| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
10. д̣̇анд̇абонасигкаабад̣̇ам̣
10. Dantaponasikkhāpadaṃ
263. д̣̇асамз д̣̇анд̇агадтанд̇и д̣̇анд̇абонам̣. д̇ан̃хи д̣̇анд̇о гасийяад̇и вилзкийяад̇и анзнаад̇и ‘‘д̣̇анд̇агадта’’нд̇и вужжад̇и. ‘‘саб̣б̣а’’нд̇и аад̣̇инаа саб̣б̣амзва бам̣сугуулам̣ саб̣б̣абам̣сугуулам̣, д̇амассад̇т̇ийд̇и ‘‘саб̣б̣абам̣сугуулиго’’д̇и ад̇т̇ам̣ д̣̇ассзд̇и. сод̇и бхигку барибхун̃ж̇ад̇и гираад̇и самб̣анд̇хо. сусаанзд̇и аал̣аханз. д̇ан̃хи чаваанам̣ саяанадтаанад̇д̇аа ‘‘сусаана’’нд̇и вужжад̇и нируд̇д̇инаязна. д̇ад̇т̇аад̇и сусаанз. буна д̇ад̇т̇аад̇и звамзва. аяяасаруубан̃жа восаадид̇агасаруубан̃жа д̣̇ассзд̇ум̣ вуд̇д̇ам̣ ‘‘аяяавосаадид̇агаанийд̇и зд̇т̇аа’’д̇и. д̇ад̇т̇а ‘‘аяяаа…бз… бид̇аамахаа’’д̇ииминаа аяяасаруубам̣ д̣̇ассзд̇и. ‘‘во…бз… бхож̇анийяааний’’д̇ииминаа восаадид̇агасаруубам̣. аяяасан̇каад̇аанам̣ бид̇ибид̇аамахаанам̣ ад̇т̇ааяа, д̇з ваа уд̣̇д̣̇исса чад̣д̣ид̇аани восаадид̇агасан̇кад̇аани каад̣̇анийяабхож̇анийяаани аяяавосаадид̇агаанийд̇и виг̇г̇ахо гаад̇аб̣б̣о. мануссаа табзнд̇и гираад̇и самб̣анд̇хо. яанд̇и каад̣̇анийяабхож̇анийяам̣. д̇зсанд̇и н̃аад̇агаанам̣. бин̣д̣ам̣ бин̣д̣ам̣ гад̇ваад̇и сан̇гхаадам̣ сан̇гхаадам̣ гад̇ваа. ан̃н̃анд̇и вуд̇д̇акаад̣̇анийяабхож̇анийяад̇о ан̃н̃ам̣. уммаарзбийд̇и сусаанасса инд̣̇акийлзби. со хи уд̣̇д̇хадо гилзсамааро зд̇т̇аад̇и ‘‘уммааро’’д̇и вужжад̇и. б̣од̇хисад̇д̇о хи абхинигкаманагаалз буд̇д̇ам̣ жумб̣иссаамийд̇и оварагасса инд̣̇акийлз тад̇ваа бассанд̇о маад̇арам̣ буд̇д̇асса налаадз хад̇т̇ам̣ табзд̇ваа саяанд̇им̣ д̣̇исваа ‘‘сажз мз буд̇д̇ам̣ г̇ан̣хзяяам̣, маад̇аа д̇асса баб̣уж̇жхзяяа, баб̣уж̇жхамаанааяа анд̇арааяо бхавзяяаа’’д̇и абхинигкамананд̇арааяабхаязна буд̇д̇ад̣̇аарз барижжаж̇ид̇ваа инд̣̇акийлад̇о нивад̇д̇ид̇ваа махаабхинигкаманам̣ нигками. д̇асмаа б̣од̇хисад̇д̇асса тад̇ваа буд̇д̇ад̣̇аарзсу абзгкаасан̇каад̇асса маарасса уд̣̇д̇хададтаанад̇д̇аа со инд̣̇акийло ниббарияааязна ‘‘уммааро’’д̇и вужжад̇и, ан̃н̃з бана руул̣хийвасзна. т̇ирод̇и т̇ад̣̇д̇хо. гханаб̣ад̣̇д̇ход̇и гханзна б̣ад̣̇д̇хо. гат̇инзна мам̣сзна ааб̣ад̣̇д̇ход̇и ад̇т̇о. ватад̇и т̇ууло бхавад̇ийд̇и вато, муд̣̇д̇хаж̇ад̣̇уд̇ияояам̣, со ассад̇т̇ийд̇и ватарод̇и д̣̇ассзнд̇о ааха ‘‘ватарод̇и т̇ууло’’д̇и. ‘‘саллагкзмаа’’д̇ииминаа ‘‘ман̃н̃з’’д̇и зд̇т̇а манад̇хаад̇у саллагкан̣ад̇т̇о, магаарассзгаарод̇и д̣̇ассзд̇и. хийд̇и сажжам̣. д̇зсанд̇и мануссаанам̣.
263. Dasame dantakaṭṭhanti dantaponaṃ. Tañhi danto kasīyati vilekhīyati anenāti ‘‘dantakaṭṭha’’nti vuccati. ‘‘Sabba’’nti ādinā sabbameva paṃsukūlaṃ sabbapaṃsukūlaṃ, tamassatthīti ‘‘sabbapaṃsukūliko’’ti atthaṃ dasseti. Soti bhikkhu paribhuñjati kirāti sambandho. Susāneti āḷahane. Tañhi chavānaṃ sayanaṭṭhānattā ‘‘susāna’’nti vuccati niruttinayena. Tatthāti susāne. Puna tatthāti evameva. Ayyasarūpañca vosāṭitakasarūpañca dassetuṃ vuttaṃ ‘‘ayyavosāṭitakānīti etthā’’ti. Tattha ‘‘ayyā…pe… pitāmahā’’tiiminā ayyasarūpaṃ dasseti. ‘‘Vo…pe… bhojanīyānī’’tiiminā vosāṭitakasarūpaṃ. Ayyasaṅkhātānaṃ pitipitāmahānaṃ atthāya, te vā uddissa chaḍḍitāni vosāṭitakasaṅkhatāni khādanīyabhojanīyāni ayyavosāṭitakānīti viggaho kātabbo. Manussā ṭhapenti kirāti sambandho. Yanti khādanīyabhojanīyaṃ. Tesanti ñātakānaṃ. Piṇḍaṃ piṇḍaṃ katvāti saṅghāṭaṃ saṅghāṭaṃ katvā. Aññanti vuttakhādanīyabhojanīyato aññaṃ. Ummārepīti susānassa indakhīlepi. So hi uddhaṭo kilesamāro etthāti ‘‘ummāro’’ti vuccati. Bodhisatto hi abhinikkhamanakāle puttaṃ cumbissāmīti ovarakassa indakhīle ṭhatvā passanto mātaraṃ puttassa nalāṭe hatthaṃ ṭhapetvā sayantiṃ disvā ‘‘sace me puttaṃ gaṇheyyaṃ, mātā tassa pabujjheyya, pabujjhamānāya antarāyo bhaveyyā’’ti abhinikkhamanantarāyabhayena puttadāre pariccajitvā indakhīlato nivattitvā mahābhinikkhamanaṃ nikkhami. Tasmā bodhisattassa ṭhatvā puttadāresu apekkhāsaṅkhātassa mārassa uddhaṭaṭṭhānattā so indakhīlo nippariyāyena ‘‘ummāro’’ti vuccati, aññe pana rūḷhīvasena. Thiroti thaddho. Ghanabaddhoti ghanena baddho. Kathinena maṃsena ābaddhoti attho. Vaṭhati thūlo bhavatīti vaṭho, muddhajadutiyoyaṃ, so assatthīti vaṭharoti dassento āha ‘‘vaṭharoti thūlo’’ti. ‘‘Sallakkhemā’’tiiminā ‘‘maññe’’ti ettha manadhātu sallakkhaṇattho, makārassekāroti dasseti. Hīti saccaṃ. Tesanti manussānaṃ.
264. саммаад̇и авибарийд̇ам̣. асаллагкзд̇ваад̇и аахаарасад̣̇д̣̇асса каад̣̇анийяабхож̇анийяаад̣̇ийсу нируул̣хабхаавам̣ аман̃н̃ид̇ваа. бхаг̇аваа бана табзсийд̇и самб̣анд̇хо. яат̇аауббаннассаад̇и язнаагаарзна уббаннасса . бид̇аа буд̇д̇асан̇каад̇з д̣̇аарагз сан̃н̃аабзнд̇о вияа бхаг̇аваа д̇з бхигкуу сан̃н̃аабзнд̇од̇и яож̇анаа.
