| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. தா³னூபபத்திஸுத்தவண்ணனா
5. Dānūpapattisuttavaṇṇanā
35. பஞ்சமே தா³னூபபத்தியோதி தா³னபச்சயா உபபத்தியோ. த³ஹதீதி ட²பேதி. அதி⁴ட்டா²தீதி தஸ்ஸேவ வேவசனங். பா⁴வேதீதி வட்³டே⁴தி. ஹீனே விமுத்தந்தி ஹீனேஸு பஞ்சஸு காமகு³ணேஸு விமுத்தங். உத்தரி அபா⁴விதந்தி ததோ உத்தரிமக்³க³ப²லத்தா²ய அபா⁴விதங். தத்ரூபபத்தியா ஸங்வத்ததீதி யங் டா²னங் பத்தெ²த்வா குஸலங் கதங், தத்த² நிப்³ப³த்தனத்தா²ய ஸங்வத்ததி. வீதராக³ஸ்ஸாதி மக்³கே³ன வா ஸமுச்சி²ன்னராக³ஸ்ஸ ஸமாபத்தியா வா விக்க²ம்பி⁴தராக³ஸ்ஸ. தா³னமத்தேனேவ ஹி ப்³ரஹ்மலோகே நிப்³ப³த்திதுங் ந ஸக்கா, தா³னங் பன ஸமாதி⁴விபஸ்ஸனாசித்தஸ்ஸ அலங்காரபரிவாரங் ஹோதி. ததோ தா³னேன முது³சித்தோ ப்³ரஹ்மவிஹாரே பா⁴வெத்வா ப்³ரஹ்மலோகே நிப்³ப³த்ததி. தேன வுத்தங் – ‘‘வீதராக³ஸ்ஸ நோ ஸராக³ஸ்ஸா’’தி.
35. Pañcame dānūpapattiyoti dānapaccayā upapattiyo. Dahatīti ṭhapeti. Adhiṭṭhātīti tasseva vevacanaṃ. Bhāvetīti vaḍḍheti. Hīne vimuttanti hīnesu pañcasu kāmaguṇesu vimuttaṃ. Uttari abhāvitanti tato uttarimaggaphalatthāya abhāvitaṃ. Tatrūpapattiyā saṃvattatīti yaṃ ṭhānaṃ patthetvā kusalaṃ kataṃ, tattha nibbattanatthāya saṃvattati. Vītarāgassāti maggena vā samucchinnarāgassa samāpattiyā vā vikkhambhitarāgassa. Dānamatteneva hi brahmaloke nibbattituṃ na sakkā, dānaṃ pana samādhivipassanācittassa alaṅkāraparivāraṃ hoti. Tato dānena muducitto brahmavihāre bhāvetvā brahmaloke nibbattati. Tena vuttaṃ – ‘‘vītarāgassa no sarāgassā’’ti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. தா³னூபபத்திஸுத்தங் • 5. Dānūpapattisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5. தா³னூபபத்திஸுத்தவண்ணனா • 5. Dānūpapattisuttavaṇṇanā
