| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(10.) д̣̇асаганид̣̇д̣̇зсаван̣н̣анаа
(10.) Dasakaniddesavaṇṇanā
966. д̣̇асаганид̣̇д̣̇зсз гилзсаа зва гилзсавад̇т̇ууни. аагхаад̇авад̇т̇ууни банзд̇т̇а ‘‘анад̇т̇ам̣ мз ажарий’’д̇иаад̣̇ийнам̣ васзна авигобзд̇аб̣б̣з каан̣уган̣дагаад̣̇имхиби адтаанз уббаннаагхаад̇зна сад̣̇д̇хим̣ вуд̇д̇аани.
966. Dasakaniddese kilesā eva kilesavatthūni. Āghātavatthūni panettha ‘‘anatthaṃ me acarī’’tiādīnaṃ vasena avikopetabbe khāṇukaṇṭakādimhipi aṭṭhāne uppannāghātena saddhiṃ vuttāni.
970. мижчад̇д̇зсу мижчаан̃аан̣анд̇и баабагирияаасу убааяажинд̇аавасзна баабам̣ гад̇ваа ‘сугад̇ам̣ маяаа’д̇и бажжавзгкан̣аагаарзна уббанно мохо. мижчаавимуд̇д̇ийд̇и авимуд̇д̇ассзва сад̇о вимуд̇д̇асан̃н̃ид̇аа. сзсам̣ саб̣б̣ад̇т̇а уд̇д̇аанад̇т̇амзваад̇и.
970. Micchattesu micchāñāṇanti pāpakiriyāsu upāyacintāvasena pāpaṃ katvā ‘sukataṃ mayā’ti paccavekkhaṇākārena uppanno moho. Micchāvimuttīti avimuttasseva sato vimuttasaññitā. Sesaṃ sabbattha uttānatthamevāti.
д̣̇асаганид̣̇д̣̇зсаван̣н̣анаа.
Dasakaniddesavaṇṇanā.
д̇ан̣хаавижарид̇анид̣̇д̣̇зсаван̣н̣анаа
Taṇhāvicaritaniddesavaṇṇanā
973. д̇ан̣хаавижарид̇анид̣̇д̣̇зсз д̇ан̣хаавижарид̇аанийд̇и д̇ан̣хаасамуд̣̇аажаараа д̇ан̣хаабавад̇д̇ияо. аж̇жхад̇д̇игасса убаад̣̇ааяаад̇и аж̇жхад̇д̇игам̣ канд̇хабан̃жагам̣ убаад̣̇ааяа. ид̣̇ан̃хи убаяог̇ад̇т̇з саамиважанам̣. асмийд̇и ход̇ийд̇и яад̣̇зд̇ам̣ аж̇жхад̇д̇ам̣ канд̇хабан̃жагам̣ убаад̣̇ааяа д̇ан̣хаамаанад̣̇идтивасзна самуухаг̇аахад̇о ‘асмий’д̇и ход̇и, д̇асмим̣ сад̇ийд̇и ад̇т̇о. ид̇т̇асмийд̇и ход̇ийд̇иаад̣̇ийсу бана звам̣ самуухад̇о ‘аха’нд̇и г̇ахан̣з сад̇и д̇ад̇о анубанид̇хааяа жа убанид̇хааяа жаад̇и д̣̇вид̇хаа г̇ахан̣ам̣ ход̇и. д̇ад̇т̇а анубанид̇хааяаад̇и ан̃н̃ам̣ аагаарам̣ анубаг̇амма сагабхаавамзва аарамман̣ам̣ гад̇ваа ‘ид̇т̇асмий’д̇и ход̇и; кад̇д̇ияаад̣̇ийсу ‘ид̣̇ам̣багааро аха’нд̇и звам̣ д̇ан̣хаамаанад̣̇идтивасзна ход̇ийд̇и ад̇т̇о. ид̣̇ам̣ д̇аава