авзяяаавадиго ‘‘бхад̇д̇абхад̇игасса, саами, д̣̇ивасо бун̣н̣о, д̣̇уггарам̣ д̇зна гад̇ам̣ д̇ийн̣и сам̣важчараани бхад̇им̣ гаронд̇зна, згамби гаммам̣ на гобид̇абуб̣б̣а’’нд̇и ааха.

    Mahājano mañcātimañce bandhitvā sannipati. Sopi satasahassagghanake nhānakoṭṭhake satasahassagghanake phalake nisīditvā soḷasahi gandhodakaghaṭehi nhatvā taṃ sīhapañjaraṃ vivaritvā tasmiṃ pallaṅke nisīdi. Athassa tasmiṃ āsittakūpadhāne taṃ pātiṃ ṭhapetvā satasahassagghanakaṃ bhojanaṃ vaḍḍhesuṃ. So nāṭakaparivuto evarūpāya sampattiyā taṃ bhojanaṃ bhuñjati. Aparena samayena eko gāmikamanusso attano paribbayāharaṇatthaṃ dāruādīni yānake pakkhipitvā nagaraṃ gantvā sahāyakassa gehe nivāsaṃ gaṇhi. Tadā pana puṇṇamadivaso hoti. ‘‘Gandhaseṭṭhino bhuñjanalīḷaṃ olokentū’’ti nagare bheriṃ carāpesi. Atha naṃ sahāyako āha – ‘‘samma, gandhaseṭṭhino te bhuñjanalīḷaṃ diṭṭhapubba’’nti. ‘‘Na diṭṭhapubbaṃ, sammā’’ti. ‘‘Tena hi ehi, gacchāma, ayaṃ nagare bherī carati, etassa mahāsampattiṃ passāmā’’ti nagaravāsī janapadavāsiṃ gahetvā agamāsi. Mahājanopi mañcātimañce abhiruhitvā passati. Gāmavāsī bhattagandhaṃ ghāyitvāva nagaravāsiṃ āha – ‘‘mayhaṃ etāya pātiyā bhattapiṇḍe pipāsā jātā’’ti. Samma, mā etaṃ patthayi, na sakkā laddhunti. Samma, alabhanto na jīvissāmīti. So taṃ paṭibāhituṃ asakkonto parisapariyante ṭhatvā ‘‘paṇamāmi te, sāmī’’ti tikkhattuṃ mahāsaddaṃ nicchāretvā ‘‘ko eso’’ti vutte ahaṃ, sāmīti. ‘‘Kimeta’’nti. ‘‘Ayaṃ eko gāmavāsī tumhākaṃ pātiyaṃ bhattapiṇḍe pipāsaṃ upādesi, ekaṃ bhattapiṇḍaṃ dāpethā’’ti. ‘‘Na sakkā laddhu’’nti. ‘‘Kiṃ, samma, sutaṃ te’’ti? ‘‘Sutaṃ me, apica labhanto jīvissāmi, alabhantassa me maraṇaṃ bhavissatī’’ti. So punapi viravi – ‘‘ayaṃ kira, sāmi, alabhanto marissati, jīvitamassa dethā’’ti. Ambho bhattapiṇḍo nāma satampi agghati, satadvayampi agghati. Yo yo yācati, tassa tassa dadamāno ahaṃ kiṃ bhuñjissāmīti? Sāmi, ayaṃ alabhanto marissati, jīvitamassa dethāti. Na sakkāva mudhā laddhuṃ, yadi pana alabhanto na jīvati, tīṇi saṃvaccharāni mama gehe bhatiṃ karotu, evamassa bhattapātiṃ dāpessāmīti. Gāmavāsī taṃ sutvā ‘‘evaṃ hotu, sammā’’ti sahāyakaṃ vatvā puttadāraṃ pahāya ‘‘bhattapātiatthāya tīṇi saṃvaccharāni bhatiṃ karissāmī’’ti seṭṭhissa gehaṃ pāvisi. So bhatiṃ karonto sabbakiccāni sakkaccaṃ akāsi. Gehe vā araññe vā rattiṃ vā divā vā sabbāni kattabbakammāni katāneva paññāyiṃsu. ‘‘Bhattabhatiko’’ti ca vutte sakalanagarepi paññāyi. Athassa divase paripuṇṇe bhattaveyyāvaṭiko ‘‘bhattabhatikassa, sāmi, divaso puṇṇo, dukkaraṃ tena kataṃ tīṇi saṃvaccharāni bhatiṃ karontena, ekampi kammaṃ na kopitapubba’’nti āha.

    ат̇асса сздти ад̇д̇ано сааяабаад̇араасад̇т̇ааяа д̣̇вз сахассаани, д̇асса баад̇араасад̇т̇ааяа сахассанд̇и д̇ийн̣и сахассаани д̣̇аабзд̇ваа ааха – ‘‘аж̇ж̇а маяхам̣ гад̇д̇аб̣б̣ам̣ барихаарам̣ д̇ассзва гарот̇аа’’д̇и. вад̇ваа жа бана табзд̇ваа згам̣ жинд̇ааман̣им̣ наама бияабхарияам̣ авасзсаж̇анамби ‘‘аж̇ж̇а д̇амзва бариваарзт̇аа’’д̇и вад̇ваа саб̣б̣асамбад̇д̇им̣ д̇асса нияяаад̣̇зси. со сздтино нхаанод̣̇агзна д̇ассзва годтагз д̇асмим̣ палагз нисинно нхад̇ваа д̇ассзва ниваасанасаадагз ниваасзд̇ваа д̇ассзва баллан̇гз нисийд̣̇и. сздтиби наг̇арз бхзрим̣ жараабзси – ‘‘бхад̇д̇абхад̇иго г̇анд̇хасздтисса г̇зхз д̇ийн̣и сам̣важчараани бхад̇им̣ гад̇ваа баад̇им̣ лабхи, д̇асса бхун̃ж̇анасамбад̇д̇им̣ ологзнд̇уу’’д̇и. махааж̇ано ман̃жаад̇иман̃жз абхирухид̇ваа бассад̇и, г̇аамаваасисса ологид̇ологид̇адтаанам̣ гамбанаагаараббад̇д̇ам̣ ахоси. наадагаа бариваарзд̇ваа адтасум̣, д̇асса бурад̇о бхад̇д̇абаад̇им̣ вад̣дхзд̇ваа табаяим̣су. ат̇асса хад̇т̇ад̇хованавзлааяа г̇анд̇хамаад̣̇анз зго бажжзгаб̣уд̣̇д̇хо сад̇д̇амз д̣̇ивасз самаабад̇д̇ид̇о вудтааяа ‘‘гад̇т̇а ну ко аж̇ж̇а бхигкаажаарад̇т̇ааяа г̇ажчаамий’’д̇и убад̇хаарзнд̇о бхад̇д̇абхад̇игам̣ ад̣̇д̣̇аса. ат̇а со ‘‘аяам̣ д̇ийн̣и сам̣важчараани бхад̇им̣ гад̇ваа бхад̇д̇абаад̇им̣ лабхи, ад̇т̇и ну ко зд̇асса сад̣̇д̇хаа, над̇т̇ий’’д̇и убад̇хаарзнд̇о ‘‘ад̇т̇ий’’д̇и н̃ад̇ваа ‘‘сад̣̇д̇хааби згажжз сан̇г̇ахам̣ гаад̇ум̣ на саггонд̇и, сагкиссад̇и ну ко мз сан̇г̇ахам̣ гаад̇у’’нд̇и жинд̇зд̇ваа ‘‘сагкиссад̇и жзва мама жа сан̇г̇ахагаран̣ам̣ ниссааяа махаасамбад̇д̇им̣ лабхиссад̇ий’’д̇и н̃ад̇ваа жийварам̣ баарубид̇ваа бад̇д̇амаад̣̇ааяа взхаасам̣ аб̣бхуг̇г̇анд̇ваа барисанд̇арзна г̇анд̇ваа д̇асса бурад̇о тид̇амзва ад̇д̇аанам̣ д̣̇ассзси.

