| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
10. д̣̇анд̇абонасигкаабад̣̇аван̣н̣анаа
10. Dantaponasikkhāpadavaṇṇanā
263. д̣̇асамз гханаб̣ад̣̇д̇ход̇и гханамам̣сзна самб̣ад̣̇д̇хо, гат̇инасам̣хад̇асарийрод̇и ад̇т̇о.
263. Dasame ghanabaddhoti ghanamaṃsena sambaddho, kathinasaṃhatasarīroti attho.
264. мукад̣̇вааранд̇и мукад̇о хздтаа д̣̇ваарам̣ мукад̣̇ваарам̣, г̇аланаал̣иганд̇и ад̇т̇о. зван̃жа наасигааяа бавидтамби мукад̣̇ваарам̣ бавидтамзва ход̇и, мукз багкид̇д̇амад̇д̇ан̃жа аббавидтам̣. аахааранд̇и аж̇жхохарид̇аб̣б̣ам̣ гаалигам̣ ад̇хиббзд̇ам̣, на уд̣̇агам̣. д̇ан̃хи бхзсаж̇ж̇асан̇г̇ахид̇амби агаалигамзва бадиг̇г̇ахид̇ассзва гаалигад̇д̇аа. уд̣̇агз хи бадиг̇г̇ахан̣ам̣ на рухад̇и. д̇знзва бхигкунаа д̇аабид̇зна уд̣̇агзна жирабадиг̇г̇ахид̇зна жа агаббияагудияам̣ вуд̇т̇зна жа саха аамисам̣ бхун̃ж̇анд̇ассааби саамабаагаад̣̇ид̣̇осо на ход̇и. вагкад̇и хи ‘‘бхигку яааг̇уад̇т̇ааяа…бз… уд̣̇агам̣ д̇аабзд̇и, ваддад̇ий’’д̇иаад̣̇и (баажи. адта. 265). бхигкуу бана зд̇ам̣ ад̇хиббааяам̣ д̇ад̣̇аа на ж̇ааним̣су. д̇знааха ‘‘саммаа ад̇т̇ам̣ асаллагкзд̇ваа’’д̇иаад̣̇и.
264.Mukhadvāranti mukhato heṭṭhā dvāraṃ mukhadvāraṃ, galanāḷikanti attho. Evañca nāsikāya paviṭṭhampi mukhadvāraṃ paviṭṭhameva hoti, mukhe pakkhittamattañca appaviṭṭhaṃ. Āhāranti ajjhoharitabbaṃ kālikaṃ adhippetaṃ, na udakaṃ. Tañhi bhesajjasaṅgahitampi akālikameva paṭiggahitasseva kālikattā. Udake hi paṭiggahaṇaṃ na ruhati. Teneva bhikkhunā tāpitena udakena cirapaṭiggahitena ca akappiyakuṭiyaṃ vutthena ca saha āmisaṃ bhuñjantassāpi sāmapākādidoso na hoti. Vakkhati hi ‘‘bhikkhu yāguatthāya…pe… udakaṃ tāpeti, vaṭṭatī’’tiādi (pāci. aṭṭha. 265). Bhikkhū pana etaṃ adhippāyaṃ tadā na jāniṃsu. Tenāha ‘‘sammā atthaṃ asallakkhetvā’’tiādi.
265. рат̇арзн̣умбийд̇и рат̇з г̇ажчанд̇з удтаханарзн̣усад̣̇исарзн̣ум̣. д̇зна д̇ад̇о сукумам̣ аагаасз бариб̣бхаманагам̣ д̣̇иссамаанамби аб̣б̣охаариганд̇и д̣̇ассзд̇и. агаллагод̇и г̇илаано.
265.Rathareṇumpīti rathe gacchante uṭṭhahanareṇusadisareṇuṃ. Tena tato sukhumaṃ ākāse paribbhamanakaṃ dissamānampi abbohārikanti dasseti. Akallakoti gilāno.