264.Sammāti aviparītaṃ. Asallakkhetvāti āhārasaddassa khādanīyabhojanīyādīsu nirūḷhabhāvaṃ amaññitvā. Bhagavā pana ṭhapesīti sambandho. Yathāuppannassāti yenākārena uppannassa . Pitā puttasaṅkhāte dārake saññāpento viya bhagavā te bhikkhū saññāpentoti yojanā.
265. зд̇ад̣̇зваад̇и д̇ин̣н̣амаагаараанаман̃н̃ад̇аравасзна ад̣̇иннамзва санд̇хааяаад̇и самб̣анд̇хо. хийд̇и сажжам̣. маад̇игааяам̣ ‘‘д̣̇инна’’нд̇и вуд̇д̇адтаанам̣ над̇т̇и, ат̇а гасмаа бад̣̇абхааж̇анзязва вуд̇д̇анд̇и ааха ‘‘д̣̇иннанд̇и ид̣̇а’’нд̇иаад̣̇и. ‘‘д̣̇инна’’нд̇и ид̣̇ам̣ уд̣̇д̇хаданд̇и самб̣анд̇хо. ассаад̇и ‘‘д̣̇инна’’нд̇и бад̣̇асса. нид̣̇д̣̇зсз жа ‘‘гааязна…бз… д̣̇знд̇з’’д̇и уд̣̇д̇хаданд̇и яож̇анаа. званд̇и имзхи д̇ийхаагаарзхи д̣̇ад̣̇амаанзд̇и самб̣анд̇хо. званд̇и имзхи д̣̇вийхаагаарзхи . аад̣̇ийяамаананд̇и самб̣анд̇хо. рат̇арзн̣умбийд̇и рат̇игавийт̇ияам̣ удтид̇абам̣сумби. буб̣б̣зд̇и батамабавааран̣асигкаабад̣̇з. звам̣ бадиг̇г̇ахид̇ам̣ зд̇ам̣ аахаарам̣ д̣̇иннам̣ наама вужжад̇ийд̇и яож̇анаа. ‘‘зд̇амзваа’’д̇и звасса самбхавад̇о д̇асса палам̣ д̣̇ассзд̇ум̣ вуд̇д̇ам̣ ‘‘на ид̣̇а’’нд̇иаад̣̇и. ниссадтам̣ на вужжад̇ийд̇и яож̇анаа.
265.Etadevāti tiṇṇamākārānamaññataravasena adinnameva sandhāyāti sambandho. Hīti saccaṃ. Mātikāyaṃ ‘‘dinna’’nti vuttaṭṭhānaṃ natthi, atha kasmā padabhājaneyeva vuttanti āha ‘‘dinnanti ida’’ntiādi. ‘‘Dinna’’nti idaṃ uddhaṭanti sambandho. Assāti ‘‘dinna’’nti padassa. Niddese ca ‘‘kāyena…pe… dente’’ti uddhaṭanti yojanā. Evanti imehi tīhākārehi dadamāneti sambandho. Evanti imehi dvīhākārehi . Ādīyamānanti sambandho. Rathareṇumpīti rathikavīthiyaṃ uṭṭhitapaṃsumpi. Pubbeti paṭhamapavāraṇasikkhāpade. Evaṃ paṭiggahitaṃ etaṃ āhāraṃ dinnaṃ nāma vuccatīti yojanā. ‘‘Etamevā’’ti evassa sambhavato tassa phalaṃ dassetuṃ vuttaṃ ‘‘na ida’’ntiādi. Nissaṭṭhaṃ na vuccatīti yojanā.
д̇ад̇т̇аад̇и ‘‘гааязнаа’’д̇иаад̣̇иважанз. хийд̇и сажжам̣. над̇т̇у гарийяад̇и имааяаад̇и над̇т̇угаран̣ий, д̇ааяа. наасаабудзна бадиг̇г̇ан̣хаад̇ийд̇и самб̣анд̇хо. агаллагод̇и г̇илаано. хийд̇и сажжам̣. гааязна бадиб̣ад̣̇д̇хо гааяабадиб̣ад̣̇д̇хо гадажчуаад̣̇ийд̇и ааха ‘‘гадажчуаад̣̇ийсуу’’д̇иаад̣̇и. хийд̇и сажжам̣. баад̇ияамаананд̇и баад̇аабияамаанам̣.
Tatthāti ‘‘kāyenā’’tiādivacane. Hīti saccaṃ. Natthu karīyati imāyāti natthukaraṇī, tāya. Nāsāpuṭena paṭiggaṇhātīti sambandho. Akallakoti gilāno. Hīti saccaṃ. Kāyena paṭibaddho kāyapaṭibaddho kaṭacchuādīti āha ‘‘kaṭacchuādīsū’’tiādi. Hīti saccaṃ. Pātiyamānanti pātāpiyamānaṃ.
зд̇т̇аад̇и имасмим̣ сигкаабад̣̇з. ‘‘бан̃жахан̇г̇зхий’’д̇и бад̣̇асса вид̇т̇аарам̣ д̣̇ассзнд̇о ааха ‘‘т̇аамамаж̇жхимассаа’’д̇иаад̣̇и. д̇анд̇и д̣̇аад̇аб̣б̣авад̇т̇ум̣.
Etthāti imasmiṃ sikkhāpade. ‘‘Pañcahaṅgehī’’ti padassa vitthāraṃ dassento āha ‘‘thāmamajjhimassā’’tiādi. Tanti dātabbavatthuṃ.
д̇ад̇т̇аад̇и ‘‘хад̇т̇абаасо бан̃н̃ааяад̇ий’’д̇иважанз. г̇ажчанд̇оби тид̇знзва сан̇г̇ахид̇о. бхуумадтассаад̇и бхуумияам̣ тид̇асса. аагаасадтассаад̇и аагаасз тид̇асса. ‘‘хад̇т̇ам̣ ан̇г̇а’’нд̇и бад̣̇зхи аваяависамб̣анд̇хо гаад̇аб̣б̣о. вуд̇д̇анаязнзваад̇и ‘‘бхуумадтасса жа сийсзнаа’’д̇иаад̣̇инаа вуд̇д̇анаязнзва. багкийд̇и сагун̣о. со хи багкаяуд̇д̇ад̇д̇аа багкийд̇и вужжад̇и. хад̇т̇ийд̇и гун̃ж̇аро. со хи сон̣д̣асан̇каад̇ахад̇т̇аяуд̇д̇ад̇д̇аа хад̇т̇ийд̇и вужжад̇и. ад̣̇д̇хзна адтамам̣ рад̇анамассаад̇и ад̣̇д̇хадтамарад̇ано, хад̇т̇ий, д̇асса. д̇знаад̇и хад̇т̇инаа.
Tatthāti ‘‘hatthapāso paññāyatī’’tivacane. Gacchantopi ṭhiteneva saṅgahito. Bhūmaṭṭhassāti bhūmiyaṃ ṭhitassa. Ākāsaṭṭhassāti ākāse ṭhitassa. ‘‘Hatthaṃ aṅga’’nti padehi avayavisambandho kātabbo. Vuttanayenevāti ‘‘bhūmaṭṭhassa ca sīsenā’’tiādinā vuttanayeneva. Pakkhīti sakuṇo. So hi pakkhayuttattā pakkhīti vuccati. Hatthīti kuñjaro. So hi soṇḍasaṅkhātahatthayuttattā hatthīti vuccati. Addhena aṭṭhamaṃ ratanamassāti addhaṭṭhamaratano, hatthī, tassa. Tenāti hatthinā.
