| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. д̣̇аануубабад̇д̇исуд̇д̇ам̣
5. Dānūpapattisuttaṃ
35. 1 ‘‘адтимаа, бхигкавз, д̣̇аануубабад̇д̇ияо. гад̇амаа адта? ид̇ха, бхигкавз, згажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и 2. со бассад̇и кад̇д̇ияамахаасаалз ваа б̣раахман̣амахаасаалз ваа г̇ахабад̇имахаасаалз ваа бан̃жахи гаамаг̇ун̣зхи самаббид̇з саман̇г̇ийбхууд̇з барижаараяамаанз. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа кад̇д̇ияамахаасаалаанам̣ ваа б̣раахман̣амахаасаалаанам̣ ваа г̇ахабад̇имахаасаалаанам̣ ваа сахаб̣яад̇ам̣ убабаж̇ж̇зяяа’нд̇и! со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇ам̣ жид̇д̇ам̣ хийнз вимуд̇д̇ам̣ 3, уд̇д̇ари абхаавид̇ам̣, д̇ад̇руубабад̇д̇ияаа сам̣вад̇д̇ад̇и. гааяасса бхзд̣̇аа барам̣ маран̣аа кад̇д̇ияамахаасаалаанам̣ ваа б̣раахман̣амахаасаалаанам̣ ваа г̇ахабад̇имахаасаалаанам̣ ваа сахаб̣яад̇ам̣ убабаж̇ж̇ад̇и. д̇ан̃жа ко сийлавад̇о вад̣̇аами, но д̣̇уссийласса. иж̇жхад̇и, бхигкавз, сийлавад̇о жзд̇обан̣ид̇хи висуд̣̇д̇хад̇д̇аа.
35.4 ‘‘Aṭṭhimā, bhikkhave, dānūpapattiyo. Katamā aṭṭha? Idha, bhikkhave, ekacco dānaṃ deti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. So yaṃ deti taṃ paccāsīsati 5. So passati khattiyamahāsāle vā brāhmaṇamahāsāle vā gahapatimahāsāle vā pañcahi kāmaguṇehi samappite samaṅgībhūte paricārayamāne. Tassa evaṃ hoti – ‘aho vatāhaṃ kāyassa bhedā paraṃ maraṇā khattiyamahāsālānaṃ vā brāhmaṇamahāsālānaṃ vā gahapatimahāsālānaṃ vā sahabyataṃ upapajjeyya’nti! So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa taṃ cittaṃ hīne vimuttaṃ 6, uttari abhāvitaṃ, tatrūpapattiyā saṃvattati. Kāyassa bhedā paraṃ maraṇā khattiyamahāsālānaṃ vā brāhmaṇamahāsālānaṃ vā gahapatimahāsālānaṃ vā sahabyataṃ upapajjati. Tañca kho sīlavato vadāmi, no dussīlassa. Ijjhati, bhikkhave, sīlavato cetopaṇidhi visuddhattā.
‘‘ид̇ха бана, бхигкавз, згажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и. д̇асса суд̇ам̣ ход̇и – ‘жаад̇умахаарааж̇игаа 7 д̣̇зваа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇ам̣ жид̇д̇ам̣ хийнз вимуд̇д̇ам̣, уд̇д̇ари абхаавид̇ам̣, д̇ад̇руубабад̇д̇ияаа сам̣вад̇д̇ад̇и. гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ан̃жа ко сийлавад̇о вад̣̇аами, но д̣̇уссийласса. иж̇жхад̇и, бхигкавз, сийлавад̇о жзд̇обан̣ид̇хи висуд̣̇д̇хад̇д̇аа.
‘‘Idha pana, bhikkhave, ekacco dānaṃ deti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. So yaṃ deti taṃ paccāsīsati. Tassa sutaṃ hoti – ‘cātumahārājikā 8 devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā cātumahārājikānaṃ devānaṃ sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa taṃ cittaṃ hīne vimuttaṃ, uttari abhāvitaṃ, tatrūpapattiyā saṃvattati. Kāyassa bhedā paraṃ maraṇā cātumahārājikānaṃ devānaṃ sahabyataṃ upapajjati. Tañca kho sīlavato vadāmi, no dussīlassa. Ijjhati, bhikkhave, sīlavato cetopaṇidhi visuddhattā.