‘‘г̇ахзд̇ум̣ ваа…бз… д̇асса ориманд̇знаа’’д̇и иминаа аагаасз уж̇ум̣ тад̇ваа барзна угкид̇д̇ам̣ г̇ан̣ханд̇ассааби аасаннан̇г̇абхууд̇абаад̣̇ад̇алад̇о бадтааяа хад̇т̇абаасо барижчинд̣̇ид̇аб̣б̣о, на бана сийсанд̇ад̇о бадтааяаад̇и д̣̇ассзд̇и. д̇ад̇т̇а ‘‘ориманд̇знаа’’д̇и имасса хздтиманд̇знаад̇и ад̇т̇о г̇ахзд̇аб̣б̣о.
‘‘Gahetuṃ vā…pe… tassa orimantenā’’ti iminā ākāse ujuṃ ṭhatvā parena ukkhittaṃ gaṇhantassāpi āsannaṅgabhūtapādatalato paṭṭhāya hatthapāso paricchinditabbo, na pana sīsantato paṭṭhāyāti dasseti. Tattha ‘‘orimantenā’’ti imassa heṭṭhimantenāti attho gahetabbo.
зд̇т̇а жа бавааран̣аасигкаабад̣̇адтагат̇ааяам̣ ‘‘сажз бхигку нисинно ход̇и, аасанасса бажчиманд̇ад̇о бадтааяаа’’д̇иаад̣̇инаа (баажи. адта. 238-239) бадиг̇г̇аахагаанам̣ аасаннан̇г̇асса баариманд̇ад̇о бадтааяа барижчзд̣̇асса д̣̇ассид̇ад̇д̇аа ид̇хааби аагаасз тид̇асса бадиг̇г̇аахагасса аасаннан̇г̇абхууд̇абаад̣̇ан̇г̇уласса баариманд̇абхууд̇ад̇о бан̣хибарияанд̇асса хздтимад̇алад̇о бадтааяа, д̣̇ааяагасса бана ориманд̇абхууд̇ад̇о баад̣̇ан̇г̇уласса хздтимад̇алад̇о бадтааяа хад̇т̇абаасо барижчинд̣̇ид̇аб̣б̣од̇и д̣̇адтаб̣б̣ам̣. иминаава наязна бхуумияам̣ нибаж̇ж̇ид̇ваа уссийсз нисиннасса хад̇т̇ад̇о бадиг̇г̇ан̣ханд̇ассаби аасаннасийсан̇г̇асса баариманд̇абхууд̇ад̇о г̇ийванд̇ад̇о бадтааязва хад̇т̇абаасо минид̇аб̣б̣о, на баад̣̇ад̇алад̇о бадтааяа. звам̣ нибаж̇ж̇ид̇ваа д̣̇аанзби яат̇аануруубам̣ взд̣̇ид̇аб̣б̣ам̣. ‘‘яам̣ аасаннад̇арам̣ ан̇г̇а’’нд̇и хи вуд̇д̇ам̣.
Ettha ca pavāraṇāsikkhāpadaṭṭhakathāyaṃ ‘‘sace bhikkhu nisinno hoti, āsanassa pacchimantato paṭṭhāyā’’tiādinā (pāci. aṭṭha. 238-239) paṭiggāhakānaṃ āsannaṅgassa pārimantato paṭṭhāya paricchedassa dassitattā idhāpi ākāse ṭhitassa paṭiggāhakassa āsannaṅgabhūtapādaṅgulassa pārimantabhūtato paṇhipariyantassa heṭṭhimatalato paṭṭhāya, dāyakassa pana orimantabhūtato pādaṅgulassa heṭṭhimatalato paṭṭhāya hatthapāso paricchinditabboti daṭṭhabbaṃ. Imināva nayena bhūmiyaṃ nipajjitvā ussīse nisinnassa hatthato paṭiggaṇhantassapi āsannasīsaṅgassa pārimantabhūtato gīvantato paṭṭhāyeva hatthapāso minitabbo, na pādatalato paṭṭhāya. Evaṃ nipajjitvā dānepi yathānurūpaṃ veditabbaṃ. ‘‘Yaṃ āsannataraṃ aṅga’’nti hi vuttaṃ.
