| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
10. д̣̇анд̇абонасигкаабад̣̇аван̣н̣анаа
10. Dantaponasikkhāpadavaṇṇanā
264-5. мукад̣̇вааранд̇и ган̣танаал̣и. ужжааран̣амад̇д̇анд̇и угкибид̇аб̣б̣амад̇д̇агам̣. гасадам̣ чад̣д̣зд̇ваад̇и самуд̣̇аажааравасзна, ачад̣д̣ид̇зби ‘‘ваддад̇ий’’д̇и вуд̇д̇ам̣. хад̇т̇абаасаад̇иггаманд̇и д̣̇ааяагасса. бхигкусса д̣̇зд̇ийд̇и ан̃н̃асса бхигкусса. ган̃ж̇иганд̇и яам̣ гин̃жи д̣̇равам̣. бад̇д̇о бадиг̇г̇ахзд̇аб̣б̣од̇и бхуумияам̣ табид̇з абхихаараабхаавад̇о. ‘‘яат̇аа батамад̇арам̣ бад̇ид̇ат̇звз д̣̇осо над̇т̇и, д̇ат̇аа аагирид̇ваа абанзнд̇аанам̣ бад̇ид̇ат̇звзби абхихадад̇д̇аа нзвад̇т̇и д̣̇осо’’д̇и ликид̇ам̣. жаругзнаад̇и куд̣̇д̣̇агабин̣д̣зна. ж̇ааг̇аранд̇ассабийд̇и ‘‘аби-сад̣̇д̣̇зна суд̇д̇ассабий’’д̇и ликид̇ам̣. гзжийд̇и абхаяаг̇ириваасино. д̇зхи гааяасам̣саг̇г̇з гааяабадиб̣ад̣̇д̇хзнааби д̇аббадиб̣ад̣̇д̇хзнааби т̇уллажжаяаабад̇д̇и д̣̇ассид̇аа зваад̇и ад̇т̇о. гааяабадиб̣ад̣̇д̇хабадиб̣ад̣̇д̇хзнаад̇и важанамад̇д̇амзвзд̇ам̣. ‘‘сад̇т̇агзнаад̇и бадиг̇г̇ахид̇агзнаа’’д̇и ликид̇ам̣, д̇ам̣ д̣̇улликид̇ам̣ сад̇иби малз буна бадиг̇г̇ахзд̇аб̣б̣агижжаабхаавад̇о. гзсан̃жи ад̇т̇ааяаад̇и анубасамбаннаанам̣ ад̇т̇ааяа. ‘‘сааман̣зрасса хад̇т̇ам̣ пудтамад̇д̇амзва д̇ам̣ барижжад̇д̇а’’нд̇и ликид̇ам̣.
264-5.Mukhadvāranti kaṇṭhanāḷi. Uccāraṇamattanti ukkhipitabbamattakaṃ. Kasaṭaṃ chaḍḍetvāti samudācāravasena, achaḍḍitepi ‘‘vaṭṭatī’’ti vuttaṃ. Hatthapāsātikkamanti dāyakassa. Bhikkhussa detīti aññassa bhikkhussa. Kañjikanti yaṃ kiñci dravaṃ. Patto paṭiggahetabboti bhūmiyaṃ ṭhapite abhihārābhāvato. ‘‘Yathā paṭhamataraṃ patitatheve doso natthi, tathā ākiritvā apanentānaṃ patitathevepi abhihaṭattā nevatthi doso’’ti likhitaṃ. Carukenāti khuddakapiṇḍena. Jāgarantassapīti ‘‘api-saddena suttassapī’’ti likhitaṃ. Kecīti abhayagirivāsino. Tehi kāyasaṃsagge kāyapaṭibaddhenāpi tappaṭibaddhenāpi thullaccayāpatti dassitā evāti attho. Kāyapaṭibaddhapaṭibaddhenāti vacanamattamevetaṃ. ‘‘Satthakenāti paṭiggahitakenā’’ti likhitaṃ, taṃ dullikhitaṃ satipi male puna paṭiggahetabbakiccābhāvato. Kesañci atthāyāti anupasampannānaṃ atthāya. ‘‘Sāmaṇerassa hatthaṃ phuṭṭhamattameva taṃ pariccatta’’nti likhitaṃ.
