| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. த³ஸகம்மபத²ஸுத்தங்
5. Dasakammapathasuttaṃ
111. ஸாவத்தி²யங் விஹரதி…பே॰… ‘‘தா⁴துஸோவ , பி⁴க்க²வே, ஸத்தா ஸங்ஸந்த³ந்தி ஸமெந்தி. பாணாதிபாதினோ பாணாதிபாதீஹி ஸத்³தி⁴ங் ஸங்ஸந்த³ந்தி ஸமெந்தி; அதி³ன்னாதா³யினோ…பே॰… காமேஸுமிச்சா²சாரினோ… முஸாவாதி³னோ… பிஸுணவாசா… ப²ருஸவாசா… ஸம்ப²ப்பலாபினோ ஸம்ப²ப்பலாபீஹி ஸத்³தி⁴ங் ஸங்ஸந்த³ந்தி ஸமெந்தி; அபி⁴ஜ்ஜா²லுனோ அபி⁴ஜ்ஜா²லூஹி ஸத்³தி⁴ங் ஸங்ஸந்த³ந்தி ஸமெந்தி; ப்³யாபன்னசித்தா ப்³யாபன்னசித்தேஹி ஸத்³தி⁴ங் ஸங்ஸந்த³ந்தி ஸமெந்தி; மிச்சா²தி³ட்டி²கா மிச்சா²தி³ட்டி²கேஹி ஸத்³தி⁴ங் ஸங்ஸந்த³ந்தி ஸமெந்தி’’.
111. Sāvatthiyaṃ viharati…pe… ‘‘dhātusova , bhikkhave, sattā saṃsandanti samenti. Pāṇātipātino pāṇātipātīhi saddhiṃ saṃsandanti samenti; adinnādāyino…pe… kāmesumicchācārino… musāvādino… pisuṇavācā… pharusavācā… samphappalāpino samphappalāpīhi saddhiṃ saṃsandanti samenti; abhijjhāluno abhijjhālūhi saddhiṃ saṃsandanti samenti; byāpannacittā byāpannacittehi saddhiṃ saṃsandanti samenti; micchādiṭṭhikā micchādiṭṭhikehi saddhiṃ saṃsandanti samenti’’.
‘‘பாணாதிபாதா படிவிரதா பாணாதிபாதா படிவிரதேஹி ஸத்³தி⁴ங் ஸங்ஸந்த³ந்தி ஸமெந்தி; அதி³ன்னாதா³னா படிவிரதா…பே॰… காமேஸுமிச்சா²சாரா படிவிரதா… முஸாவாதா³ படிவிரதா… பிஸுணாய வாசாய… ப²ருஸாய வாசாய… ஸம்ப²ப்பலாபா படிவிரதா ஸம்ப²ப்பலாபா படிவிரதேஹி ஸத்³தி⁴ங் ஸங்ஸந்த³ந்தி ஸமெந்தி; அனபி⁴ஜ்ஜா²லுனோ அனபி⁴ஜ்ஜா²லூஹி ஸத்³தி⁴ங் ஸங்ஸந்த³ந்தி ஸமெந்தி; அப்³யாபன்னசித்தா அப்³யாபன்னசித்தேஹி ஸத்³தி⁴ங் ஸங்ஸந்த³ந்தி ஸமெந்தி; ஸம்மாதி³ட்டி²கா ஸம்மாதி³ட்டி²கேஹி ஸத்³தி⁴ங் ஸங்ஸந்த³ந்தி ஸமெந்தீ’’தி. பஞ்சமங்.
‘‘Pāṇātipātā paṭiviratā pāṇātipātā paṭiviratehi saddhiṃ saṃsandanti samenti; adinnādānā paṭiviratā…pe… kāmesumicchācārā paṭiviratā… musāvādā paṭiviratā… pisuṇāya vācāya… pharusāya vācāya… samphappalāpā paṭiviratā samphappalāpā paṭiviratehi saddhiṃ saṃsandanti samenti; anabhijjhāluno anabhijjhālūhi saddhiṃ saṃsandanti samenti; abyāpannacittā abyāpannacittehi saddhiṃ saṃsandanti samenti; sammādiṭṭhikā sammādiṭṭhikehi saddhiṃ saṃsandanti samentī’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3-5. பஞ்சஸிக்கா²பத³ஸுத்தாதி³வண்ணனா • 3-5. Pañcasikkhāpadasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3-5. பஞ்சஸிக்கா²பத³ஸுத்தாதி³வண்ணனா • 3-5. Pañcasikkhāpadasuttādivaṇṇanā
