| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
10. д̣̇анд̇абонасигкаабад̣̇аван̣н̣анаа
10. Dantaponasikkhāpadavaṇṇanā
263. д̣̇асамз аяяавосаадид̇агаанийд̇и бид̇убин̣д̣ассзд̇ам̣ ад̇хиважанам̣. уммаарзд̇и сусаанз гад̇аг̇зхасса ад̇д̇ано г̇зхасса ваа уммаарз. гханаб̣ад̣̇д̇ход̇и гханамам̣сзна самб̣ад̣̇д̇хо, гат̇инасам̣хад̇асарийрод̇и вуд̇д̇ам̣ ход̇и.
263. Dasame ayyavosāṭitakānīti pitupiṇḍassetaṃ adhivacanaṃ. Ummāreti susāne katagehassa attano gehassa vā ummāre. Ghanabaddhoti ghanamaṃsena sambaddho, kathinasaṃhatasarīroti vuttaṃ hoti.
264. мукад̣̇вааранд̇и г̇аланаал̣игам̣. аахааранд̇и аж̇жхохарид̇аб̣б̣ам̣ яам̣гин̃жи яаавагаалигаад̣̇им̣. аахарзяяаад̇и мукад̣̇ваарам̣ бавзсзяяа. мукзна ваа бавидтам̣ ход̇у наасигааяа ваа, г̇алзна аж̇жхохаран̣ийяад̇д̇аа саб̣б̣амби д̇ам̣ мукад̣̇ваарам̣ бавзсид̇амзва ход̇и. яасмаа бана д̇з бхигкуу анаахаарзби уд̣̇агз аахаарасан̃н̃ааяа д̣̇анд̇абонз жа мукад̣̇ваарам̣ аахадам̣ ид̣̇анд̇и сан̃н̃ааяа гуггужжааяим̣су, д̇асмаа вуд̇д̇ам̣ ‘‘д̇з бхигкуу ад̣̇иннам̣…бз… саммаа ад̇т̇ам̣ асаллагкзд̇ваа гуггужжааяим̣суу’’д̇и. уд̣̇аган̃хи яат̇аасукам̣ баад̇ум̣ д̣̇анд̇агадтан̃жа д̣̇анд̇абонабарибхог̇зна барибхун̃ж̇ид̇ум̣ ваддад̇и, д̇асса бана расам̣ г̇илид̇ум̣ на ваддад̇и. сажзби д̣̇анд̇агадтарасо аж̇аананд̇асса анд̇о бависад̇и, баажид̇д̇ияамзва. анаж̇жхохаранд̇зна бана д̣̇анд̇агадтам̣ ваа ход̇у ан̃н̃ам̣ ваа, гин̃жи мукз багкибид̇ум̣ ваддад̇и.
264.Mukhadvāranti galanāḷikaṃ. Āhāranti ajjhoharitabbaṃ yaṃkiñci yāvakālikādiṃ. Āhareyyāti mukhadvāraṃ paveseyya. Mukhena vā paviṭṭhaṃ hotu nāsikāya vā, galena ajjhoharaṇīyattā sabbampi taṃ mukhadvāraṃ pavesitameva hoti. Yasmā pana te bhikkhū anāhārepi udake āhārasaññāya dantapone ca mukhadvāraṃ āhaṭaṃ idanti saññāya kukkuccāyiṃsu, tasmā vuttaṃ ‘‘te bhikkhū adinnaṃ…pe… sammā atthaṃ asallakkhetvā kukkuccāyiṃsū’’ti. Udakañhi yathāsukhaṃ pātuṃ dantakaṭṭhañca dantaponaparibhogena paribhuñjituṃ vaṭṭati, tassa pana rasaṃ gilituṃ na vaṭṭati. Sacepi dantakaṭṭharaso ajānantassa anto pavisati, pācittiyameva. Anajjhoharantena pana dantakaṭṭhaṃ vā hotu aññaṃ vā, kiñci mukhe pakkhipituṃ vaṭṭati.
265. агаллагод̇и г̇илаано сахад̇т̇аа барибхун̃ж̇ид̇ум̣ асаггонд̇о мукзна бадиг̇г̇ан̣хаад̇и. ужжааран̣амад̇д̇анд̇и угкибанамад̇д̇ам̣. згад̣̇зсзнабийд̇и ан̇г̇улияааби пудтамад̇д̇зна. д̇ам̣ жз бадиг̇г̇ан̣хаад̇и, саб̣б̣ам̣ бадиг̇г̇ахид̇амзваад̇и взн̣угодияаа б̣анд̇хид̇ваа табид̇ад̇д̇аа. сажзби бхуумияам̣ тид̇амзва гхадам̣ д̣̇ааяагзна хад̇т̇абаасз тад̇ваа гхадам̣ д̣̇ассаамийд̇и д̣̇иннавзн̣угодиг̇г̇ахан̣авасзна бадиг̇г̇ан̣хаад̇и, убхаяагодиб̣ад̣̇д̇хам̣ саб̣б̣амби бадиг̇г̇ахид̇амзва ход̇и. бхигкусса ад̇т̇ааяа абийл̣зд̇ваа багад̇ияаа бийл̣ияамаанаужчурасам̣ санд̇хааяа ‘‘г̇ан̣хат̇аа’’д̇и вуд̇д̇ад̇д̇аа ‘‘абхихааро на бан̃н̃ааяад̇ий’’д̇и вуд̇д̇ам̣. хад̇т̇абаасз тид̇асса бана бхигкусса ад̇т̇ааяа бийл̣ияамаанаа ужчуд̇о баг̇гхаранд̇ам̣ расам̣ г̇ан̣хид̇ум̣ ваддад̇и, д̣̇он̣игааяа саяам̣ баг̇гхаранд̇ам̣ ужчурасам̣ маж̇жхз ааварид̇ваа ааварид̇ваа виссаж̇ж̇ид̇амби г̇ан̣хид̇ум̣ ваддад̇и. гад̇т̇ажи адтагат̇аасу.
