| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
4. д̣̇анд̇игаат̇зрийг̇аат̇ааван̣н̣анаа
4. Dantikātherīgāthāvaṇṇanā
д̣̇иваавихаараа нигкаммаад̇иаад̣̇игаа д̣̇анд̇игааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий б̣уд̣̇д̇хасун̃н̃агаалз жанд̣̇абхааг̇ааяа над̣̇ияаа д̇ийрз гиннараяонияам̣ ниб̣б̣ад̇д̇и. саа згад̣̇ивасам̣ гиннарзхи сад̣̇д̇хим̣ гийл̣анд̇ий вижарамаанаа ад̣̇д̣̇аса ан̃н̃ад̇арам̣ бажжзгаб̣уд̣̇д̇хам̣ ан̃н̃ад̇арасмим̣ ругкамуулз д̣̇иваавихаарам̣ нисиннам̣. д̣̇исваана басаннамаанасаа убасан̇гамид̇ваа саалабубпзхи бууж̇ам̣ гад̇ваа ванд̣̇ид̇ваа баггаами. саа д̇зна бун̃н̃агаммзна д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з саавад̇т̇ияам̣ госаларан̃н̃о бурохид̇аб̣раахман̣асса г̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа ж̇зд̇аванабадиг̇г̇ахан̣з бадилад̣̇д̇хасад̣̇д̇хаа убаасигаа худ̇ваа бажчаа махаабаж̇аабад̇иг̇од̇амияаа санд̇игз баб̣б̣аж̇ид̇ваа рааж̇аг̇ахз васамаанаа згад̣̇ивасам̣ бажчаабхад̇д̇ам̣ г̇иж̇жхагуудам̣ абхирухид̇ваа д̣̇иваавихаарам̣ нисиннаа хад̇т̇аарохагасса абхируханад̇т̇ааяа баад̣̇ам̣ басаарзнд̇ам̣ хад̇т̇им̣ д̣̇исваа д̇ад̣̇зва аарамман̣ам̣ гад̇ваа вибассанам̣ вад̣дхзд̇ваа саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.2.86-96) –
Divāvihārā nikkhammātiādikā dantikāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī buddhasuññakāle candabhāgāya nadiyā tīre kinnarayoniyaṃ nibbatti. Sā ekadivasaṃ kinnarehi saddhiṃ kīḷantī vicaramānā addasa aññataraṃ paccekabuddhaṃ aññatarasmiṃ rukkhamūle divāvihāraṃ nisinnaṃ. Disvāna pasannamānasā upasaṅkamitvā sālapupphehi pūjaṃ katvā vanditvā pakkāmi. Sā tena puññakammena devamanussesu saṃsarantī imasmiṃ buddhuppāde sāvatthiyaṃ kosalarañño purohitabrāhmaṇassa gehe nibbattitvā viññutaṃ patvā jetavanapaṭiggahaṇe paṭiladdhasaddhā upāsikā hutvā pacchā mahāpajāpatigotamiyā santike pabbajitvā rājagahe vasamānā ekadivasaṃ pacchābhattaṃ gijjhakūṭaṃ abhiruhitvā divāvihāraṃ nisinnā hatthārohakassa abhiruhanatthāya pādaṃ pasārentaṃ hatthiṃ disvā tadeva ārammaṇaṃ katvā vipassanaṃ vaḍḍhetvā saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.2.86-96) –
‘‘жанд̣̇абхааг̇аанад̣̇ийд̇ийрз , ахосим̣ гиннарий д̇ад̣̇аа;
‘‘Candabhāgānadītīre , ahosiṃ kinnarī tadā;
ад̣̇д̣̇асам̣ вираж̇ам̣ б̣уд̣̇д̇хам̣, саяамбхум̣ абарааж̇ид̇ам̣.
Addasaṃ virajaṃ buddhaṃ, sayambhuṃ aparājitaṃ.
‘‘басаннажид̇д̇аа суманаа, взд̣̇аж̇аад̇аа гад̇ан̃ж̇алий;
‘‘Pasannacittā sumanā, vedajātā katañjalī;
сааламаалам̣ г̇ахзд̇ваана, саяамбхум̣ абхибууж̇аяим̣.
Sālamālaṃ gahetvāna, sayambhuṃ abhipūjayiṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа гиннарийд̣̇зхам̣, д̇аавад̇им̣самаг̇ажчахам̣.
Jahitvā kinnarīdehaṃ, tāvatiṃsamagacchahaṃ.