анубанид̇хааяа г̇ахан̣ам̣. убанид̇хааяа г̇ахан̣ам̣ бана д̣̇увид̇хам̣ ход̇и – самад̇о жа асамад̇о жа. д̇ам̣ д̣̇ассзд̇ум̣ звасмийд̇и жа ан̃н̃ат̇аасмийд̇и жа вуд̇д̇ам̣. д̇ад̇т̇а звасмийд̇и ид̣̇ам̣ самад̇о убанид̇хааяа г̇ахан̣ам̣; яат̇аа аяам̣ кад̇д̇ияо, яат̇аа аяам̣ б̣раахман̣о, звам̣ ахамбийд̇и ад̇т̇о. ан̃н̃ат̇аасмийд̇и ид̣̇ам̣ бана асамад̇о г̇ахан̣ам̣; яат̇ааяам̣ кад̇д̇ияо, яат̇ааяам̣ б̣раахман̣о, д̇ад̇о ан̃н̃ат̇аа ахам̣ хийно ваа ад̇хиго ваад̇и ад̇т̇о. имаани д̇аава бажжуббаннавасзна жад̇д̇аари д̇ан̣хаавижарид̇аани. бхависсанд̇иаад̣̇ийни бана жад̇д̇аари анааг̇ад̇авасзна вуд̇д̇аани. сзсам̣ буримажад̇уггз вуд̇д̇анаязнзва ад̇т̇о взд̣̇ид̇аб̣б̣о. асмийд̇и сассад̇о асми. саад̇асмийд̇и асассад̇о асми. асасмийд̇и сад̇асмийд̇и ваа баато. д̇ад̇т̇а ад̇т̇ийд̇и асам̣; нижжассзд̇ам̣ ад̇хиважанам̣. сийд̣̇ад̇ийд̇и сад̇ам̣; анижжассзд̇ам̣ ад̇хиважанам̣. ид̇и имаани д̣̇вз сассад̇ужчзд̣̇авасзна вуд̇д̇аанийд̇и взд̣̇ид̇аб̣б̣аани. ид̇о бараани сияанд̇иаад̣̇ийни жад̇д̇аари сам̣саяабаривид̇аггавасзна вуд̇д̇аани. д̇аани буримажад̇уггз вуд̇д̇анаязнзва ад̇т̇ад̇о взд̣̇ид̇аб̣б̣аани. абаахам̣ сияанд̇иаад̣̇ийни бана жад̇д̇аари ‘‘аби наамаахам̣ бхавзяяа’’нд̇и звам̣ бад̇т̇анаагаббанавасзна вуд̇д̇аани. д̇аани буримажад̇уггз вуд̇д̇анаязнзва взд̣̇ид̇аб̣б̣аани. звамзд̇зсу –
973. Taṇhāvicaritaniddese taṇhāvicaritānīti taṇhāsamudācārā taṇhāpavattiyo. Ajjhattikassa upādāyāti ajjhattikaṃ khandhapañcakaṃ upādāya. Idañhi upayogatthe sāmivacanaṃ. Asmīti hotīti yadetaṃ ajjhattaṃ khandhapañcakaṃ upādāya taṇhāmānadiṭṭhivasena samūhagāhato ‘asmī’ti hoti, tasmiṃ satīti attho. Itthasmīti hotītiādīsu pana evaṃ samūhato ‘aha’nti gahaṇe sati tato anupanidhāya ca upanidhāya cāti dvidhā gahaṇaṃ hoti. Tattha anupanidhāyāti aññaṃ ākāraṃ anupagamma sakabhāvameva ārammaṇaṃ katvā ‘itthasmī’ti hoti; khattiyādīsu ‘idaṃpakāro aha’nti evaṃ taṇhāmānadiṭṭhivasena hotīti attho. Idaṃ tāva anupanidhāya