    Athassa seṭṭhi attano sāyapātarāsatthāya dve sahassāni, tassa pātarāsatthāya sahassanti tīṇi sahassāni dāpetvā āha – ‘‘ajja mayhaṃ kattabbaṃ parihāraṃ tasseva karothā’’ti. Vatvā ca pana ṭhapetvā ekaṃ cintāmaṇiṃ nāma piyabhariyaṃ avasesajanampi ‘‘ajja tameva parivārethā’’ti vatvā sabbasampattiṃ tassa niyyādesi. So seṭṭhino nhānodakena tasseva koṭṭhake tasmiṃ phalake nisinno nhatvā tasseva nivāsanasāṭake nivāsetvā tasseva pallaṅke nisīdi. Seṭṭhipi nagare bheriṃ carāpesi – ‘‘bhattabhatiko gandhaseṭṭhissa gehe tīṇi saṃvaccharāni bhatiṃ katvā pātiṃ labhi, tassa bhuñjanasampattiṃ olokentū’’ti. Mahājano mañcātimañce abhiruhitvā passati, gāmavāsissa olokitolokitaṭṭhānaṃ kampanākārappattaṃ ahosi. Nāṭakā parivāretvā aṭṭhasuṃ, tassa purato bhattapātiṃ vaḍḍhetvā ṭhapayiṃsu. Athassa hatthadhovanavelāya gandhamādane eko paccekabuddho sattame divase samāpattito vuṭṭhāya ‘‘kattha nu kho ajja bhikkhācāratthāya gacchāmī’’ti upadhārento bhattabhatikaṃ addasa. Atha so ‘‘ayaṃ tīṇi saṃvaccharāni bhatiṃ katvā bhattapātiṃ labhi, atthi nu kho etassa saddhā, natthī’’ti upadhārento ‘‘atthī’’ti ñatvā ‘‘saddhāpi ekacce saṅgahaṃ kātuṃ na sakkonti, sakkhissati nu kho me saṅgahaṃ kātu’’nti cintetvā ‘‘sakkhissati ceva mama ca saṅgahakaraṇaṃ nissāya mahāsampattiṃ labhissatī’’ti ñatvā cīvaraṃ pārupitvā pattamādāya vehāsaṃ abbhuggantvā parisantarena gantvā tassa purato ṭhitameva attānaṃ dassesi.

    со бажжзгаб̣уд̣̇д̇хам̣ д̣̇исваа жинд̇зси – ‘‘ахам̣ буб̣б̣з ад̣̇иннабхаавзна згиссаа бхад̇д̇абаад̇ияаа ад̇т̇ааяа д̇ийн̣и сам̣важчараани бараг̇зхз бхад̇им̣ агаасим̣, ид̣̇аани мз ид̣̇ам̣ бхад̇д̇ам̣ згам̣ рад̇д̇инд̣̇ивам̣ рагкзяяа, сажз бана нам̣ аяяасса д̣̇ассаами, анзгааниби габбагодисахассаани рагкиссад̇и , аяяассзва нам̣ д̣̇ассаамий’’д̇и. со д̇ийн̣и сам̣важчараани бхад̇им̣ гад̇ваа лад̣̇д̇хабхад̇д̇абаад̇ид̇о згабин̣д̣амби мукз адтабзд̇ваа д̇ан̣хам̣ винод̣̇зд̇ваа саяамзва баад̇им̣ угкибид̇ваа бажжзгаб̣уд̣̇д̇хасса санд̇игам̣ г̇анд̇ваа баад̇им̣ ан̃н̃асса хад̇т̇з д̣̇ад̇ваа бан̃жабад̇идтид̇зна ванд̣̇ид̇ваа баад̇им̣ ваамахад̇т̇зна г̇ахзд̇ваа д̣̇агкин̣ахад̇т̇зна д̇асса бад̇д̇з бхад̇д̇ам̣ аагири. бажжзгаб̣уд̣̇д̇хо бхад̇д̇асса убад̣дхасзсагаалз бад̇д̇ам̣ хад̇т̇зна бид̣̇ахи. ат̇а нам̣ со ааха – ‘‘бханд̇з, згова бадивисо на саггаа д̣̇вид̇хаа гаад̇ум̣, маа мам̣ ид̇халогзна сан̇г̇ан̣хат̇а, баралогзна сан̇г̇ахамзва гарот̇а, саавасзсам̣ агад̇ваа ниравасзсамзва д̣̇ассаамий’’д̇и. ад̇д̇ано хи т̇огамби анавасзсзд̇ваа д̣̇иннам̣ ниравасзсад̣̇аанам̣ наама, д̇ам̣ махабпалам̣ ход̇и. со д̇ат̇аа гаронд̇о саб̣б̣ам̣ д̣̇ад̇ваа буна ванд̣̇ид̇ваа ааха – ‘‘бханд̇з, згам̣ бхад̇д̇абаад̇им̣ ниссааяа д̇ийн̣и сам̣важчараани мз бараг̇зхз бхад̇им̣ гаронд̇зна д̣̇угкам̣ анубхууд̇ам̣, ид̣̇аани мз ниб̣б̣ад̇д̇аниб̣б̣ад̇д̇адтаанз сукамзва ход̇у, д̇умхзхи д̣̇идтад̇хаммассзва бхааг̇ий асса’’нд̇и. бажжзгаб̣уд̣̇д̇хо ‘‘звам̣ ход̇у, жинд̇ааман̣и вияа д̇з саб̣б̣агаамад̣̇ад̣̇о маносан̇габбаа бун̣н̣ажанд̣̇о вияа буурзнд̇уу’’д̇и анумод̣̇анам̣ гаронд̇о –