бадиг̇г̇ахан̣убаг̇абхаарам̣ наама маж̇жхимабурисзна угкибид̇аб̣б̣агам̣. муулабадиг̇г̇ахан̣амзва ваддад̇ийд̇и зд̇т̇а ‘‘мажчигавааран̣ад̇т̇анд̇и вуд̇д̇ад̇д̇аа ‘абхун̃ж̇анад̇т̇ааяааби бадиг̇г̇ахзд̇ваа г̇ахид̇з ваддад̇ий’’’д̇и яз вад̣̇анд̇и, д̇з вад̇д̇аб̣б̣аа ‘‘сийсамагканад̇злам̣ бадиг̇г̇ахзд̇ваа ‘ид̣̇ам̣ сийсамагкана’нд̇и анаабхог̇знзва сад̇д̇аахам̣ ад̇иггаамзнд̇асса гим̣ ниссаг̇г̇ияам̣ бхавзяяаа’’д̇иаад̣̇и, суд̇д̇аад̇хиббааяо бана звам̣ г̇ахзд̇аб̣б̣о ‘‘мажчигавааран̣ад̇т̇ам̣ б̣ийж̇анд̇асса д̇асмим̣ лаг̇г̇араж̇аад̣̇имхи бад̇д̇з бад̇ид̇з сукам̣ барибхун̃ж̇ид̇ум̣ саггаа’д̇и сан̃н̃ааяа буб̣б̣з бадиг̇г̇ахид̇аб̣б̣а’’нд̇и вуд̇д̇ам̣. баривад̇д̇анагат̇ааяам̣ ‘‘амхаагам̣ д̇ан̣д̣улзсу кийн̣зсу зд̇зхи амхаагам̣ хад̇т̇аг̇ад̇зхи сааман̣зрасанд̇агзхиби саггаа бад̇идтабзд̇у’нд̇и бхигкуунам̣ жид̇д̇уббаад̣̇о жз самбхавад̇и, ‘баривад̇д̇анам̣ саад̇т̇ага’нд̇и убад̇иссад̇т̇зро’’д̇и вуд̇д̇ам̣. яад̣̇и звам̣ суд̣̇д̇хажид̇д̇аанам̣ нирад̇т̇аганд̇и аабаннамзва, д̇ат̇аа ‘‘бан̣д̣ид̇о зса сааман̣зро бад̇д̇абаривад̇д̇анам̣ гад̇ваа д̣̇ассад̇и, маяамзва жа имасса виссаасзна ваа яаажид̇ваа ваа бхун̃ж̇иссаамаа’’д̇и жид̇д̇з сад̇и бхун̃ж̇ид̇ум̣ на ваддад̇и гад̇зби баривад̇д̇анзд̇и жа аабаннам̣, гим̣ б̣ахунаа. нирабзгкзхзва г̇ан̣хид̇аб̣б̣ам̣, на саабзгкзхийд̇и д̣̇ассанад̇т̇ам̣ вуд̇д̇анд̇и аажарияо. аяамзвад̇т̇о ‘‘сажз бана саггод̇и вид̇аггам̣ сод̇хзд̇ум̣, д̇ад̇о лад̣̇д̇хам̣ каад̣̇ид̇умби ваддад̇ий’’д̇и важанзна сид̣̇д̇хова. аад̇хаарагз бад̇д̇о табид̇о ход̇и яат̇аабадиг̇г̇ахид̇абхаавз нираалаяо. самуд̣̇д̣̇од̣̇агзна аббадиг̇г̇ахид̇агзна. мзн̣д̣агасса кийрам̣ кийрад̇д̇аава ваддад̇и. ‘‘ад̇д̇ано бана кийрам̣ мукзнзва биванд̇асса анаабад̇д̇ийд̇и д̣̇ассзд̇ум̣ вуд̇д̇а’’нд̇и вуд̇д̇ам̣. ‘‘сарийраниссид̇амахаабхууд̇аани хи ид̇хаад̇хиббзд̇ааний’’д̇и ликид̇ам̣, д̇ад̣̇убхаяамби ‘‘габбияамам̣сакийрам̣ ваа’’д̇иаад̣̇инаа наязна вируж̇жхад̇и.