зго д̣̇ааяаго вад̣̇ад̇ийд̇и самб̣анд̇хо. он̣амад̇ийд̇и хздтаа намад̇и. зд̇д̇аавад̇аад̇и згад̣̇зсасамбадижчанамад̇д̇зна. д̇ад̇од̇и самбадижчанад̇о. уг̇гхаадзд̇ваад̇и виварид̇ваа. гааж̇знаад̇и б̣яаабхан̇г̇ияаа. саа хи гажад̇и б̣анд̇хад̇и вивид̇хам̣ бхаарам̣ асминд̇и гаажод̇и вужжад̇и, жагаарасса ж̇агаарз гад̇з гааж̇оби яуд̇д̇оязва. д̇им̣са хад̇т̇аа рад̇анаани имассаад̇и д̇им̣сахад̇т̇о, взн̣у. г̇ул̣агумбход̇и паан̣ид̇зна буурид̇о гхадо. бадиг̇г̇ахид̇амзваад̇и гумбхзсу хад̇т̇абаасад̇о б̣ахи тид̇зсуби абхихаарагасса хад̇т̇абаасз тид̇ад̇д̇аа бадиг̇г̇ахид̇амзваад̇и вуд̇д̇ам̣ ход̇и. ужчуяанд̇ад̣̇он̣ид̇од̇и ужчум̣ бийл̣анаяанд̇асса амб̣ан̣ад̇о.
Eko dāyako vadatīti sambandho. Oṇamatīti heṭṭhā namati. Ettāvatāti ekadesasampaṭicchanamattena. Tatoti sampaṭicchanato. Ugghāṭetvāti vivaritvā. Kājenāti byābhaṅgiyā. Sā hi kacati bandhati vividhaṃ bhāraṃ asminti kācoti vuccati, cakārassa jakāre kate kājopi yuttoyeva. Tiṃsa hatthā ratanāni imassāti tiṃsahattho, veṇu. Guḷakumbhoti phāṇitena pūrito ghaṭo. Paṭiggahitamevāti kumbhesu hatthapāsato bahi ṭhitesupi abhihārakassa hatthapāse ṭhitattā paṭiggahitamevāti vuttaṃ hoti. Ucchuyantadoṇitoti ucchuṃ pīḷanayantassa ambaṇato.
б̣ахуу бад̇д̇аа табид̇аа хонд̇ийд̇и самб̣анд̇хо. яад̇т̇аад̇и яасмим̣ таанз. тид̇асса бхигкуно хад̇т̇абаасзд̇и яож̇анаа. тад̇ваа пусид̇ваа ‘‘нисиннасса бхигкуно’’д̇и баатасзсзна яож̇зд̇аб̣б̣ам̣. тид̇зна ваа нисиннзна ваа нибаннзна ваа д̣̇ааяагзна д̣̇ияяад̇ийд̇и самб̣анд̇хо.
Bahū pattā ṭhapitā hontīti sambandho. Yatthāti yasmiṃ ṭhāne. Ṭhitassa bhikkhuno hatthapāseti yojanā. Ṭhatvā phusitvā ‘‘nisinnassa bhikkhuno’’ti pāṭhasesena yojetabbaṃ. Ṭhitena vā nisinnena vā nipannena vā dāyakena diyyatīti sambandho.
бат̇авияам̣ тид̇аа хонд̇ийд̇и самб̣анд̇хо. яам̣ яанд̇и яам̣ яам̣ бад̇д̇ам̣. яад̇т̇а гад̇т̇ажийд̇и язсу гзсужийд̇и самб̣анд̇хо. д̇анд̇и д̇ам̣ важанам̣.
Pathaviyaṃ ṭhitā hontīti sambandho. Yaṃ yanti yaṃ yaṃ pattaṃ. Yattha katthacīti yesu kesucīti sambandho. Tanti taṃ vacanaṃ.
д̇ад̇т̇а д̇асмим̣ таанз ж̇аад̇о д̇ад̇т̇аж̇аад̇о, алуд̇д̇асамаасояам̣, соязва д̇ад̇т̇аж̇аад̇аго, д̇асмим̣. хийд̇и сажжам̣, яасмаа ваа. д̇ад̇т̇аж̇аад̇агз на рухад̇и яат̇аа, звам̣ на рухад̇иязваад̇и яож̇анаа. т̇аамамаж̇жхимзна бурисзна судту харид̇аб̣б̣анд̇и сам̣хаарияам̣, д̇ам̣язва сам̣хааримам̣ яагаарасса магаарам̣ гад̇ваа, на сам̣хааримам̣ асам̣хааримам̣, д̇асмим̣. д̇збийд̇и д̇з асам̣хааримааби. хийд̇и сажжам̣, яасмаа ваа. д̇ад̇т̇аж̇аад̇агасан̇кзбуубаг̇аад̇и д̇ад̇т̇аж̇аад̇агз самод̇хаанзд̇ваа кзбам̣ багкзбам̣ убаг̇ад̇аа. хийд̇и сажжам̣, яасмаа ваа. ид̣̇ан̃хи ваагяанд̇арад̇д̇аа бунаббунам̣ вуд̇д̇анд̇и д̣̇адтаб̣б̣ам̣. д̇аанийд̇и д̇инд̇ин̣игаад̣̇ибан̣н̣аани. санд̇хаарзд̇унд̇и саммаа д̇хаарзд̇ум̣. тид̇о д̣̇ааяагод̇и самб̣анд̇хо.
Tattha tasmiṃ ṭhāne jāto tatthajāto, aluttasamāsoyaṃ, soyeva tatthajātako, tasmiṃ. Hīti saccaṃ, yasmā vā. Tatthajātake na ruhati yathā, evaṃ na ruhatiyevāti yojanā. Thāmamajjhimena purisena suṭṭhu haritabbanti saṃhāriyaṃ, taṃyeva saṃhārimaṃ yakārassa makāraṃ katvā, na saṃhārimaṃ asaṃhārimaṃ, tasmiṃ. Tepīti te asaṃhārimāpi. Hīti saccaṃ, yasmā vā. Tatthajātakasaṅkhepūpagāti tatthajātake samodhānetvā khepaṃ pakkhepaṃ upagatā. Hīti saccaṃ, yasmā vā. Idañhi vākyantarattā punappunaṃ vuttanti daṭṭhabbaṃ. Tānīti tintiṇikādipaṇṇāni. Sandhāretunti sammā dhāretuṃ. Ṭhito dāyakoti sambandho.
лад̣̇д̇хасса лад̣̇д̇хасса вад̇т̇усса саннид̇хидтаанад̇д̇аа, багкид̇д̇адтаанад̇д̇аа ваа т̇авийяад̇и басам̣сийяад̇ийд̇и т̇авигаа, д̇ад̇о. бун̃чид̇ваа бадиг̇г̇ахзд̇ваад̇и ‘‘бун̃чид̇ваа ваа бадиг̇г̇ахзд̇ваа ваа’’д̇и анияамавигаббад̇т̇о ваасад̣̇д̣̇о аж̇жхаахарид̇аб̣б̣о. д̇зсу д̇зсу вад̇т̇уусу ран̃ж̇ад̇и лаг̇г̇ад̇ийд̇и раж̇о, д̇ам̣. винаяз бан̃н̃ад̇д̇ам̣ д̣̇уггадам̣ винаяад̣̇уггадам̣. д̇ам̣ банаад̇и бхигкам̣ бана. бадиг̇г̇ахзд̇ваа д̣̇зт̇аад̇и мам̣ бадиг̇г̇ахаабзд̇ваа мама д̣̇зт̇аад̇и ад̇хиббааяо.
Laddhassa laddhassa vatthussa sannidhiṭṭhānattā, pakkhittaṭṭhānattā vā thavīyati pasaṃsīyatīti thavikā, tato. Puñchitvā paṭiggahetvāti ‘‘puñchitvā vā paṭiggahetvā vā’’ti aniyamavikappattho vāsaddo ajjhāharitabbo. Tesu tesu vatthūsu rañjati laggatīti rajo, taṃ. Vinaye paññattaṃ dukkaṭaṃ vinayadukkaṭaṃ. Taṃ panāti bhikkhaṃ pana. Paṭiggahetvā dethāti maṃ paṭiggahāpetvā mama dethāti adhippāyo.
д̇ад̇о д̇ад̇од̇и д̇асмаа д̇асмаа таанаа удтаабзд̇ваад̇и самб̣анд̇хо. д̇анд̇и бхигкам̣. д̇ассаад̇и анубасамбаннасса.
Tato tatoti tasmā tasmā ṭhānā uṭṭhāpetvāti sambandho. Tanti bhikkhaṃ. Tassāti anupasampannassa.