    So paccekabuddhaṃ disvā cintesi – ‘‘ahaṃ pubbe adinnabhāvena ekissā bhattapātiyā atthāya tīṇi saṃvaccharāni paragehe bhatiṃ akāsiṃ, idāni me idaṃ bhattaṃ ekaṃ rattindivaṃ rakkheyya, sace pana naṃ ayyassa dassāmi, anekānipi kappakoṭisahassāni rakkhissati , ayyasseva naṃ dassāmī’’ti. So tīṇi saṃvaccharāni bhatiṃ katvā laddhabhattapātito ekapiṇḍampi mukhe aṭṭhapetvā taṇhaṃ vinodetvā sayameva pātiṃ ukkhipitvā paccekabuddhassa santikaṃ gantvā pātiṃ aññassa hatthe datvā pañcapatiṭṭhitena vanditvā pātiṃ vāmahatthena gahetvā dakkhiṇahatthena tassa patte bhattaṃ ākiri. Paccekabuddho bhattassa upaḍḍhasesakāle pattaṃ hatthena pidahi. Atha naṃ so āha – ‘‘bhante, ekova paṭiviso na sakkā dvidhā kātuṃ, mā maṃ idhalokena saṅgaṇhatha, paralokena saṅgahameva karotha, sāvasesaṃ akatvā niravasesameva dassāmī’’ti. Attano hi thokampi anavasesetvā dinnaṃ niravasesadānaṃ nāma, taṃ mahapphalaṃ hoti. So tathā karonto sabbaṃ datvā puna vanditvā āha – ‘‘bhante, ekaṃ bhattapātiṃ nissāya tīṇi saṃvaccharāni me paragehe bhatiṃ karontena dukkhaṃ anubhūtaṃ, idāni me nibbattanibbattaṭṭhāne sukhameva hotu, tumhehi diṭṭhadhammasseva bhāgī assa’’nti. Paccekabuddho ‘‘evaṃ hotu, cintāmaṇi viya te sabbakāmadado manosaṅkappā puṇṇacando viya pūrentū’’ti anumodanaṃ karonto –

    ‘‘ижчид̇ам̣ бад̇т̇ид̇ам̣ д̇уяхам̣, саб̣б̣амзва самиж̇жхад̇у;

    ‘‘Icchitaṃ patthitaṃ tuyhaṃ, sabbameva samijjhatu;

    саб̣б̣з буурзнд̇у сан̇габбаа, жанд̣̇о баннарасо яат̇аа.

    Sabbe pūrentu saṅkappā, cando pannaraso yathā.

    ‘‘ижчид̇ам̣ бад̇т̇игам̣ д̇уяхам̣, киббамзва самиж̇жхад̇у;

    ‘‘Icchitaṃ patthikaṃ tuyhaṃ, khippameva samijjhatu;

    саб̣б̣з буурзнд̇у сан̇габбаа, ман̣и ж̇од̇ирасо яат̇аа’’д̇и. –

    Sabbe pūrentu saṅkappā, maṇi jotiraso yathā’’ti. –

    вад̇ваа ‘‘аяам̣ махааж̇ано яаава г̇анд̇хамаад̣̇анабаб̣б̣ад̇аг̇аманаа мам̣ бассанд̇о д̇идтад̇уу’’д̇и ад̇хидтааяа аагаасзна г̇анд̇хамаад̣̇анам̣ аг̇амааси.

    Vatvā ‘‘ayaṃ mahājano yāva gandhamādanapabbatagamanā maṃ passanto tiṭṭhatū’’ti adhiṭṭhāya ākāsena gandhamādanaṃ agamāsi.

    махааж̇аноби нам̣ бассанд̇ова адтааси. со д̇ад̇т̇а г̇анд̇ваа д̇ам̣ бин̣д̣абаад̇ам̣ бан̃жасад̇аанам̣ бажжзгаб̣уд̣̇д̇хаанам̣ вибхаж̇ид̇ваа ад̣̇ааси. саб̣б̣з ад̇д̇ано бахонагам̣ г̇ан̣хим̣су. ‘‘аббо бин̣д̣абаад̇о гат̇ам̣ бахосий’’д̇и на жинд̇зд̇аб̣б̣ам̣. жад̇д̇аари хи ажинд̇зяяаани (а. ни. 4.77) вуд̇д̇аани, д̇ад̇рааяам̣ бажжзгаб̣уд̣̇д̇хависаяод̇и. махааж̇ано бажжзгаб̣уд̣̇д̇хаанам̣ бин̣д̣абаад̇ам̣ вибхаж̇ид̇ваа д̣̇ияяамаанам̣ д̣̇исваа саад̇хугаарасахассаани бавад̇д̇зси, асанисад̇анибаагасад̣̇д̣̇о вияа ахоси. д̇ам̣ суд̇ваа г̇анд̇хасздти жинд̇зси – ‘‘бхад̇д̇абхад̇иго маяаа д̣̇иннасамбад̇д̇им̣ д̇хаарзд̇ум̣ наасагки ман̃н̃з, д̇знааяам̣ махааж̇ано барихаасам̣ гаронд̇о саннибад̇ид̇о над̣̇ад̇ий’’д̇и. со д̇аббавад̇д̇иж̇аананад̇т̇ам̣ мануссз бзсзси. д̇з ааг̇анд̇ваа ‘‘самбад̇д̇ид̇хаарагаа наама, саами, звам̣ хонд̇уу’’д̇и вад̇ваа д̇ам̣ бавад̇д̇им̣ аарожзсум̣. сздти д̇ам̣ суд̇ваава бан̃жаван̣н̣ааяа бийд̇ияаа пудтасарийро худ̇ваа ‘‘ахо д̣̇уггарам̣ д̇зна гад̇ам̣, ахам̣ зд̇д̇агам̣ гаалам̣ зваруубааяа самбад̇д̇ияаа тид̇о гин̃жи д̣̇аад̇ум̣ наасагки’’нд̇и д̇ам̣ баггосаабзд̇ваа ‘‘сажжам̣ гира д̇аяаа ид̣̇ам̣ наама гад̇а’’нд̇и бужчид̇ваа ‘‘аама, саамий’’д̇и вуд̇д̇з, ‘‘ханд̣̇а, сахассам̣ г̇ахзд̇ваа д̇ава д̣̇аанз маяхамби бад̇д̇им̣ д̣̇зхий’’д̇и ааха. со д̇ат̇аа агааси. сздтибисса саб̣б̣ам̣ ад̇д̇ано санд̇агам̣ маж̇жхз бхинд̣̇ид̇ваа ад̣̇ааси.