‘‘чад̇д̇им̣сад̣̇зварааж̇уунам̣, махзсид̇д̇амагаараяим̣;
‘‘Chattiṃsadevarājūnaṃ, mahesittamakārayiṃ;
манасаа бад̇т̇ид̇ам̣ маяхам̣, ниб̣б̣ад̇д̇ад̇и яат̇ижчид̇ам̣.
Manasā patthitaṃ mayhaṃ, nibbattati yathicchitaṃ.
‘‘д̣̇асаннам̣ жаггавад̇д̇ийнам̣, махзсид̇д̇амагаараяим̣;
‘‘Dasannaṃ cakkavattīnaṃ, mahesittamakārayiṃ;
ожид̇ад̇д̇аава худ̇ваана, сам̣сараами бхавзсвахам̣.
Ocitattāva hutvāna, saṃsarāmi bhavesvahaṃ.
‘‘гусалам̣ виж̇ж̇ад̇з маяхам̣, баб̣б̣аж̇им̣ анаг̇аарияам̣;
‘‘Kusalaṃ vijjate mayhaṃ, pabbajiṃ anagāriyaṃ;
бууж̇аарахаа ахам̣ аж̇ж̇а, сагяабуд̇д̇асса саасанз.
Pūjārahā ahaṃ ajja, sakyaputtassa sāsane.
‘‘висуд̣̇д̇хаманасаа аж̇ж̇а, абзд̇аманабаабигаа;
‘‘Visuddhamanasā ajja, apetamanapāpikā;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
‘‘жад̇уннавуд̇ид̇о габбз, яам̣ б̣уд̣̇д̇хамабхибууж̇аяим̣;
‘‘Catunnavutito kappe, yaṃ buddhamabhipūjayiṃ;
д̣̇уг̇г̇ад̇им̣ наабхиж̇аанаами, сааламаалааяид̣̇ам̣ палам̣.
Duggatiṃ nābhijānāmi, sālamālāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа бийд̇исоманассаж̇аад̇аа уд̣̇аанавасзна –
Arahattaṃ pana patvā attano paṭipattiṃ paccavekkhitvā pītisomanassajātā udānavasena –
48.
48.
‘‘д̣̇иваавихаараа нигкамма, г̇иж̇жхагуудамхи баб̣б̣ад̇з;
‘‘Divāvihārā nikkhamma, gijjhakūṭamhi pabbate;
нааг̇ам̣ ог̇аахамуд̇д̇ин̣н̣ам̣, над̣̇ийд̇ийрамхи ад̣̇д̣̇асам̣.
Nāgaṃ ogāhamuttiṇṇaṃ, nadītīramhi addasaṃ.
49.
49.
‘‘бурисо ан̇гусамаад̣̇ааяа, ‘д̣̇зхи баад̣̇а’нд̇и яаажад̇и;
‘‘Puriso aṅkusamādāya, ‘dehi pāda’nti yācati;
нааг̇о басаараяий баад̣̇ам̣, бурисо нааг̇амаарухи.
Nāgo pasārayī pādaṃ, puriso nāgamāruhi.
50.
50.
‘‘д̣̇исваа ад̣̇анд̇ам̣ д̣̇амид̇ам̣, мануссаанам̣ васам̣ г̇ад̇ам̣;
‘‘Disvā adantaṃ damitaṃ, manussānaṃ vasaṃ gataṃ;
д̇ад̇о жид̇д̇ам̣ самаад̇хзсим̣, калу д̇ааяа ванам̣ г̇ад̇аа’’д̇и. – имаа г̇аат̇аа абхааси;
Tato cittaṃ samādhesiṃ, khalu tāya vanaṃ gatā’’ti. – imā gāthā abhāsi;
д̇ад̇т̇а нааг̇ам̣ ог̇аахамуд̇д̇ин̣н̣анд̇и хад̇т̇инааг̇ам̣ над̣̇ияам̣ ог̇аахам̣ гад̇ваа ог̇аяха д̇ад̇о уд̇д̇ин̣н̣ам̣. ‘‘ог̇аяха муд̇д̇ин̣н̣а’’нд̇и ваа баато. ма-гааро бад̣̇асанд̇хигаро. над̣̇ийд̇ийрамхи ад̣̇д̣̇асанд̇и жанд̣̇абхааг̇ааяа над̣̇ияаа д̇ийрз абассим̣.
Tattha nāgaṃ ogāhamuttiṇṇanti hatthināgaṃ nadiyaṃ ogāhaṃ katvā ogayha tato uttiṇṇaṃ. ‘‘Ogayha muttiṇṇa’’nti vā pāṭho. Ma-kāro padasandhikaro. Nadītīramhi addasanti candabhāgāya nadiyā tīre apassiṃ.
