| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೩. ದಸಬಲವಗ್ಗೋ
3. Dasabalavaggo
೧. ದಸಬಲಸುತ್ತವಣ್ಣನಾ
1. Dasabalasuttavaṇṇanā
೨೧. ಪಠಮಂ ದುತಿಯಸ್ಸೇವ ಸಙ್ಖೇಪೋ ಪಠಮಸುತ್ತೇ ಸಙ್ಖೇಪವುತ್ತಸ್ಸ ಅತ್ಥಸ್ಸ ವಿತ್ಥಾರವಸೇನ ದುತಿಯಸುತ್ತಸ್ಸ ದೇಸಿತತ್ತಾ, ತಞ್ಚ ಪನ ಭಗವಾ ಪಠಮಸುತ್ತಂ ಸಙ್ಖೇಪತೋ ದೇಸೇಸಿ, ದುತಿಯಂ ತತೋ ವಿತ್ಥಾರತೋ। ಪಠಮಂ ವಾ ಸಂಖಿತ್ತರುಚೀನಂ ಪುಗ್ಗಲಾನಂ ಅಜ್ಝಾಸಯೇನ ಸಙ್ಖೇಪತೋ ದೇಸೇಸಿ, ದುತಿಯಂ ಪನ ಅತ್ತನೋ ರುಚಿಯಾ ತತೋ ವಿತ್ಥಾರತೋ। ಸೀಹಸಮಾನವುತ್ತಿಕಾ ಹಿ ಬುದ್ಧಾ ಭಗವನ್ತೋ, ತೇ ಅತ್ತನೋ ರುಚಿಯಾ ಕಥೇನ್ತಾ ಅತ್ತನೋ ಥಾಮಂ ದಸ್ಸೇನ್ತಾವ ಕಥೇನ್ತಿ, ತಸ್ಮಾ ದುತಿಯಸುತ್ತವಸೇನ ಚೇತ್ಥ ಅತ್ಥವಣ್ಣನಂ ಕರಿಸ್ಸಾಮ, ತಸ್ಮಿಂ ಸಂವಣ್ಣಿತೇ ಪಠಮಂ ಸಂವಣ್ಣಿತಮೇವ ಹೋತೀತಿ ಅಧಿಪ್ಪಾಯೋ।
21.Paṭhamaṃdutiyasseva saṅkhepo paṭhamasutte saṅkhepavuttassa atthassa vitthāravasena dutiyasuttassa desitattā, tañca pana bhagavā paṭhamasuttaṃ saṅkhepato desesi, dutiyaṃ tato vitthārato. Paṭhamaṃ vā saṃkhittarucīnaṃ puggalānaṃ ajjhāsayena saṅkhepato desesi, dutiyaṃ pana attano ruciyā tato vitthārato. Sīhasamānavuttikā hi buddhā bhagavanto, te attano ruciyā kathentā attano thāmaṃ dassentāva kathenti, tasmā dutiyasuttavasena cettha atthavaṇṇanaṃ karissāma, tasmiṃ saṃvaṇṇite paṭhamaṃ saṃvaṇṇitameva hotīti adhippāyo.
ದಸಬಲಸುತ್ತವಣ್ಣನಾ ನಿಟ್ಠಿತಾ।
Dasabalasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧. ದಸಬಲಸುತ್ತಂ • 1. Dasabalasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧. ದಸಬಲಸುತ್ತವಣ್ಣನಾ • 1. Dasabalasuttavaṇṇanā