gahaṇaṃ. Upanidhāya gahaṇaṃ pana duvidhaṃ hoti – samato ca asamato ca. Taṃ dassetuṃ evasmīti ca aññathāsmīti ca vuttaṃ. Tattha evasmīti idaṃ samato upanidhāya gahaṇaṃ; yathā ayaṃ khattiyo, yathā ayaṃ brāhmaṇo, evaṃ ahampīti attho. Aññathāsmīti idaṃ pana asamato gahaṇaṃ; yathāyaṃ khattiyo, yathāyaṃ brāhmaṇo, tato aññathā ahaṃ hīno vā adhiko vāti attho. Imāni tāva paccuppannavasena cattāri taṇhāvicaritāni. Bhavissantiādīni pana cattāri anāgatavasena vuttāni. Sesaṃ purimacatukke vuttanayeneva attho veditabbo. Asmīti sassato asmi. Sātasmīti asassato asmi. Asasmīti satasmīti vā pāṭho. Tattha atthīti asaṃ; niccassetaṃ adhivacanaṃ. Sīdatīti sataṃ; aniccassetaṃ adhivacanaṃ. Iti imāni dve sassatucchedavasena vuttānīti veditabbāni. Ito parāni siyantiādīni cattāri saṃsayaparivitakkavasena vuttāni. Tāni purimacatukke vuttanayeneva atthato veditabbāni. Apāhaṃ siyantiādīni pana cattāri ‘‘api nāmāhaṃ bhaveyya’’nti evaṃ patthanākappanavasena vuttāni. Tāni purimacatukke vuttanayeneva veditabbāni. Evametesu –
д̣̇вз д̣̇идтисийсаа жад̇д̇ааро, суд̣̇д̇хасийсаа сийсамуулагаа;
Dve diṭṭhisīsā cattāro, suddhasīsā sīsamūlakā;
д̇аяо д̇аяод̇и зд̇аани, адтаараса вибхааваяз.
Tayo tayoti etāni, aṭṭhārasa vibhāvaye.
зд̇зсу хи сассад̇ужчзд̣̇авасзна вуд̇д̇аа д̣̇вз д̣̇идтисийсаа наама. асмийд̇и, бхависсанд̇и, сияанд̇и, абаахам̣ сияанд̇и зд̇з жад̇д̇ааро суд̣̇д̇хасийсаазва. ид̇т̇асмийд̇и аад̣̇аяо д̇аяо д̇аяод̇и д̣̇ваад̣̇аса сийсамуулагаа наамаад̇и. звамзд̇з д̣̇вз д̣̇идтисийсаа, жад̇д̇ааро суд̣̇д̇хасийсаа, д̣̇ваад̣̇аса сийсамуулагаад̇и адтаараса д̇ан̣хаавижарид̇ад̇хаммаа взд̣̇ид̇аб̣б̣аа.
Etesu hi sassatucchedavasena vuttā dve diṭṭhisīsā nāma. Asmīti, bhavissanti, siyanti, apāhaṃ siyanti ete cattāro suddhasīsāeva. Itthasmīti ādayo tayo tayoti dvādasa sīsamūlakā nāmāti. Evamete dve diṭṭhisīsā, cattāro suddhasīsā, dvādasa sīsamūlakāti aṭṭhārasa taṇhāvicaritadhammā veditabbā.