265.Akallakoti gilāno sahatthā paribhuñjituṃ asakkonto mukhena paṭiggaṇhāti. Uccāraṇamattanti ukkhipanamattaṃ. Ekadesenapīti aṅguliyāpi phuṭṭhamattena. Taṃ ce paṭiggaṇhāti, sabbaṃ paṭiggahitamevāti veṇukoṭiyā bandhitvā ṭhapitattā. Sacepi bhūmiyaṃ ṭhitameva ghaṭaṃ dāyakena hatthapāse ṭhatvā ghaṭaṃ dassāmīti dinnaveṇukoṭiggahaṇavasena paṭiggaṇhāti, ubhayakoṭibaddhaṃ sabbampi paṭiggahitameva hoti. Bhikkhussa atthāya apīḷetvā pakatiyā pīḷiyamānaucchurasaṃ sandhāya ‘‘gaṇhathā’’ti vuttattā ‘‘abhihāro na paññāyatī’’ti vuttaṃ. Hatthapāse ṭhitassa pana bhikkhussa atthāya pīḷiyamānā ucchuto paggharantaṃ rasaṃ gaṇhituṃ vaṭṭati, doṇikāya sayaṃ paggharantaṃ ucchurasaṃ majjhe āvaritvā āvaritvā vissajjitampi gaṇhituṃ vaṭṭati. Katthaci aṭṭhakathāsu.
асам̣хааримзд̇и т̇аамамаж̇жхимзна бурисзна асам̣хаарияз. ‘‘д̇инд̇ин̣игаад̣̇ибан̣н̣зсуу’’д̇и важанад̇о саакаасу бадиг̇г̇ахан̣ам̣ рухад̇ийд̇и д̣̇адтаб̣б̣ам̣. бун̃чид̇ваа бадиг̇г̇ахзд̇ваад̇и зд̇т̇а ‘‘бун̃чид̇з бадиг̇г̇ахан̣агижжам̣ над̇т̇и, д̇асмаа бун̃чид̇ваа г̇ахзд̇ваад̇и звамад̇т̇о г̇ахзд̇аб̣б̣о’’д̇и вад̣̇анд̇и. бун̃чид̇ваа бадиг̇г̇ахзд̇ваа ваад̇и звамзд̇т̇а ад̇т̇о д̣̇адтаб̣б̣о. бад̇д̇з бад̇ид̇араж̇анажун̣н̣ан̃хи аб̣бханд̇арабарибхог̇ад̇т̇ааяа абарихадабхаавад̇о бадиг̇г̇ахзд̇ваа барибхун̃ж̇ид̇ум̣ ваддад̇и. буб̣б̣аабхог̇асса ануруубзна ‘‘анубасамбаннасса д̣̇ад̇ваа…бз… ваддад̇ий’’д̇и вуд̇д̇ам̣. яасмаа бана д̇ам̣ ‘‘ан̃н̃асса д̣̇ассаамий’’д̇и жид̇д̇уббаад̣̇амад̇д̇зна барасанд̇агам̣ наама на ход̇и, д̇асмаа д̇асса ад̣̇ад̇вааби бадиг̇г̇ахзд̇ваа барибхун̃ж̇ид̇ум̣ ваддад̇и.
Asaṃhārimeti thāmamajjhimena purisena asaṃhāriye. ‘‘Tintiṇikādipaṇṇesū’’ti vacanato sākhāsu paṭiggahaṇaṃ ruhatīti daṭṭhabbaṃ. Puñchitvā paṭiggahetvāti ettha ‘‘puñchite paṭiggahaṇakiccaṃ natthi, tasmā puñchitvā gahetvāti evamattho gahetabbo’’ti vadanti. Puñchitvā paṭiggahetvā vāti evamettha attho daṭṭhabbo. Patte patitarajanacuṇṇañhi abbhantaraparibhogatthāya aparihaṭabhāvato paṭiggahetvā paribhuñjituṃ vaṭṭati. Pubbābhogassa anurūpena ‘‘anupasampannassa datvā…pe… vaṭṭatī’’ti vuttaṃ. Yasmā pana taṃ ‘‘aññassa dassāmī’’ti cittuppādamattena parasantakaṃ nāma na hoti, tasmā tassa adatvāpi paṭiggahetvā paribhuñjituṃ vaṭṭati.
бхигкусса д̣̇зд̇ийд̇и ан̃н̃асса бхигкусса д̣̇зд̇и. ган̃ж̇иганд̇и кийрарасаад̣̇им̣ яам̣гин̃жи д̣̇равам̣ санд̇хааяа вуд̇д̇ам̣. хад̇т̇ад̇о можзд̇ваа буна г̇ан̣хаад̇и, уг̇г̇ахид̇агам̣ ход̇ийд̇и ааха ‘‘хад̇т̇ад̇о аможзнд̇знзваа’’д̇и. аалулзнд̇аананд̇и аалолзнд̇аанам̣, аяамзва ваа баато. аахарид̇ваа бхуумияам̣ табид̇ад̇д̇аа абхихааро над̇т̇ийд̇и ааха ‘‘бад̇д̇о бадиг̇г̇ахзд̇аб̣б̣о’’д̇и. батамад̇арам̣ ул̣ун̇гад̇о т̇зваа бад̇д̇з бад̇анд̇ийд̇и зд̇т̇а ‘‘яат̇аа батамад̇арам̣ бад̇ид̇ат̇звз д̣̇осо над̇т̇и, д̇ат̇аа аагирид̇ваа абанзнд̇аанам̣ бажчаа бад̇ид̇ат̇звзби абхихадад̇д̇аа нзвад̇т̇и д̣̇осо’’д̇и вад̣̇анд̇и. жаругзнаад̇и куд̣̇д̣̇агабхааж̇анзна. мукаваддияааби г̇ахзд̇ум̣ ваддад̇ийд̇и мукаваддим̣ угкибид̇ваа хад̇т̇з пусаабид̇з г̇ан̣хид̇ум̣ ваддад̇и. гзжийд̇и абхаяаг̇ириваасино. зса наяод̇и гааяабадиб̣ад̣̇д̇хабадиб̣ад̣̇д̇хамби гааяабадиб̣ад̣̇д̇хамзваад̇и аяам̣ наяо. д̇ат̇аа жа д̇ад̇т̇а гааяабадиб̣ад̣̇д̇хз д̇ам̣бадиб̣ад̣̇д̇хз жа т̇уллажжаяамзва вуд̇д̇ам̣.