    Mahājanopi naṃ passantova aṭṭhāsi. So tattha gantvā taṃ piṇḍapātaṃ pañcasatānaṃ paccekabuddhānaṃ vibhajitvā adāsi. Sabbe attano pahonakaṃ gaṇhiṃsu. ‘‘Appo piṇḍapāto kathaṃ pahosī’’ti na cintetabbaṃ. Cattāri hi acinteyyāni (a. ni. 4.77) vuttāni, tatrāyaṃ paccekabuddhavisayoti. Mahājano paccekabuddhānaṃ piṇḍapātaṃ vibhajitvā diyyamānaṃ disvā sādhukārasahassāni pavattesi, asanisatanipākasaddo viya ahosi. Taṃ sutvā gandhaseṭṭhi cintesi – ‘‘bhattabhatiko mayā dinnasampattiṃ dhāretuṃ nāsakkhi maññe, tenāyaṃ mahājano parihāsaṃ karonto sannipatito nadatī’’ti. So tappavattijānanatthaṃ manusse pesesi. Te āgantvā ‘‘sampattidhārakā nāma, sāmi, evaṃ hontū’’ti vatvā taṃ pavattiṃ ārocesuṃ. Seṭṭhi taṃ sutvāva pañcavaṇṇāya pītiyā phuṭṭhasarīro hutvā ‘‘aho dukkaraṃ tena kataṃ, ahaṃ ettakaṃ kālaṃ evarūpāya sampattiyā ṭhito kiñci dātuṃ nāsakkhi’’nti taṃ pakkosāpetvā ‘‘saccaṃ kira tayā idaṃ nāma kata’’nti pucchitvā ‘‘āma, sāmī’’ti vutte, ‘‘handa, sahassaṃ gahetvā tava dāne mayhampi pattiṃ dehī’’ti āha. So tathā akāsi. Seṭṭhipissa sabbaṃ attano santakaṃ majjhe bhinditvā adāsi.

    жад̇ассо хи самбад̣̇аа наама – вад̇т̇усамбад̣̇аа, бажжаяасамбад̣̇аа, жзд̇анаасамбад̣̇аа, г̇ун̣аад̇ирзгасамбад̣̇аад̇и. д̇ад̇т̇а нирод̇хасамаабад̇д̇ирахо арахаа ваа анааг̇аамий ваа д̣̇агкин̣зяяо вад̇т̇усамбад̣̇аа наама. бажжаяаанам̣ д̇хаммзна самзна уббад̇д̇и бажжаяасамбад̣̇аа наама. д̣̇аанад̇о буб̣б̣з д̣̇аанагаалз бажчаа бхааг̇зд̇и д̇ийсу гаалзсу жзд̇анааяа соманассасахаг̇ад̇ан̃аан̣асамбаяуд̇д̇абхааво жзд̇анаасамбад̣̇аа наама. д̣̇агкин̣зяяасса самаабад̇д̇ид̇о вудтид̇абхааво г̇ун̣аад̇ирзгасамбад̣̇аа наамаад̇и. имасса жа кийн̣аасаво бажжзгаб̣уд̣̇д̇хо д̣̇агкин̣зяяаа, бхад̇им̣ гад̇ваа лад̣̇д̇хабхаавзна бажжаяо д̇хаммад̇о уббанно, д̇ийсу гаалзсу барисуд̣̇д̇хаа жзд̇анаа, самаабад̇д̇ид̇о вудтид̇амад̇д̇о бажжзгаб̣уд̣̇д̇хо г̇ун̣аад̇ирзгод̇и жад̇ассоби самбад̣̇аа нибпаннаа. зд̇аасам̣ аанубхаавзна д̣̇идтзва д̇хаммз махаасамбад̇д̇им̣ баабун̣анд̇и. д̇асмаа со сздтино санд̇игаа самбад̇д̇им̣ лабхи. абарабхааг̇з жа рааж̇ааби иминаа гад̇агаммам̣ суд̇ваа д̇ам̣ баггосаабзд̇ваа сахассам̣ д̣̇ад̇ваа бад̇д̇им̣ г̇ахзд̇ваа д̇удтамаанасо маханд̇ам̣ бхог̇агканд̇хам̣ д̣̇ад̇ваа сздтидтаанам̣ ад̣̇ааси. бхад̇д̇абхад̇игасздтийд̇исса наамам̣ агааси. со г̇анд̇хасздтинаа сад̣̇д̇хим̣ сахааяо худ̇ваа згад̇о каад̣̇анд̇о биванд̇о яаавад̇ааяугам̣ тад̇ваа д̇ад̇о жуд̇о д̣̇звалогз ниб̣б̣ад̇д̇ид̇ваа згам̣ б̣уд̣̇д̇ханд̇арам̣ д̣̇иб̣б̣асамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ саарибуд̇д̇ад̇т̇зрассуубадтаагагулз бадисанд̇хим̣ г̇ан̣хи. ат̇асса маад̇аа лад̣̇д̇хаг̇аб̣бхабарихаараа гад̇ибаахажжаязна ‘‘ахо вад̇аахам̣ бан̃жасад̇зхи бхигкуухи сад̣̇д̇хим̣ саарибуд̇д̇ад̇т̇зрасса сад̇арасабхож̇анам̣ д̣̇ад̇ваа гаасааяавад̇т̇анивад̇т̇аа суван̣н̣асарагам̣ аад̣̇ааяа аасанабарияанд̇з нисиннаа д̇зсам̣ бхигкуунам̣ ужчидтаавасзсагам̣ барибхун̃ж̇зяяа’’нд̇и д̣̇охал̣иний худ̇ваа д̇ат̇зва гад̇ваа д̣̇охал̣ам̣ бадивинод̣̇зси. саа сзсаман̇г̇алзсуби д̇ат̇ааруубамзва д̣̇аанам̣ д̣̇ад̇ваа буд̇д̇ам̣ виж̇ааяид̇ваа наамаг̇г̇ахан̣ад̣̇ивасз ‘‘буд̇д̇асса мз, бханд̇з, сигкаабад̣̇аани д̣̇зт̇аа’’д̇и т̇зрам̣ ааха. т̇зро ‘‘гимасса наама’’нд̇и бужчи. ‘‘бханд̇з, буд̇д̇асса мз бадисанд̇хиг̇г̇ахан̣ад̇о бадтааяа имасмим̣ г̇зхз гассажи д̣̇угкам̣ наама на бхууд̇абуб̣б̣ам̣, д̇знзвасса сукагумаарод̇и наамам̣ бхависсад̇ий’’д̇и вуд̇д̇з д̇ад̣̇звасса наамам̣ г̇ахзд̇ваа сигкаабад̣̇аани ад̣̇ааси.