974. ид̣̇аани бадибаадияаава д̇з д̇хаммз бхааж̇зд̇ваа д̣̇ассзд̇ум̣ гат̇ан̃жа асмийд̇и ход̇ийд̇иаад̣̇и аарад̣̇д̇хам̣. д̇ад̇т̇а ган̃жи д̇хаммам̣ анавагаарим̣ гарид̇ваад̇и руубавзд̣̇анаад̣̇ийсу ган̃жи згад̇хаммамби авиниб̣бхог̇ам̣ гад̇ваа, згзгад̇о аг̇г̇ахзд̇ваа, самуухад̇ова г̇ахзд̇ваад̇и ад̇т̇о. асмийд̇и чанд̣̇ам̣ бадилабхад̇ийд̇и бан̃жагканд̇хз ниравасзсад̇о г̇ахзд̇ваа ‘аха’нд̇и д̇ан̣хам̣ бадилабхад̇и. маанад̣̇идтийсуби зсзва наяо. д̇ад̇т̇а гин̃жааби аяам̣ д̇ан̣хаавижарид̇анид̣̇д̣̇зсо, маанад̣̇идтияо бана на винаа д̇ан̣хааяа, д̇асмаа д̇ад̣̇згадтавасзна ид̇ха вуд̇д̇аа. д̇ан̣хаасийсзна ваа бабан̃жад̇д̇аяамби уд̣̇д̣̇идтам̣. д̇ам̣ уд̣̇д̣̇зсаануруубзнзва нид̣̇д̣̇исид̇умби маанад̣̇идтияо г̇ахид̇аа. д̇ан̣хаабабан̃жам̣ ваа д̣̇ассзнд̇о д̇знзва сад̣̇д̇хим̣ сзсабабан̃жзби д̣̇ассзд̇ум̣ звамааха.
974. Idāni paṭipāṭiyāva te dhamme bhājetvā dassetuṃ kathañca asmīti hotītiādi āraddhaṃ. Tattha kañci dhammaṃ anavakāriṃ karitvāti rūpavedanādīsu kañci ekadhammampi avinibbhogaṃ katvā, ekekato aggahetvā, samūhatova gahetvāti attho. Asmīti chandaṃ paṭilabhatīti pañcakkhandhe niravasesato gahetvā ‘aha’nti taṇhaṃ paṭilabhati. Mānadiṭṭhīsupi eseva nayo. Tattha kiñcāpi ayaṃ taṇhāvicaritaniddeso, mānadiṭṭhiyo pana na vinā taṇhāya, tasmā tadekaṭṭhavasena idha vuttā. Taṇhāsīsena vā papañcattayampi uddiṭṭhaṃ. Taṃ uddesānurūpeneva niddisitumpi mānadiṭṭhiyo gahitā. Taṇhāpapañcaṃ vā dassento teneva saddhiṃ sesapapañcepi dassetuṃ evamāha.
д̇асмим̣ сад̇и имаани бабан̃жид̇аанийд̇и д̇асмим̣ ‘‘асмийд̇и чанд̣̇ам̣ бадилабхад̇ий’’д̇иаад̣̇инаа наязна вуд̇д̇з бабан̃жад̇д̇аяз сад̇и буна имаани ‘‘ид̇т̇асмийд̇и ваа’’д̇иаад̣̇ийни бабан̃жид̇аани хонд̇ийд̇и ад̇т̇о.
Tasmiṃ sati imāni papañcitānīti tasmiṃ ‘‘asmīti chandaṃ paṭilabhatī’’tiādinā nayena vutte papañcattaye sati puna imāni ‘‘itthasmīti vā’’tiādīni papañcitāni hontīti attho.
кад̇д̇ияосмийд̇иаад̣̇ийсу абхисзгасзнаамажжаад̣̇инаа ‘кад̇д̇ияо ахам̣’, манд̇аж̇жхзна борохижжаад̣̇инаа ‘б̣раахман̣о ахам̣’, гасиг̇орагкаад̣̇инаа ‘взссо ахам̣’, асид̇аб̣яаабхан̇г̇ид̇ааяа ‘суд̣̇д̣̇о ахам̣’ , г̇ихиб̣яан̃ж̇анзна ‘г̇ахадто аха’нд̇и иминаа наязна ад̇т̇о взд̣̇ид̇аб̣б̣о. звам̣ ид̇т̇асмийд̇и ход̇ийд̇и звам̣ кад̇д̇ияаад̣̇ийсу кад̇д̇ияаад̣̇иббагаарам̣ ад̇д̇ани уббаад̣̇аяид̇ваа ‘ид̇т̇ам̣багааро аха’нд̇и ход̇и.