со вад̇д̇аб̣б̣од̇и со д̣̇ияяамаано бхигку д̣̇ааяагзна бхигкунаа вад̇д̇аб̣б̣од̇и яож̇анаа. иманд̇и сараж̇абад̇д̇ам̣. д̇знаад̇и д̣̇ияяамаанабхигкунаа. д̇ат̇аа гаад̇аб̣б̣анд̇и яат̇аа д̣̇ааяагзна бхигкунаа вуд̇д̇ам̣, д̇ат̇аа гаад̇аб̣б̣анд̇и ад̇т̇о. ублавад̇ийд̇и убари г̇ажчад̇и, блу г̇ад̇ияанд̇и хи д̇хаад̇убаатзсу (сад̣̇д̣̇анийд̇ид̇хаад̇умаалааяам̣ 16 л̣агааранд̇ад̇хаад̇у) вуд̇д̇ам̣. зд̇т̇а уид̇и убасаг̇г̇асса ад̇т̇ад̣̇ассанад̇т̇ам̣ ‘‘убарий’’д̇и вуд̇д̇ам̣, багааралагаарасам̣яог̇о д̣̇адтаб̣б̣о. бод̇т̇агзсу бана ‘‘уббилавад̇ий’’д̇и ликанд̇и, со абаато. ган̃ж̇иганд̇и б̣илан̇г̇ам̣. д̇ан̃хи гзна ж̇алзна ан̃ж̇ияам̣ абхиб̣яад̇д̇ам̣ ассаад̇и ‘‘ган̃ж̇ияа’’нд̇и вужжад̇и, д̇амзва ган̃ж̇игам̣ яагаарасса гагаарам̣ гад̇ваа. д̇ам̣ баваахзд̇ваа, абанзд̇ваад̇и ад̇т̇о. яад̇т̇аад̇и яасмим̣ таанз. сугкамзва бхад̇д̇ам̣ бхаж̇ид̇аб̣б̣адтзна сзвид̇аб̣б̣адтзнаад̇и сугкабхад̇д̇ам̣, д̇асмим̣. бурад̇од̇и бхигкусса бурад̇о, буб̣б̣з ваа. пусид̇аанийд̇и б̣инд̣̇ууни. д̇аани хи самб̣аад̇хадтаанзсуби пусанд̇ийд̇и пусид̇аанийд̇и вужжанд̇и.
So vattabboti so diyyamāno bhikkhu dāyakena bhikkhunā vattabboti yojanā. Imanti sarajapattaṃ. Tenāti diyyamānabhikkhunā. Tathākātabbanti yathā dāyakena bhikkhunā vuttaṃ, tathā kātabbanti attho. Uplavatīti upari gacchati, plu gatiyanti hi dhātupāṭhesu (saddanītidhātumālāyaṃ 16 ḷakārantadhātu) vuttaṃ. Ettha uiti upasaggassa atthadassanatthaṃ ‘‘uparī’’ti vuttaṃ, pakāralakārasaṃyogo daṭṭhabbo. Potthakesu pana ‘‘uppilavatī’’ti likhanti, so apāṭho. Kañjikanti bilaṅgaṃ. Tañhi kena jalena añjiyaṃ abhibyattaṃ assāti ‘‘kañjiya’’nti vuccati, tameva kañjikaṃ yakārassa kakāraṃ katvā. Taṃ pavāhetvā, apanetvāti attho. Yatthāti yasmiṃ ṭhāne. Sukkhameva bhattaṃ bhajitabbaṭṭhena sevitabbaṭṭhenāti sukkhabhattaṃ, tasmiṃ. Puratoti bhikkhussa purato, pubbe vā. Phusitānīti bindūni. Tāni hi sambādhaṭṭhānesupi phusantīti phusitānīti vuccanti.
ул̣ун̇год̇и госияасагун̣анаамо д̣̇ийгхад̣̇ан̣д̣аго зго бхааж̇анависзсо, д̇зна. т̇зваад̇и пусид̇аани. д̇аани хи самб̣аад̇хадтаанзсуби пусид̇ад̇д̇аа т̇авийяанд̇и басам̣сийяанд̇ийд̇и ‘‘т̇зваа’’д̇и вужжанд̇и. жаругзнаад̇и жарийяад̇и бхагкийяад̇ийд̇и жару, хаб̣яабааго, д̇ам̣ гарод̇и анзнаад̇и жаругам̣, т̇ааляаад̣̇игам̣ куд̣̇д̣̇агабхааж̇анам̣, д̇зна аагирияамаанзд̇и самб̣анд̇хо. гаал̣аван̣н̣агаамзхи маанийяад̇ийд̇и маси. каад̣̇ад̇ийд̇и чааро кагаарасса чагаарам̣, д̣̇агаарасса жа рагаарам̣ гад̇ваа, каарарасо, со имиссад̇т̇ийд̇и чааригаа. уббад̇ид̇ваад̇и уд̣̇д̇хам̣ г̇анд̇ваа. хийд̇и сажжам̣, яасмаа ваа.
Uḷuṅkoti kosiyasakuṇanāmo dīghadaṇḍako eko bhājanaviseso, tena. Thevāti phusitāni. Tāni hi sambādhaṭṭhānesupi phusitattā thavīyanti pasaṃsīyantīti ‘‘thevā’’ti vuccanti. Carukenāti carīyati bhakkhīyatīti caru, habyapāko, taṃ karoti anenāti carukaṃ, thālyādikaṃ khuddakabhājanaṃ, tena ākiriyamāneti sambandho. Kāḷavaṇṇakāmehi mānīyatīti masi. Khādatīti chāro khakārassa chakāraṃ, dakārassa ca rakāraṃ katvā, khāraraso, so imissatthīti chārikā. Uppatitvāti uddhaṃ gantvā. Hīti saccaṃ, yasmā vā.
паалзд̇ваад̇и чинд̣̇ид̇ваа. д̣̇знд̇аанам̣ анубасамбаннаананд̇и самб̣анд̇хо. бааяаасассаад̇и бааяаасзна. д̇ат̇аабийд̇и д̇зна мукаваддияаа г̇ахан̣аагаарзнаби.
Phāletvāti chinditvā. Dentānaṃ anupasampannānanti sambandho. Pāyāsassāti pāyāsena. Tathāpīti tena mukhavaṭṭiyā gahaṇākārenapi.
аабхог̇ам̣ гад̇ваад̇и ‘‘бадиг̇г̇ахзссаамий’’д̇и манасигаарам̣ гад̇ваа. сод̇и нид̣̇д̣̇ам̣ огганд̇о бхигку. ваддад̇иязваад̇и аабхог̇асса гад̇ад̇д̇аа ваддад̇иязва. анаад̣̇аранд̇и анаад̣̇арзна, гаран̣ад̇т̇з жзд̇ам̣ убаяог̇аважанам̣, анаад̣̇арам̣ худ̇ваад̇и ваа яож̇зд̇аб̣б̣ам̣. гзжийд̇и абхаяаг̇ириваасино. гааязна бадиб̣ад̣̇д̇хо гааяабадиб̣ад̣̇д̇хо, д̇зна бадиб̣ад̣̇д̇хо гааяабадиб̣ад̣̇д̇хабадиб̣ад̣̇д̇хо , д̇зна. важанамад̇д̇амзваад̇и ‘‘бадиб̣ад̣̇д̇хабадиб̣ад̣̇д̇ха’’нд̇и згам̣ ад̇ирзгам̣ бадиб̣ад̣̇д̇хаважанамад̇д̇амзва наанам̣, ад̇т̇ад̇о бана гааяабадиб̣ад̣̇д̇хамзваад̇и ад̇хиббааяо. яамбийд̇и яамби вад̇т̇у. д̇ад̇раад̇и д̇асмим̣ вадданз. д̇анд̇и ануж̇аананам̣.
Ābhogaṃ katvāti ‘‘paṭiggahessāmī’’ti manasikāraṃ katvā. Soti niddaṃ okkanto bhikkhu. Vaṭṭatiyevāti ābhogassa katattā vaṭṭatiyeva. Anādaranti anādarena, karaṇatthe cetaṃ upayogavacanaṃ, anādaraṃ hutvāti vā yojetabbaṃ. Kecīti abhayagirivāsino. Kāyena paṭibaddho kāyapaṭibaddho, tena paṭibaddho kāyapaṭibaddhapaṭibaddho, tena. Vacanamattamevāti ‘‘paṭibaddhapaṭibaddha’’nti ekaṃ atirekaṃ paṭibaddhavacanamattameva nānaṃ, atthato pana kāyapaṭibaddhamevāti adhippāyo. Yampīti yampi vatthu. Tatrāti tasmiṃ vaṭṭane. Tanti anujānanaṃ.