    Catasso hi sampadā nāma – vatthusampadā, paccayasampadā, cetanāsampadā, guṇātirekasampadāti. Tattha nirodhasamāpattiraho arahā vā anāgāmī vā dakkhiṇeyyo vatthusampadā nāma. Paccayānaṃ dhammena samena uppatti paccayasampadā nāma. Dānato pubbe dānakāle pacchā bhāgeti tīsu kālesu cetanāya somanassasahagatañāṇasampayuttabhāvo cetanāsampadā nāma. Dakkhiṇeyyassa samāpattito vuṭṭhitabhāvo guṇātirekasampadā nāmāti. Imassa ca khīṇāsavo paccekabuddho dakkhiṇeyyā, bhatiṃ katvā laddhabhāvena paccayo dhammato uppanno, tīsu kālesu parisuddhā cetanā, samāpattito vuṭṭhitamatto paccekabuddho guṇātirekoti catassopi sampadā nipphannā. Etāsaṃ ānubhāvena diṭṭheva dhamme mahāsampattiṃ pāpuṇanti. Tasmā so seṭṭhino santikā sampattiṃ labhi. Aparabhāge ca rājāpi iminā katakammaṃ sutvā taṃ pakkosāpetvā sahassaṃ datvā pattiṃ gahetvā tuṭṭhamānaso mahantaṃ bhogakkhandhaṃ datvā seṭṭhiṭṭhānaṃ adāsi. Bhattabhatikaseṭṭhītissa nāmaṃ akāsi. So gandhaseṭṭhinā saddhiṃ sahāyo hutvā ekato khādanto pivanto yāvatāyukaṃ ṭhatvā tato cuto devaloke nibbattitvā ekaṃ buddhantaraṃ dibbasampattiṃ anubhavitvā imasmiṃ buddhuppāde sāvatthiyaṃ sāriputtattherassūpaṭṭhākakule paṭisandhiṃ gaṇhi. Athassa mātā laddhagabbhaparihārā katipāhaccayena ‘‘aho vatāhaṃ pañcasatehi bhikkhūhi saddhiṃ sāriputtattherassa satarasabhojanaṃ datvā kāsāyavatthanivatthā suvaṇṇasarakaṃ ādāya āsanapariyante nisinnā tesaṃ bhikkhūnaṃ ucchiṭṭhāvasesakaṃ paribhuñjeyya’’nti dohaḷinī hutvā tatheva katvā dohaḷaṃ paṭivinodesi. Sā sesamaṅgalesupi tathārūpameva dānaṃ datvā puttaṃ vijāyitvā nāmaggahaṇadivase ‘‘puttassa me, bhante, sikkhāpadāni dethā’’ti theraṃ āha. Thero ‘‘kimassa nāma’’nti pucchi. ‘‘Bhante, puttassa me paṭisandhiggahaṇato paṭṭhāya imasmiṃ gehe kassaci dukkhaṃ nāma na bhūtapubbaṃ, tenevassa sukhakumāroti nāmaṃ bhavissatī’’ti vutte tadevassa nāmaṃ gahetvā sikkhāpadāni adāsi.

    д̇ад̣̇аа зван̃жасса маад̇у ‘‘наахам̣ мама буд̇д̇асса аж̇жхаасаяам̣ бхинд̣̇иссаамий’’д̇и жид̇д̇ам̣ уббаж̇ж̇и. саа д̇асса ган̣н̣авиж̇жханаман̇г̇алаад̣̇ийсуби д̇ат̇зва д̣̇аанам̣ ад̣̇ааси. гумаароби сад̇д̇авассигагаалз ‘‘ижчаамахам̣, амма, т̇зрасса санд̇игз баб̣б̣аж̇ид̇у’’нд̇и ааха. саа ‘‘саад̇ху, д̇аад̇а, наахам̣ д̇ава аж̇жхаасаяам̣ бхинд̣̇иссаамий’’д̇и т̇зрам̣ ниманд̇зд̇ваа бхож̇зд̇ваа, ‘‘бханд̇з, буд̇д̇о мз баб̣б̣аж̇ид̇ум̣ ижчад̇и, имаахам̣ сааяанхасамаяз вихаарам̣ аанзссаамий’’д̇и т̇зрам̣ уяяож̇зд̇ваа н̃аад̇агз саннибаад̇зд̇ваа ‘‘буд̇д̇асса мз г̇ихигаалз гад̇д̇аб̣б̣ам̣ гижжам̣ аж̇ж̇зва гариссаамаа’’д̇и вад̇ваа буд̇д̇ам̣ алан̇гарид̇ваа маханд̇зна сирисобхаг̇г̇зна вихаарам̣ нзд̇ваа т̇зрасса нияяаад̣̇зси. т̇зроби д̇ам̣, ‘‘д̇аад̇а, баб̣б̣аж̇ж̇аа наама д̣̇уггараа , сагкиссаси абхирамид̇у’’нд̇и вад̇ваа ‘‘гариссаами во, бханд̇з, оваад̣̇а’’нд̇и вуд̇д̇з гаммадтаанам̣ д̣̇ад̇ваа баб̣б̣ааж̇зси. маад̇аабид̇аробисса баб̣б̣аж̇ж̇ааяа саггаарам̣ гаронд̇аа анд̇овихаарзязва сад̇д̇аахам̣ б̣уд̣̇д̇хаббамукасса бхигкусан̇гхасса сад̇арасабхож̇анам̣ д̣̇ад̇ваа сааяам̣ ад̇д̇ано г̇зхам̣ аг̇амам̣су. адтамз д̣̇ивасз саарибуд̇д̇ад̇т̇зро бхигкусан̇гхз г̇аамам̣ бавидтз вихаарз гад̇д̇аб̣б̣агижжам̣ гад̇ваа сааман̣зрам̣ бад̇д̇ажийварам̣ г̇аахаабзд̇ваа г̇аамам̣ бин̣д̣ааяа баависи. сааман̣зро анд̇араамаг̇г̇з маад̇игаад̣̇ийни д̣̇исваа бан̣д̣ид̇асааман̣зро вияа бужчи. т̇зроби д̇асса д̇ат̇зва б̣яаагааси. сааман̣зро д̇аани гааран̣аани суд̇ваа ‘‘сажз д̇умхз ад̇д̇ано бад̇д̇ажийварам̣ г̇ан̣хзяяаат̇а, ахам̣ нивад̇д̇зяяа’’нд̇и вад̇ваа т̇зрзна д̇асса аж̇жхаасаяам̣ абхинд̣̇ид̇ваа, ‘‘сааман̣зра, д̣̇зхи мама бад̇д̇ажийвара’’нд̇и бад̇д̇ажийварз г̇ахид̇з т̇зрам̣ ванд̣̇ид̇ваа нивад̇д̇амаано, ‘‘бханд̇з, маяхам̣ аахаарам̣ аахарамаано сад̇арасабхож̇анам̣ аахарзяяаат̇аа’’д̇и ааха. гуд̇о д̇ам̣ лабхиссаамийд̇и? ад̇д̇ано бун̃н̃зна алабханд̇о мама бун̃н̃зна лабхиссат̇а, бханд̇зд̇и. ат̇асса т̇зро гун̃жигам̣ д̣̇ад̇ваа г̇аамам̣ бин̣д̣ааяа баависи. соби вихаарам̣ ааг̇анд̇ваа т̇зрасса г̇аб̣бхам̣ виварид̇ваа бависид̇ваа д̣̇ваарам̣ бид̇хааяа ад̇д̇ано гааяз н̃аан̣ам̣ од̇аарзд̇ваа нисийд̣̇и.