бадиг̇г̇ахан̣асан̃н̃ааяаад̇и ‘‘ман̃жаад̣̇инаа бадиг̇г̇ахзссаамий’’д̇и уббаад̣̇ид̇асан̃н̃ааяа. иминаа ‘‘бадиг̇г̇ан̣хаамий’’д̇и ваажааяа вад̇д̇аб̣б̣агижжам̣ над̇т̇ийд̇и д̣̇ассзд̇и. гад̇т̇ажи адтагат̇аасу, бад̣̇зсзсу ваа. асам̣хааримз палагзд̇и т̇аамамаж̇жхимзна бурисзна асам̣хаарияз. бун̃чид̇ваа бадиг̇г̇ахзд̇ваад̇и бун̃чид̇зби раж̇анажун̣н̣асан̇гааяа сад̇и бадиг̇г̇ахан̣ад̇т̇ааяа вуд̇д̇ам̣, наасад̇и. д̇ам̣ банаад̇и бад̇ид̇араж̇ам̣ аббадиг̇г̇ахзд̇ваа убари г̇ахид̇абин̣д̣абаад̇ам̣. анаабад̇д̇ийд̇и д̣̇урубажин̣н̣аад̣̇ид̣̇осо над̇т̇и. ‘‘анубасамбаннасса д̣̇ассаамий’’д̇иаад̣̇иби винаяад̣̇уггадабарихаарааяа вуд̇д̇ам̣. д̇ат̇аа агад̇ваа г̇ахид̇зби бадиг̇г̇ахзд̇ваа барибхун̃ж̇ад̇о анаабад̇д̇и зва. ‘‘анубасамбаннасса д̣̇ад̇ваа’’д̇и ид̣̇амби буримаабхог̇аануг̇ун̣ад̇ааяа вуд̇д̇ам̣.
Paṭiggahaṇasaññāyāti ‘‘mañcādinā paṭiggahessāmī’’ti uppāditasaññāya. Iminā ‘‘paṭiggaṇhāmī’’ti vācāya vattabbakiccaṃ natthīti dasseti. Katthaci aṭṭhakathāsu, padesesu vā. Asaṃhārime phalaketi thāmamajjhimena purisena asaṃhāriye. Puñchitvā paṭiggahetvāti puñchitepi rajanacuṇṇasaṅkāya sati paṭiggahaṇatthāya vuttaṃ, nāsati. Taṃ panāti patitarajaṃ appaṭiggahetvā upari gahitapiṇḍapātaṃ. Anāpattīti durupaciṇṇādidoso natthi. ‘‘Anupasampannassa dassāmī’’tiādipi vinayadukkaṭaparihārāya vuttaṃ. Tathā akatvā gahitepi paṭiggahetvā paribhuñjato anāpatti eva. ‘‘Anupasampannassa datvā’’ti idampi purimābhogānuguṇatāya vuttaṃ.
жаругзнаад̇и куд̣̇д̣̇агабхааж̇анзна. абхихадад̇д̇аад̇и д̣̇ияяамаанагкан̣ам̣ санд̇хааяа вуд̇д̇ам̣. д̣̇ад̇ваа абанаяанагаалз бана чааригаа ваа б̣инд̣̇ууни ваа бад̇анд̇и, буна бадиг̇г̇ахзд̇аб̣б̣ам̣ абхихаарасса виг̇ад̇ад̇д̇аад̇и вад̣̇анд̇и. д̇ам̣ яат̇аа на бад̇ад̇и, д̇ат̇аа абанзссаамийд̇и барихаранд̇з яуж̇ж̇ад̇и. багад̇исан̃н̃ааяа абанзнд̇з абхихааро на чиж̇ж̇ад̇и, д̇ам̣ бадиг̇г̇ахид̇амзва ход̇и. мукаваддияааби г̇ахзд̇ум̣ ваддад̇ийд̇и абхихарияамаанасса бад̇д̇асса мукаваддияаа убарибхааг̇з хад̇т̇ам̣ басаарзд̇ваа пусид̇ум̣ ваддад̇и.
