| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
11. தா³ருக்க²ந்த⁴ஸுத்தவண்ணனா
11. Dārukkhandhasuttavaṇṇanā
41. ஏகாத³ஸமே சேதோவஸிப்பத்தோதி சித்தவஸிபா⁴வங் பத்தோ. பத²வீத்வேவ அதி⁴முச்செய்யாதி த²த்³தா⁴காரங் பத²வீதா⁴தூதி ஸல்லக்கெ²ய்ய. யங் நிஸ்ஸாயாதி யங் விஜ்ஜமானங் த²த்³தா⁴காரங் பத²வீதா⁴துங் நிஸ்ஸாய அமுங் தா³ருக்க²ந்த⁴ங் பத²வீத்வேவ அதி⁴முச்செய்ய, ஸா எத்த² பத²வீதா⁴து அத்தீ²தி. இமினா நயேன ஸேஸபதா³னிபி வேதி³தப்³பா³னி. யதே²வ ஹி தஸ்மிங் த²த்³தா⁴காரா பத²வீதா⁴து அத்தி², ஏவங் யூஸாகாரா ஆபோதா⁴து, உண்ஹாகாரா தேஜோதா⁴து, வித்த²ம்ப⁴னாகாரா வாயோதா⁴து, ரத்தவண்ணம்ஹி ஸாரே பது³மபுப்ப²வண்ணா ஸுப⁴தா⁴து, பூதிபூ⁴தே சுண்ணே சேவ பெ²க்³கு³பபடிகாஸு ச அமனுஞ்ஞவண்ணா அஸுப⁴தா⁴து, தங் நிஸ்ஸாய அமுங் தா³ருக்க²ந்த⁴ங் அஸுப⁴ந்த்வேவ அதி⁴முச்செய்ய ஸல்லக்கெ²ய்யாதி. இமஸ்மிங் ஸுத்தே மிஸ்ஸகவிஹாரோ நாம கதி²தோ.
41. Ekādasame cetovasippattoti cittavasibhāvaṃ patto. Pathavītveva adhimucceyyāti thaddhākāraṃ pathavīdhātūti sallakkheyya. Yaṃnissāyāti yaṃ vijjamānaṃ thaddhākāraṃ pathavīdhātuṃ nissāya amuṃ dārukkhandhaṃ pathavītveva adhimucceyya, sā ettha pathavīdhātu atthīti. Iminā nayena sesapadānipi veditabbāni. Yatheva hi tasmiṃ thaddhākārā pathavīdhātu atthi, evaṃ yūsākārā āpodhātu, uṇhākārā tejodhātu, vitthambhanākārā vāyodhātu, rattavaṇṇamhi sāre padumapupphavaṇṇā subhadhātu, pūtibhūte cuṇṇe ceva pheggupapaṭikāsu ca amanuññavaṇṇā asubhadhātu, taṃ nissāya amuṃ dārukkhandhaṃ asubhantveva adhimucceyya sallakkheyyāti. Imasmiṃ sutte missakavihāro nāma kathito.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 11. தா³ருக்க²ந்த⁴ஸுத்தங் • 11. Dārukkhandhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8-11. அத்தகாரீஸுத்தாதி³வண்ணனா • 8-11. Attakārīsuttādivaṇṇanā