Khattiyosmītiādīsu abhisekasenāmaccādinā ‘khattiyo ahaṃ’, mantajjhena porohiccādinā ‘brāhmaṇo ahaṃ’, kasigorakkhādinā ‘vesso ahaṃ’, asitabyābhaṅgitāya ‘suddo ahaṃ’ , gihibyañjanena ‘gahaṭṭho aha’nti iminā nayena attho veditabbo. Evaṃ itthasmīti hotīti evaṃ khattiyādīsu khattiyādippakāraṃ attani uppādayitvā ‘itthaṃpakāro aha’nti hoti.
яат̇аа со кад̇д̇ияод̇иаад̣̇ийсу ‘яат̇аа со абхисзгасзнаамажжаад̣̇инаа кад̇д̇ияо, д̇ат̇аа ‘ахамби кад̇д̇ияо’д̇и иминаа наязна ад̇т̇о взд̣̇ид̇аб̣б̣о. д̣̇уд̇ияанаяз ‘яат̇аа со абхисзгасзнаамажжаад̣̇инаа кад̇д̇ияо, наахам̣ д̇ат̇аа кад̇д̇ияо; ахам̣ бана д̇ад̇о хийно ваа сздто ваа’д̇и иминаа наязна ад̇т̇о взд̣̇ид̇аб̣б̣о. бхависсанд̇иаад̣̇инид̣̇д̣̇зсаад̣̇ийсуби зсзва наяо.
Yathā so khattiyotiādīsu ‘yathā so abhisekasenāmaccādinā khattiyo, tathā ‘ahampi khattiyo’ti iminā nayena attho veditabbo. Dutiyanaye ‘yathā so abhisekasenāmaccādinā khattiyo, nāhaṃ tathā khattiyo; ahaṃ pana tato hīno vā seṭṭho vā’ti iminā nayena attho veditabbo. Bhavissantiādiniddesādīsupi eseva nayo.
975. звам̣ аж̇жхад̇д̇игасса убаад̣̇ааяа д̇ан̣хаавижарид̇аани бхааж̇зд̇ваа ид̣̇аани б̣аахирасса убаад̣̇ааяа д̇ан̣хаавижарид̇аани бхааж̇зд̇ум̣ д̇ад̇т̇а гад̇амаанийд̇иаад̣̇имааха. д̇ад̇т̇а б̣аахирасса убаад̣̇ааяаад̇и б̣аахирам̣ канд̇хабан̃жагам̣ убаад̣̇ааяа. ид̣̇амби хи убаяог̇ад̇т̇з саамиважанам̣. иминаад̇и иминаа руубзна ваа…бз… вин̃н̃аан̣зна ваа. авасзсам̣ бана уд̣̇д̣̇зсаваарз д̇аава вуд̇д̇анаязнзва взд̣̇ид̇аб̣б̣ам̣.
975. Evaṃ ajjhattikassa upādāya taṇhāvicaritāni bhājetvā idāni bāhirassa upādāya taṇhāvicaritāni bhājetuṃ tattha katamānītiādimāha. Tattha bāhirassa upādāyāti bāhiraṃ khandhapañcakaṃ upādāya. Idampi hi upayogatthe sāmivacanaṃ. Imināti iminā rūpena vā…pe… viññāṇena vā. Avasesaṃ pana uddesavāre tāva vuttanayeneva veditabbaṃ.
976. нид̣̇д̣̇зсаваарз бана авагаарим̣ гарид̇ваад̇и виниб̣бхог̇ам̣ гад̇ваа. иминаа асмийд̇и чанд̣̇ам̣ бадилабхад̇ийд̇иаад̣̇ийсу иминаа руубзна ваа…бз… вин̃н̃аан̣зна ваад̇и звам̣ бан̃жагканд̇хз згад̣̇зсад̇о г̇ахзд̇ваа иминаа ‘аха’нд̇и чанд̣̇аад̣̇ийни бадилабхад̇ийд̇и звамад̇т̇о взд̣̇ид̇аб̣б̣о.