нзяяо ад̇хиббааяам̣ нзд̇ваа н̃аад̇о ад̇т̇о имассаад̇и нзяяад̇т̇ам̣. зд̇т̇аад̇и суд̇д̇з, суд̇д̇асса ваа. яанд̇и вад̇т̇у бад̇ад̇ийд̇и самб̣анд̇хо. бариг̇ал̣ид̇ваад̇и бхассид̇ваа. суд̣̇д̇хааяаад̇и нираж̇ааяа. сааманд̇и саяам̣. бун̃чид̇ваа ваад̇иаад̣̇ийсу д̇аяо ваасад̣̇д̣̇аа анияамавигаббад̇т̇аа. бун̃чид̇аад̣̇ийсу хи згасмим̣ гижжз гад̇з ид̇арагижжам̣ гаад̇аб̣б̣ам̣ над̇т̇ийд̇и ад̇хиббааяо. д̇знаад̇и д̇зна бхигкунаа, ‘‘аахараабзд̇умбий’’д̇ибад̣̇з гаарид̇агаммам̣. ‘‘гасмаа на ваддад̇ий’’д̇и бужчаа. хийд̇и вид̇т̇ааро. вад̣̇анд̇зна бхаг̇авад̇аад̇и самб̣анд̇хо. зд̇т̇аад̇и суд̇д̇аважанзсу. ‘‘барижжад̇д̇ам̣ д̇ам̣ бхигкавз д̣̇ааяагзхий’’д̇и важанзнаад̇и яож̇анаа. ад̇хиббааяод̇и нийд̇ад̇т̇о ад̇хиббааяо, ниббарияааязна ид̇ад̇т̇о н̃аад̇ад̇т̇о ад̇хиббааяод̇и вуд̇д̇ам̣ ход̇и.
Neyyo adhippāyaṃ netvā ñāto attho imassāti neyyatthaṃ. Etthāti sutte, suttassa vā. Yanti vatthu patatīti sambandho. Parigaḷitvāti bhassitvā. Suddhāyāti nirajāya. Sāmanti sayaṃ. Puñchitvā vātiādīsu tayo vāsaddā aniyamavikappatthā. Puñchitādīsu hi ekasmiṃ kicce kate itarakiccaṃ kātabbaṃ natthīti adhippāyo. Tenāti tena bhikkhunā, ‘‘āharāpetumpī’’tipade kāritakammaṃ. ‘‘Kasmā na vaṭṭatī’’ti pucchā. Hīti vitthāro. Vadantena bhagavatāti sambandho. Etthāti suttavacanesu. ‘‘Pariccattaṃ taṃ bhikkhave dāyakehī’’ti vacanenāti yojanā. Adhippāyoti nītattho adhippāyo, nippariyāyena itattho ñātattho adhippāyoti vuttaṃ hoti.
звам̣ нийд̇ад̇т̇амад̇хиббааяам̣ д̣̇ассзд̇ваа нзяяад̇т̇а, мад̇хиббааяам̣ д̣̇ассзнд̇о ааха ‘‘яасмаа жаа’’д̇и аад̣̇и. д̇анд̇и барибхун̃ж̇анам̣ анун̃н̃аад̇анд̇и самб̣анд̇хо. д̣̇уд̇ияад̣̇ивасзбийд̇и бисад̣̇д̣̇о самбин̣д̣анад̇т̇о, абарад̣̇ивасзбийд̇и ад̇т̇о. ад̇хиббааяод̇и нзяяад̇т̇о ад̇хиббааяо нзд̇ваа ияяад̇т̇о н̃аад̇ад̇т̇о ад̇хиббааяод̇и вуд̇д̇ам̣ ход̇и.
Evaṃ nītatthamadhippāyaṃ dassetvā neyyattha, madhippāyaṃ dassento āha ‘‘yasmā cā’’ti ādi. Tanti paribhuñjanaṃ anuññātanti sambandho. Dutiyadivasepīti pisaddo sampiṇḍanattho, aparadivasepīti attho. Adhippāyoti neyyattho adhippāyo netvā iyyattho ñātattho adhippāyoti vuttaṃ hoti.
бхун̃ж̇анд̇аанам̣ бхигкуунанд̇и самб̣анд̇хо. хийд̇и вид̇т̇ааро. д̣̇анд̇аад̇и д̣̇асанаа. д̇з хи д̣̇ам̣сийяанд̇и бхагкийяанд̇и зд̇зхийд̇и ‘‘д̣̇анд̇аа’’д̇и вужжанд̇и. сад̇т̇ам̣язва сад̇т̇агам̣ куд̣̇д̣̇агадтзна, д̇зна бадиг̇г̇ахид̇зна сад̇т̇агзна. зд̇анд̇и малам̣. д̇анд̇и лохаг̇анд̇хамад̇д̇ам̣. барихаранд̇ийд̇и бадиг̇г̇ахзд̇ваа харанд̇и. хийд̇и сажжам̣, яасмаа ваа. д̇ам̣ сад̇т̇агам̣ барибхог̇ад̇т̇ааяа яасмаа на барихаранд̇и, д̇асмаа зсзва наяод̇и ад̇т̇о. уг̇г̇ахид̇абажжаяаа, саннид̇хибажжаяаа ваа д̣̇осо над̇т̇ийд̇и вуд̇д̇ам̣ ход̇и. д̇ад̇т̇аад̇и д̇зсу д̇аггакийрзсу. нийлигаад̇и нийлаван̣н̣аа снзхаа. аамагад̇аггаад̣̇ийсууд̇и абаггзсу д̇аггакийрзсу.
Bhuñjantānaṃ bhikkhūnanti sambandho. Hīti vitthāro. Dantāti dasanā. Te hi daṃsīyanti bhakkhīyanti etehīti ‘‘dantā’’ti vuccanti. Satthaṃyeva satthakaṃ khuddakaṭṭhena, tena paṭiggahitena satthakena. Etanti malaṃ. Tanti lohagandhamattaṃ. Pariharantīti paṭiggahetvā haranti. Hīti saccaṃ, yasmā vā. Taṃ satthakaṃ paribhogatthāya yasmā na pariharanti, tasmā eseva nayoti attho. Uggahitapaccayā, sannidhipaccayā vā doso natthīti vuttaṃ hoti. Tatthāti tesu takkakhīresu. Nīlikāti nīlavaṇṇā snehā. Āmakatakkādīsūti apakkesu takkakhīresu.
гилидтауд̣̇аганд̇и самалам̣ уд̣̇агам̣. д̇ассаад̇и сааман̣зрасса. бад̇д̇аг̇ад̇ам̣ од̣̇ананд̇и самб̣анд̇хо. ассаад̇и сааман̣зрасса. уг̇г̇ахид̇агод̇и аваг̇ахид̇аго. ‘‘ун̃н̃аад̇о’’д̇иаад̣̇ийсу (сам̣. ни. 1.112) вияа угааро огааравибарийд̇о ход̇и, абадиг̇г̇ахзд̇ваа г̇ахид̇ад̇д̇аа д̣̇уг̇г̇ахид̇агод̇и вуд̇д̇ам̣ ход̇и.
Kiliṭṭhaudakanti samalaṃ udakaṃ. Tassāti sāmaṇerassa. Pattagataṃ odananti sambandho. Assāti sāmaṇerassa. Uggahitakoti avagahitako. ‘‘Uññāto’’tiādīsu (saṃ. ni. 1.112) viya ukāro okāraviparīto hoti, apaṭiggahetvā gahitattā duggahitakoti vuttaṃ hoti.
зд̇знаад̇и од̣̇анзна. бадиг̇г̇ахид̇амзва ход̇и хад̇т̇ад̇о амуд̇д̇ад̇д̇аад̇и ад̇хиббааяо.
Etenāti odanena. Paṭiggahitameva hoti hatthato amuttattāti adhippāyo.
буна бадиг̇г̇ахзд̇аб̣б̣ам̣ саабзгкз сад̇ийд̇и ад̇хиббааяо. зд̇д̇од̇и ид̇о бад̇д̇ад̇о. сааман̣зро багкибад̇ийд̇и самб̣анд̇хо. д̇ад̇од̇и бад̇д̇ад̇о. гзжийд̇и абхаяаг̇ириваасино. д̇анд̇и ‘‘буна бадиг̇г̇ахзд̇аб̣б̣а’’нд̇и вад̣̇анд̇аанам̣ гзсан̃жи аажарияаанам̣ важанам̣ взд̣̇ид̇аб̣б̣анд̇и самб̣анд̇хо. яанд̇и буувабхад̇д̇аад̣̇и.
