| Library / Tipiṭaka / तिपिटक • Tipiṭaka / धम्मपदपाळि • Dhammapadapāḷi |
१०. दण्डवग्गो
10. Daṇḍavaggo
१२९.
129.
सब्बे तसन्ति दण्डस्स, सब्बे भायन्ति मच्चुनो।
Sabbe tasanti daṇḍassa, sabbe bhāyanti maccuno;
अत्तानं उपमं कत्वा, न हनेय्य न घातये॥
Attānaṃ upamaṃ katvā, na haneyya na ghātaye.
१३०.
130.
सब्बे तसन्ति दण्डस्स, सब्बेसं जीवितं पियं।
Sabbe tasanti daṇḍassa, sabbesaṃ jīvitaṃ piyaṃ;
अत्तानं उपमं कत्वा, न हनेय्य न घातये॥
Attānaṃ upamaṃ katvā, na haneyya na ghātaye.
१३१.
131.
सुखकामानि भूतानि, यो दण्डेन विहिंसति।
Sukhakāmāni bhūtāni, yo daṇḍena vihiṃsati;
अत्तनो सुखमेसानो, पेच्च सो न लभते सुखं॥
Attano sukhamesāno, pecca so na labhate sukhaṃ.
१३२.
132.
सुखकामानि भूतानि, यो दण्डेन न हिंसति।
Sukhakāmāni bhūtāni, yo daṇḍena na hiṃsati;
अत्तनो सुखमेसानो, पेच्च सो लभते सुखं॥
Attano sukhamesāno, pecca so labhate sukhaṃ.
१३३.
133.
१३४.
134.
सचे नेरेसि अत्तानं, कंसो उपहतो यथा।
Sace neresi attānaṃ, kaṃso upahato yathā;
एस पत्तोसि निब्बानं, सारम्भो ते न विज्जति॥
Esa pattosi nibbānaṃ, sārambho te na vijjati.
१३५.
135.
यथा दण्डेन गोपालो, गावो पाजेति गोचरं।
Yathā daṇḍena gopālo, gāvo pājeti gocaraṃ;
एवं जरा च मच्चु च, आयुं पाजेन्ति पाणिनं॥
Evaṃ jarā ca maccu ca, āyuṃ pājenti pāṇinaṃ.
१३६.
136.
अथ पापानि कम्मानि, करं बालो न बुज्झति।
Atha pāpāni kammāni, karaṃ bālo na bujjhati;
सेहि कम्मेहि दुम्मेधो, अग्गिदड्ढोव तप्पति॥
Sehi kammehi dummedho, aggidaḍḍhova tappati.
१३७.
137.
यो दण्डेन अदण्डेसु, अप्पदुट्ठेसु दुस्सति।
Yo daṇḍena adaṇḍesu, appaduṭṭhesu dussati;
दसन्नमञ्ञतरं ठानं, खिप्पमेव निगच्छति॥
Dasannamaññataraṃ ṭhānaṃ, khippameva nigacchati.
१३८.
138.
१३९.
139.
१४०.
140.
१४१.
141.
न नग्गचरिया न जटा न पङ्का, नानासका थण्डिलसायिका वा।
Na naggacariyā na jaṭā na paṅkā, nānāsakā thaṇḍilasāyikā vā;
रजोजल्लं उक्कुटिकप्पधानं, सोधेन्ति मच्चं अवितिण्णकङ्खं॥
Rajojallaṃ ukkuṭikappadhānaṃ, sodhenti maccaṃ avitiṇṇakaṅkhaṃ.
१४२.
142.
अलङ्कतो चेपि समं चरेय्य, सन्तो दन्तो नियतो ब्रह्मचारी।
Alaṅkato cepi samaṃ careyya, santo danto niyato brahmacārī;
सब्बेसु भूतेसु निधाय दण्डं, सो ब्राह्मणो सो समणो स भिक्खु॥
Sabbesu bhūtesu nidhāya daṇḍaṃ, so brāhmaṇo so samaṇo sa bhikkhu.
१४३.
143.
हिरीनिसेधो पुरिसो, कोचि लोकस्मि विज्जति।
Hirīnisedho puriso, koci lokasmi vijjati;
१४४.
144.
अस्सो यथा भद्रो कसानिविट्ठो, आतापिनो संवेगिनो भवाथ।
Asso yathā bhadro kasāniviṭṭho, ātāpino saṃvegino bhavātha;
सद्धाय सीलेन च वीरियेन च, समाधिना धम्मविनिच्छयेन च।
Saddhāya sīlena ca vīriyena ca, samādhinā dhammavinicchayena ca;
सम्पन्नविज्जाचरणा पतिस्सता, जहिस्सथ 27 दुक्खमिदं अनप्पकं॥
Sampannavijjācaraṇā patissatā, jahissatha 28 dukkhamidaṃ anappakaṃ.
१४५.
145.
उदकञ्हि नयन्ति नेत्तिका, उसुकारा नमयन्ति तेजनं।
Udakañhi nayanti nettikā, usukārā namayanti tejanaṃ;
दारुं नमयन्ति तच्छका, अत्तानं दमयन्ति सुब्बता॥
Dāruṃ namayanti tacchakā, attānaṃ damayanti subbatā.
दण्डवग्गो दसमो निट्ठितो।
Daṇḍavaggo dasamo niṭṭhito.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / धम्मपद-अट्ठकथा • Dhammapada-aṭṭhakathā / १०. दण्डवग्गो • 10. Daṇḍavaggo