976. Niddesavāre pana avakāriṃ karitvāti vinibbhogaṃ katvā. Iminā asmīti chandaṃ paṭilabhatītiādīsu iminā rūpena vā…pe… viññāṇena vāti evaṃ pañcakkhandhe ekadesato gahetvā iminā ‘aha’nti chandādīni paṭilabhatīti evamattho veditabbo.
иминаа кад̇д̇ияосмийд̇иаад̣̇ийсу ‘иминаа чад̇д̇зна ваа каг̇г̇зна ваа абхисзгасзнаамажжаад̣̇инаа ваа кад̇д̇ияо аха’нд̇и звам̣ буриманаязнзва ад̇т̇о взд̣̇ид̇аб̣б̣о. иминаад̇и бад̣̇амад̇д̇амзва хзд̇т̇а висзсо.
Iminā khattiyosmītiādīsu ‘iminā chattena vā khaggena vā abhisekasenāmaccādinā vā khattiyo aha’nti evaṃ purimanayeneva attho veditabbo. Imināti padamattameva hettha viseso.
яат̇аа со кад̇д̇ияод̇иаад̣̇ийсуби иминаад̇и вуд̇д̇абад̣̇амзва висзсо. д̇асмаа д̇асса васзна яат̇аа кад̇д̇ияо, звам̣ ахамби иминаа каг̇г̇зна ваа чад̇д̇зна ваа абхисзгасзнаамажжаад̣̇инаа ваа кад̇д̇ияод̇и звам̣ яож̇зд̇ваа саб̣б̣абад̣̇зсу ад̇т̇о взд̣̇ид̇аб̣б̣о. иминаа нижжосмийд̇и бан̃жагканд̇хз анавагаарим̣ гад̇ваа руубаад̣̇ийсу згамзва д̇хаммам̣ ‘аха’нд̇и г̇ахзд̇ваа ‘иминаа каг̇г̇зна ваа чад̇д̇зна ваа ахам̣ нижжо д̇хуво’д̇и ман̃н̃ад̇и. ужчзд̣̇ад̣̇идтияамби зсзва наяо. сзсам̣ саб̣б̣ад̇т̇а вуд̇д̇анаязнзва взд̣̇ид̇аб̣б̣ам̣.
Yathā so khattiyotiādīsupi imināti vuttapadameva viseso. Tasmā tassa vasena yathā khattiyo, evaṃ ahampi iminā khaggena vā chattena vā abhisekasenāmaccādinā vā khattiyoti evaṃ yojetvā sabbapadesu attho veditabbo. Iminā niccosmīti pañcakkhandhe anavakāriṃ katvā rūpādīsu ekameva dhammaṃ ‘aha’nti gahetvā ‘iminā khaggena vā chattena vā ahaṃ nicco dhuvo’ti maññati. Ucchedadiṭṭhiyampi eseva nayo. Sesaṃ sabbattha vuttanayeneva veditabbaṃ.
ид̇и зваруубаани ад̇ийд̇аани чад̇д̇им̣саад̇и згзгасса буг̇г̇аласса ад̇ийд̇з чад̇д̇им̣са. анааг̇ад̇аани чад̇д̇им̣саад̇и згзгассзва анааг̇ад̇з чад̇д̇им̣са. бажжуббаннаани чад̇д̇им̣саад̇и згзгасса ваа буг̇г̇аласса яат̇аалаабхавасзна б̣ахунам̣ ваа бажжуббаннз чад̇д̇им̣са. саб̣б̣асад̇д̇аанам̣ бана згам̣сзнзва ад̇ийд̇з чад̇д̇им̣са, анааг̇ад̇з чад̇д̇им̣са, бажжуббаннз чад̇д̇им̣саад̇и взд̣̇ид̇аб̣б̣аани. ананд̇аа хи асад̣̇исад̇ан̣хаамаанад̣̇идтибхзд̣̇аа сад̇д̇аа. адтад̇ан̣хаавижарид̇асад̇ам̣ ход̇ийд̇и зд̇т̇а бана адтасад̇асан̇каад̇ам̣ д̇ан̣хаавижарид̇ам̣ ход̇ийд̇и звамад̇т̇о д̣̇адтаб̣б̣о. сзсам̣ саб̣б̣ад̇т̇а уд̇д̇аанад̇т̇амзваад̇и.