гим̣ гаронд̇анд̇и жзд̇ам̣ д̣̇ассзд̇ум̣ вуд̇д̇ам̣ ‘‘бурисо’’д̇иаад̣̇и. д̇ад̇т̇а ‘д̣̇зхи баад̣̇а’нд̇и яаажад̇ийд̇и ‘‘баад̣̇ам̣ д̣̇зхи’’ид̇и бидтиаароханад̇т̇ам̣ баад̣̇ам̣ басаарзд̇ум̣ сан̃н̃ам̣ д̣̇зд̇и, яат̇аабарижид̇ан̃хи сан̃н̃ам̣ д̣̇знд̇о ид̇ха яаажад̇ийд̇и вуд̇д̇о.
Kiṃ karontanti cetaṃ dassetuṃ vuttaṃ ‘‘puriso’’tiādi. Tattha ‘dehi pāda’nti yācatīti ‘‘pādaṃ dehi’’iti piṭṭhiārohanatthaṃ pādaṃ pasāretuṃ saññaṃ deti, yathāparicitañhi saññaṃ dento idha yācatīti vutto.
д̣̇исваа ад̣̇анд̇ам̣ д̣̇амид̇анд̇и багад̇ияаа буб̣б̣з ад̣̇анд̇ам̣ ид̣̇аани хад̇т̇аажариязна хад̇т̇исигкааяа д̣̇амид̇ад̣̇амат̇ам̣ убаг̇амид̇ам̣. гийд̣̇исам̣ д̣̇амид̇ам̣? мануссаанам̣ васам̣ г̇ад̇ам̣ яам̣ яам̣ мануссаа аан̣аабзнд̇и, д̇ам̣ д̇ам̣ д̣̇исваад̇и яож̇анаа. д̇ад̇о жид̇д̇ам̣ самаад̇хзсим̣, калу д̇ааяа ванам̣ г̇ад̇аад̇и калууд̇и авад̇хааран̣ад̇т̇з нибаад̇о. д̇ад̇о хад̇т̇ид̣̇ассанад̇о бажчаа, д̇ааяа хад̇т̇ино гирияааяа хзд̇убхууд̇ааяа, ванам̣ аран̃н̃ам̣ г̇ад̇аа жид̇д̇ам̣ самаад̇хзсим̣язва. гат̇ам̣? ‘‘аяамби наама д̇иражчаанаг̇ад̇о хад̇т̇ий хад̇т̇ид̣̇амагасса васзна д̣̇амат̇ам̣ г̇ад̇о, гасмаа мануссабхууд̇ааяа жид̇д̇ам̣ бурисад̣̇амагасса сад̇т̇у васзна д̣̇амат̇ам̣ на г̇амиссад̇ий’’д̇и сам̣взг̇аж̇аад̇аа вибассанам̣ вад̣дхзд̇ваа аг̇г̇амаг̇г̇асамаад̇хинаа мама жид̇д̇ам̣ самаад̇хзсим̣ ажжанд̇асамаад̇хаанзна саб̣б̣асо гилзсз кзбзсинд̇и ад̇т̇о.
Disvā adantaṃ damitanti pakatiyā pubbe adantaṃ idāni hatthācariyena hatthisikkhāya damitadamathaṃ upagamitaṃ. Kīdisaṃ damitaṃ? Manussānaṃ vasaṃ gataṃ yaṃ yaṃ manussā āṇāpenti, taṃ taṃ disvāti yojanā. Tatocittaṃ samādhesiṃ, khalu tāya vanaṃ gatāti khalūti avadhāraṇatthe nipāto. Tato hatthidassanato pacchā, tāya hatthino kiriyāya hetubhūtāya, vanaṃ araññaṃ gatā cittaṃ samādhesiṃyeva. Kathaṃ? ‘‘Ayampi nāma tiracchānagato hatthī hatthidamakassa vasena damathaṃ gato, kasmā manussabhūtāya cittaṃ purisadamakassa satthu vasena damathaṃ na gamissatī’’ti saṃvegajātā vipassanaṃ vaḍḍhetvā aggamaggasamādhinā mama cittaṃ samādhesiṃ accantasamādhānena sabbaso kilese khepesinti attho.
д̣̇анд̇игаат̇зрийг̇аат̇ааван̣н̣анаа нидтид̇аа.
Dantikātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 4. д̣̇анд̇игаат̇зрийг̇аат̇аа • 4. Dantikātherīgāthā