Puna paṭiggahetabbaṃ sāpekkhe satīti adhippāyo. Ettoti ito pattato. Sāmaṇero pakkhipatīti sambandho. Tatoti pattato. Kecīti abhayagirivāsino. Tanti ‘‘puna paṭiggahetabba’’nti vadantānaṃ kesañci ācariyānaṃ vacanaṃ veditabbanti sambandho. Yanti pūvabhattādi.
ад̇д̇ано ваад̇и сааман̣зрасса ваа. сааман̣зраад̇и ааманд̇анам̣. д̇ассаад̇и сааман̣зрасса. бхааж̇анзд̇и яааг̇убажанагабхааж̇анз. яааг̇угуданд̇и яааг̇уяаа буурид̇ам̣ гудам̣. д̇анд̇и яааг̇угудам̣. ‘‘бхигкунаа бадиг̇г̇ан̣хаабзд̇у’’нд̇и гаарид̇агаммам̣ убанзд̇аб̣б̣ам̣. г̇ийвам̣ табзд̇ваа ааваж̇ж̇зд̇ийд̇и самб̣анд̇хо. ааваж̇ж̇зд̇ийд̇и барин̣аамзд̇и.
Attanovāti sāmaṇerassa vā. Sāmaṇerāti āmantanaṃ. Tassāti sāmaṇerassa. Bhājaneti yāgupacanakabhājane. Yāgukuṭanti yāguyā pūritaṃ kuṭaṃ. Tanti yāgukuṭaṃ. ‘‘Bhikkhunā paṭiggaṇhāpetu’’nti kāritakammaṃ upanetabbaṃ. Gīvaṃ ṭhapetvā āvajjetīti sambandho. Āvajjetīti pariṇāmeti.
бадиг̇г̇ахан̣уубаг̇ам̣ бхааранд̇и т̇аамамаж̇жхимзна бурисзна сам̣хааримам̣ бхаарам̣. б̣алавад̇аа сааман̣зрзнаад̇и самб̣анд̇хо. д̇злагхадам̣ ваад̇и д̇злзна багкид̇д̇ам̣ гхадам̣ ваа. лаг̇г̇знд̇ийд̇и ламб̣знд̇и. аяамзва ваа баато.
Paṭiggahaṇūpagaṃ bhāranti thāmamajjhimena purisena saṃhārimaṃ bhāraṃ. Balavatā sāmaṇerenāti sambandho. Telaghaṭaṃ vāti telena pakkhittaṃ ghaṭaṃ vā. Laggentīti lambenti. Ayameva vā pāṭho.
нааг̇асса д̣̇анд̇о вияаад̇и нааг̇ад̣̇анд̇аго, сад̣̇исад̇т̇з го. ан̇гийяад̇з лагкийяад̇з анзнаад̇и ан̇гусо, г̇аж̇амад̇т̇агамхи виж̇жханаган̣д̣аго. ан̇гусо вияаад̇и ан̇гусаго, д̇асмим̣ ан̇гусагз ваа лаг̇г̇ид̇аа хонд̇ийд̇и самб̣анд̇хо. г̇ан̣хад̇од̇и г̇ан̣ханд̇асса. ман̃жасса хздтаа хздтааман̃жо, д̇асмим̣. д̇анд̇и д̇злат̇аалагам̣.
Nāgassa danto viyāti nāgadantako, sadisatthe ko. Aṅkīyate lakkhīyate anenāti aṅkuso, gajamatthakamhi vijjhanakaṇḍako. Aṅkuso viyāti aṅkusako, tasmiṃ aṅkusake vā laggitā hontīti sambandho. Gaṇhatoti gaṇhantassa. Mañcassa heṭṭhā heṭṭhāmañco, tasmiṃ. Tanti telathālakaṃ.
аароханд̇зхи жа ороханд̇зхи жа нижжам̣ сзвийяад̇ийд̇и ниссзн̣ий, д̇ассаа маж̇жхам̣ ниссзн̣имаж̇жхам̣, д̇асмим̣. ган̣н̣з удтид̇ам̣ ган̣н̣игам̣, ган̣н̣амалам̣, ган̣н̣игам̣ вияа ган̣н̣игам̣, яат̇аа хи ган̣н̣амалам̣ ган̣н̣ад̇о удтахид̇ваа саяам̣ бавад̇д̇ад̇и, звам̣ д̇злаад̣̇ид̇о удтахид̇ваа саяам̣ бавад̇д̇ад̇ийд̇и вуд̇д̇ам̣ ход̇и. гханажун̣н̣анд̇и гат̇инажун̣н̣ам̣. д̇ам̣самудтаанамзва наамаад̇и д̇ад̇о д̇злаад̣̇ид̇о самудтаанамзва наама ход̇ийд̇и ад̇т̇о. зд̇анд̇и ган̣н̣игаад̣̇и. ид̣̇ам̣ бад̣̇ам̣ буб̣б̣аабараабзгкам̣.
Ārohantehi ca orohantehi ca niccaṃ sevīyatīti nisseṇī, tassā majjhaṃ nisseṇimajjhaṃ, tasmiṃ. Kaṇṇe uṭṭhitaṃ kaṇṇikaṃ, kaṇṇamalaṃ, kaṇṇikaṃ viya kaṇṇikaṃ, yathā hi kaṇṇamalaṃ kaṇṇato uṭṭhahitvā sayaṃ pavattati, evaṃ telādito uṭṭhahitvā sayaṃ pavattatīti vuttaṃ hoti. Ghanacuṇṇanti kathinacuṇṇaṃ. Taṃsamuṭṭhānameva nāmāti tato telādito samuṭṭhānameva nāma hotīti attho. Etanti kaṇṇikādi. Idaṃ padaṃ pubbāparāpekkhaṃ.
яод̇д̇знаад̇и раж̇ж̇унаа. ан̃н̃о д̣̇зд̇ийд̇и самб̣анд̇хо.
Yottenāti rajjunā. Añño detīti sambandho.
бависанд̇з жа нигкаманд̇з жа варад̇и ааварад̇и имааяаад̇и вад̇и, д̇ам̣. ужчууд̇и расаало. со хи усад̇и висам̣ д̣̇аахзд̇ийд̇и ужчууд̇и вужжад̇и, д̇ам̣. д̇имб̣арусаганд̇и д̇инд̣̇угам̣. д̇ан̃хи д̇змзд̇и бхун̃ж̇анд̇ам̣ буг̇г̇алам̣ ад̣̇д̣̇зд̇и расзнаад̇и д̇имб̣о, русад̇и куд̣̇д̣̇ид̇ам̣ наасзд̇ийд̇и русаго, д̇имб̣о жа со русаго жаад̇и ‘‘д̇имб̣арусаго’’д̇и вужжад̇и, д̇ам̣. вад̇ид̣̇ан̣д̣агзсууд̇и вад̇ияаа ад̇т̇ааяа нигкан̣ид̇зсу д̣̇ан̣д̣агзсу. маяам̣ банаад̇и сан̇г̇ахагаараажарияабхууд̇аа б̣уд̣̇д̇хагхосанаамагаа маяам̣ бана, ад̇д̇аанам̣ санд̇хааяа б̣ахуважанавасзна вуд̇д̇ам̣. на бут̇уло баагаарод̇и ад̣дхад̇зяяахад̇т̇абаасаанад̇иггамам̣ санд̇хааяа вуд̇д̇ам̣. хад̇т̇асад̇амбийд̇и рад̇анасад̇амби.
Pavisante ca nikkhamante ca varati āvarati imāyāti vati, taṃ. Ucchūti rasālo. So hi usati visaṃ dāhetīti ucchūti vuccati, taṃ. Timbarusakanti tindukaṃ. Tañhi temeti bhuñjantaṃ puggalaṃ addeti rasenāti timbo, rusati khudditaṃ nāsetīti rusako, timbo ca so rusako cāti ‘‘timbarusako’’ti vuccati, taṃ. Vatidaṇḍakesūti vatiyā atthāya nikkhaṇitesu daṇḍakesu. Mayaṃ panāti saṅgahakārācariyabhūtā buddhaghosanāmakā mayaṃ pana, attānaṃ sandhāya bahuvacanavasena vuttaṃ. Na puthulo pākāroti aḍḍhateyyahatthapāsānatikkamaṃ sandhāya vuttaṃ. Hatthasatampīti ratanasatampi.