Iti evarūpāni atītāni chattiṃsāti ekekassa puggalassa atīte chattiṃsa. Anāgatāni chattiṃsāti ekekasseva anāgate chattiṃsa. Paccuppannāni chattiṃsāti ekekassa vā puggalassa yathālābhavasena bahunaṃ vā paccuppanne chattiṃsa. Sabbasattānaṃ pana ekaṃseneva atīte chattiṃsa, anāgate chattiṃsa, paccuppanne chattiṃsāti veditabbāni. Anantā hi asadisataṇhāmānadiṭṭhibhedā sattā. Aṭṭhataṇhāvicaritasataṃ hotīti ettha pana aṭṭhasatasaṅkhātaṃ taṇhāvicaritaṃ hotīti evamattho daṭṭhabbo. Sesaṃ sabbattha uttānatthamevāti.
д̇ан̣хаавижарид̇анид̣̇д̣̇зсаван̣н̣анаа.
Taṇhāvicaritaniddesavaṇṇanā.
д̣̇идтиг̇ад̇анид̣̇д̣̇зсаван̣н̣анаа
Diṭṭhigataniddesavaṇṇanā
977. д̣̇идтиг̇ад̇анид̣̇д̣̇зсз б̣рахмаж̇аалз взяяаагаран̣зд̇и б̣рахмаж̇ааланаамагз взяяаагаран̣з, д̣̇ийгханигааяасса батамасуд̇д̇анд̇з. вуд̇д̇аани бхаг̇авад̇аад̇и сад̇т̇аараа саяам̣ аахажжа бхаасид̇аани. жад̇д̇ааро сассад̇аваад̣̇аад̇иаад̣̇ийсу ‘‘д̇з жа бхонд̇о саман̣аб̣раахман̣аа гимааг̇амма гимаараб̣бха сассад̇аваад̣̇аа сассад̇ам̣ ад̇д̇аанан̃жа логан̃жа бан̃н̃аабзнд̇и жад̇уухи вад̇т̇уухий’’д̇иаад̣̇инаа (д̣̇ий. ни. 1.29-30) б̣рахмаж̇аалз вуд̇д̇анаязнзва бабхзд̣̇о жа ад̇т̇о жа взд̣̇ид̇аб̣б̣од̇и.
977. Diṭṭhigataniddese brahmajāle veyyākaraṇeti brahmajālanāmake veyyākaraṇe, dīghanikāyassa paṭhamasuttante. Vuttāni bhagavatāti satthārā sayaṃ āhacca bhāsitāni. Cattāro sassatavādātiādīsu ‘‘te ca bhonto samaṇabrāhmaṇā kimāgamma kimārabbha sassatavādā sassataṃ attānañca lokañca paññāpenti catūhi vatthūhī’’tiādinā (dī. ni. 1.29-30) brahmajāle vuttanayeneva pabhedo ca attho ca veditabboti.
саммохавинод̣̇анияаа вибхан̇г̇адтагат̇ааяа
Sammohavinodaniyā vibhaṅgaṭṭhakathāya
куд̣̇д̣̇агавад̇т̇увибхан̇г̇аван̣н̣анаа нидтид̇аа.
Khuddakavatthuvibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
