| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੫. ਦਾਰੁਕਮ੍ਮਿਕਸੁਤ੍ਤਂ
5. Dārukammikasuttaṃ
੫੯. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਨਾਤਿਕੇ વਿਹਰਤਿ ਗਿਞ੍ਜਕਾવਸਥੇ। ਅਥ ਖੋ ਦਾਰੁਕਮ੍ਮਿਕੋ ਗਹਪਤਿ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਦਾਰੁਕਮ੍ਮਿਕਂ ਗਹਪਤਿਂ ਭਗવਾ ਏਤਦવੋਚ – ‘‘ਅਪਿ ਨੁ ਤੇ, ਗਹਪਤਿ, ਕੁਲੇ ਦਾਨਂ ਦੀਯਤੀ’’ਤਿ? ‘‘ਦੀਯਤਿ ਮੇ, ਭਨ੍ਤੇ, ਕੁਲੇ ਦਾਨਂ। ਤਞ੍ਚ ਖੋ ਯੇ ਤੇ ਭਿਕ੍ਖੂ ਆਰਞ੍ਞਿਕਾ ਪਿਣ੍ਡਪਾਤਿਕਾ ਪਂਸੁਕੂਲਿਕਾ ਅਰਹਨ੍ਤੋ વਾ ਅਰਹਤ੍ਤਮਗ੍ਗਂ વਾ ਸਮਾਪਨ੍ਨਾ, ਤਥਾਰੂਪੇਸੁ ਮੇ, ਭਨ੍ਤੇ, ਭਿਕ੍ਖੂਸੁ ਦਾਨਂ ਦੀਯਤੀ’’ਤਿ।
59. Evaṃ me sutaṃ – ekaṃ samayaṃ bhagavā nātike viharati giñjakāvasathe. Atha kho dārukammiko gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho dārukammikaṃ gahapatiṃ bhagavā etadavoca – ‘‘api nu te, gahapati, kule dānaṃ dīyatī’’ti? ‘‘Dīyati me, bhante, kule dānaṃ. Tañca kho ye te bhikkhū āraññikā piṇḍapātikā paṃsukūlikā arahanto vā arahattamaggaṃ vā samāpannā, tathārūpesu me, bhante, bhikkhūsu dānaṃ dīyatī’’ti.
‘‘ਦੁਜ੍ਜਾਨਂ ਖੋ ਏਤਂ, ਗਹਪਤਿ, ਤਯਾ ਗਿਹਿਨਾ ਕਾਮਭੋਗਿਨਾ ਪੁਤ੍ਤਸਮ੍ਬਾਧਸਯਨਂ ਅਜ੍ਝਾવਸਨ੍ਤੇਨ, ਕਾਸਿਕਚਨ੍ਦਨਂ ਪਚ੍ਚਨੁਭੋਨ੍ਤੇਨ, ਮਾਲਾਗਨ੍ਧવਿਲੇਪਨਂ ਧਾਰਯਨ੍ਤੇਨ, ਜਾਤਰੂਪਰਜਤਂ ਸਾਦਿਯਨ੍ਤੇਨ ਇਮੇ વਾ ਅਰਹਨ੍ਤੋ ਇਮੇ વਾ ਅਰਹਤ੍ਤਮਗ੍ਗਂ ਸਮਾਪਨ੍ਨਾਤਿ।
‘‘Dujjānaṃ kho etaṃ, gahapati, tayā gihinā kāmabhoginā puttasambādhasayanaṃ ajjhāvasantena, kāsikacandanaṃ paccanubhontena, mālāgandhavilepanaṃ dhārayantena, jātarūparajataṃ sādiyantena ime vā arahanto ime vā arahattamaggaṃ samāpannāti.