Carukenāti khuddakabhājanena. Abhihaṭattāti diyyamānakkhaṇaṃ sandhāya vuttaṃ. Datvā apanayanakāle pana chārikā vā bindūni vā patanti, puna paṭiggahetabbaṃ abhihārassa vigatattāti vadanti. Taṃ yathā na patati, tathā apanessāmīti pariharante yujjati. Pakatisaññāya apanente abhihāro na chijjati, taṃ paṭiggahitameva hoti. Mukhavaṭṭiyāpi gahetuṃ vaṭṭatīti abhihariyamānassa pattassa mukhavaṭṭiyā uparibhāge hatthaṃ pasāretvā phusituṃ vaṭṭati.
баад̣̇зна бзллзд̇ваад̇и ‘‘баад̣̇зна бадиг̇г̇ахзссаамий’’д̇исан̃н̃ааяа аггамид̇ваа. гзжийд̇и абхаяаг̇ириваасино. важанамад̇д̇амзваад̇и бадиб̣ад̣̇д̇хаббадиб̣ад̣̇д̇ханд̇и сад̣̇д̣̇амад̇д̇амзва наанам̣, гааяабадиб̣ад̣̇д̇хамзва ход̇и. д̇асмаа д̇зсам̣ важанам̣ на г̇ахзд̇аб̣б̣анд̇и ад̇хиббааяо.
Pādena pelletvāti ‘‘pādena paṭiggahessāmī’’tisaññāya akkamitvā. Kecīti abhayagirivāsino. Vacanamattamevāti paṭibaddhappaṭibaddhanti saddamattameva nānaṃ, kāyapaṭibaddhameva hoti. Tasmā tesaṃ vacanaṃ na gahetabbanti adhippāyo.
д̇зна аахараабзд̇унд̇и яасса бхигкуно санд̇игам̣ г̇ад̇ам̣, д̇ам̣ ид̇ха аанзхийд̇и аан̣аабзд̇ваа д̇зна аахараабзд̇ум̣ ид̇арасса ваддад̇ийд̇и ад̇т̇о. на д̇ад̇о баранд̇и д̇ад̣̇ахзва саамам̣ аббадиг̇г̇ахид̇ам̣ санд̇хааяа вуд̇д̇ам̣. д̇ад̣̇ахзва бадиг̇г̇ахид̇ам̣ бана бунад̣̇ивасаад̣̇ийсу аббадиг̇г̇ахзд̇вааби барибхун̃ж̇ид̇ум̣ ваддад̇ийд̇и вад̣̇анд̇и.
Tena āharāpetunti yassa bhikkhuno santikaṃ gataṃ, taṃ idha ānehīti āṇāpetvā tena āharāpetuṃ itarassa vaṭṭatīti attho. Na tato paranti tadaheva sāmaṃ appaṭiggahitaṃ sandhāya vuttaṃ. Tadaheva paṭiggahitaṃ pana punadivasādīsu appaṭiggahetvāpi paribhuñjituṃ vaṭṭatīti vadanti.
