| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
378. д̣̇ариймукаж̇аад̇агам̣ (6-1-3)
378. Darīmukhajātakaṃ (6-1-3)
14.
14.
бан̇го жа гаамаа балибо жа гаамаа, бхаяан̃жа мзд̇ам̣ д̇имуулам̣ бавуд̇д̇ам̣;
Paṅko ca kāmā palipo ca kāmā, bhayañca metaṃ timūlaṃ pavuttaṃ;
раж̇о жа д̇хуумо жа маяаа багаасид̇аа, хид̇ваа д̇увам̣ баб̣б̣аж̇а б̣рахмад̣̇ад̇д̇а.
Rajo ca dhūmo ca mayā pakāsitā, hitvā tuvaṃ pabbaja brahmadatta.
15.
15.
г̇ад̇хид̇о 1 жа рад̇д̇о жа ад̇химужчид̇о жа, гаамзсвахам̣ б̣раахман̣а бхим̣саруубам̣;
Gadhito 2 ca ratto ca adhimucchito ca, kāmesvahaṃ brāhmaṇa bhiṃsarūpaṃ;
д̇ам̣ нуссахз ж̇ийвигад̇т̇о бахаад̇ум̣, гаахаами бун̃н̃аани анаббагаани.
Taṃ nussahe jīvikattho pahātuṃ, kāhāmi puññāni anappakāni.
16.
16.
яо ад̇т̇агаамасса хид̇аанугамбино, оваж̇ж̇амаано на гарод̇и саасанам̣;
Yo atthakāmassa hitānukampino, ovajjamāno na karoti sāsanaṃ;
ид̣̇амзва сзяяо ид̇и ман̃н̃амаано, бунаббунам̣ г̇аб̣бхамубзд̇и манд̣̇о.
Idameva seyyo iti maññamāno, punappunaṃ gabbhamupeti mando.
17.
17.
со гхораруубам̣ нираяам̣ убзд̇и, субхаасубхам̣ муд̇д̇агарийсабуурам̣;
So ghorarūpaṃ nirayaṃ upeti, subhāsubhaṃ muttakarīsapūraṃ;
сад̇д̇аа сагааяз на ж̇аханд̇и г̇ид̣̇д̇хаа, яз хонд̇и гаамзсу авийд̇арааг̇аа.
Sattā sakāye na jahanti giddhā, ye honti kāmesu avītarāgā.
18.
18.
мийл̣хзна лид̇д̇аа рухирзна магкид̇аа, сзмхзна лид̇д̇аа убанигкаманд̇и;
Mīḷhena littā ruhirena makkhitā, semhena littā upanikkhamanti;
яам̣ яан̃хи гааязна пусанд̇и д̇аавад̣̇з, саб̣б̣ам̣ асаад̇ам̣ д̣̇укамзва гзвалам̣.
Yaṃ yañhi kāyena phusanti tāvade, sabbaṃ asātaṃ dukhameva kevalaṃ.
19.
19.
д̣̇исваа вад̣̇аами на хи ан̃н̃ад̇о савам̣, буб̣б̣зниваасам̣ б̣ахугам̣ сараами;
Disvā vadāmi na hi aññato savaṃ, pubbenivāsaṃ bahukaṃ sarāmi;
жид̇раахи г̇аат̇аахи субхаасид̇аахи, д̣̇ариймуко ниж̇жхаабаяи сумзд̇ханд̇и.
Citrāhi gāthāhi subhāsitāhi, darīmukho nijjhāpayi sumedhanti.
д̣̇ариймукаж̇аад̇агам̣ д̇ад̇ияам̣.
Darīmukhajātakaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [378] 3. д̣̇ариймукаж̇аад̇агаван̣н̣анаа • [378] 3. Darīmukhajātakavaṇṇanā