    Tadā evañcassa mātu ‘‘nāhaṃ mama puttassa ajjhāsayaṃ bhindissāmī’’ti cittaṃ uppajji. Sā tassa kaṇṇavijjhanamaṅgalādīsupi tatheva dānaṃ adāsi. Kumāropi sattavassikakāle ‘‘icchāmahaṃ, amma, therassa santike pabbajitu’’nti āha. Sā ‘‘sādhu, tāta, nāhaṃ tava ajjhāsayaṃ bhindissāmī’’ti theraṃ nimantetvā bhojetvā, ‘‘bhante, putto me pabbajituṃ icchati, imāhaṃ sāyanhasamaye vihāraṃ ānessāmī’’ti theraṃ uyyojetvā ñātake sannipātetvā ‘‘puttassa me gihikāle kattabbaṃ kiccaṃ ajjeva karissāmā’’ti vatvā puttaṃ alaṅkaritvā mahantena sirisobhaggena vihāraṃ netvā therassa niyyādesi. Theropi taṃ, ‘‘tāta, pabbajjā nāma dukkarā , sakkhissasi abhiramitu’’nti vatvā ‘‘karissāmi vo, bhante, ovāda’’nti vutte kammaṭṭhānaṃ datvā pabbājesi. Mātāpitaropissa pabbajjāya sakkāraṃ karontā antovihāreyeva sattāhaṃ buddhappamukhassa bhikkhusaṅghassa satarasabhojanaṃ datvā sāyaṃ attano gehaṃ agamaṃsu. Aṭṭhame divase sāriputtatthero bhikkhusaṅghe gāmaṃ paviṭṭhe vihāre kattabbakiccaṃ katvā sāmaṇeraṃ pattacīvaraṃ gāhāpetvā gāmaṃ piṇḍāya pāvisi. Sāmaṇero antarāmagge mātikādīni disvā paṇḍitasāmaṇero viya pucchi. Theropi tassa tatheva byākāsi. Sāmaṇero tāni kāraṇāni sutvā ‘‘sace tumhe attano pattacīvaraṃ gaṇheyyātha, ahaṃ nivatteyya’’nti vatvā therena tassa ajjhāsayaṃ abhinditvā, ‘‘sāmaṇera, dehi mama pattacīvara’’nti pattacīvare gahite theraṃ vanditvā nivattamāno, ‘‘bhante, mayhaṃ āhāraṃ āharamāno satarasabhojanaṃ āhareyyāthā’’ti āha. Kuto taṃ labhissāmīti? Attano puññena alabhanto mama puññena labhissatha, bhanteti. Athassa thero kuñcikaṃ datvā gāmaṃ piṇḍāya pāvisi. Sopi vihāraṃ āgantvā therassa gabbhaṃ vivaritvā pavisitvā dvāraṃ pidhāya attano kāye ñāṇaṃ otāretvā nisīdi.