кияяанд̇ийд̇и каяам̣ г̇ажчанд̇и, д̇зсам̣ жун̣н̣зхи т̇уллажжаяааббадиг̇г̇ахан̣аабад̇д̇ияо на хонд̇ийд̇и ад̇хиббааяо. ‘‘навасамудтид̇а’’нд̇и зд̇знзва ужчуаад̣̇ийсу абхинавалаг̇г̇ад̇д̇аа аб̣б̣охааригам̣ на ход̇ийд̇и д̣̇ассзд̇и. зсзва наяод̇и саннид̇хид̣̇осаад̣̇им̣ санд̇хааяа вад̣̇ад̇и. д̇знааха ‘‘на хий’’д̇иаад̣̇и. д̇зна жа бадиг̇г̇ахан̣ан̇г̇зсу бан̃жасуби самид̣̇д̇хзсу аж̇жхохарид̇угаамад̇ааяа г̇ахид̇амзва бадиг̇г̇ахид̇ам̣ наама ход̇и аж̇жхохарид̇аб̣б̣зсу зва бадиг̇г̇ахан̣асса анун̃н̃аад̇ад̇д̇аад̇и д̣̇ассзд̇и. д̇ат̇аа б̣аахирабарибхог̇ад̇т̇ааяа г̇ахзд̇ваа табид̇ад̇злаад̣̇им̣ аж̇жхохарид̇угаамад̇ааяа сад̇и бадиг̇г̇ахзд̇ваа барибхун̃ж̇ид̇ум̣ ваддад̇и.
Khiyyantīti khayaṃ gacchanti, tesaṃ cuṇṇehi thullaccayaappaṭiggahaṇāpattiyo na hontīti adhippāyo. ‘‘Navasamuṭṭhita’’nti eteneva ucchuādīsu abhinavalaggattā abbohārikaṃ na hotīti dasseti. Eseva nayoti sannidhidosādiṃ sandhāya vadati. Tenāha ‘‘na hī’’tiādi. Tena ca paṭiggahaṇaṅgesu pañcasupi samiddhesu ajjhoharitukāmatāya gahitameva paṭiggahitaṃ nāma hoti ajjhoharitabbesu eva paṭiggahaṇassa anuññātattāti dasseti. Tathā bāhiraparibhogatthāya gahetvā ṭhapitatelādiṃ ajjhoharitukāmatāya sati paṭiggahetvā paribhuñjituṃ vaṭṭati.
гзсан̃жийд̇иаад̣̇ийсу анубасамбаннаанам̣ ад̇т̇ааяа гад̇т̇ажи табияамаанамби хад̇т̇ад̇о муд̇д̇амад̇д̇з зва бадиг̇г̇ахан̣ам̣ на виж̇ахад̇и, ат̇а ко бхааж̇анз бад̇ид̇амзва бадиг̇г̇ахан̣ам̣ виж̇ахад̇и. бхааж̇анан̃жа бхигкунаа бунад̣̇ивасад̇т̇ааяа абзгкид̇амзваад̇и д̇аг̇г̇ад̇амби аамисам̣ д̣̇уд̣̇д̇ход̇абад̇д̇аг̇ад̇ам̣ вияа бадиг̇г̇ахан̣ам̣ на виж̇ахад̇ийд̇и аасан̇гааяа ‘‘сааман̣зрасса хад̇т̇з багкибид̇аб̣б̣а’’нд̇и вуд̇д̇анд̇и взд̣̇ид̇аб̣б̣ам̣. ийд̣̇исзсу хи яуд̇д̇и на г̇авзсид̇аб̣б̣аа, вуд̇д̇анаязнзва бадибаж̇ж̇ид̇аб̣б̣ам̣. ‘‘бад̇д̇аг̇ад̇аа яааг̇уу’’д̇и иминаа бад̇д̇амукаваддияаа пудтзби гуудз яааг̇у бадиг̇г̇ахид̇аа, уг̇г̇ахид̇аа ваа на ход̇и бхигкуно анижчааяа пудтад̇д̇аад̇и д̣̇ассзд̇и. ааробзд̇ийд̇и хад̇т̇ам̣ пусаабзд̇и. бадиг̇г̇ахан̣уубаг̇ам̣ бхаарам̣ наама маж̇жхимасса бурисасса угкзбаарахам̣. на бид̣̇ахид̇аб̣б̣анд̇и хад̇т̇ад̇о муд̇д̇ам̣ санд̇хааяа вуд̇д̇ам̣, хад̇т̇аг̇ад̇ам̣ бана ид̇арзна хад̇т̇зна бид̣̇ахад̇о, хад̇т̇ад̇о муд̇д̇амби ваа апусид̇ваа убарибид̇хаанам̣ баад̇знд̇асса на д̣̇осо.