Bhikkhussa detīti aññassa bhikkhussa deti. Kañjikanti khīrarasādiṃ yaṃkiñci dravaṃ sandhāya vuttaṃ. Hatthato mocetvā puna gaṇhāti, uggahitakaṃ hotīti āha ‘‘hatthato amocentenevā’’ti. Ālulentānanti ālolentānaṃ, ayameva vā pāṭho. Āharitvā bhūmiyaṃ ṭhapitattā abhihāro natthīti āha ‘‘patto paṭiggahetabbo’’ti. Paṭhamataraṃ uḷuṅkato thevā patte patantīti ettha ‘‘yathā paṭhamataraṃ patitatheve doso natthi, tathā ākiritvā apanentānaṃ pacchā patitathevepi abhihaṭattā nevatthi doso’’ti vadanti. Carukenāti khuddakabhājanena. Mukhavaṭṭiyāpi gahetuṃ vaṭṭatīti mukhavaṭṭiṃ ukkhipitvā hatthe phusāpite gaṇhituṃ vaṭṭati. Kecīti abhayagirivāsino. Esa nayoti kāyapaṭibaddhapaṭibaddhampi kāyapaṭibaddhamevāti ayaṃ nayo. Tathā ca tattha kāyapaṭibaddhe taṃpaṭibaddhe ca thullaccayameva vuttaṃ.
д̇знаад̇и яасса бхигкуно санд̇игам̣ г̇ад̇ам̣, д̇зна. д̇асмаад̇и яасмаа мууладтассзва барибхог̇о анун̃н̃аад̇о, д̇асмаа. д̇ам̣ д̣̇ивасам̣ хад̇т̇зна г̇ахзд̇ваа д̣̇уд̇ияад̣̇ивасз бадиг̇г̇ахзд̇ваа барибхун̃ж̇анд̇асса уг̇г̇ахид̇агабадиг̇г̇ахид̇ам̣ ход̇ийд̇и ааха ‘‘анаамасид̇ваа’’д̇и. аббадиг̇г̇ахид̇ад̇д̇аа ‘‘саннид̇хибажжаяаа анаабад̇д̇ий’’д̇и вуд̇д̇ам̣. аббадиг̇г̇ахзд̇ваа барибхун̃ж̇анд̇асса ад̣̇иннамукад̣̇ваараабад̇д̇и ход̇ийд̇и ааха ‘‘бадиг̇г̇ахзд̇ваа бана барибхун̃ж̇ид̇аб̣б̣а’’нд̇и. ‘‘д̇ам̣ д̣̇ивасам̣…бз… на д̇ад̇о бара’’нд̇и важанад̇о д̇ам̣ д̣̇ивасам̣ хад̇т̇зна г̇ахзд̇ваа ваа аг̇г̇ахзд̇ваа ваа табид̇ам̣ д̣̇уд̇ияад̣̇ивасз аббадиг̇г̇ахзд̇ваа барибхун̃ж̇анд̇асса ад̣̇иннамукад̣̇ваараабад̇д̇и ход̇и, хад̇т̇зна г̇ахзд̇ваа табид̇ам̣ д̣̇уд̇ияад̣̇ивасз бадиг̇г̇ахзд̇ваа барибхун̃ж̇анд̇асса бана уг̇г̇ахид̇агабадиг̇г̇ахид̇ам̣ ход̇и. аббадиг̇г̇ахид̇амзва хи хад̇т̇зна г̇ахзд̇ваа табид̇ам̣. ‘‘саамам̣ г̇ахзд̇ваа барибхун̃ж̇ид̇у’’нд̇и хи важанад̇о аббадиг̇г̇ахид̇ассзва д̇асмим̣ д̣̇ивасз барибхог̇о анун̃н̃аад̇о. д̇асмаа яам̣ вуд̇д̇ам̣ г̇ан̣тибад̣̇з ‘‘д̇ам̣ д̣̇ияяамаанам̣ бад̇ад̇ийд̇и зд̇т̇а яат̇аа г̇ан̣абхож̇анаад̣̇ийсу г̇илаанаад̣̇ийнам̣ гуггужжааяанд̇аанам̣ г̇ан̣абхож̇анам̣ анун̃н̃аад̇ам̣, звамид̇хааби бхаг̇авад̇аа бадиг̇г̇ахид̇амзва гуггужжавинод̣̇анад̇т̇ам̣ анун̃н̃аад̇а’’нд̇и, д̇ам̣ на г̇ахзд̇аб̣б̣ам̣. ‘‘д̇ам̣ д̣̇ияяамаанам̣ бад̇ад̇ий’’д̇и ависзсзна вуд̇д̇ад̇д̇аа жад̇уусуби гаалигзсу аяам̣ наяо взд̣̇ид̇аб̣б̣о.
Tenāti yassa bhikkhuno santikaṃ gataṃ, tena. Tasmāti yasmā mūlaṭṭhasseva paribhogo anuññāto, tasmā. Taṃ divasaṃ hatthena gahetvā dutiyadivase paṭiggahetvā paribhuñjantassa uggahitakapaṭiggahitaṃ hotīti āha ‘‘anāmasitvā’’ti. Appaṭiggahitattā ‘‘sannidhipaccayā anāpattī’’ti vuttaṃ. Appaṭiggahetvā paribhuñjantassa adinnamukhadvārāpatti hotīti āha ‘‘paṭiggahetvā pana paribhuñjitabba’’nti. ‘‘Taṃ divasaṃ…pe… na tato para’’nti vacanato taṃ divasaṃ hatthena gahetvā vā aggahetvā vā ṭhapitaṃ dutiyadivase appaṭiggahetvā paribhuñjantassa adinnamukhadvārāpatti hoti, hatthena gahetvā ṭhapitaṃ dutiyadivase paṭiggahetvā paribhuñjantassa pana uggahitakapaṭiggahitaṃ hoti. Appaṭiggahitameva hi hatthena gahetvā ṭhapitaṃ. ‘‘Sāmaṃ gahetvā paribhuñjitu’’nti hi vacanato appaṭiggahitasseva tasmiṃ divase paribhogo anuññāto. Tasmā yaṃ vuttaṃ gaṇṭhipade ‘‘taṃ diyyamānaṃ patatīti ettha yathā gaṇabhojanādīsu gilānādīnaṃ kukkuccāyantānaṃ gaṇabhojanaṃ anuññātaṃ, evamidhāpi bhagavatā paṭiggahitameva kukkuccavinodanatthaṃ anuññāta’’nti, taṃ na gahetabbaṃ. ‘‘Taṃ diyyamānaṃ patatī’’ti avisesena vuttattā catūsupi kālikesu ayaṃ nayo veditabbo.
сад̇т̇агзнаад̇и бадиг̇г̇ахид̇асад̇т̇агзна. гасмаа банзд̇т̇а уг̇г̇ахид̇абажжаяаа саннид̇хибажжаяаа ваа д̣̇осо на сияаад̇и ааха ‘‘на хи д̇ам̣ барибхог̇ад̇т̇ааяа барихаранд̇ий’’д̇и. иминаава б̣аахирабарибхог̇ад̇т̇ам̣ саамам̣ г̇ахзд̇ваа анубасамбаннзна д̣̇иннам̣ ваа г̇ахзд̇ваа барихарид̇ум̣ ваддад̇ийд̇и д̣̇ийбзд̇и. д̇асмаа бад̇д̇асаммагканаад̣̇иад̇т̇ам̣ саамам̣ г̇ахзд̇ваа барихадад̇злаад̣̇им̣ сажз барибхун̃ж̇ид̇угаамо ход̇и, бадиг̇г̇ахзд̇ваа барибхун̃ж̇анд̇асса анаабад̇д̇и. аб̣бханд̇арабарибхог̇ад̇т̇ам̣ бана саамам̣ г̇ахид̇ам̣ бадиг̇г̇ахзд̇ваа барибхун̃ж̇анд̇асса уг̇г̇ахид̇агабадиг̇г̇ахид̇ам̣ ход̇и, аббадиг̇г̇ахзд̇ваа барибхун̃ж̇анд̇асса ад̣̇иннамукад̣̇ваараабад̇д̇и ход̇и, аб̣бханд̇арабарибхог̇ад̇т̇амзва анубасамбаннзна д̣̇иннам̣ г̇ахзд̇ваа барихаранд̇асса син̇г̇ийлон̣агаббо вияа саннид̇хибажжаяаа аабад̇д̇и ход̇и. гзжи бана ‘‘т̇аамамаж̇жхимасса бурисасса ужжааран̣амад̇д̇ам̣ ход̇ийд̇иаад̣̇инаа вуд̇д̇абан̃жан̇г̇асамбад̇д̇ияаа бадиг̇г̇ахан̣асса руханад̇о б̣аахирабарибхог̇ад̇т̇амби сажз анубасамбаннзна д̣̇иннам̣ г̇ан̣хаад̇и, бадиг̇г̇ахид̇амзваа’’д̇и вад̣̇анд̇и. звам̣ сад̇и ид̇ха б̣аахирабарибхог̇ад̇т̇ам̣ анубасамбаннзна д̣̇иннам̣ г̇ахзд̇ваа барихаранд̇асса саннид̇хибажжаяаа аабад̇д̇и вад̇д̇аб̣б̣аа сияаа, ‘‘на хи д̇ам̣ барибхог̇ад̇т̇ааяа барихаранд̇ий’’д̇и жа на вад̇д̇аб̣б̣ам̣, д̇асмаа б̣аахирабарибхог̇ад̇т̇ам̣ г̇ахид̇ам̣ бадиг̇г̇ахид̇ам̣ наама на ход̇ийд̇и взд̣̇ид̇аб̣б̣ам̣. яад̣̇и звам̣ бан̃жасу бадиг̇г̇ахан̣ан̇г̇зсу ‘‘барибхог̇ад̇т̇ааяаа’’д̇и висзсанам̣ вад̇д̇аб̣б̣анд̇и? на вад̇д̇аб̣б̣ам̣. бадиг̇г̇ахан̣ан̃хи барибхог̇ад̇т̇амзва ход̇ийд̇и ‘‘барибхог̇ад̇т̇ааяаа’’д̇и висум̣ авад̇ваа ‘‘д̇ан̃жз бхигку гааязна ваа гааяабадиб̣ад̣̇д̇хзна ваа бадиг̇г̇ан̣хаад̇ий’’д̇и зд̇д̇агамзва вуд̇д̇ам̣. абарз бана ‘‘сад̇иби бадиг̇г̇ахан̣з ‘на хи д̇ам̣ барибхог̇ад̇т̇ааяа барихаранд̇ий’д̇и ид̇ха абарибхог̇ад̇т̇ааяа барихаран̣з анаабад̇д̇и вуд̇д̇аа’’д̇и вад̣̇анд̇и. уд̣̇угкаламусалаани кияяанд̇ийд̇и зд̇т̇а уд̣̇угкаламусалаанам̣ каязна бисид̇агоддид̇абхзсаж̇ж̇зсу сажз ааг̇анд̇угаван̣н̣о бан̃н̃ааяад̇и, на ваддад̇и.