    д̇асса г̇ун̣ад̇зж̇зна саггасса аасанам̣ ун̣хаагаарам̣ д̣̇ассзси. сагго ‘‘гим̣ ну ко зд̇а’’нд̇и ологзнд̇о сааман̣зрам̣ д̣̇исваа ‘‘сукасааман̣зро ад̇д̇ано убаж̇жхааяасса бад̇д̇ажийварам̣ д̣̇ад̇ваа ‘саман̣ад̇хаммам̣ гариссаамий’д̇и нивад̇д̇о, маяаа д̇ад̇т̇а г̇анд̇ум̣ ваддад̇ий’’д̇и жинд̇зд̇ваа жад̇д̇ааро махаарааж̇з баггосаабзд̇ваа ‘‘г̇ажчат̇а, д̇аад̇аа, вихаарассуубаванз д̣̇уссад̣̇д̣̇агз сагун̣з балаабзт̇аа’’д̇и уяяож̇зси. д̇з д̇ат̇аа гад̇ваа сааманд̇аа аарагкам̣ г̇ан̣хим̣су. жанд̣̇имасуурияз ‘‘ад̇д̇ано вимаанаани г̇ахзд̇ваа д̇идтат̇аа’’д̇и аан̣аабзси. д̇зби д̇ат̇аа гарим̣су. саяамби аавин̃чанадтаанз аарагкам̣ г̇ан̣хи. вихааро саннисинно нираво ахоси. сааман̣зро згаг̇г̇ажид̇д̇зна вибассанам̣ вад̣дхзд̇ваа д̇ийн̣и маг̇г̇апалаани баабун̣и. т̇зро ‘‘сааман̣зрзна ‘сад̇арасабхож̇анам̣ аахарзяяаат̇аа’д̇и вуд̇д̇ам̣, гасса ну ко гхарз саггаа лад̣̇д̇ху’’нд̇и ологзнд̇о згам̣ аж̇жхаасаяасамбаннам̣ убадтаагад̇улам̣ д̣̇исваа д̇ад̇т̇а г̇анд̇ваа, ‘‘бханд̇з, саад̇ху во гад̇ам̣ аж̇ж̇а ид̇хааг̇ажчанд̇зхий’’д̇и д̇зхи д̇удтамаанасзхи бад̇д̇ам̣ г̇ахзд̇ваа нисийд̣̇аабзд̇ваа яааг̇укаж̇ж̇агам̣ д̣̇ад̇ваа яаава бхад̇д̇агаалам̣ д̇хаммагат̇ам̣ яаажид̇о д̇зсам̣ сааран̣ийяад̇хаммагат̇ам̣ гат̇зд̇ваа гаалам̣ саллагкзд̇ваа д̣̇зсанам̣ нидтаабзси. ат̇асса сад̇арасабхож̇анам̣ д̣̇ад̇ваа д̇ам̣ аад̣̇ааяа г̇анд̇угаамам̣ т̇зрам̣ д̣̇исваа ‘‘бхун̃ж̇ат̇а, бханд̇з, абарамби д̇з д̣̇ассаамаа’’д̇и т̇зрам̣ бхож̇зд̇ваа буна бад̇д̇абуурам̣ ад̣̇ам̣су. т̇зро д̇ам̣ аад̣̇ааяа ‘‘сааман̣зро мз чаад̇о’’д̇и д̇урид̇ад̇урид̇о вихаарам̣ бааяааси. д̇ам̣ д̣̇ивасам̣ сад̇т̇аа баад̇ова нигкамид̇ваа г̇анд̇хагудияам̣ нисиннова ааваж̇ж̇зси – ‘‘аж̇ж̇а сукасааман̣зро убаж̇жхааяасса бад̇д̇ажийварам̣ д̣̇ад̇ваа ‘саман̣ад̇хаммам̣ гариссаамий’д̇и нивад̇д̇о, нибпаннам̣ ну ко д̇асса гижжа’’нд̇и. со д̇ин̣н̣ам̣язва маг̇г̇апалаанам̣ бад̇д̇абхаавам̣ д̣̇исваа уд̇д̇ариби убад̇хаарзнд̇о ‘‘сагкиссад̇ааяам̣ аж̇ж̇а арахад̇д̇ам̣ баабун̣ид̇ум̣ , саарибуд̇д̇о бана ‘сааман̣зро мз чаад̇о’д̇и взг̇зна бхад̇д̇ам̣ аад̣̇ааяа нигкамад̇и, сажз имасмим̣ арахад̇д̇ам̣ аббад̇д̇з бхад̇д̇ам̣ аахариссад̇и, имасса анд̇арааяо бхависсад̇и, маяаа г̇анд̇ваа д̣̇ваарагодтагз аарагкам̣ г̇ан̣хид̇ум̣ ваддад̇ий’’д̇и жинд̇зд̇ваа г̇анд̇хагудид̇о нигкамид̇ваа д̣̇ваарагодтагз тад̇ваа аарагкам̣ г̇ан̣хи.

    Tassa guṇatejena sakkassa āsanaṃ uṇhākāraṃ dassesi. Sakko ‘‘kiṃ nu kho eta’’nti olokento sāmaṇeraṃ disvā ‘‘sukhasāmaṇero attano upajjhāyassa pattacīvaraṃ datvā ‘samaṇadhammaṃ karissāmī’ti nivatto, mayā tattha gantuṃ vaṭṭatī’’ti cintetvā cattāro mahārāje pakkosāpetvā ‘‘gacchatha, tātā, vihārassūpavane dussaddake sakuṇe palāpethā’’ti uyyojesi. Te tathā katvā sāmantā ārakkhaṃ gaṇhiṃsu. Candimasūriye ‘‘attano vimānāni gahetvā tiṭṭhathā’’ti āṇāpesi. Tepi tathā kariṃsu. Sayampi āviñchanaṭṭhāne ārakkhaṃ gaṇhi. Vihāro sannisinno niravo ahosi. Sāmaṇero ekaggacittena vipassanaṃ vaḍḍhetvā tīṇi maggaphalāni pāpuṇi. Thero ‘‘sāmaṇerena ‘satarasabhojanaṃ āhareyyāthā’ti vuttaṃ, kassa nu kho ghare sakkā laddhu’’nti olokento ekaṃ ajjhāsayasampannaṃ upaṭṭhākatulaṃ disvā tattha gantvā, ‘‘bhante, sādhu vo kataṃ ajja idhāgacchantehī’’ti tehi tuṭṭhamānasehi pattaṃ gahetvā nisīdāpetvā yāgukhajjakaṃ datvā yāva bhattakālaṃ dhammakathaṃ yācito tesaṃ sāraṇīyadhammakathaṃ kathetvā kālaṃ sallakkhetvā desanaṃ niṭṭhāpesi. Athassa satarasabhojanaṃ datvā taṃ ādāya gantukāmaṃ theraṃ disvā ‘‘bhuñjatha, bhante, aparampi te dassāmā’’ti theraṃ bhojetvā puna pattapūraṃ adaṃsu. Thero taṃ ādāya ‘‘sāmaṇero me chāto’’ti turitaturito vihāraṃ pāyāsi. Taṃ divasaṃ satthā pātova nikkhamitvā gandhakuṭiyaṃ nisinnova āvajjesi – ‘‘ajja sukhasāmaṇero upajjhāyassa pattacīvaraṃ datvā ‘samaṇadhammaṃ karissāmī’ti nivatto, nipphannaṃ nu kho tassa kicca’’nti. So tiṇṇaṃyeva maggaphalānaṃ pattabhāvaṃ disvā uttaripi upadhārento ‘‘sakkhissatāyaṃ ajja arahattaṃ pāpuṇituṃ , sāriputto pana ‘sāmaṇero me chāto’ti vegena bhattaṃ ādāya nikkhamati, sace imasmiṃ arahattaṃ appatte bhattaṃ āharissati, imassa antarāyo bhavissati, mayā gantvā dvārakoṭṭhake ārakkhaṃ gaṇhituṃ vaṭṭatī’’ti cintetvā gandhakuṭito nikkhamitvā dvārakoṭṭhake ṭhatvā ārakkhaṃ gaṇhi.