Kesañcītiādīsu anupasampannānaṃ atthāya katthaci ṭhapiyamānampi hatthato muttamatte eva paṭiggahaṇaṃ na vijahati, atha kho bhājane patitameva paṭiggahaṇaṃ vijahati. Bhājanañca bhikkhunā punadivasatthāya apekkhitamevāti taggatampi āmisaṃ duddhotapattagataṃ viya paṭiggahaṇaṃ na vijahatīti āsaṅkāya ‘‘sāmaṇerassa hatthe pakkhipitabba’’nti vuttanti veditabbaṃ. Īdisesu hi yutti na gavesitabbā, vuttanayeneva paṭipajjitabbaṃ. ‘‘Pattagatā yāgū’’ti iminā pattamukhavaṭṭiyā phuṭṭhepi kūṭe yāgu paṭiggahitā, uggahitā vā na hoti bhikkhuno anicchāya phuṭṭhattāti dasseti. Āropetīti hatthaṃ phusāpeti. Paṭiggahaṇūpagaṃ bhāraṃ nāma majjhimassa purisassa ukkhepārahaṃ. Na pidahitabbanti hatthato muttaṃ sandhāya vuttaṃ, hatthagataṃ pana itarena hatthena pidahato, hatthato muttampi vā aphusitvā uparipidhānaṃ pātentassa na doso.
бадиг̇г̇ан̣хаад̇ийд̇и чааяад̇т̇ааяа убари д̇хаараяамаанаа махаасаакаа язна гзнажи чиж̇ж̇зяяа, д̇ад̇т̇а лаг̇г̇араж̇ам̣ мукз баад̇зяяа жаад̇и габбияам̣ гаараабзд̇ваа бадиг̇г̇ан̣хаад̇и. гун̣д̣агзд̇и махаагхадз. д̇асмимбийд̇и жаадигхадзби. г̇аахаабзд̇ваад̇и аббадиг̇г̇ахид̇ам̣ гаалигам̣ г̇аахаабзд̇ваа.
Paṭiggaṇhātīti chāyatthāya upari dhārayamānā mahāsākhā yena kenaci chijjeyya, tattha laggarajaṃ mukhe pāteyya cāti kappiyaṃ kārāpetvā paṭiggaṇhāti. Kuṇḍaketi mahāghaṭe. Tasmimpīti cāṭighaṭepi. Gāhāpetvāti appaṭiggahitaṃ kālikaṃ gāhāpetvā.
д̣̇уд̇ияад̇т̇зрассаад̇и ‘‘т̇зрасса бад̇д̇ам̣ маяхам̣ д̣̇зт̇аа’’д̇и д̇зна ад̇д̇ано барижжаж̇аабзд̇ваа д̣̇уд̇ияад̇т̇зрасса д̣̇зд̇и. зд̇т̇а банаад̇и бад̇д̇абаривад̇д̇анз. гааран̣анд̇и зд̇т̇а яат̇аа ‘‘сааман̣зраа ид̇о амхаагамби д̣̇знд̇ий’’д̇и вид̇агго уббаж̇ж̇ад̇и, на д̇ат̇аад̇и гааран̣ам̣ вад̣̇анд̇и, д̇ан̃жа яуд̇д̇ам̣. яасса бана д̇аад̣̇исо вид̇агго над̇т̇и, д̇зна абаривад̇д̇зд̇вааби бхун̃ж̇ид̇ум̣ ваддад̇и.
