| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਦਾਨੂਪਪਤ੍ਤਿਸੁਤ੍ਤવਣ੍ਣਨਾ
5. Dānūpapattisuttavaṇṇanā
੩੫. ਪਞ੍ਚਮੇ ਦਾਨੂਪਪਤ੍ਤਿਯੋਤਿ ਦਾਨਪਚ੍ਚਯਾ ਉਪਪਤ੍ਤਿਯੋ। ਦਹਤੀਤਿ ਠਪੇਤਿ। ਅਧਿਟ੍ਠਾਤੀਤਿ ਤਸ੍ਸੇવ વੇવਚਨਂ। ਭਾવੇਤੀਤਿ વਡ੍ਢੇਤਿ। ਹੀਨੇ વਿਮੁਤ੍ਤਨ੍ਤਿ ਹੀਨੇਸੁ ਪਞ੍ਚਸੁ ਕਾਮਗੁਣੇਸੁ વਿਮੁਤ੍ਤਂ। ਉਤ੍ਤਰਿ ਅਭਾવਿਤਨ੍ਤਿ ਤਤੋ ਉਤ੍ਤਰਿਮਗ੍ਗਫਲਤ੍ਥਾਯ ਅਭਾવਿਤਂ। ਤਤ੍ਰੂਪਪਤ੍ਤਿਯਾ ਸਂવਤ੍ਤਤੀਤਿ ਯਂ ਠਾਨਂ ਪਤ੍ਥੇਤ੍વਾ ਕੁਸਲਂ ਕਤਂ, ਤਤ੍ਥ ਨਿਬ੍ਬਤ੍ਤਨਤ੍ਥਾਯ ਸਂવਤ੍ਤਤਿ। વੀਤਰਾਗਸ੍ਸਾਤਿ ਮਗ੍ਗੇਨ વਾ ਸਮੁਚ੍ਛਿਨ੍ਨਰਾਗਸ੍ਸ ਸਮਾਪਤ੍ਤਿਯਾ વਾ વਿਕ੍ਖਮ੍ਭਿਤਰਾਗਸ੍ਸ। ਦਾਨਮਤ੍ਤੇਨੇવ ਹਿ ਬ੍ਰਹ੍ਮਲੋਕੇ ਨਿਬ੍ਬਤ੍ਤਿਤੁਂ ਨ ਸਕ੍ਕਾ, ਦਾਨਂ ਪਨ ਸਮਾਧਿવਿਪਸ੍ਸਨਾਚਿਤ੍ਤਸ੍ਸ ਅਲਙ੍ਕਾਰਪਰਿવਾਰਂ ਹੋਤਿ। ਤਤੋ ਦਾਨੇਨ ਮੁਦੁਚਿਤ੍ਤੋ ਬ੍ਰਹ੍ਮવਿਹਾਰੇ ਭਾવੇਤ੍વਾ ਬ੍ਰਹ੍ਮਲੋਕੇ ਨਿਬ੍ਬਤ੍ਤਤਿ। ਤੇਨ વੁਤ੍ਤਂ – ‘‘વੀਤਰਾਗਸ੍ਸ ਨੋ ਸਰਾਗਸ੍ਸਾ’’ਤਿ।
35. Pañcame dānūpapattiyoti dānapaccayā upapattiyo. Dahatīti ṭhapeti. Adhiṭṭhātīti tasseva vevacanaṃ. Bhāvetīti vaḍḍheti. Hīne vimuttanti hīnesu pañcasu kāmaguṇesu vimuttaṃ. Uttari abhāvitanti tato uttarimaggaphalatthāya abhāvitaṃ. Tatrūpapattiyā saṃvattatīti yaṃ ṭhānaṃ patthetvā kusalaṃ kataṃ, tattha nibbattanatthāya saṃvattati. Vītarāgassāti maggena vā samucchinnarāgassa samāpattiyā vā vikkhambhitarāgassa. Dānamatteneva hi brahmaloke nibbattituṃ na sakkā, dānaṃ pana samādhivipassanācittassa alaṅkāraparivāraṃ hoti. Tato dānena muducitto brahmavihāre bhāvetvā brahmaloke nibbattati. Tena vuttaṃ – ‘‘vītarāgassa no sarāgassā’’ti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਦਾਨੂਪਪਤ੍ਤਿਸੁਤ੍ਤਂ • 5. Dānūpapattisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. ਦਾਨੂਪਪਤ੍ਤਿਸੁਤ੍ਤવਣ੍ਣਨਾ • 5. Dānūpapattisuttavaṇṇanā
