| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. д̣̇асагаммасуд̇д̇ам̣
4. Dasakammasuttaṃ
204. ‘‘асаббурисан̃жа во, бхигкавз, д̣̇зсзссаами, асаббурисзна асаббурисад̇аран̃жа ; саббурисан̃жа, саббурисзна саббурисад̇аран̃жа. д̇ам̣ сун̣аат̇а…бз….
204. ‘‘Asappurisañca vo, bhikkhave, desessāmi, asappurisena asappurisatarañca ; sappurisañca, sappurisena sappurisatarañca. Taṃ suṇātha…pe….
‘‘гад̇амо жа, бхигкавз, асаббурисо? ид̇ха, бхигкавз, згажжо баан̣аад̇ибаад̇ий ход̇и, ад̣̇иннаад̣̇ааяий ход̇и, гаамзсумижчаажаарий ход̇и, мусааваад̣̇ий ход̇и, бисун̣аваажо ход̇и, парусаваажо ход̇и, сампаббалаабий ход̇и, абхиж̇жхаалу ход̇и, б̣яаабаннажид̇д̇о ход̇и, мижчаад̣̇идтиго ход̇и. аяам̣ вужжад̇и, бхигкавз, асаббурисо.
‘‘Katamo ca, bhikkhave, asappuriso? Idha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti, abhijjhālu hoti, byāpannacitto hoti, micchādiṭṭhiko hoti. Ayaṃ vuccati, bhikkhave, asappuriso.
‘‘гад̇амо жа, бхигкавз, асаббурисзна асаббурисад̇аро? ид̇ха, бхигкавз, згажжо ад̇д̇анаа жа баан̣аад̇ибаад̇ий ход̇и, баран̃жа баан̣аад̇ибаад̇з самаад̣̇абзд̇и…бз… ад̇д̇анаа жа абхиж̇жхаалу ход̇и, баран̃жа абхиж̇жхааяа самаад̣̇абзд̇и; ад̇д̇анаа жа б̣яаабаннажид̇д̇о ход̇и, баран̃жа б̣яаабаад̣̇з самаад̣̇абзд̇и, ад̇д̇анаа жа мижчаад̣̇идтиго ход̇и, баран̃жа мижчаад̣̇идтияаа самаад̣̇абзд̇и. аяам̣ вужжад̇и, бхигкавз, асаббурисзна асаббурисад̇аро.
‘‘Katamo ca, bhikkhave, asappurisena asappurisataro? Idha, bhikkhave, ekacco attanā ca pāṇātipātī hoti, parañca pāṇātipāte samādapeti…pe… attanā ca abhijjhālu hoti, parañca abhijjhāya samādapeti; attanā ca byāpannacitto hoti, parañca byāpāde samādapeti, attanā ca micchādiṭṭhiko hoti, parañca micchādiṭṭhiyā samādapeti. Ayaṃ vuccati, bhikkhave, asappurisena asappurisataro.
‘‘гад̇амо жа, бхигкавз, саббурисо ? ид̇ха, бхигкавз, згажжо баан̣аад̇ибаад̇аа бадивирад̇о ход̇и…бз… анабхиж̇жхаалу ход̇и, аб̣яаабаннажид̇д̇о ход̇и, саммаад̣̇идтиго ход̇и. аяам̣ вужжад̇и, бхигкавз, саббурисо.
‘‘Katamo ca, bhikkhave, sappuriso ? Idha, bhikkhave, ekacco pāṇātipātā paṭivirato hoti…pe… anabhijjhālu hoti, abyāpannacitto hoti, sammādiṭṭhiko hoti. Ayaṃ vuccati, bhikkhave, sappuriso.
‘‘гад̇амо жа, бхигкавз, саббурисзна саббурисад̇аро? ид̇ха, бхигкавз, згажжо ад̇д̇анаа жа баан̣аад̇ибаад̇аа бадивирад̇о ход̇и, баран̃жа баан̣аад̇ибаад̇аа взраман̣ияаа самаад̣̇абзд̇и…бз… ад̇д̇анаа жа анабхиж̇жхаалу ход̇и, баран̃жа анабхиж̇жхааяа самаад̣̇абзд̇и; ад̇д̇анаа жа аб̣яаабаннажид̇д̇о ход̇и, баран̃жа аб̣яаабаад̣̇з самаад̣̇абзд̇и; ад̇д̇анаа жа саммаад̣̇идтиго ход̇и, баран̃жа саммаад̣̇идтияаа самаад̣̇абзд̇и. аяам̣ вужжад̇и, бхигкавз, саббурисзна саббурисад̇аро’’д̇и. жад̇уд̇т̇ам̣.
‘‘Katamo ca, bhikkhave, sappurisena sappurisataro? Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti…pe… attanā ca anabhijjhālu hoti, parañca anabhijjhāya samādapeti; attanā ca abyāpannacitto hoti, parañca abyāpāde samādapeti; attanā ca sammādiṭṭhiko hoti, parañca sammādiṭṭhiyā samādapeti. Ayaṃ vuccati, bhikkhave, sappurisena sappurisataro’’ti. Catutthaṃ.
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. сигкаабад̣̇асуд̇д̇аад̣̇иван̣н̣анаа • 1-10. Sikkhāpadasuttādivaṇṇanā