Dutiyattherassāti ‘‘therassa pattaṃ mayhaṃ dethā’’ti tena attano pariccajāpetvā dutiyattherassa deti. Ettha panāti pattaparivattane. Kāraṇanti ettha yathā ‘‘sāmaṇerā ito amhākampi dentī’’ti vitakko uppajjati, na tathāti kāraṇaṃ vadanti, tañca yuttaṃ. Yassa pana tādiso vitakko natthi, tena aparivattetvāpi bhuñjituṃ vaṭṭati.
нижжаалзд̇унд̇и жаалзд̇ваа баасаан̣асагкараад̣̇иабанаяам̣ гаад̇ум̣. уд̣̇д̇ханам̣ ааробзд̇аб̣б̣анд̇и анаг̇г̇игам̣ уд̣̇д̇ханам̣ санд̇хааяа вуд̇д̇ам̣. уд̣̇д̇ханз бажжамаанасса аалул̣анз убари абаггад̇ан̣д̣улаа хздтаа бависид̇ваа бажжад̇ийд̇и ааха ‘‘саамам̣бааган̃жзва ход̇ий’’д̇и.
Niccāletunti cāletvā pāsāṇasakkharādiapanayaṃ kātuṃ. Uddhanaṃ āropetabbanti anaggikaṃ uddhanaṃ sandhāya vuttaṃ. Uddhane paccamānassa āluḷane upari apakkataṇḍulā heṭṭhā pavisitvā paccatīti āha ‘‘sāmaṃpākañceva hotī’’ti.
аад̇хаарагз бад̇д̇о табид̇од̇и аббадиг̇г̇ахид̇аамисо бад̇д̇о буна бадиг̇г̇ахан̣ад̇т̇ааяа табид̇о. згаг̇г̇ахан̣знзваад̇и сааман̣зраанам̣ г̇ахид̇асса буна ажчад̣д̣анавасзна г̇ахан̣зна. бхун̃ж̇ид̇ум̣ ваддад̇ийд̇и д̇хуумаваддияаа д̇ад̣̇ахубадиг̇г̇ахид̇ад̇д̇аа вуд̇д̇ам̣. бхад̇д̇уг̇г̇аарод̇иаад̣̇и аб̣б̣охааригаббасан̇г̇зна вигаалабхож̇анавинижчаяад̣̇ассанам̣. самуд̣̇д̣̇од̣̇агзнаад̇и аббадиг̇г̇ахид̇зна. химагарагаа наама гад̣̇аажи вассод̣̇агзна саха бад̇анагаа баасаан̣алзкаа вияа гханийбхууд̇ауд̣̇агависзсаа, д̇зсу бадиг̇г̇ахан̣агижжам̣ над̇т̇и. д̇знааха ‘‘уд̣̇агаг̇ад̇игаа зваа’’д̇и. бурзбхад̇д̇амзва ваддад̇ийд̇и аббадиг̇г̇ахид̇аабад̇д̇ийхи аб̣б̣охааригамби вигаалабхож̇анаабад̇д̇ийхи саб̣б̣охаариганд̇и д̣̇ассзд̇и.
Ādhārake patto ṭhapitoti appaṭiggahitāmiso patto puna paṭiggahaṇatthāya ṭhapito. Ekaggahaṇenevāti sāmaṇerānaṃ gahitassa puna acchaḍḍanavasena gahaṇena. Bhuñjituṃ vaṭṭatīti dhūmavaṭṭiyā tadahupaṭiggahitattā vuttaṃ. Bhattuggārotiādi abbohārikappasaṅgena vikālabhojanavinicchayadassanaṃ. Samuddodakenāti appaṭiggahitena. Himakarakā nāma kadāci vassodakena saha patanakā pāsāṇalekhā viya ghanībhūtaudakavisesā, tesu paṭiggahaṇakiccaṃ natthi. Tenāha ‘‘udakagatikā evā’’ti. Purebhattameva vaṭṭatīti appaṭiggahitāpattīhi abbohārikampi vikālabhojanāpattīhi sabbohārikanti dasseti.
