| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5. தா³ருகம்மிகஸுத்தவண்ணனா
5. Dārukammikasuttavaṇṇanā
59. பஞ்சமே புத்தஸம்பா³த⁴ஸயனந்தி புத்தேஹி ஸம்பா³த⁴ஸயனங். எத்த² புத்தஸீஸேன தா³ரபரிக்³க³ஹங் புத்ததா³ரேஸு உப்பிலோ விய. தேன தேஸங் ரோகா³தி³ஹேது ஸோகாபி⁴ப⁴வேன ச சித்தஸ்ஸ ஸங்கிலிட்ட²தங் த³ஸ்ஸேதி. காமபோ⁴கி³னாதி இமினா பன ராகா³பி⁴ப⁴வந்தி. உப⁴யேனபி விக்கி²த்தசித்ததங் த³ஸ்ஸேதி. காஸிகசந்த³னந்தி உஜ்ஜலசந்த³னங். தங் கிர வண்ணவிஸேஸஸமுஜ்ஜலங் ஹோதி பப⁴ஸ்ஸரங், தத³த்த²மேவ நங் ஸண்ஹதரங் கரொந்தி. தேனேவாஹ ‘‘ஸண்ஹசந்த³ன’’ந்தி , காஸிகவத்த²ஞ்ச சந்த³னஞ்சாதி அத்தோ². மாலாக³ந்த⁴விலேபனந்தி வண்ணஸோப⁴த்த²ஞ்சேவ ஸுக³ந்த⁴பா⁴வத்த²ஞ்ச மாலங், ஸுக³ந்த⁴பா⁴வத்தா²ய க³ந்த⁴ங், ச²விராக³கரணத்த²ஞ்சேவ ஸுப⁴த்த²ஞ்ச விலேபனங் தா⁴ரெந்தேன. ஜாதரூபரஜதந்தி ஸுவண்ணஞ்சேவ அவஸிட்ட²த⁴னஞ்ச ஸாதி³யந்தேன. ஸப்³பே³னபி காமேஸு அபி⁴கி³த்³த⁴பா⁴வமேவ பகாஸேதி.
59. Pañcame puttasambādhasayananti puttehi sambādhasayanaṃ. Ettha puttasīsena dārapariggahaṃ puttadāresu uppilo viya. Tena tesaṃ rogādihetu sokābhibhavena ca cittassa saṃkiliṭṭhataṃ dasseti. Kāmabhogināti iminā pana rāgābhibhavanti. Ubhayenapi vikkhittacittataṃ dasseti. Kāsikacandananti ujjalacandanaṃ. Taṃ kira vaṇṇavisesasamujjalaṃ hoti pabhassaraṃ, tadatthameva naṃ saṇhataraṃ karonti. Tenevāha ‘‘saṇhacandana’’nti , kāsikavatthañca candanañcāti attho. Mālāgandhavilepananti vaṇṇasobhatthañceva sugandhabhāvatthañca mālaṃ, sugandhabhāvatthāya gandhaṃ, chavirāgakaraṇatthañceva subhatthañca vilepanaṃ dhārentena. Jātarūparajatanti suvaṇṇañceva avasiṭṭhadhanañca sādiyantena. Sabbenapi kāmesu abhigiddhabhāvameva pakāseti.
தா³ருகம்மிகஸுத்தவண்ணனா நிட்டி²தா.
Dārukammikasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. தா³ருகம்மிகஸுத்தங் • 5. Dārukammikasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. தா³ருகம்மிகஸுத்தவண்ணனா • 5. Dārukammikasuttavaṇṇanā