Satthakenāti paṭiggahitasatthakena. Kasmā panettha uggahitapaccayā sannidhipaccayā vā doso na siyāti āha ‘‘na hi taṃ paribhogatthāya pariharantī’’ti. Imināva bāhiraparibhogatthaṃ sāmaṃ gahetvā anupasampannena dinnaṃ vā gahetvā pariharituṃ vaṭṭatīti dīpeti. Tasmā pattasammakkhanādiatthaṃ sāmaṃ gahetvā parihaṭatelādiṃ sace paribhuñjitukāmo hoti, paṭiggahetvā paribhuñjantassa anāpatti. Abbhantaraparibhogatthaṃ pana sāmaṃ gahitaṃ paṭiggahetvā paribhuñjantassa uggahitakapaṭiggahitaṃ hoti, appaṭiggahetvā paribhuñjantassa adinnamukhadvārāpatti hoti, abbhantaraparibhogatthameva anupasampannena dinnaṃ gahetvā pariharantassa siṅgīloṇakappo viya sannidhipaccayā āpatti hoti. Keci pana ‘‘thāmamajjhimassa purisassa uccāraṇamattaṃ hotītiādinā vuttapañcaṅgasampattiyā paṭiggahaṇassa ruhanato bāhiraparibhogatthampi sace anupasampannena dinnaṃ gaṇhāti, paṭiggahitamevā’’ti vadanti. Evaṃ sati idha bāhiraparibhogatthaṃ anupasampannena dinnaṃ gahetvā pariharantassa sannidhipaccayā āpatti vattabbā siyā, ‘‘na hi taṃ paribhogatthāya pariharantī’’ti ca na vattabbaṃ, tasmā bāhiraparibhogatthaṃ gahitaṃ paṭiggahitaṃ nāma na hotīti veditabbaṃ. Yadi evaṃ pañcasu paṭiggahaṇaṅgesu ‘‘paribhogatthāyā’’ti visesanaṃ vattabbanti? Na vattabbaṃ. Paṭiggahaṇañhi paribhogatthameva hotīti ‘‘paribhogatthāyā’’ti visuṃ avatvā ‘‘tañce bhikkhu kāyena vā kāyapaṭibaddhena vā paṭiggaṇhātī’’ti ettakameva vuttaṃ. Apare pana ‘‘satipi paṭiggahaṇe ‘na hi taṃ paribhogatthāya pariharantī’ti idha aparibhogatthāya pariharaṇe anāpatti vuttā’’ti vadanti. Udukkhalamusalāni khiyyantīti ettha udukkhalamusalānaṃ khayena pisitakoṭṭitabhesajjesu sace āgantukavaṇṇo paññāyati, na vaṭṭati.
суд̣̇д̇хам̣ уд̣̇агам̣ ход̇ийд̇и ругкасаакаад̣̇ийхи г̇ал̣ид̇ваа бад̇анауд̣̇агам̣ санд̇хааяа вуд̇д̇ам̣. бад̇д̇о ваасса бадиг̇г̇ахзд̇аб̣б̣од̇и зд̇т̇ааби бад̇д̇аг̇ад̇ам̣ чубид̇ваа д̣̇знд̇асса хад̇т̇алаг̇г̇зна аамисзна д̣̇осаабхаавад̇т̇ам̣ бад̇д̇абадиг̇г̇ахан̣анд̇и аб̣бханд̇арабарибхог̇ад̇т̇амзва бадиг̇г̇ахан̣ам̣ взд̣̇ид̇аб̣б̣ам̣. яам̣ сааман̣зрасса бад̇д̇з бад̇ад̇и…бз… бадиг̇г̇ахан̣ам̣ на виж̇ахад̇ийд̇и зд̇т̇а бунаббунам̣ г̇ан̣ханд̇асса ад̇д̇ано бад̇д̇з багкид̇д̇амзва ‘‘ад̇д̇ано санд̇ага’’нд̇и саннидтаанагаран̣ад̇о хад̇т̇аг̇ад̇ам̣ бадиг̇г̇ахан̣ам̣ на виж̇ахад̇и, барижчинд̣̇ид̇ваа д̣̇иннам̣ бана г̇ан̣ханд̇асса г̇ахан̣асамаязязва ‘‘ад̇д̇ано санд̇ага’’нд̇и саннидтаанасса гад̇ад̇д̇аа хад̇т̇аг̇ад̇ам̣ бадиг̇г̇ахан̣ам̣ виж̇ахад̇и. гзсан̃жи ад̇т̇ааяа од̣̇анам̣ багкибад̇ийд̇и зд̇т̇а анубасамбаннасса ад̇т̇ааяа багкибанд̇зби ‘‘ааг̇анд̇ваа г̇ан̣хиссад̇ий’’д̇и саяамзва багкибид̇ваа табанад̇о бадиг̇г̇ахан̣ам̣ на виж̇ахад̇и, анубасамбаннасса хад̇т̇з багкид̇д̇ам̣ бана анубасамбаннзнзва табид̇ам̣ наама ход̇ийд̇и бадиг̇г̇ахан̣ам̣ виж̇ахад̇и барижжад̇д̇абхаавад̇о. д̇зна вуд̇д̇ам̣ ‘‘сааман̣зра…бз… барижжад̇д̇ад̇д̇аа’’д̇и.
Suddhaṃ udakaṃ hotīti rukkhasākhādīhi gaḷitvā patanaudakaṃ sandhāya vuttaṃ. Patto vāssa paṭiggahetabboti etthāpi pattagataṃ chupitvā dentassa hatthalaggena āmisena dosābhāvatthaṃ pattapaṭiggahaṇanti abbhantaraparibhogatthameva paṭiggahaṇaṃ veditabbaṃ. Yaṃ sāmaṇerassa patte patati…pe… paṭiggahaṇaṃ na vijahatīti ettha punappunaṃ gaṇhantassa attano patte pakkhittameva ‘‘attano santaka’’nti sanniṭṭhānakaraṇato hatthagataṃ paṭiggahaṇaṃ na vijahati, paricchinditvā dinnaṃ pana gaṇhantassa gahaṇasamayeyeva ‘‘attano santaka’’nti sanniṭṭhānassa katattā hatthagataṃ paṭiggahaṇaṃ vijahati. Kesañci atthāya odanaṃ pakkhipatīti ettha anupasampannassa atthāya pakkhipantepi ‘‘āgantvā gaṇhissatī’’ti sayameva pakkhipitvā ṭhapanato paṭiggahaṇaṃ na vijahati, anupasampannassa hatthe pakkhittaṃ pana anupasampanneneva ṭhapitaṃ nāma hotīti paṭiggahaṇaṃ vijahati pariccattabhāvato. Tena vuttaṃ ‘‘sāmaṇera…pe… pariccattattā’’ti.