Paṭiggahaṇupagabhāraṃ nāma majjhimapurisena ukkhipitabbakaṃ. Mūlapaṭiggahaṇameva vaṭṭatīti ettha ‘‘macchikavāraṇatthanti vuttattā ‘abhuñjanatthāyāpi paṭiggahetvā gahite vaṭṭatī’’’ti ye vadanti, te vattabbā ‘‘sīsamakkhanatelaṃ paṭiggahetvā ‘idaṃ sīsamakkhana’nti anābhogeneva sattāhaṃ atikkāmentassa kiṃ nissaggiyaṃ bhaveyyā’’tiādi, suttādhippāyo pana evaṃ gahetabbo ‘‘macchikavāraṇatthaṃ bījantassa tasmiṃ laggarajādimhi patte patite sukhaṃ paribhuñjituṃ sakkā’ti saññāya pubbe paṭiggahitabba’’nti vuttaṃ. Parivattanakathāyaṃ ‘‘amhākaṃ taṇḍulesu khīṇesu etehi amhākaṃ hatthagatehi sāmaṇerasantakehipi sakkā patiṭṭhapetu’nti bhikkhūnaṃ cittuppādo ce sambhavati, ‘parivattanaṃ sātthaka’nti upatissatthero’’ti vuttaṃ. Yadi evaṃ suddhacittānaṃ niratthakanti āpannameva, tathā ‘‘paṇḍito esa sāmaṇero pattaparivattanaṃ katvā dassati, mayameva ca imassa vissāsena vā yācitvā vā bhuñjissāmā’’ti citte sati bhuñjituṃ na vaṭṭati katepi parivattaneti ca āpannaṃ, kiṃ bahunā. Nirapekkheheva gaṇhitabbaṃ, na sāpekkhehīti dassanatthaṃ vuttanti ācariyo. Ayamevattho ‘‘sace pana sakkoti vitakkaṃ sodhetuṃ, tato laddhaṃ khāditumpi vaṭṭatī’’ti vacanena siddhova. Ādhārake patto ṭhapito hoti yathāpaṭiggahitabhāve nirālayo. Samuddodakena appaṭiggahitakena. Meṇḍakassa khīraṃ khīrattāva vaṭṭati. ‘‘Attano pana khīraṃ mukheneva pivantassa anāpattīti dassetuṃ vutta’’nti vuttaṃ. ‘‘Sarīranissitamahābhūtāni hi idhādhippetānī’’ti likhitaṃ, tadubhayampi ‘‘kappiyamaṃsakhīraṃ vā’’tiādinā nayena virujjhati.