сод̇и сааман̣зро. бхигкусса д̣̇зд̇ийд̇и яож̇анаа. абарод̇и сааман̣зро.
Soti sāmaṇero. Bhikkhussa detīti yojanā. Aparoti sāmaṇero.
палам̣ имиссад̇т̇ийд̇и палиний, инабажжаяо ид̇т̇илин̇г̇аж̇од̇аго ий, д̇ам̣ сааканд̇и яож̇анаа. палинисааканд̇и самаасад̇оби баато ад̇т̇и. мажчигавааран̣ад̇т̇анд̇и мад̇хупаан̣ид̇аад̣̇ийхи магканадтаанз нилийяанд̇ийд̇и магкигаа, д̇ааязва мажчигаа кагаарасса чагаарам̣ гад̇ваа, д̇аасам̣ нивааран̣ааяа. муулабадиг̇г̇ахамзваад̇и муулз бадиг̇г̇ахан̣амзва, батамабадиг̇г̇ахамзваад̇и вуд̇д̇ам̣ ход̇и.
Phalaṃ imissatthīti phalinī, inapaccayo itthiliṅgajotako ī, taṃ sākhanti yojanā. Phalinisākhanti samāsatopi pāṭho atthi. Macchikavāraṇatthanti madhuphāṇitādīhi makkhanaṭṭhāne nilīyantīti makkhikā, tāyeva macchikā khakārassa chakāraṃ katvā, tāsaṃ nivāraṇāya. Mūlapaṭiggahamevāti mūle paṭiggahaṇameva, paṭhamapaṭiggahamevāti vuttaṃ hoti.
бхигку г̇ажчад̇ийд̇и самб̣анд̇хо. арид̇д̇знаад̇и гзнибаад̇зна. д̇ан̃хи арад̇и нааваа г̇ажчад̇и анзнаад̇и арид̇д̇ам̣, д̇зна. д̇анд̇и бадиг̇г̇ахан̣аарахам̣ бхан̣д̣ам̣ . анубасамбаннзнаад̇и гаарид̇агаммам̣. д̇асмимбийд̇и жаадигун̣д̣агзби. д̇анд̇и анубасамбаннам̣.
Bhikkhu gacchatīti sambandho. Arittenāti kenipātena. Tañhi arati nāvā gacchati anenāti arittaṃ, tena. Tanti paṭiggahaṇārahaṃ bhaṇḍaṃ . Anupasampannenāti kāritakammaṃ. Tasmimpīti cāṭikuṇḍakepi. Tanti anupasampannaṃ.
баат̇зяяад̇ан̣д̣улзд̇и бат̇асса хид̇з д̇ан̣д̣улз. д̇зсанд̇и сааман̣зраанам̣. ид̇арзхийд̇и бхигкуухи г̇ахид̇ад̇ан̣д̣улзхи. саб̣б̣зхи бхигкуухи бхуд̇д̇анд̇и самб̣анд̇хо. зд̇т̇аад̇и бхигкуухи г̇ахид̇зхи сааман̣зрасса д̇ан̣д̣улзхи яааг̇убажанз на д̣̇иссад̇ийд̇и самб̣анд̇хо. гааран̣анд̇и баривад̇д̇зд̇ваа бхуд̇д̇асса жа абаривад̇д̇зд̇ваа бхуд̇д̇асса жа гааран̣ам̣.
Pātheyyataṇḍuleti pathassa hite taṇḍule. Tesanti sāmaṇerānaṃ. Itarehīti bhikkhūhi gahitataṇḍulehi. Sabbehi bhikkhūhi bhuttanti sambandho. Etthāti bhikkhūhi gahitehi sāmaṇerassa taṇḍulehi yāgupacane na dissatīti sambandho. Kāraṇanti parivattetvā bhuttassa ca aparivattetvā bhuttassa ca kāraṇaṃ.
бхад̇д̇ам̣ бажид̇угаамо сааман̣зрод̇и яож̇анаа. бхигкунаа ааробзд̇аб̣б̣ам̣, аг̇г̇и на гаад̇аб̣б̣од̇и самб̣анд̇хо. буна бадиг̇г̇ахан̣агижжам̣ над̇т̇и муулз бадиг̇г̇ахид̇ад̇д̇аад̇и ад̇хиббааяо.
Bhattaṃ pacitukāmo sāmaṇeroti yojanā. Bhikkhunā āropetabbaṃ, aggi na kātabboti sambandho. Puna paṭiggahaṇakiccaṃ natthi mūle paṭiggahitattāti adhippāyo.
ассаад̇и сааман̣зрасса. д̇ад̇од̇и аг̇г̇иж̇ааланад̇о.
Assāti sāmaṇerassa. Tatoti aggijālanato.
д̇ад̇д̇з уд̣̇агзд̇и уд̣̇агз д̇аабз. д̇ад̇од̇и д̇ан̣д̣улабагкибанад̇о.
Tatte udaketi udake tāpe. Tatoti taṇḍulapakkhipanato.
бид̇хаананд̇и угкалибид̇хаанам̣. д̇ассзваад̇и хад̇т̇агуггужжагасса бхигкуно зва. д̣̇аб̣б̣им̣ ваад̇и гадажчум̣ ваа. со хи д̣̇арийяад̇и вилол̣ийяад̇и имааяаад̇и д̣̇аб̣б̣ийд̇и вужжад̇и.
Pidhānanti ukkhalipidhānaṃ. Tassevāti hatthakukkuccakassa bhikkhuno eva. Dabbiṃ vāti kaṭacchuṃ vā. So hi darīyati viloḷīyati imāyāti dabbīti vuccati.
д̇ад̇раад̇и д̇асмим̣ табанз. д̇ассзваад̇и лолабхигкуссзва. д̇ад̇од̇и бад̇д̇ад̇о. буна д̇ад̇од̇и саакаад̣̇ид̇о. д̇ад̇т̇аад̇и паларугкз.
Tatrāti tasmiṃ ṭhapane. Tassevāti lolabhikkhusseva. Tatoti pattato. Puna tatoti sākhādito. Tatthāti phalarukkhe.
вид̇аггам̣ сод̇хзд̇унд̇и ‘‘маяхамби д̣̇ассад̇ий’’д̇и вид̇аггам̣ сод̇хзд̇ум̣. д̇ад̇од̇и амб̣апалаад̣̇ид̇о.
Vitakkaṃ sodhetunti ‘‘mayhampi dassatī’’ti vitakkaṃ sodhetuṃ. Tatoti ambaphalādito.
буна д̇ад̇од̇и маад̇аабид̇уунамад̇т̇ааяа г̇ахид̇ад̇злаад̣̇ид̇о. д̇зд̇и маад̇аабид̇аро. д̇ад̇оязваад̇и д̇зхиязва д̇ан̣д̣улзхи самбаад̣̇зд̇ваад̇и самб̣анд̇хо.
Puna tatoti mātāpitūnamatthāya gahitatelādito. Teti mātāpitaro. Tatoyevāti tehiyeva taṇḍulehi sampādetvāti sambandho.
зд̇т̇аад̇и д̇аабид̇ауд̣̇агз. амун̃жанд̇знзва хад̇т̇знаад̇и яож̇анаа. ан̇г̇анд̇и винаасам̣ г̇ажчанд̇ийд̇и ан̇г̇аараа. д̣̇арийяанд̇и палийяанд̇ийд̇и д̣̇аарууни.
Etthāti tāpitaudake. Amuñcanteneva hatthenāti yojanā. Aṅganti vināsaṃ gacchantīti aṅgārā. Darīyanti phalīyantīti dārūni.
вуд̇д̇о сааман̣зрод̇и яож̇анаа.
Vutto sāmaṇeroti yojanā.
г̇авад̇и барибхун̃ж̇анд̇аанам̣ виссадтам̣ сад̣̇д̣̇ам̣ гарод̇ийд̇и г̇ул̣о, г̇ул̣ад̇и висад̇о ж̇ийвид̇ам̣ рагкад̇ийд̇и ваа г̇ул̣о, д̇ам̣ бхааж̇знд̇о бхигкууд̇и самб̣анд̇хо. д̇ассаад̇и лоласааман̣зрасса.
Gavati paribhuñjantānaṃ vissaṭṭhaṃ saddaṃ karotīti guḷo, guḷati visato jīvitaṃ rakkhatīti vā guḷo, taṃ bhājento bhikkhūti sambandho. Tassāti lolasāmaṇerassa.