бадиг̇г̇ахан̣уубаг̇ам̣ бхаарам̣ наама т̇аамамаж̇жхимасса бурисасса угкзбаарахам̣. гин̃жааби ависсаж̇ж̇зд̇ваава ан̃н̃зна хад̇т̇зна бид̣̇аханд̇асса д̣̇осо над̇т̇и, д̇ат̇ааби на бид̣̇ахид̇аб̣б̣анд̇и адтагат̇аабамаан̣знзва г̇ахзд̇аб̣б̣ам̣. мажчигавааран̣ад̇т̇анд̇и зд̇т̇а ‘‘сажзби саакааяа лаг̇г̇араж̇ам̣ бад̇д̇з бад̇ад̇и, сукзна барибхун̃ж̇ид̇ум̣ саггаад̇и саакааяа бадиг̇г̇ахид̇ад̇д̇аа аб̣бханд̇арабарибхог̇ад̇т̇амзвид̇ха бадиг̇г̇ахан̣анд̇и муулабадиг̇г̇ахан̣амзва ваддад̇ий’’д̇и вуд̇д̇ам̣. абарз бана ‘‘мажчигавааран̣ад̇т̇анд̇и зд̇т̇а важанамад̇д̇ам̣ г̇ахзд̇ваа б̣аахирабарибхог̇ад̇т̇ам̣ г̇ахид̇а’’нд̇и вад̣̇анд̇и. д̇асмимби асад̇ийд̇и жаадияаа ваа гун̣д̣агз ваа асад̇и. анубасамбаннам̣ г̇аахаабзд̇ваад̇и д̇ам̣язва аж̇жхохаран̣ийяабхан̣д̣ам̣ анубасамбаннзна г̇аахаабзд̇ваа. т̇зрасса бад̇д̇ам̣ анут̇зрассаад̇и т̇зрасса бад̇д̇ам̣ ад̇д̇анаа г̇ахзд̇ваа анут̇зрасса д̣̇зд̇и. д̇уяхам̣ яааг̇ум̣ маяхам̣ д̣̇зхийд̇и зд̇т̇а звам̣ вад̇ваа сааман̣зрасса бад̇д̇ам̣ г̇ахзд̇ваа ад̇д̇аноби бад̇д̇ам̣ д̇асса д̣̇зд̇и. зд̇т̇а банаад̇и бан̣д̣ид̇о сааман̣зрод̇иаад̣̇ибад̇д̇абаривад̇д̇анагат̇ааяа. гааран̣ам̣ убабаригкид̇аб̣б̣анд̇и яат̇аа маад̇уаад̣̇ийнам̣ д̇злаад̣̇ийни харанд̇о д̇ат̇ааруубз гижжз анубасамбаннзна абаривад̇д̇зд̇ваава барибхун̃ж̇ид̇ум̣ лабхад̇и, звамид̇ха бад̇д̇абаривад̇д̇анам̣ агад̇ваа барибхун̃ж̇ид̇ум̣ на лабхад̇ийд̇и зд̇т̇а гааран̣ам̣ виймам̣сид̇аб̣б̣анд̇и ад̇т̇о.
Paṭiggahaṇūpagaṃ bhāraṃ nāma thāmamajjhimassa purisassa ukkhepārahaṃ. Kiñcāpi avissajjetvāva aññena hatthena pidahantassa doso natthi, tathāpi na pidahitabbanti aṭṭhakathāpamāṇeneva gahetabbaṃ. Macchikavāraṇatthanti ettha ‘‘sacepi sākhāya laggarajaṃ patte patati, sukhena paribhuñjituṃ sakkāti sākhāya paṭiggahitattā abbhantaraparibhogatthamevidha paṭiggahaṇanti mūlapaṭiggahaṇameva vaṭṭatī’’ti vuttaṃ. Apare pana ‘‘macchikavāraṇatthanti ettha vacanamattaṃ gahetvā bāhiraparibhogatthaṃ gahita’’nti vadanti. Tasmimpi asatīti cāṭiyā vā kuṇḍake vā asati. Anupasampannaṃ gāhāpetvāti taṃyeva ajjhoharaṇīyabhaṇḍaṃ anupasampannena gāhāpetvā. Therassa pattaṃ anutherassāti therassa pattaṃ attanā gahetvā anutherassa deti. Tuyhaṃ yāguṃ mayhaṃ dehīti ettha evaṃ vatvā sāmaṇerassa pattaṃ gahetvā attanopi pattaṃ tassa deti. Ettha panāti paṇḍito sāmaṇerotiādipattaparivattanakathāya. Kāraṇaṃ upaparikkhitabbanti yathā mātuādīnaṃ telādīni haranto tathārūpe kicce anupasampannena aparivattetvāva paribhuñjituṃ labhati, evamidha pattaparivattanaṃ akatvā paribhuñjituṃ na labhatīti ettha kāraṇaṃ vīmaṃsitabbanti attho.
зд̇т̇а бана ‘‘сааман̣зрзхи г̇ахид̇ад̇ан̣д̣улзсу баригкийн̣зсу авассам̣ амхаагам̣ сааман̣зраа сан̇г̇ахам̣ гаронд̇ийд̇и вид̇аггуббад̇д̇и самбхавад̇и, д̇асмаа д̇ам̣ баривад̇д̇зд̇ваава барибхун̃ж̇ид̇аб̣б̣ам̣. маад̇аабид̇уунам̣ ад̇т̇ааяа бана чааяад̇т̇ааяа ваа г̇ахан̣з барибхог̇аасаа над̇т̇и, д̇асмаа д̇ам̣ ваддад̇ий’’д̇и гааран̣ам̣ вад̣̇анд̇и. д̇знзва аажарияаб̣уд̣̇д̇хад̣̇ад̇д̇ад̇т̇зрзнаби вуд̇д̇ам̣ –
Ettha pana ‘‘sāmaṇerehi gahitataṇḍulesu parikkhīṇesu avassaṃ amhākaṃ sāmaṇerā saṅgahaṃ karontīti vitakkuppatti sambhavati, tasmā taṃ parivattetvāva paribhuñjitabbaṃ. Mātāpitūnaṃ atthāya pana chāyatthāya vā gahaṇe paribhogāsā natthi, tasmā taṃ vaṭṭatī’’ti kāraṇaṃ vadanti. Teneva ācariyabuddhadattattherenapi vuttaṃ –
‘‘маад̇аабид̇уунамад̇т̇ааяа, д̇злаад̣̇ихарад̇оби жа;
‘‘Mātāpitūnamatthāya, telādiharatopi ca;
саакам̣ чааяаад̣̇иад̇т̇ааяа, имзсам̣ на висзсад̇и.
Sākhaṃ chāyādiatthāya, imesaṃ na visesati.