‘‘ਆਰਞ੍ਞਿਕੋ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਉਦ੍ਧਤੋ ਉਨ੍ਨਲ਼ੋ ਚਪਲੋ ਮੁਖਰੋ વਿਕਿਣ੍ਣવਾਚੋ ਮੁਟ੍ਠਸ੍ਸਤਿ ਅਸਮ੍ਪਜਾਨੋ ਅਸਮਾਹਿਤੋ વਿਬ੍ਭਨ੍ਤਚਿਤ੍ਤੋ ਪਾਕਤਿਨ੍ਦ੍ਰਿਯੋ। ਏવਂ ਸੋ ਤੇਨਙ੍ਗੇਨ ਗਾਰਯ੍ਹੋ। ਆਰਞ੍ਞਿਕੋ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਅਨੁਦ੍ਧਤੋ ਅਨੁਨ੍ਨਲ਼ੋ ਅਚਪਲੋ ਅਮੁਖਰੋ ਅવਿਕਿਣ੍ਣવਾਚੋ ਉਪਟ੍ਠਿਤਸ੍ਸਤਿ ਸਮ੍ਪਜਾਨੋ ਸਮਾਹਿਤੋ ਏਕਗ੍ਗਚਿਤ੍ਤੋ ਸਂવੁਤਿਨ੍ਦ੍ਰਿਯੋ। ਏવਂ ਸੋ ਤੇਨਙ੍ਗੇਨ ਪਾਸਂਸੋ।
‘‘Āraññiko cepi, gahapati, bhikkhu hoti uddhato unnaḷo capalo mukharo vikiṇṇavāco muṭṭhassati asampajāno asamāhito vibbhantacitto pākatindriyo. Evaṃ so tenaṅgena gārayho. Āraññiko cepi, gahapati, bhikkhu hoti anuddhato anunnaḷo acapalo amukharo avikiṇṇavāco upaṭṭhitassati sampajāno samāhito ekaggacitto saṃvutindriyo. Evaṃ so tenaṅgena pāsaṃso.
‘‘ਗਾਮਨ੍ਤવਿਹਾਰੀ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਉਦ੍ਧਤੋ…ਪੇ॰… ਏવਂ ਸੋ ਤੇਨਙ੍ਗੇਨ ਗਾਰਯ੍ਹੋ। ਗਾਮਨ੍ਤવਿਹਾਰੀ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਅਨੁਦ੍ਧਤੋ…ਪੇ॰… ਏવਂ ਸੋ ਤੇਨਙ੍ਗੇਨ ਪਾਸਂਸੋ।
‘‘Gāmantavihārī cepi, gahapati, bhikkhu hoti uddhato…pe… evaṃ so tenaṅgena gārayho. Gāmantavihārī cepi, gahapati, bhikkhu hoti anuddhato…pe… evaṃ so tenaṅgena pāsaṃso.
‘‘ਪਿਣ੍ਡਪਾਤਿਕੋ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਉਦ੍ਧਤੋ…ਪੇ॰… ਏવਂ ਸੋ ਤੇਨਙ੍ਗੇਨ ਗਾਰਯ੍ਹੋ। ਪਿਣ੍ਡਪਾਤਿਕੋ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਅਨੁਦ੍ਧਤੋ…ਪੇ॰… ਏવਂ ਸੋ ਤੇਨਙ੍ਗੇਨ ਪਾਸਂਸੋ।
‘‘Piṇḍapātiko cepi, gahapati, bhikkhu hoti uddhato…pe… evaṃ so tenaṅgena gārayho. Piṇḍapātiko cepi, gahapati, bhikkhu hoti anuddhato…pe… evaṃ so tenaṅgena pāsaṃso.
‘‘ਨੇਮਨ੍ਤਨਿਕੋ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਉਦ੍ਧਤੋ…ਪੇ॰… ਏવਂ ਸੋ ਤੇਨਙ੍ਗੇਨ ਗਾਰਯ੍ਹੋ। ਨੇਮਨ੍ਤਨਿਕੋ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਅਨੁਦ੍ਧਤੋ…ਪੇ॰… ਏવਂ ਸੋ ਤੇਨਙ੍ਗੇਨ ਪਾਸਂਸੋ।
‘‘Nemantaniko cepi, gahapati, bhikkhu hoti uddhato…pe… evaṃ so tenaṅgena gārayho. Nemantaniko cepi, gahapati, bhikkhu hoti anuddhato…pe… evaṃ so tenaṅgena pāsaṃso.