абижа ‘‘аббадиг̇г̇ахид̇абхааж̇анз ан̃н̃абхигкусанд̇агз ад̇д̇ано бин̣д̣абаад̇ам̣ багкибад̇и, ‘д̇ам̣ т̇ога’нд̇и ваа ан̃н̃зна ваа гааран̣зна вад̣̇ад̇и, д̇ам̣ саб̣б̣зсам̣ на габбад̇и. гасмаа? винаяад̣̇уггадад̇д̇аа . ад̇д̇анаа бадиг̇г̇ахзд̇ваа багкибид̇аб̣б̣ам̣ винаяавид̇хим̣ агад̇ваа д̣̇уггаданд̇и ад̇хиббааяо. звам̣ д̇аад̣̇исам̣ гимад̇т̇ам̣ на бхун̃ж̇ад̇ийд̇и? адтагат̇ааяам̣ ‘уг̇г̇ахид̇аго ход̇ий’д̇и вуд̇д̇ад̇д̇аа. зван̃хи д̇ад̇т̇а вуд̇д̇ам̣ бхуумияам̣ ваа бхааж̇анз ваа палам̣ ваа яам̣ гин̃жи аамисам̣ ваа яааваж̇ийвигамби аббадиг̇г̇ахид̇агам̣ аж̇аананд̇о аамасад̇и, на ваддад̇и, уг̇г̇ахид̇агам̣ ход̇ий’’д̇и ануг̇ан̣тибад̣̇з вуд̇д̇ам̣, д̇асмаа имасса мад̇зна бхигку бхигкусса сажз бад̇д̇з аббадиг̇г̇ахид̇з бин̣д̣ам̣ табзд̇и, д̇ам̣ агаббияам̣ уг̇г̇ахид̇аганд̇и сид̣̇д̇хам̣. аяамзвад̇т̇о ‘‘сажз ад̇д̇ано ваа бхигкуунам̣ ваа яааг̇убажанагабхааж̇анз…бз… нираамисам̣ гад̇ваа барибхун̃ж̇ид̇аб̣б̣а’’нд̇и важанзна сам̣санд̣̇ид̇ваа гат̇зд̇аб̣б̣о. ‘‘габбияамам̣сакийрам̣ ваа’’д̇и басан̇г̇авасзна вуд̇д̇ам̣. д̣̇ад̇хи жз бадилад̣̇д̇хам̣, д̇ан̃жа ад̇хиббзд̇анд̇и гзжи.
Apica ‘‘appaṭiggahitabhājane aññabhikkhusantake attano piṇḍapātaṃ pakkhipati, ‘taṃ thoka’nti vā aññena vā kāraṇena vadati, taṃ sabbesaṃ na kappati. Kasmā? Vinayadukkaṭattā . Attanā paṭiggahetvā pakkhipitabbaṃ vinayavidhiṃ akatvā dukkaṭanti adhippāyo. Evaṃ tādisaṃ kimatthaṃ na bhuñjatīti? Aṭṭhakathāyaṃ ‘uggahitako hotī’ti vuttattā. Evañhi tattha vuttaṃ bhūmiyaṃ vā bhājane vā phalaṃ vā yaṃ kiñci āmisaṃ vā yāvajīvikampi appaṭiggahitakaṃ ajānanto āmasati, na vaṭṭati, uggahitakaṃ hotī’’ti anugaṇṭhipade vuttaṃ, tasmā imassa matena bhikkhu bhikkhussa sace patte appaṭiggahite piṇḍaṃ ṭhapeti, taṃ akappiyaṃ uggahitakanti siddhaṃ. Ayamevattho ‘‘sace attano vā bhikkhūnaṃ vā yāgupacanakabhājane…pe… nirāmisaṃ katvā paribhuñjitabba’’nti vacanena saṃsanditvā kathetabbo. ‘‘Kappiyamaṃsakhīraṃ vā’’ti pasaṅgavasena vuttaṃ. Dadhi ce paṭiladdhaṃ, tañca adhippetanti keci.
д̣̇анд̇абонасигкаабад̣̇аван̣н̣анаа нидтид̇аа.
Dantaponasikkhāpadavaṇṇanā niṭṭhitā.
самад̇д̇о ван̣н̣анааггамзна бхож̇анаваг̇г̇о жад̇уд̇т̇о.
Samatto vaṇṇanākkamena bhojanavaggo catuttho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. д̣̇анд̇абонасигкаабад̣̇ам̣ • 10. Dantaponasikkhāpadaṃ