‘‘д̇асмаа хисса висзсасса, жинд̇зд̇аб̣б̣ам̣ д̇у гааран̣ам̣;
‘‘Tasmā hissa visesassa, cintetabbaṃ tu kāraṇaṃ;
д̇асса саалаяабхаавам̣ д̇у, висзсам̣ д̇аггаяаама д̇а’’нд̇и.
Tassa sālayabhāvaṃ tu, visesaṃ takkayāma ta’’nti.
ид̣̇амзвзд̇т̇а яуд̇д̇ад̇арам̣ авассам̣ д̇ат̇аавид̇хавид̇аггуббад̇д̇ияаа самбхавад̇о. на саггаа хи зд̇т̇а вид̇аггам̣ сод̇хзд̇унд̇и. маад̇аад̣̇ийнам̣ ад̇т̇ааяа харан̣з бана наавассам̣ д̇ат̇аавид̇хавид̇аггуббад̇д̇ийд̇и саггаа вид̇аггам̣ сод̇хзд̇ум̣. яад̇т̇а хи вид̇аггам̣ сод̇хзд̇ум̣ саггаа, д̇ад̇т̇а нзвад̇т̇и д̣̇осо. д̇знзва вагкад̇и ‘‘сажз бана саггод̇и вид̇аггам̣ сод̇хзд̇ум̣, д̇ад̇о лад̣̇д̇хам̣ каад̣̇ид̇умби ваддад̇ий’’д̇и.
Idamevettha yuttataraṃ avassaṃ tathāvidhavitakkuppattiyā sambhavato. Na sakkā hi ettha vitakkaṃ sodhetunti. Mātādīnaṃ atthāya haraṇe pana nāvassaṃ tathāvidhavitakkuppattīti sakkā vitakkaṃ sodhetuṃ. Yattha hi vitakkaṃ sodhetuṃ sakkā, tattha nevatthi doso. Teneva vakkhati ‘‘sace pana sakkoti vitakkaṃ sodhetuṃ, tato laddhaṃ khāditumpi vaṭṭatī’’ti.
нижжаалзд̇ум̣ на саггод̇ийд̇и нижжаалзд̇ваа сагкараа абанзд̇ум̣ на саггод̇и. аад̇хаарагз бад̇д̇о табид̇о ход̇ийд̇и бадиг̇г̇ахзд̇аб̣б̣абад̇д̇ам̣ санд̇хааяа вуд̇д̇ам̣. жаалзд̇ийд̇и винаа гааран̣ам̣ жаалзд̇и. сад̇иби гааран̣з бхигкуунам̣ барибхог̇аарахам̣ жаалзд̇ум̣ на ваддад̇и. гин̃жааби ‘‘ануж̇аанаами, бхигкавз, амануссигааб̣аад̇хз аамагамам̣сам̣ аамагалохид̇а’’нд̇и (махаава. 264) д̇аад̣̇исз ааб̣аад̇хз ад̇д̇ано ад̇т̇ааяа аамагамам̣сабадиг̇г̇ахан̣ам̣ анун̃н̃аад̇ам̣, ‘‘аамагамам̣сабадиг̇г̇ахан̣аа бадивирад̇о ход̇ий’’д̇и жа сааман̃н̃ад̇о бадигкид̇д̇ам̣, д̇ат̇ааби ад̇д̇ано ан̃н̃асса ваа бхигкуно ад̇т̇ааяа аг̇г̇ахид̇ад̇д̇аа ‘‘сийхавигхаасаад̣̇им̣…бз… ваддад̇ий’’д̇и вуд̇д̇ам̣. саггод̇и вид̇аггам̣ сод̇хзд̇унд̇и маяхамби д̣̇зд̇ийд̇и вид̇аггасса ануббаннабхаавам̣ саллагкзд̇ум̣ саггод̇и, сааман̣зрасса д̣̇ассаамийд̇и суд̣̇д̇хажид̇д̇зна маяаа г̇ахид̇анд̇и ваа саллагкзд̇ум̣ саггод̇и.
Niccāletuṃ na sakkotīti niccāletvā sakkharā apanetuṃ na sakkoti. Ādhārake patto ṭhapitohotīti paṭiggahetabbapattaṃ sandhāya vuttaṃ. Cāletīti vinā kāraṇaṃ cāleti. Satipi kāraṇe bhikkhūnaṃ paribhogārahaṃ cāletuṃ na vaṭṭati. Kiñcāpi ‘‘anujānāmi, bhikkhave, amanussikābādhe āmakamaṃsaṃ āmakalohita’’nti (mahāva. 264) tādise ābādhe attano atthāya āmakamaṃsapaṭiggahaṇaṃ anuññātaṃ, ‘‘āmakamaṃsapaṭiggahaṇā paṭivirato hotī’’ti ca sāmaññato paṭikkhittaṃ, tathāpi attano aññassa vā bhikkhuno atthāya aggahitattā ‘‘sīhavighāsādiṃ…pe… vaṭṭatī’’ti vuttaṃ. Sakkoti vitakkaṃ sodhetunti mayhampi detīti vitakkassa anuppannabhāvaṃ sallakkhetuṃ sakkoti, sāmaṇerassa dassāmīti suddhacittena mayā gahitanti vā sallakkhetuṃ sakkoti.