д̇хуумассад̇т̇ааяа ваддийяад̇и ваддид̇ваа гарийяад̇ийд̇и д̇хуумавадди, д̇ам̣. мукийяад̇и вибарийяад̇ийд̇и мукам̣. гам̣ вужжад̇и сийсам̣, д̇ам̣ д̇идтад̇и зд̇т̇аад̇и ган̣то.
Dhūmassatthāya vaṭṭīyati vaṭṭitvā karīyatīti dhūmavaṭṭi, taṃ. Mukhīyati viparīyatīti mukhaṃ. Kaṃ vuccati sīsaṃ, taṃ tiṭṭhati etthāti kaṇṭho.
бхад̇д̇уг̇г̇аарод̇и уд̣̇д̇хам̣ г̇ирад̇и ниг̇г̇ирад̇ийд̇и уг̇г̇ааро, бхад̇д̇амзва уг̇г̇ааро бхад̇д̇уг̇г̇ааро, уг̇г̇аарабхад̇д̇анд̇и ад̇т̇о. д̣̇анд̇анд̇арзд̇и д̣̇анд̇авиварз.
Bhattuggāroti uddhaṃ girati niggiratīti uggāro, bhattameva uggāro bhattuggāro, uggārabhattanti attho. Dantantareti dantavivare.
убагадтз гаалзд̇и аасаннз маж̇жханхигз гаалз. гагкаарзд̇ваад̇и сан̃жид̇ваа. д̇асса ад̇т̇ам̣ д̣̇ассзд̇ум̣ вуд̇д̇ам̣ ‘‘д̣̇вз д̇аяо кзл̣абин̣д̣з баад̇зд̇ваа’’д̇и. пал̣усан̇каад̇ам̣ син̇г̇ам̣ висаан̣ам̣ асмим̣ ад̇т̇ийд̇и син̇г̇ий, соязва гадугабхаязхи вирамид̇аб̣б̣ад̇д̇аа син̇г̇ийвзрод̇и вужжад̇и. ан̇гийяад̇и ругко навам̣ уг̇г̇ад̇од̇и лагкийяад̇и зд̇зхийд̇и ан̇гураа, самам̣ лон̣зна уд̣̇агам̣, самам̣ ваа уд̣̇агзна лон̣ам̣ асминд̇и самуд̣̇д̣̇о, д̇асса уд̣̇агам̣ аваяавийаваяавабхаавзнаад̇и самуд̣̇д̣̇од̣̇агам̣, д̇зна абадиг̇г̇ахид̇знаад̇и самб̣анд̇хо. паан̣ад̇и г̇ул̣ад̇о т̇ад̣̇д̇хабхаавам̣ г̇ажчад̇ийд̇и паан̣ид̇ам̣. гарзна хад̇т̇зна г̇ахид̇аб̣б̣аад̇и гарагаа, вассобалам̣, гарзна г̇ан̣хид̇умарахаад̇и ад̇т̇о. гад̇агадтинаад̇и гад̇аганаамагасса згасса ругкависзсасса адтинаа. д̇анд̇и уд̣̇агам̣. габид̇т̇од̇и згасса амб̣илапаласса ругкависзсасса наамам̣.
Upakaṭṭhe kāleti āsanne majjhanhike kāle. Kakkhāretvāti sañcitvā. Tassa atthaṃ dassetuṃ vuttaṃ ‘‘dve tayo kheḷapiṇḍe pātetvā’’ti. Phaḷusaṅkhātaṃ siṅgaṃ visāṇaṃ asmiṃ atthīti siṅgī, soyeva kaṭukabhayehi viramitabbattā siṅgīveroti vuccati. Aṅkīyati rukkho navaṃ uggatoti lakkhīyati etehīti aṅkurā, samaṃ loṇena udakaṃ, samaṃ vā udakena loṇaṃ asminti samuddo, tassa udakaṃ avayavīavayavabhāvenāti samuddodakaṃ, tena apaṭiggahitenāti sambandho. Phāṇati guḷato thaddhabhāvaṃ gacchatīti phāṇitaṃ. Karena hatthena gahitabbāti karakā, vassopalaṃ, karena gaṇhitumarahāti attho. Katakaṭṭhināti katakanāmakassa ekassa rukkhavisesassa aṭṭhinā. Tanti udakaṃ. Kapitthoti ekassa ambilaphalassa rukkhavisesassa nāmaṃ.
б̣ахаланд̇и аавилам̣. санд̣̇ид̇ваад̇и висанд̣̇ид̇ваа. гагуд̇хасоб̣бхаад̣̇аяод̇и гагуд̇харугкасамийбз тид̇аа соб̣бхаад̣̇аяо. ругкад̇од̇и гагуд̇харугкад̇о. барид̇д̇анд̇и аббагам̣.
Bahalanti āvilaṃ. Sanditvāti visanditvā. Kakudhasobbhādayoti kakudharukkhasamīpe ṭhitā sobbhādayo. Rukkhatoti kakudharukkhato. Parittanti appakaṃ.
баанийяагхадз багкид̇д̇аани хонд̇ийд̇и самб̣анд̇хо. д̇анд̇и ваасамад̇д̇ам̣ уд̣̇агам̣. д̇ад̇т̇зваад̇и табид̇абубпаваасид̇абаанийязязва . табид̇ам̣ д̣̇анд̇агадтанд̇и самб̣анд̇хо. аж̇аананд̇асса бхигкуссаад̇и яож̇анаа. анаад̣̇арз жзд̇ам̣ саамиважанам̣. хийд̇и сажжам̣, яасмаа ваа.
Pānīyaghaṭe pakkhittāni hontīti sambandho. Tanti vāsamattaṃ udakaṃ. Tatthevāti ṭhapitapupphavāsitapānīyeyeva . Ṭhapitaṃ dantakaṭṭhanti sambandho. Ajānantassa bhikkhussāti yojanā. Anādare cetaṃ sāmivacanaṃ. Hīti saccaṃ, yasmā vā.
гим̣ махаабхууд̇ам̣ ваддад̇и, гим̣ на ваддад̇ийд̇и яож̇анаа. яам̣ банаад̇и махаабхууд̇ам̣ бана. ан̇г̇алаг̇г̇анд̇и ан̇г̇зсу лаг̇г̇ам̣, махаабхууд̇анд̇и самб̣анд̇хо. зд̇т̇аад̇и сзд̣̇з. сужхаабид̇анд̇и ан̇г̇аарасад̣̇исам̣ гад̇ваа судту жхаабид̇ам̣.
Kiṃ mahābhūtaṃ vaṭṭati, kiṃ na vaṭṭatīti yojanā. Yaṃ panāti mahābhūtaṃ pana. Aṅgalagganti aṅgesu laggaṃ, mahābhūtanti sambandho. Etthāti sede. Sujhāpitanti aṅgārasadisaṃ katvā suṭṭhu jhāpitaṃ.
жад̇д̇аарийд̇и бат̇авий чааригаа г̇уут̇ам̣ муд̇д̇анд̇и жад̇д̇аари. махаавигадаанийд̇и маханд̇аани саббад̣̇адтагкан̣асан̇каад̇з вигаарагаалз гад̇д̇аб̣б̣аани осад̇хаани. зд̇т̇аад̇и ‘‘асад̇и габбияагаарагз’’д̇и важанз. гаалод̣̇иссам̣ наамаад̇и б̣яаад̇ход̣̇исса, буг̇г̇алод̣̇исса, гаалод̣̇исса, самаяод̣̇исса, д̣̇зсод̣̇исса, васод̣̇исса, бхзсаж̇ж̇од̣̇иссасан̇каад̇зсу сад̇д̇асу од̣̇иссзсу гаалод̣̇иссам̣ наамаад̇и ад̇т̇о. д̣̇асамам̣.
Cattārīti pathavī chārikā gūthaṃ muttanti cattāri. Mahāvikaṭānīti mahantāni sappadaṭṭhakkhaṇasaṅkhāte vikārakāle kattabbāni osadhāni. Etthāti ‘‘asati kappiyakārake’’ti vacane. Kālodissaṃ nāmāti byādhodissa, puggalodissa, kālodissa, samayodissa, desodissa, vasodissa, bhesajjodissasaṅkhātesu sattasu odissesu kālodissaṃ nāmāti attho. Dasamaṃ.
бхож̇анаваг̇г̇о жад̇уд̇т̇о.
Bhojanavaggo catuttho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