‘‘ид̇ха бана, бхигкавз, згажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и. д̇асса суд̇ам̣ ход̇и – д̇аавад̇им̣саа д̣̇зваа…бз… яаамаа д̣̇зваа… д̇усид̇аа д̣̇зваа… ниммаанарад̇ий д̣̇зваа… бараниммид̇авасавад̇д̇ий д̣̇зваа д̣̇ийгхааяугаа ван̣н̣аванд̇о сукаб̣ахулаад̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и , д̇ам̣ жид̇д̇ам̣ бхаавзд̇и. д̇асса д̇ам̣ жид̇д̇ам̣ хийнз вимуд̇д̇ам̣, уд̇д̇ари абхаавид̇ам̣, д̇ад̇руубабад̇д̇ияаа сам̣вад̇д̇ад̇и. гааяасса бхзд̣̇аа барам̣ маран̣аа бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ан̃жа ко сийлавад̇о вад̣̇аами, но д̣̇уссийласса. иж̇жхад̇и, бхигкавз, сийлавад̇о жзд̇обан̣ид̇хи висуд̣̇д̇хад̇д̇аа.
‘‘Idha pana, bhikkhave, ekacco dānaṃ deti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. So yaṃ deti taṃ paccāsīsati. Tassa sutaṃ hoti – tāvatiṃsā devā…pe… yāmā devā… tusitā devā… nimmānaratī devā… paranimmitavasavattī devā dīghāyukā vaṇṇavanto sukhabahulāti. Tassa evaṃ hoti – ‘aho vatāhaṃ kāyassa bhedā paraṃ maraṇā paranimmitavasavattīnaṃ devānaṃ sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti , taṃ cittaṃ bhāveti. Tassa taṃ cittaṃ hīne vimuttaṃ, uttari abhāvitaṃ, tatrūpapattiyā saṃvattati. Kāyassa bhedā paraṃ maraṇā paranimmitavasavattīnaṃ devānaṃ sahabyataṃ upapajjati. Tañca kho sīlavato vadāmi, no dussīlassa. Ijjhati, bhikkhave, sīlavato cetopaṇidhi visuddhattā.
‘‘ид̇ха бана, бхигкавз, згажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и. д̇асса суд̇ам̣ ход̇и – ‘б̣рахмагааяигаа д̣̇зваа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа б̣рахмагааяигаанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇ам̣ жид̇д̇ам̣ хийнз вимуд̇д̇ам̣, уд̇д̇ари абхаавид̇ам̣, д̇ад̇руубабад̇д̇ияаа сам̣вад̇д̇ад̇и. гааяасса бхзд̣̇аа барам̣ маран̣аа б̣рахмагааяигаанам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ан̃жа ко сийлавад̇о вад̣̇аами, но д̣̇уссийласса; вийд̇арааг̇асса, но сарааг̇асса. иж̇жхад̇и, бхигкавз, сийлавад̇о жзд̇обан̣ид̇хи вийд̇арааг̇ад̇д̇аа. имаа ко, бхигкавз, адта д̣̇аануубабад̇д̇ияо’’д̇и. бан̃жамам̣.
‘‘Idha pana, bhikkhave, ekacco dānaṃ deti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. So yaṃ deti taṃ paccāsīsati. Tassa sutaṃ hoti – ‘brahmakāyikā devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā brahmakāyikānaṃ devānaṃ sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa taṃ cittaṃ hīne vimuttaṃ, uttari abhāvitaṃ, tatrūpapattiyā saṃvattati. Kāyassa bhedā paraṃ maraṇā brahmakāyikānaṃ devānaṃ sahabyataṃ upapajjati. Tañca kho sīlavato vadāmi, no dussīlassa; vītarāgassa, no sarāgassa. Ijjhati, bhikkhave, sīlavato cetopaṇidhi vītarāgattā. Imā kho, bhikkhave, aṭṭha dānūpapattiyo’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. д̣̇аануубабад̇д̇исуд̇д̇аван̣н̣анаа • 5. Dānūpapattisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. д̣̇аануубабад̇д̇исуд̇д̇аван̣н̣анаа • 5. Dānūpapattisuttavaṇṇanā