сажз бана муулзби бадиг̇г̇ахид̇ам̣ ход̇ийд̇и зд̇т̇а ‘‘г̇ахзд̇ваа г̇ад̇з маяхамби д̣̇ад̣̇зяяунд̇и сан̃н̃ааяа сажз бадиг̇г̇ахид̇ам̣ ход̇ий’’д̇и вад̣̇анд̇и. годтаасз гарод̇ийд̇и бхигкусааман̣зраа жа ад̇д̇ано ад̇д̇ано абхиружид̇ам̣ годтаасам̣ г̇ан̣ханд̇ууд̇и саб̣б̣зсам̣ самагз годтаасз гарод̇и. г̇ахид̇аавасзсанд̇и сааман̣зрзхи г̇ахид̇агодтаасад̇о авасзсам̣. г̇ан̣хид̇ваад̇и ‘‘маяхам̣ ид̣̇ам̣ г̇ан̣хиссаамий’’д̇и г̇ахзд̇ваа. ид̇ха г̇ахид̇аавасзсам̣ наама д̇зна г̇ан̣хид̇ваа буна табид̇ам̣. бадиг̇г̇ахзд̇ваад̇и д̇ад̣̇аху бадиг̇г̇ахзд̇ваа. д̇знзва ‘‘яаавагаалигзна яааваж̇ийвигасам̣саг̇г̇з д̣̇осо над̇т̇ий’’д̇и вуд̇д̇ам̣. сажз бана буримад̣̇ивасз бадиг̇г̇ахзд̇ваа табид̇аа ход̇и, саамисзна мукзна д̇ассаа ваддияаа д̇хуумам̣ бивид̇ум̣ на ваддад̇и. самуд̣̇д̣̇од̣̇агзнаад̇и аббадиг̇г̇ахид̇асамуд̣̇д̣̇од̣̇агзна. яасмаа гад̇агадти уд̣̇агам̣ басаад̣̇зд̇ваа висум̣ д̇идтад̇и, д̇асмаа ‘‘аб̣б̣охаарига’’нд̇и вуд̇д̇ам̣. лаг̇г̇ад̇ийд̇и мукз хад̇т̇з жа уд̣̇агз сугкз сзд̇аван̣н̣ам̣ д̣̇ассзнд̇ам̣ лаг̇г̇ад̇и. баанийяам̣ г̇ахзд̇ваад̇и ад̇д̇аноязва ад̇т̇ааяа г̇ахзд̇ваа. сажз бана бийд̇аавасзсам̣ д̇ад̇т̇зва аагириссаамийд̇и г̇ан̣хаад̇и, буна бадиг̇г̇ахан̣агижжам̣ над̇т̇и. вигкамбхзд̇ваад̇и вияуухид̇ваа, абанзд̇ваад̇и ад̇т̇о.
Sace pana mūlepi paṭiggahitaṃ hotīti ettha ‘‘gahetvā gate mayhampi dadeyyunti saññāya sace paṭiggahitaṃ hotī’’ti vadanti. Koṭṭhāse karotīti bhikkhusāmaṇerā ca attano attano abhirucitaṃ koṭṭhāsaṃ gaṇhantūti sabbesaṃ samake koṭṭhāse karoti. Gahitāvasesanti sāmaṇerehi gahitakoṭṭhāsato avasesaṃ. Gaṇhitvāti ‘‘mayhaṃ idaṃ gaṇhissāmī’’ti gahetvā. Idha gahitāvasesaṃ nāma tena gaṇhitvā puna ṭhapitaṃ. Paṭiggahetvāti tadahu paṭiggahetvā. Teneva ‘‘yāvakālikena yāvajīvikasaṃsagge doso natthī’’ti vuttaṃ. Sace pana purimadivase paṭiggahetvā ṭhapitā hoti, sāmisena mukhena tassā vaṭṭiyā dhūmaṃ pivituṃ na vaṭṭati. Samuddodakenāti appaṭiggahitasamuddodakena. Yasmā katakaṭṭhi udakaṃ pasādetvā visuṃ tiṭṭhati, tasmā ‘‘abbohārika’’nti vuttaṃ. Laggatīti mukhe hatthe ca udake sukkhe setavaṇṇaṃ dassentaṃ laggati. Pānīyaṃ gahetvāti attanoyeva atthāya gahetvā. Sace pana pītāvasesaṃ tattheva ākirissāmīti gaṇhāti, puna paṭiggahaṇakiccaṃ natthi. Vikkhambhetvāti viyūhitvā, apanetvāti attho.
махаабхууд̇зсууд̇и сарийраниссид̇зсу махаабхууд̇зсу. бад̇ад̇ийд̇и вижчинд̣̇ид̇ваа бад̇ад̇и. вижчинд̣̇ид̇ваа бад̇ид̇амзва хи бадиг̇г̇ахзд̇аб̣б̣ам̣, на ид̇арам̣. аллад̣̇аарум̣ ругкад̇о чинд̣̇ид̇вааби гаад̇ум̣ ваддад̇ийд̇и зд̇т̇а мад̇д̇игад̇т̇ааяа бат̇авим̣ кан̣ид̇умби ваддад̇ийд̇и взд̣̇ид̇аб̣б̣ам̣. саббад̣̇адтагкан̣зязва ваддад̇ийд̇и асад̇и габбияагаарагз саамам̣ г̇ахзд̇ваа барибхун̃ж̇ид̇ум̣ ваддад̇и, ан̃н̃ад̣̇аа бадиг̇г̇ахаабзд̇ваа барибхун̃ж̇ид̇аб̣б̣ам̣. сзсамзд̇т̇а уд̇д̇аанамзва. аббадиг̇г̇ахид̇ад̇аа, ананун̃н̃аад̇ад̇аа, д̇хуумаад̣̇иаб̣б̣охааригаабхааво, аж̇жхохаран̣анд̇и имаани банзд̇т̇а жад̇д̇аари ан̇г̇аани.
Mahābhūtesūti sarīranissitesu mahābhūtesu. Patatīti vicchinditvā patati. Vicchinditvā patitameva hi paṭiggahetabbaṃ, na itaraṃ. Alladāruṃ rukkhato chinditvāpi kātuṃ vaṭṭatīti ettha mattikatthāya pathaviṃ khaṇitumpi vaṭṭatīti veditabbaṃ. Sappadaṭṭhakkhaṇeyeva vaṭṭatīti asati kappiyakārake sāmaṃ gahetvā paribhuñjituṃ vaṭṭati, aññadā paṭiggahāpetvā paribhuñjitabbaṃ. Sesamettha uttānameva. Appaṭiggahitatā, ananuññātatā, dhūmādiabbohārikābhāvo, ajjhoharaṇanti imāni panettha cattāri aṅgāni.
д̣̇анд̇абонасигкаабад̣̇аван̣н̣анаа нидтид̇аа.
Dantaponasikkhāpadavaṇṇanā niṭṭhitā.
нидтид̇о бхож̇анаваг̇г̇о жад̇уд̇т̇о.
Niṭṭhito bhojanavaggo catuttho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. д̣̇анд̇абонасигкаабад̣̇ам̣ • 10. Dantaponasikkhāpadaṃ
