| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. д̣̇ааругаммигасуд̇д̇ам̣
5. Dārukammikasuttaṃ
59. звам̣ мз суд̇ам̣ – згам̣ самаяам̣ бхаг̇аваа наад̇игз вихарад̇и г̇ин̃ж̇агаавасат̇з. ат̇а ко д̣̇ааругаммиго г̇ахабад̇и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко д̣̇ааругаммигам̣ г̇ахабад̇им̣ бхаг̇аваа зд̇ад̣̇авожа – ‘‘аби ну д̇з, г̇ахабад̇и, гулз д̣̇аанам̣ д̣̇ийяад̇ий’’д̇и? ‘‘д̣̇ийяад̇и мз, бханд̇з, гулз д̣̇аанам̣. д̇ан̃жа ко яз д̇з бхигкуу ааран̃н̃игаа бин̣д̣абаад̇игаа бам̣сугуулигаа араханд̇о ваа арахад̇д̇амаг̇г̇ам̣ ваа самаабаннаа, д̇ат̇ааруубзсу мз, бханд̇з, бхигкуусу д̣̇аанам̣ д̣̇ийяад̇ий’’д̇и.
59. Evaṃ me sutaṃ – ekaṃ samayaṃ bhagavā nātike viharati giñjakāvasathe. Atha kho dārukammiko gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho dārukammikaṃ gahapatiṃ bhagavā etadavoca – ‘‘api nu te, gahapati, kule dānaṃ dīyatī’’ti? ‘‘Dīyati me, bhante, kule dānaṃ. Tañca kho ye te bhikkhū āraññikā piṇḍapātikā paṃsukūlikā arahanto vā arahattamaggaṃ vā samāpannā, tathārūpesu me, bhante, bhikkhūsu dānaṃ dīyatī’’ti.
‘‘д̣̇уж̇ж̇аанам̣ ко зд̇ам̣, г̇ахабад̇и, д̇аяаа г̇ихинаа гаамабхог̇инаа буд̇д̇асамб̣аад̇хасаяанам̣ аж̇жхаавасанд̇зна, гаасигажанд̣̇анам̣ бажжанубхонд̇зна, маалааг̇анд̇хавилзбанам̣ д̇хаараяанд̇зна, ж̇аад̇аруубараж̇ад̇ам̣ саад̣̇ияанд̇зна имз ваа араханд̇о имз ваа арахад̇д̇амаг̇г̇ам̣ самаабаннаад̇и.
‘‘Dujjānaṃ kho etaṃ, gahapati, tayā gihinā kāmabhoginā puttasambādhasayanaṃ ajjhāvasantena, kāsikacandanaṃ paccanubhontena, mālāgandhavilepanaṃ dhārayantena, jātarūparajataṃ sādiyantena ime vā arahanto ime vā arahattamaggaṃ samāpannāti.
‘‘ааран̃н̃иго жзби, г̇ахабад̇и, бхигку ход̇и уд̣̇д̇хад̇о уннал̣о жабало мукаро вигин̣н̣аваажо мудтассад̇и асамбаж̇аано асамаахид̇о виб̣бханд̇ажид̇д̇о баагад̇инд̣̇рияо. звам̣ со д̇знан̇г̇зна г̇аараяхо. ааран̃н̃иго жзби, г̇ахабад̇и, бхигку ход̇и ануд̣̇д̇хад̇о ануннал̣о ажабало амукаро авигин̣н̣аваажо убадтид̇ассад̇и самбаж̇аано самаахид̇о згаг̇г̇ажид̇д̇о сам̣вуд̇инд̣̇рияо. звам̣ со д̇знан̇г̇зна баасам̣со.
‘‘Āraññiko cepi, gahapati, bhikkhu hoti uddhato unnaḷo capalo mukharo vikiṇṇavāco muṭṭhassati asampajāno asamāhito vibbhantacitto pākatindriyo. Evaṃ so tenaṅgena gārayho. Āraññiko cepi, gahapati, bhikkhu hoti anuddhato anunnaḷo acapalo amukharo avikiṇṇavāco upaṭṭhitassati sampajāno samāhito ekaggacitto saṃvutindriyo. Evaṃ so tenaṅgena pāsaṃso.
‘‘г̇ааманд̇авихаарий жзби, г̇ахабад̇и, бхигку ход̇и уд̣̇д̇хад̇о…бз… звам̣ со д̇знан̇г̇зна г̇аараяхо. г̇ааманд̇авихаарий жзби, г̇ахабад̇и, бхигку ход̇и ануд̣̇д̇хад̇о…бз… звам̣ со д̇знан̇г̇зна баасам̣со.
‘‘Gāmantavihārī cepi, gahapati, bhikkhu hoti uddhato…pe… evaṃ so tenaṅgena gārayho. Gāmantavihārī cepi, gahapati, bhikkhu hoti anuddhato…pe… evaṃ so tenaṅgena pāsaṃso.
