| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੧. ਦਾਰੁਕ੍ਖਨ੍ਧਸੁਤ੍ਤવਣ੍ਣਨਾ
11. Dārukkhandhasuttavaṇṇanā
੪੧. ਏਕਾਦਸਮੇ ਚੇਤੋવਸਿਪ੍ਪਤ੍ਤੋਤਿ ਚਿਤ੍ਤવਸਿਭਾવਂ ਪਤ੍ਤੋ। ਪਥવੀਤ੍વੇવ ਅਧਿਮੁਚ੍ਚੇਯ੍ਯਾਤਿ ਥਦ੍ਧਾਕਾਰਂ ਪਥવੀਧਾਤੂਤਿ ਸਲ੍ਲਕ੍ਖੇਯ੍ਯ। ਯਂ ਨਿਸ੍ਸਾਯਾਤਿ ਯਂ વਿਜ੍ਜਮਾਨਂ ਥਦ੍ਧਾਕਾਰਂ ਪਥવੀਧਾਤੁਂ ਨਿਸ੍ਸਾਯ ਅਮੁਂ ਦਾਰੁਕ੍ਖਨ੍ਧਂ ਪਥવੀਤ੍વੇવ ਅਧਿਮੁਚ੍ਚੇਯ੍ਯ, ਸਾ ਏਤ੍ਥ ਪਥવੀਧਾਤੁ ਅਤ੍ਥੀਤਿ। ਇਮਿਨਾ ਨਯੇਨ ਸੇਸਪਦਾਨਿਪਿ વੇਦਿਤਬ੍ਬਾਨਿ। ਯਥੇવ ਹਿ ਤਸ੍ਮਿਂ ਥਦ੍ਧਾਕਾਰਾ ਪਥવੀਧਾਤੁ ਅਤ੍ਥਿ, ਏવਂ ਯੂਸਾਕਾਰਾ ਆਪੋਧਾਤੁ, ਉਣ੍ਹਾਕਾਰਾ ਤੇਜੋਧਾਤੁ, વਿਤ੍ਥਮ੍ਭਨਾਕਾਰਾ વਾਯੋਧਾਤੁ, ਰਤ੍ਤવਣ੍ਣਮ੍ਹਿ ਸਾਰੇ ਪਦੁਮਪੁਪ੍ਫવਣ੍ਣਾ ਸੁਭਧਾਤੁ, ਪੂਤਿਭੂਤੇ ਚੁਣ੍ਣੇ ਚੇવ ਫੇਗ੍ਗੁਪਪਟਿਕਾਸੁ ਚ ਅਮਨੁਞ੍ਞવਣ੍ਣਾ ਅਸੁਭਧਾਤੁ, ਤਂ ਨਿਸ੍ਸਾਯ ਅਮੁਂ ਦਾਰੁਕ੍ਖਨ੍ਧਂ ਅਸੁਭਨ੍ਤ੍વੇવ ਅਧਿਮੁਚ੍ਚੇਯ੍ਯ ਸਲ੍ਲਕ੍ਖੇਯ੍ਯਾਤਿ। ਇਮਸ੍ਮਿਂ ਸੁਤ੍ਤੇ ਮਿਸ੍ਸਕવਿਹਾਰੋ ਨਾਮ ਕਥਿਤੋ।
41. Ekādasame cetovasippattoti cittavasibhāvaṃ patto. Pathavītveva adhimucceyyāti thaddhākāraṃ pathavīdhātūti sallakkheyya. Yaṃnissāyāti yaṃ vijjamānaṃ thaddhākāraṃ pathavīdhātuṃ nissāya amuṃ dārukkhandhaṃ pathavītveva adhimucceyya, sā ettha pathavīdhātu atthīti. Iminā nayena sesapadānipi veditabbāni. Yatheva hi tasmiṃ thaddhākārā pathavīdhātu atthi, evaṃ yūsākārā āpodhātu, uṇhākārā tejodhātu, vitthambhanākārā vāyodhātu, rattavaṇṇamhi sāre padumapupphavaṇṇā subhadhātu, pūtibhūte cuṇṇe ceva pheggupapaṭikāsu ca amanuññavaṇṇā asubhadhātu, taṃ nissāya amuṃ dārukkhandhaṃ asubhantveva adhimucceyya sallakkheyyāti. Imasmiṃ sutte missakavihāro nāma kathito.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੧. ਦਾਰੁਕ੍ਖਨ੍ਧਸੁਤ੍ਤਂ • 11. Dārukkhandhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮-੧੧. ਅਤ੍ਤਕਾਰੀਸੁਤ੍ਤਾਦਿવਣ੍ਣਨਾ • 8-11. Attakārīsuttādivaṇṇanā
