| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
১১. দারুক্খন্ধসুত্তৰণ্ণনা
11. Dārukkhandhasuttavaṇṇanā
৪১. একাদসমে চেতোৰসিপ্পত্তোতি চিত্তৰসিভাৰং পত্তো। পথৰীত্ৰেৰ অধিমুচ্চেয্যাতি থদ্ধাকারং পথৰীধাতূতি সল্লক্খেয্য। যং নিস্সাযাতি যং ৰিজ্জমানং থদ্ধাকারং পথৰীধাতুং নিস্সায অমুং দারুক্খন্ধং পথৰীত্ৰেৰ অধিমুচ্চেয্য, সা এত্থ পথৰীধাতু অত্থীতি। ইমিনা নযেন সেসপদানিপি ৰেদিতব্বানি। যথেৰ হি তস্মিং থদ্ধাকারা পথৰীধাতু অত্থি, এৰং যূসাকারা আপোধাতু, উণ্হাকারা তেজোধাতু, ৰিত্থম্ভনাকারা ৰাযোধাতু, রত্তৰণ্ণম্হি সারে পদুমপুপ্ফৰণ্ণা সুভধাতু, পূতিভূতে চুণ্ণে চেৰ ফেগ্গুপপটিকাসু চ অমনুঞ্ঞৰণ্ণা অসুভধাতু, তং নিস্সায অমুং দারুক্খন্ধং অসুভন্ত্ৰেৰ অধিমুচ্চেয্য সল্লক্খেয্যাতি। ইমস্মিং সুত্তে মিস্সকৰিহারো নাম কথিতো।
41. Ekādasame cetovasippattoti cittavasibhāvaṃ patto. Pathavītveva adhimucceyyāti thaddhākāraṃ pathavīdhātūti sallakkheyya. Yaṃnissāyāti yaṃ vijjamānaṃ thaddhākāraṃ pathavīdhātuṃ nissāya amuṃ dārukkhandhaṃ pathavītveva adhimucceyya, sā ettha pathavīdhātu atthīti. Iminā nayena sesapadānipi veditabbāni. Yatheva hi tasmiṃ thaddhākārā pathavīdhātu atthi, evaṃ yūsākārā āpodhātu, uṇhākārā tejodhātu, vitthambhanākārā vāyodhātu, rattavaṇṇamhi sāre padumapupphavaṇṇā subhadhātu, pūtibhūte cuṇṇe ceva pheggupapaṭikāsu ca amanuññavaṇṇā asubhadhātu, taṃ nissāya amuṃ dārukkhandhaṃ asubhantveva adhimucceyya sallakkheyyāti. Imasmiṃ sutte missakavihāro nāma kathito.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১১. দারুক্খন্ধসুত্তং • 11. Dārukkhandhasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৮-১১. অত্তকারীসুত্তাদিৰণ্ণনা • 8-11. Attakārīsuttādivaṇṇanā
