| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. д̣̇анд̇абхуумисуд̇д̇аван̣н̣анаа
5. Dantabhūmisuttavaṇṇanā
213. пусзяяаад̇и н̃аан̣апусанаа наама ад̇хиббзд̇аа, д̇асмаа лабхзяяаад̇и ад̇хиг̇ажчзяяа. звам̣ бадибаннод̇и, ‘‘аббамад̇д̇о аад̇аабий бахид̇ад̇д̇о’’д̇и вуд̇д̇аббагаарзна бадибанно. аж̇аананагодтаасзязваад̇и авад̇хааран̣зна ад̇д̇ани гад̇ам̣ д̣̇осааробанам̣ нивад̇д̇зд̇и.
213.Phuseyyāti ñāṇaphusanā nāma adhippetā, tasmā labheyyāti adhigaccheyya. Evaṃ paṭipannoti, ‘‘appamatto ātāpī pahitatto’’ti vuttappakārena paṭipanno. Ajānanakoṭṭhāseyevāti avadhāraṇena attani kataṃ dosāropanaṃ nivatteti.
214. аббанааубажааранд̇и аббанан̃жзва убажааран̃жа баабзд̇ваа гат̇зсийд̇и ад̇т̇ам̣ вад̣̇анд̇и, аббанаасахид̇о бана убажааро аббанааубажааро, д̇ам̣ баабзд̇ваа гат̇зсийд̇и ад̇т̇о.
214.Appanāupacāranti appanañceva upacārañca pāpetvā kathesīti atthaṃ vadanti, appanāsahito pana upacāro appanāupacāro, taṃ pāpetvā kathesīti attho.
нигкамад̇ийд̇и нигкамо, аваг̇г̇аахагаамад̇о нигкаманам̣ нигкамо зва нзгкаммо, батамаж̇жхаанаад̣̇и. сад̇и гилзсагаамз ад̇д̇ано убахаарам̣ убажаарзд̇ваа ассаад̣̇зд̇ваа барибхун̃ж̇ад̇и наамаад̇и ааха – ‘‘д̣̇увид̇хзби гаамз барибхун̃ж̇амаано’’д̇и. д̣̇увид̇хзбийд̇и хийнабан̣ийд̇аад̣̇ивасзна д̣̇увид̇хз.
Nikkhamatīti nikkhamo, avaggāhakāmato nikkhamanaṃ nikkhamo eva nekkhammo, paṭhamajjhānādi. Sati kilesakāme attano upahāraṃ upacāretvā assādetvā paribhuñjati nāmāti āha – ‘‘duvidhepi kāme paribhuñjamāno’’ti. Duvidhepīti hīnapaṇītādivasena duvidhe.
215. гуудаагааранд̇и г̇аал̣хасаатзяяам̣ аббад̇ируубз таанз канд̇хаг̇ад̇абаад̇анаад̣̇и. д̣̇анд̇аг̇амананд̇и д̣̇анд̇зхи ниб̣б̣исзванзхи г̇анд̇хаб̣б̣аг̇ад̇им̣. бад̇д̇аб̣б̣ам̣ бхууминд̇и саммаагирияааяа лад̣̇д̇хаб̣б̣асамбад̇д̇им̣.
215.Kūṭākāranti gāḷhasāṭheyyaṃ appatirūpe ṭhāne khandhagatapātanādi. Dantagamananti dantehi nibbisevanehi gandhabbagatiṃ. Pattabbaṃ bhūminti sammākiriyāya laddhabbasampattiṃ.
216. б̣яад̇ихаран̣авасзна лан̇гхагам̣ вилан̇гхагам̣, ан̃н̃аман̃н̃ахад̇т̇аг̇г̇ахан̣ам̣. д̇знааха – ‘‘хад̇т̇зна хад̇т̇ам̣ г̇ахзд̇ваа’’д̇и.
216. Byatiharaṇavasena laṅghakaṃ vilaṅghakaṃ, aññamaññahatthaggahaṇaṃ. Tenāha – ‘‘hatthena hatthaṃ gahetvā’’ti.
217. г̇ахзд̇ум̣ самад̇т̇од̇и г̇ан̣игаарахад̇т̇инийхи убалаабзд̇ваа аран̃н̃ахад̇т̇им̣ важанавасзна г̇ахзд̇ум̣ самад̇т̇о. ад̇ибассид̇ваа ад̇идтаанавасзна бассид̇ваа. зд̇т̇аг̇зд̇хаад̇и зд̇асмим̣ аран̃н̃з нааг̇аванз бавад̇д̇аг̇зд̇хаа. сукааяад̇ийд̇и сукам̣ аяад̇и бавад̇д̇зд̇и, ‘‘сукам̣ харад̇ий’’д̇и ваа баато. д̣ин̣д̣имо аанаго. нихид̇асаб̣б̣аван̇гад̣̇осод̇и абаг̇ад̇асаб̣б̣асаатзяяад̣̇осо. абанийд̇агасаавод̇и абзд̇асаарамбхагасааво.
217.Gahetuṃ samatthoti gaṇikārahatthinīhi upalāpetvā araññahatthiṃ vacanavasena gahetuṃ samattho. Atipassitvā atiṭṭhānavasena passitvā. Etthagedhāti etasmiṃ araññe nāgavane pavattagedhā. Sukhāyatīti sukhaṃ ayati pavatteti, ‘‘sukhaṃ haratī’’ti vā pāṭho. Ḍiṇḍimo ānako. Nihitasabbavaṅkadosoti apagatasabbasāṭheyyadoso. Apanītakasāvoti apetasārambhakasāvo.
219. бан̃жагаамаг̇ун̣аниссид̇асийлаананд̇и агусалаанам̣. г̇зхассид̇асийлаананд̇и ваа ваддасанниссид̇асийлаанам̣.
219.Pañcakāmaguṇanissitasīlānanti akusalānaṃ. Gehassitasīlānanti vā vaṭṭasannissitasīlānaṃ.
222. зса наяо саб̣б̣ад̇т̇аад̇и, ‘‘маж̇жхимо, д̣̇ахаро’’д̇и ааг̇ад̇зсу убамааваарзсу, ‘‘т̇зро’’д̇иаад̣̇инаа ааг̇ад̇зсу убамзяяаваарзсууд̇и бан̃жасу сам̣гилзсабагкиязсу ваарзсу зса яат̇аавуд̇д̇ова наяод̇и взд̣̇ид̇аб̣б̣о. сзсам̣ сувин̃н̃зяяамзва.
222.Esanayo sabbatthāti, ‘‘majjhimo, daharo’’ti āgatesu upamāvāresu, ‘‘thero’’tiādinā āgatesu upameyyavāresūti pañcasu saṃkilesapakkhiyesu vāresu esa yathāvuttova nayoti veditabbo. Sesaṃ suviññeyyameva.
д̣̇анд̇абхуумисуд̇д̇аван̣н̣анааяа лийнад̇т̇аббагаасанаа самад̇д̇аа.
Dantabhūmisuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. д̣̇анд̇абхуумисуд̇д̇ам̣ • 5. Dantabhūmisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. д̣̇анд̇абхуумисуд̇д̇аван̣н̣анаа • 5. Dantabhūmisuttavaṇṇanā