‘‘бин̣д̣абаад̇иго жзби, г̇ахабад̇и, бхигку ход̇и уд̣̇д̇хад̇о…бз… звам̣ со д̇знан̇г̇зна г̇аараяхо. бин̣д̣абаад̇иго жзби, г̇ахабад̇и, бхигку ход̇и ануд̣̇д̇хад̇о…бз… звам̣ со д̇знан̇г̇зна баасам̣со.
‘‘Piṇḍapātiko cepi, gahapati, bhikkhu hoti uddhato…pe… evaṃ so tenaṅgena gārayho. Piṇḍapātiko cepi, gahapati, bhikkhu hoti anuddhato…pe… evaṃ so tenaṅgena pāsaṃso.
‘‘нзманд̇аниго жзби, г̇ахабад̇и, бхигку ход̇и уд̣̇д̇хад̇о…бз… звам̣ со д̇знан̇г̇зна г̇аараяхо. нзманд̇аниго жзби, г̇ахабад̇и, бхигку ход̇и ануд̣̇д̇хад̇о…бз… звам̣ со д̇знан̇г̇зна баасам̣со.
‘‘Nemantaniko cepi, gahapati, bhikkhu hoti uddhato…pe… evaṃ so tenaṅgena gārayho. Nemantaniko cepi, gahapati, bhikkhu hoti anuddhato…pe… evaṃ so tenaṅgena pāsaṃso.
‘‘бам̣сугуулиго жзби, г̇ахабад̇и, бхигку ход̇и уд̣̇д̇хад̇о…бз… звам̣ со д̇знан̇г̇зна г̇аараяхо . бам̣сугуулиго жзби, г̇ахабад̇и, бхигку ход̇и ануд̣̇д̇хад̇о…бз… звам̣ со д̇знан̇г̇зна баасам̣со.
‘‘Paṃsukūliko cepi, gahapati, bhikkhu hoti uddhato…pe… evaṃ so tenaṅgena gārayho . Paṃsukūliko cepi, gahapati, bhikkhu hoti anuddhato…pe… evaṃ so tenaṅgena pāsaṃso.
‘‘г̇ахабад̇ижийварад̇харо жзби, г̇ахабад̇и, бхигку ход̇и уд̣̇д̇хад̇о уннал̣о жабало мукаро вигин̣н̣аваажо мудтассад̇и асамбаж̇аано асамаахид̇о виб̣бханд̇ажид̇д̇о баагад̇инд̣̇рияо. звам̣ со д̇знан̇г̇зна г̇аараяхо. г̇ахабад̇ижийварад̇харо жзби, г̇ахабад̇и, бхигку ход̇и ануд̣̇д̇хад̇о ануннал̣о ажабало амукаро авигин̣н̣аваажо убадтид̇ассад̇и самбаж̇аано самаахид̇о згаг̇г̇ажид̇д̇о сам̣вуд̇инд̣̇рияо. звам̣ со д̇знан̇г̇зна баасам̣со.
‘‘Gahapaticīvaradharo cepi, gahapati, bhikkhu hoti uddhato unnaḷo capalo mukharo vikiṇṇavāco muṭṭhassati asampajāno asamāhito vibbhantacitto pākatindriyo. Evaṃ so tenaṅgena gārayho. Gahapaticīvaradharo cepi, gahapati, bhikkhu hoti anuddhato anunnaḷo acapalo amukharo avikiṇṇavāco upaṭṭhitassati sampajāno samāhito ekaggacitto saṃvutindriyo. Evaṃ so tenaṅgena pāsaṃso.
‘‘ин̇гха д̇вам̣, г̇ахабад̇и, сан̇гхз д̣̇аанам̣ 1 д̣̇зхи. сан̇гхз д̇з д̣̇аанам̣ д̣̇ад̣̇ад̇о жид̇д̇ам̣ басийд̣̇иссад̇и. со д̇вам̣ басаннажид̇д̇о гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссасий’’д̇и. ‘‘зсаахам̣, бханд̇з, аж̇ж̇ад̇аг̇г̇з сан̇гхз д̣̇аанам̣ д̣̇ассаамий’’д̇и. бан̃жамам̣.
‘‘Iṅgha tvaṃ, gahapati, saṅghe dānaṃ 2 dehi. Saṅghe te dānaṃ dadato cittaṃ pasīdissati. So tvaṃ pasannacitto kāyassa bhedā paraṃ maraṇā sugatiṃ saggaṃ lokaṃ upapajjissasī’’ti. ‘‘Esāhaṃ, bhante, ajjatagge saṅghe dānaṃ dassāmī’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. д̣̇ааругаммигасуд̇д̇аван̣н̣анаа • 5. Dārukammikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. д̣̇ааругаммигасуд̇д̇аван̣н̣анаа • 5. Dārukammikasuttavaṇṇanā