    т̇зроби бхад̇д̇ам̣ аахари. ат̇а нам̣ хздтаа вуд̇д̇анаязнзва жад̇д̇ааро бан̃хз бужчи. бан̃хависсаж̇ж̇анаавасаанз сааман̣зро арахад̇д̇ам̣ баабун̣и. сад̇т̇аа т̇зрам̣ ааманд̇зд̇ваа ‘‘г̇ажча, саарибуд̇д̇а, сааман̣зрасса д̇з бхад̇д̇ам̣ д̣̇зхий’’д̇и ааха. т̇зро г̇анд̇ваа д̣̇ваарам̣ аагодзси. сааман̣зроби нигкамид̇ваа убаж̇жхааяасса вад̇д̇ам̣ гад̇ваа ‘‘бхад̇д̇агижжам̣ гарохий’’д̇и вуд̇д̇з т̇зрасса бхад̇д̇зна анад̇т̇игабхаавам̣ н̃ад̇ваа сад̇д̇авассигагумааро д̇ан̇кан̣ан̃н̃зва арахад̇д̇ам̣ бад̇д̇о нийжаасанадтаанам̣ бажжавзгканд̇о бхад̇д̇агижжам̣ гад̇ваа бад̇д̇ам̣ д̇хови. д̇асмим̣ гаалз жад̇д̇ааро махаарааж̇аано аарагкам̣ виссаж̇ж̇зсум̣. жанд̣̇имасуурияааби вимаанаани мун̃жим̣су. саггоби аавин̃чанадтаанз аарагкам̣ виссаж̇ж̇зси. суурияо набхамаж̇жхам̣ ад̇игганд̇оязва бан̃н̃ааяи. бхигкуу ‘‘сааяанхо бан̃н̃ааяад̇и, сааман̣зрзна жа ид̣̇аанзва бхад̇д̇агижжам̣ гад̇ам̣, гим̣ ну ко аж̇ж̇а буб̣б̣ан̣хо б̣алаваа ж̇аад̇о, сааяанхо манд̣̇о’’д̇и вад̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа, ‘‘бханд̇з, аж̇ж̇а буб̣б̣ан̣хо б̣алаваа ж̇аад̇о, сааяанхо манд̣̇о, сааман̣зрзна жа ид̣̇аанзва бхад̇д̇агижжам̣ гад̇ам̣, ат̇а жа бана суурияо набхамаж̇жхам̣ ад̇игганд̇оязва бан̃н̃ааяад̇ий’’д̇и вуд̇д̇з, ‘‘бхигкавз, звамзвам̣ ход̇и бун̃н̃аванд̇аанам̣ саман̣ад̇хаммагаран̣агаалз. аж̇ж̇а хи жад̇д̇ааро махаарааж̇аано сааманд̇аа аарагкам̣ г̇ан̣хим̣су, жанд̣̇имасуурияаа вимаанаани г̇ахзд̇ваа адтам̣су, сагго аавин̃чанагз аарагкам̣ г̇ан̣хи, ахамби д̣̇ваарагодтагз аарагкам̣ г̇ан̣хим̣, аж̇ж̇а сукасааман̣зро маад̇игааяа уд̣̇агам̣ харанд̇з, усугаарз усум̣ уж̇ум̣ гаронд̇з , д̇ажчагз жаггаад̣̇ийни гаронд̇з д̣̇исваа ад̇д̇аанам̣ д̣̇амзд̇ваа арахад̇д̇ам̣ бад̇д̇о’’д̇и вад̇ваа имам̣ г̇аат̇амааха –

    Theropi bhattaṃ āhari. Atha naṃ heṭṭhā vuttanayeneva cattāro pañhe pucchi. Pañhavissajjanāvasāne sāmaṇero arahattaṃ pāpuṇi. Satthā theraṃ āmantetvā ‘‘gaccha, sāriputta, sāmaṇerassa te bhattaṃ dehī’’ti āha. Thero gantvā dvāraṃ ākoṭesi. Sāmaṇeropi nikkhamitvā upajjhāyassa vattaṃ katvā ‘‘bhattakiccaṃ karohī’’ti vutte therassa bhattena anatthikabhāvaṃ ñatvā sattavassikakumāro taṅkhaṇaññeva arahattaṃ patto nīcāsanaṭṭhānaṃ paccavekkhanto bhattakiccaṃ katvā pattaṃ dhovi. Tasmiṃ kāle cattāro mahārājāno ārakkhaṃ vissajjesuṃ. Candimasūriyāpi vimānāni muñciṃsu. Sakkopi āviñchanaṭṭhāne ārakkhaṃ vissajjesi. Sūriyo nabhamajjhaṃ atikkantoyeva paññāyi. Bhikkhū ‘‘sāyanho paññāyati, sāmaṇerena ca idāneva bhattakiccaṃ kataṃ, kiṃ nu kho ajja pubbaṇho balavā jāto, sāyanho mando’’ti vadiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā, ‘‘bhante, ajja pubbaṇho balavā jāto, sāyanho mando, sāmaṇerena ca idāneva bhattakiccaṃ kataṃ, atha ca pana sūriyo nabhamajjhaṃ atikkantoyeva paññāyatī’’ti vutte, ‘‘bhikkhave, evamevaṃ hoti puññavantānaṃ samaṇadhammakaraṇakāle. Ajja hi cattāro mahārājāno sāmantā ārakkhaṃ gaṇhiṃsu, candimasūriyā vimānāni gahetvā aṭṭhaṃsu, sakko āviñchanake ārakkhaṃ gaṇhi, ahampi dvārakoṭṭhake ārakkhaṃ gaṇhiṃ, ajja sukhasāmaṇero mātikāya udakaṃ harante, usukāre usuṃ ujuṃ karonte , tacchake cakkādīni karonte disvā attānaṃ dametvā arahattaṃ patto’’ti vatvā imaṃ gāthamāha –

    145.

    145.

    ‘‘уд̣̇аган̃хи наяанд̇и нзд̇д̇игаа, усугаараа намаяанд̇и д̇зж̇анам̣;

    ‘‘Udakañhi nayanti nettikā, usukārā namayanti tejanaṃ;

    д̣̇аарум̣ намаяанд̇и д̇ажчагаа, ад̇д̇аанам̣ д̣̇амаяанд̇и суб̣б̣ад̇аа’’д̇и.

    Dāruṃ namayanti tacchakā, attānaṃ damayanti subbatā’’ti.

    д̇ад̇т̇а суб̣б̣ад̇аад̇и сувад̣̇аа, сукзна овад̣̇ид̇аб̣б̣аа анусаасид̇аб̣б̣аад̇и ад̇т̇о. сзсам̣ хздтаа вуд̇д̇анаяамзва.

    Tattha subbatāti suvadā, sukhena ovaditabbā anusāsitabbāti attho. Sesaṃ heṭṭhā vuttanayameva.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    сукасааман̣зравад̇т̇у згаад̣̇асамам̣.

    Sukhasāmaṇeravatthu ekādasamaṃ.

    д̣̇ан̣д̣аваг̇г̇аван̣н̣анаа нидтид̇аа.

    Daṇḍavaggavaṇṇanā niṭṭhitā.

    д̣̇асамо ваг̇г̇о.

    Dasamo vaggo.




    Next: 11. ж̇арааваг̇г̇о • 11. Jarāvaggo




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 10. д̣̇ан̣д̣аваг̇г̇о • 10. Daṇḍavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact