| Library / Tipiṭaka / ཏིཔིཊཀ • Tipiṭaka / ཛཱཏཀཔཱལི༹ • Jātakapāḷi |
༣༧༨. དརཱིམུཁཛཱཏཀཾ (༦-༡-༣)
378. Darīmukhajātakaṃ (6-1-3)
༡༤.
14.
པངྐོ ཙ ཀཱམཱ པལིཔོ ཙ ཀཱམཱ, བྷཡཉྩ མེཏཾ ཏིམཱུལཾ པཝུཏྟཾ།
Paṅko ca kāmā palipo ca kāmā, bhayañca metaṃ timūlaṃ pavuttaṃ;
རཛོ ཙ དྷཱུམོ ཙ མཡཱ པཀཱསིཏཱ, ཧིཏྭཱ ཏུཝཾ པབྦཛ བྲཧྨདཏྟ༎
Rajo ca dhūmo ca mayā pakāsitā, hitvā tuvaṃ pabbaja brahmadatta.
༡༥.
15.
གདྷིཏོ 1 ཙ རཏྟོ ཙ ཨདྷིམུཙྪིཏོ ཙ, ཀཱམེསྭཧཾ བྲཱཧྨཎ བྷིཾསརཱུཔཾ།
Gadhito 2 ca ratto ca adhimucchito ca, kāmesvahaṃ brāhmaṇa bhiṃsarūpaṃ;
ཏཾ ནུསྶཧེ ཛཱིཝིཀཏྠོ པཧཱཏུཾ, ཀཱཧཱམི པུཉྙཱནི ཨནཔྤཀཱནི༎
Taṃ nussahe jīvikattho pahātuṃ, kāhāmi puññāni anappakāni.
༡༦.
16.
ཡོ ཨཏྠཀཱམསྶ ཧིཏཱནུཀམྤིནོ, ཨོཝཛྫམཱནོ ན ཀརོཏི སཱསནཾ།
Yo atthakāmassa hitānukampino, ovajjamāno na karoti sāsanaṃ;
ཨིདམེཝ སེཡྻོ ཨིཏི མཉྙམཱནོ, པུནཔྤུནཾ གབྦྷམུཔེཏི མནྡོ༎
Idameva seyyo iti maññamāno, punappunaṃ gabbhamupeti mando.
༡༧.
17.
སོ གྷོརརཱུཔཾ ནིརཡཾ ཨུཔེཏི, སུབྷཱསུབྷཾ མུཏྟཀརཱིསཔཱུརཾ།
So ghorarūpaṃ nirayaṃ upeti, subhāsubhaṃ muttakarīsapūraṃ;
སཏྟཱ སཀཱཡེ ན ཛཧནྟི གིདྡྷཱ, ཡེ ཧོནྟི ཀཱམེསུ ཨཝཱིཏརཱགཱ༎
Sattā sakāye na jahanti giddhā, ye honti kāmesu avītarāgā.
༡༨.
18.
མཱིལ༹ྷེན ལིཏྟཱ རུཧིརེན མཀྑིཏཱ, སེམྷེན ལིཏྟཱ ཨུཔནིཀྑམནྟི།
Mīḷhena littā ruhirena makkhitā, semhena littā upanikkhamanti;
ཡཾ ཡཉྷི ཀཱཡེན ཕུསནྟི ཏཱཝདེ, སབྦཾ ཨསཱཏཾ དུཁམེཝ ཀེཝལཾ༎
Yaṃ yañhi kāyena phusanti tāvade, sabbaṃ asātaṃ dukhameva kevalaṃ.
༡༩.
19.
དིསྭཱ ཝདཱམི ན ཧི ཨཉྙཏོ སཝཾ, པུབྦེནིཝཱསཾ བཧུཀཾ སརཱམི།
Disvā vadāmi na hi aññato savaṃ, pubbenivāsaṃ bahukaṃ sarāmi;
ཙིཏྲཱཧི གཱཐཱཧི སུབྷཱསིཏཱཧི, དརཱིམུཁོ ནིཛ྄ཛྷཱཔཡི སུམེདྷནྟི༎
Citrāhi gāthāhi subhāsitāhi, darīmukho nijjhāpayi sumedhanti.
དརཱིམུཁཛཱཏཀཾ ཏཏིཡཾ།
Darīmukhajātakaṃ tatiyaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཛཱཏཀ-ཨཊྛཀཐཱ • Jātaka-aṭṭhakathā / [༣༧༨] ༣. དརཱིམུཁཛཱཏཀཝཎྞནཱ • [378] 3. Darīmukhajātakavaṇṇanā