‘‘ਪਂਸੁਕੂਲਿਕੋ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਉਦ੍ਧਤੋ…ਪੇ॰… ਏવਂ ਸੋ ਤੇਨਙ੍ਗੇਨ ਗਾਰਯ੍ਹੋ । ਪਂਸੁਕੂਲਿਕੋ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਅਨੁਦ੍ਧਤੋ…ਪੇ॰… ਏવਂ ਸੋ ਤੇਨਙ੍ਗੇਨ ਪਾਸਂਸੋ।
‘‘Paṃsukūliko cepi, gahapati, bhikkhu hoti uddhato…pe… evaṃ so tenaṅgena gārayho . Paṃsukūliko cepi, gahapati, bhikkhu hoti anuddhato…pe… evaṃ so tenaṅgena pāsaṃso.
‘‘ਗਹਪਤਿਚੀવਰਧਰੋ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਉਦ੍ਧਤੋ ਉਨ੍ਨਲ਼ੋ ਚਪਲੋ ਮੁਖਰੋ વਿਕਿਣ੍ਣવਾਚੋ ਮੁਟ੍ਠਸ੍ਸਤਿ ਅਸਮ੍ਪਜਾਨੋ ਅਸਮਾਹਿਤੋ વਿਬ੍ਭਨ੍ਤਚਿਤ੍ਤੋ ਪਾਕਤਿਨ੍ਦ੍ਰਿਯੋ। ਏવਂ ਸੋ ਤੇਨਙ੍ਗੇਨ ਗਾਰਯ੍ਹੋ। ਗਹਪਤਿਚੀવਰਧਰੋ ਚੇਪਿ, ਗਹਪਤਿ, ਭਿਕ੍ਖੁ ਹੋਤਿ ਅਨੁਦ੍ਧਤੋ ਅਨੁਨ੍ਨਲ਼ੋ ਅਚਪਲੋ ਅਮੁਖਰੋ ਅવਿਕਿਣ੍ਣવਾਚੋ ਉਪਟ੍ਠਿਤਸ੍ਸਤਿ ਸਮ੍ਪਜਾਨੋ ਸਮਾਹਿਤੋ ਏਕਗ੍ਗਚਿਤ੍ਤੋ ਸਂવੁਤਿਨ੍ਦ੍ਰਿਯੋ। ਏવਂ ਸੋ ਤੇਨਙ੍ਗੇਨ ਪਾਸਂਸੋ।
‘‘Gahapaticīvaradharo cepi, gahapati, bhikkhu hoti uddhato unnaḷo capalo mukharo vikiṇṇavāco muṭṭhassati asampajāno asamāhito vibbhantacitto pākatindriyo. Evaṃ so tenaṅgena gārayho. Gahapaticīvaradharo cepi, gahapati, bhikkhu hoti anuddhato anunnaḷo acapalo amukharo avikiṇṇavāco upaṭṭhitassati sampajāno samāhito ekaggacitto saṃvutindriyo. Evaṃ so tenaṅgena pāsaṃso.
‘‘ਇਙ੍ਘ ਤ੍વਂ, ਗਹਪਤਿ, ਸਙ੍ਘੇ ਦਾਨਂ 1 ਦੇਹਿ। ਸਙ੍ਘੇ ਤੇ ਦਾਨਂ ਦਦਤੋ ਚਿਤ੍ਤਂ ਪਸੀਦਿਸ੍ਸਤਿ। ਸੋ ਤ੍વਂ ਪਸਨ੍ਨਚਿਤ੍ਤੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਿਸ੍ਸਸੀ’’ਤਿ। ‘‘ਏਸਾਹਂ, ਭਨ੍ਤੇ, ਅਜ੍ਜਤਗ੍ਗੇ ਸਙ੍ਘੇ ਦਾਨਂ ਦਸ੍ਸਾਮੀ’’ਤਿ। ਪਞ੍ਚਮਂ।
‘‘Iṅgha tvaṃ, gahapati, saṅghe dānaṃ 2 dehi. Saṅghe te dānaṃ dadato cittaṃ pasīdissati. So tvaṃ pasannacitto kāyassa bhedā paraṃ maraṇā sugatiṃ saggaṃ lokaṃ upapajjissasī’’ti. ‘‘Esāhaṃ, bhante, ajjatagge saṅghe dānaṃ dassāmī’’ti. Pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਦਾਰੁਕਮ੍ਮਿਕਸੁਤ੍ਤવਣ੍ਣਨਾ • 5. Dārukammikasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. ਦਾਰੁਕਮ੍ਮਿਕਸੁਤ੍ਤવਣ੍ਣਨਾ • 5. Dārukammikasuttavaṇṇanā
