| Library / Tipiṭaka / తిపిటక • Tipiṭaka / పఞ్చపకరణ-అట్ఠకథా • Pañcapakaraṇa-aṭṭhakathā |
౧౦. దసకనిద్దేసవణ్ణనా
10. Dasakaniddesavaṇṇanā
౨౦౯. దసకనిద్దేసే – ఇధాతి కామావచరభూమియం. కామావచరభూమియఞ్హి సత్తక్ఖత్తుపరమాదీనం కామావచరభూమియఞ్ఞేవ నిట్ఠా హోతి. కామావచరత్తభావేనేవ అరహత్తప్పత్తి చ అనుపాదిసేసనిబ్బానప్పత్తి చ హోతీతి అత్థో.
209. Dasakaniddese – idhāti kāmāvacarabhūmiyaṃ. Kāmāvacarabhūmiyañhi sattakkhattuparamādīnaṃ kāmāvacarabhūmiyaññeva niṭṭhā hoti. Kāmāvacarattabhāveneva arahattappatti ca anupādisesanibbānappatti ca hotīti attho.
ఇధ విహాయాతి ఇధ కామావచరే అత్తభావే విహాయ సుద్ధావాసత్తభావే ఠితానం నిట్ఠా హోతీతి అత్థో. అన్తరాపరినిబ్బాయిఆదయో హి ఇధ అనాగామిఫలం పత్వా ఇతో చుతా సుద్ధావాసేసు ఉప్పజ్జిత్వా తేన అత్తభావేన అరహత్తఞ్చేవ అనుపాదిసేసనిబ్బానధాతుఞ్చ పాపుణన్తి. తేన వుత్తం – ‘‘ఇమేసం పఞ్చన్నం ఇధ విహాయ నిట్ఠా’’తి.
Idhavihāyāti idha kāmāvacare attabhāve vihāya suddhāvāsattabhāve ṭhitānaṃ niṭṭhā hotīti attho. Antarāparinibbāyiādayo hi idha anāgāmiphalaṃ patvā ito cutā suddhāvāsesu uppajjitvā tena attabhāvena arahattañceva anupādisesanibbānadhātuñca pāpuṇanti. Tena vuttaṃ – ‘‘imesaṃ pañcannaṃ idha vihāya niṭṭhā’’ti.
దసకనిద్దేసవణ్ణనా.
Dasakaniddesavaṇṇanā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / పుగ్గలపఞ్ఞత్తిపాళి • Puggalapaññattipāḷi / ౧౦. దసకపుగ్గలపఞ్ఞత్తి • 10. Dasakapuggalapaññatti
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౧౦. దసకనిద్దేసవణ్ణనా • 10. Dasakaniddesavaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౧౦. దసకనిద్దేసవణ్ణనా • 10. Dasakaniddesavaṇṇanā
