| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๕. ทสกมฺมปถสุตฺตํ
5. Dasakammapathasuttaṃ
๑๑๑. สาวตฺถิยํ วิหรติ…เป.… ‘‘ธาตุโสว , ภิกฺขเว, สตฺตา สํสนฺทนฺติ สเมนฺติฯ ปาณาติปาติโน ปาณาติปาตีหิ สทฺธิํ สํสนฺทนฺติ สเมนฺติ; อทินฺนาทายิโน…เป.… กาเมสุมิจฺฉาจาริโน… มุสาวาทิโน… ปิสุณวาจา… ผรุสวาจา… สมฺผปฺปลาปิโน สมฺผปฺปลาปีหิ สทฺธิํ สํสนฺทนฺติ สเมนฺติ; อภิชฺฌาลุโน อภิชฺฌาลูหิ สทฺธิํ สํสนฺทนฺติ สเมนฺติ; พฺยาปนฺนจิตฺตา พฺยาปนฺนจิเตฺตหิ สทฺธิํ สํสนฺทนฺติ สเมนฺติ; มิจฺฉาทิฎฺฐิกา มิจฺฉาทิฎฺฐิเกหิ สทฺธิํ สํสนฺทนฺติ สเมนฺติ’’ฯ
111. Sāvatthiyaṃ viharati…pe… ‘‘dhātusova , bhikkhave, sattā saṃsandanti samenti. Pāṇātipātino pāṇātipātīhi saddhiṃ saṃsandanti samenti; adinnādāyino…pe… kāmesumicchācārino… musāvādino… pisuṇavācā… pharusavācā… samphappalāpino samphappalāpīhi saddhiṃ saṃsandanti samenti; abhijjhāluno abhijjhālūhi saddhiṃ saṃsandanti samenti; byāpannacittā byāpannacittehi saddhiṃ saṃsandanti samenti; micchādiṭṭhikā micchādiṭṭhikehi saddhiṃ saṃsandanti samenti’’.
‘‘ปาณาติปาตา ปฎิวิรตา ปาณาติปาตา ปฎิวิรเตหิ สทฺธิํ สํสนฺทนฺติ สเมนฺติ; อทินฺนาทานา ปฎิวิรตา…เป.… กาเมสุมิจฺฉาจารา ปฎิวิรตา… มุสาวาทา ปฎิวิรตา… ปิสุณาย วาจาย… ผรุสาย วาจาย… สมฺผปฺปลาปา ปฎิวิรตา สมฺผปฺปลาปา ปฎิวิรเตหิ สทฺธิํ สํสนฺทนฺติ สเมนฺติ; อนภิชฺฌาลุโน อนภิชฺฌาลูหิ สทฺธิํ สํสนฺทนฺติ สเมนฺติ; อพฺยาปนฺนจิตฺตา อพฺยาปนฺนจิเตฺตหิ สทฺธิํ สํสนฺทนฺติ สเมนฺติ; สมฺมาทิฎฺฐิกา สมฺมาทิฎฺฐิเกหิ สทฺธิํ สํสนฺทนฺติ สเมนฺตี’’ติฯ ปญฺจมํฯ
‘‘Pāṇātipātā paṭiviratā pāṇātipātā paṭiviratehi saddhiṃ saṃsandanti samenti; adinnādānā paṭiviratā…pe… kāmesumicchācārā paṭiviratā… musāvādā paṭiviratā… pisuṇāya vācāya… pharusāya vācāya… samphappalāpā paṭiviratā samphappalāpā paṭiviratehi saddhiṃ saṃsandanti samenti; anabhijjhāluno anabhijjhālūhi saddhiṃ saṃsandanti samenti; abyāpannacittā abyāpannacittehi saddhiṃ saṃsandanti samenti; sammādiṭṭhikā sammādiṭṭhikehi saddhiṃ saṃsandanti samentī’’ti. Pañcamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓-๕. ปญฺจสิกฺขาปทสุตฺตาทิวณฺณนา • 3-5. Pañcasikkhāpadasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๓-๕. ปญฺจสิกฺขาปทสุตฺตาทิวณฺณนา • 3-5. Pañcasikkhāpadasuttādivaṇṇanā
