| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
១១. ទារុក្ខន្ធសុត្តវណ្ណនា
11. Dārukkhandhasuttavaṇṇanā
៤១. ឯកាទសមេ ចេតោវសិប្បត្តោតិ ចិត្តវសិភាវំ បត្តោ។ បថវីត្វេវ អធិមុច្ចេយ្យាតិ ថទ្ធាការំ បថវីធាតូតិ សល្លក្ខេយ្យ។ យំ និស្សាយាតិ យំ វិជ្ជមានំ ថទ្ធាការំ បថវីធាតុំ និស្សាយ អមុំ ទារុក្ខន្ធំ បថវីត្វេវ អធិមុច្ចេយ្យ, សា ឯត្ថ បថវីធាតុ អត្ថីតិ។ ឥមិនា នយេន សេសបទានិបិ វេទិតព្ពានិ។ យថេវ ហិ តស្មិំ ថទ្ធាការា បថវីធាតុ អត្ថិ, ឯវំ យូសាការា អាបោធាតុ, ឧណ្ហាការា តេជោធាតុ, វិត្ថម្ភនាការា វាយោធាតុ, រត្តវណ្ណម្ហិ សារេ បទុមបុប្ផវណ្ណា សុភធាតុ, បូតិភូតេ ចុណ្ណេ ចេវ ផេគ្គុបបដិកាសុ ច អមនុញ្ញវណ្ណា អសុភធាតុ, តំ និស្សាយ អមុំ ទារុក្ខន្ធំ អសុភន្ត្វេវ អធិមុច្ចេយ្យ សល្លក្ខេយ្យាតិ។ ឥមស្មិំ សុត្តេ មិស្សកវិហារោ នាម កថិតោ។
41. Ekādasame cetovasippattoti cittavasibhāvaṃ patto. Pathavītveva adhimucceyyāti thaddhākāraṃ pathavīdhātūti sallakkheyya. Yaṃnissāyāti yaṃ vijjamānaṃ thaddhākāraṃ pathavīdhātuṃ nissāya amuṃ dārukkhandhaṃ pathavītveva adhimucceyya, sā ettha pathavīdhātu atthīti. Iminā nayena sesapadānipi veditabbāni. Yatheva hi tasmiṃ thaddhākārā pathavīdhātu atthi, evaṃ yūsākārā āpodhātu, uṇhākārā tejodhātu, vitthambhanākārā vāyodhātu, rattavaṇṇamhi sāre padumapupphavaṇṇā subhadhātu, pūtibhūte cuṇṇe ceva pheggupapaṭikāsu ca amanuññavaṇṇā asubhadhātu, taṃ nissāya amuṃ dārukkhandhaṃ asubhantveva adhimucceyya sallakkheyyāti. Imasmiṃ sutte missakavihāro nāma kathito.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១១. ទារុក្ខន្ធសុត្តំ • 11. Dārukkhandhasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៨-១១. អត្តការីសុត្តាទិវណ្ណនា • 8-11. Attakārīsuttādivaṇṇanā