лаг̇г̇ад̇ийд̇и мукз жа хад̇т̇з жа мад̇д̇игааван̣н̣ам̣ д̣̇ассзд̇и. б̣ахаланд̇и хад̇т̇амукзсу алаг̇г̇анагамби бадиг̇г̇ахзд̇аб̣б̣ам̣. ваасамад̇д̇анд̇и рзн̣укийраабхаавам̣ д̣̇ассзд̇и. аагирад̇и бадиг̇г̇ахзд̇аб̣б̣анд̇и бубпарасасса бан̃н̃ааяанад̇о вуд̇д̇ам̣.
Laggatīti mukhe ca hatthe ca mattikāvaṇṇaṃ dasseti. Bahalanti hatthamukhesu alagganakampi paṭiggahetabbaṃ. Vāsamattanti reṇukhīrābhāvaṃ dasseti. Ākirati paṭiggahetabbanti puppharasassa paññāyanato vuttaṃ.
махаабхууд̇зсууд̇и баан̣асарийрасанниссид̇зсу бат̇авийаад̣̇имахаабхууд̇зсу. саб̣б̣ам̣ ваддад̇ийд̇и ад̇д̇ано, барзсан̃жа сарийраниссид̇ам̣ саб̣б̣ам̣ ваддад̇и. агаббияамам̣саануломад̇ааяа т̇уллажжаяаад̣̇им̣ на ж̇анзд̇ийд̇и ад̇хиббааяо. бад̇ад̇ийд̇и ад̇д̇ано сарийрад̇о вижчинд̣̇ид̇ваа бад̇ад̇и. ‘‘ругкад̇о чинд̣̇ид̇ваа’’д̇и вуд̇д̇ад̇д̇аа мад̇д̇игад̇т̇ааяа бат̇авим̣ кан̣ид̇ум̣, ан̃н̃амби яам̣гин̃жи муулабан̣н̣аад̣̇ивисабхзсаж̇ж̇ам̣ чинд̣̇ид̇ваа чааригам̣ агад̇вааби аббадиг̇г̇ахид̇амби барибхун̃ж̇ид̇ум̣ ваддад̇ийд̇и д̣̇адтаб̣б̣ам̣. аббадиг̇г̇ахид̇ад̇аа, ананун̃н̃аад̇ад̇аа, д̇хуумаад̣̇иаб̣б̣охааригад̇аабхааво, аж̇жхохаран̣анд̇и имаанзд̇т̇а жад̇д̇аари ан̇г̇аани.
Mahābhūtesūti pāṇasarīrasannissitesu pathavīādimahābhūtesu. Sabbaṃ vaṭṭatīti attano, paresañca sarīranissitaṃ sabbaṃ vaṭṭati. Akappiyamaṃsānulomatāya thullaccayādiṃ na janetīti adhippāyo. Patatīti attano sarīrato vicchinditvā patati. ‘‘Rukkhato chinditvā’’ti vuttattā mattikatthāya pathaviṃ khaṇituṃ, aññampi yaṃkiñci mūlapaṇṇādivisabhesajjaṃ chinditvā chārikaṃ akatvāpi appaṭiggahitampi paribhuñjituṃ vaṭṭatīti daṭṭhabbaṃ. Appaṭiggahitatā, ananuññātatā, dhūmādiabbohārikatābhāvo, ajjhoharaṇanti imānettha cattāri aṅgāni.
д̣̇анд̇абонасигкаабад̣̇аван̣н̣анаа нидтид̇аа.
Dantaponasikkhāpadavaṇṇanā niṭṭhitā.
нидтид̇о бхож̇анаваг̇г̇о жад̇уд̇т̇о.
Niṭṭhito bhojanavaggo catuttho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. д̣̇анд̇абонасигкаабад̣̇аван̣н̣анаа • 10. Dantaponasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. д̣̇анд̇абонасигкаабад̣̇ам̣ • 10. Dantaponasikkhāpadaṃ
