| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
5. දාරුකම්‌මිකසුත්‌තවණ්‌ණනා
5. Dārukammikasuttavaṇṇanā
59. පඤ්‌චමෙ පුත්‌තසම්‌බාධසයනන්‌ති පුත්‌තෙහි සම්‌බාධසයනං. එත්‌ථ පුත්‌තසීසෙන දාරපරිග්‌ගහං පුත්‌තදාරෙසු උප්‌පිලො විය. තෙන තෙසං රොගාදිහෙතු සොකාභිභවෙන ච චිත්‌තස්‌ස සංකිලිට්‌ඨතං දස්‌සෙති. කාමභොගිනාති ඉමිනා පන රාගාභිභවන්‌ති. උභයෙනපි වික්‌ඛිත්‌තචිත්‌තතං දස්‌සෙති. කාසිකචන්‌දනන්‌ති උජ්‌ජලචන්‌දනං. තං කිර වණ්‌ණවිසෙසසමුජ්‌ජලං හොති පභස්‌සරං, තදත්‌ථමෙව නං සණ්‌හතරං කරොන්‌ති. තෙනෙවාහ ‘‘සණ්‌හචන්‌දන’’න්‌ති , කාසිකවත්‌ථඤ්‌ච චන්‌දනඤ්‌චාති අත්‌ථො. මාලාගන්‌ධවිලෙපනන්‌ති වණ්‌ණසොභත්‌ථඤ්‌චෙව සුගන්‌ධභාවත්‌ථඤ්‌ච මාලං, සුගන්‌ධභාවත්‌ථාය ගන්‌ධං, ඡවිරාගකරණත්‌ථඤ්‌චෙව සුභත්‌ථඤ්‌ච විලෙපනං ධාරෙන්‌තෙන. ජාතරූපරජතන්‌ති සුවණ්‌ණඤ්‌චෙව අවසිට්‌ඨධනඤ්‌ච සාදියන්‌තෙන. සබ්‌බෙනපි කාමෙසු අභිගිද්‌ධභාවමෙව පකාසෙති.
59. Pañcame puttasambādhasayananti puttehi sambādhasayanaṃ. Ettha puttasīsena dārapariggahaṃ puttadāresu uppilo viya. Tena tesaṃ rogādihetu sokābhibhavena ca cittassa saṃkiliṭṭhataṃ dasseti. Kāmabhogināti iminā pana rāgābhibhavanti. Ubhayenapi vikkhittacittataṃ dasseti. Kāsikacandananti ujjalacandanaṃ. Taṃ kira vaṇṇavisesasamujjalaṃ hoti pabhassaraṃ, tadatthameva naṃ saṇhataraṃ karonti. Tenevāha ‘‘saṇhacandana’’nti , kāsikavatthañca candanañcāti attho. Mālāgandhavilepananti vaṇṇasobhatthañceva sugandhabhāvatthañca mālaṃ, sugandhabhāvatthāya gandhaṃ, chavirāgakaraṇatthañceva subhatthañca vilepanaṃ dhārentena. Jātarūparajatanti suvaṇṇañceva avasiṭṭhadhanañca sādiyantena. Sabbenapi kāmesu abhigiddhabhāvameva pakāseti.
දාරුකම්‌මිකසුත්‌තවණ්‌ණනා නිට්‌ඨිතා.
Dārukammikasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 5. දාරුකම්‌මිකසුත්‌තං • 5. Dārukammikasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5. දාරුකම්‌මිකසුත්‌තවණ්‌ණනා • 5. Dārukammikasuttavaṇṇanā
