| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. д̣̇аасагад̇т̇зраг̇аат̇ааван̣н̣анаа
7. Dāsakattheragāthāvaṇṇanā
мид̣̇д̇хий яад̣̇аад̇и ааяасмад̇о д̣̇аасагад̇т̇зрасса г̇аат̇аа. гаа уббад̇д̇и? со гира ид̇о зганавуд̇з габбз ануббаннз д̇ат̇ааг̇ад̇з аж̇ид̇асса наама бажжзгаб̣уд̣̇д̇хасса г̇анд̇хамаад̣̇анад̇о мануссабат̇ам̣ од̇арид̇ваа ан̃н̃ад̇арасмим̣ г̇аамз бин̣д̣ааяа жаранд̇асса манорамаани амб̣апалаани ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о гассабасса бхаг̇авад̇о гаалз саасанз баб̣б̣аж̇ид̇ваа виваддуубаниссаяам̣ б̣ахум̣ бун̃н̃ам̣ агааси. звам̣ гусалагаммаббасуд̇о худ̇ваа суг̇ад̇ид̇о суг̇ад̇им̣ убаг̇ажчанд̇о имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз ниб̣б̣ад̇д̇и. д̣̇аасагод̇исса наамам̣ ахоси. со анаат̇абин̣д̣игзна г̇ахабад̇инаа вихаарабадиж̇аг̇г̇анагаммз табид̇о саггажжам̣ вихаарам̣ бадиж̇аг̇г̇анд̇о абхин̣хам̣ б̣уд̣̇д̇хад̣̇ассанзна д̇хаммассаванзна жа бадилад̣̇д̇хасад̣̇д̇хо баб̣б̣аж̇и. гзжи бана бхан̣анд̇и – ‘‘аяам̣ гассабасса бхаг̇авад̇о гаалз гулаг̇зхз ниб̣б̣ад̇д̇ид̇ваа ваяаббад̇д̇о ан̃н̃ад̇арам̣ кийн̣аасавад̇т̇зрам̣ убадтаханд̇о гин̃жи гаммам̣ гаараабзд̇угаамо т̇зрам̣ аан̣аабзси. со д̇зна гаммзна амхаагам̣ бхаг̇авад̇о гаалз саавад̇т̇ияам̣ анаат̇абин̣д̣игасса д̣̇аасияаа гужчимхи ниб̣б̣ад̇д̇о ваяаббад̇д̇о сздтинаа вихаарабадиж̇аг̇г̇анз табид̇о вуд̇д̇анаязнзва бадилад̣̇д̇хасад̣̇д̇хо ахоси. махаасздти д̇асса сийлаажаарам̣ аж̇жхаасаяан̃жа н̃ад̇ваа бхуж̇иссам̣ гад̇ваа ‘яат̇аасукам̣ баб̣б̣аж̇аа’д̇и ааха. д̇ам̣ бхигкуу баб̣б̣ааж̇зсу’’нд̇и. со баб̣б̣аж̇ид̇агаалад̇о бадтааяа гусийд̇о хийнавийрияо худ̇ваа на гин̃жи вад̇д̇абадивад̇д̇ам̣ гарод̇и, гуд̇о саман̣ад̇хаммам̣, гзвалам̣ яаавад̣̇ад̇т̇ам̣ бхун̃ж̇ид̇ваа нид̣̇д̣̇ааб̣ахуло вихарад̇и. д̇хаммассаванагаалзби згам̣ гон̣ам̣ бависид̇ваа барисабарияанд̇з нисинно гхуругхурубассаасий нид̣̇д̣̇ааяад̇зва. ат̇асса бхаг̇аваа буб̣б̣уубаниссаяам̣ ологзд̇ваа сам̣взг̇аж̇ананад̇т̇ам̣ ‘‘мид̣̇д̇хий яад̣̇аа ход̇и махаг̇гхасо жаа’’д̇и г̇аат̇ам̣ абхааси.
Middhīyadāti āyasmato dāsakattherassa gāthā. Kā uppatti? So kira ito ekanavute kappe anuppanne tathāgate ajitassa nāma paccekabuddhassa gandhamādanato manussapathaṃ otaritvā aññatarasmiṃ gāme piṇḍāya carantassa manoramāni ambaphalāni adāsi. So tena puññakammena devamanussesu saṃsaranto kassapassa bhagavato kāle sāsane pabbajitvā vivaṭṭūpanissayaṃ bahuṃ puññaṃ akāsi. Evaṃ kusalakammappasuto hutvā sugatito sugatiṃ upagacchanto imasmiṃ buddhuppāde sāvatthiyaṃ kulagehe nibbatti. Dāsakotissa nāmaṃ ahosi. So anāthapiṇḍikena gahapatinā vihārapaṭijagganakamme ṭhapito sakkaccaṃ vihāraṃ paṭijagganto abhiṇhaṃ buddhadassanena dhammassavanena ca paṭiladdhasaddho pabbaji. Keci pana bhaṇanti – ‘‘ayaṃ kassapassa bhagavato kāle kulagehe nibbattitvā vayappatto aññataraṃ khīṇāsavattheraṃ upaṭṭhahanto kiñci kammaṃ kārāpetukāmo theraṃ āṇāpesi. So tena kammena amhākaṃ bhagavato kāle sāvatthiyaṃ anāthapiṇḍikassa dāsiyā kucchimhi nibbatto vayappatto seṭṭhinā vihārapaṭijaggane ṭhapito vuttanayeneva paṭiladdhasaddho ahosi. Mahāseṭṭhi tassa sīlācāraṃ ajjhāsayañca ñatvā bhujissaṃ katvā ‘yathāsukhaṃ pabbajā’ti āha. Taṃ bhikkhū pabbājesu’’nti. So pabbajitakālato paṭṭhāya kusīto hīnavīriyo hutvā na kiñci vattapaṭivattaṃ karoti, kuto samaṇadhammaṃ, kevalaṃ yāvadatthaṃ bhuñjitvā niddābahulo viharati. Dhammassavanakālepi ekaṃ koṇaṃ pavisitvā parisapariyante nisinno ghurughurupassāsī niddāyateva. Athassa bhagavā pubbūpanissayaṃ oloketvā saṃvegajananatthaṃ ‘‘middhī yadā hoti mahagghaso cā’’ti gāthaṃ abhāsi.
17. д̇ад̇т̇а мид̣̇д̇хийд̇и т̇инамид̣̇д̇хаабхибхууд̇о, яан̃хи мид̣̇д̇хам̣ абхибхавад̇и, д̇ам̣ т̇инамби абхибхавад̇зва. яад̣̇аад̇и яасмим̣ гаалз. махаг̇гхасод̇и махаабхож̇ано, аахарахад̇т̇агаалам̣саадагад̇ад̇т̇аваддагагаагамаасагабхуд̇д̇авамид̇агаанам̣ ан̃н̃ад̇аро вияа. нид̣̇д̣̇ааяид̇аад̇и субанасийло. самбаривад̇д̇асааяийд̇и самбаривад̇д̇агам̣ самбаривад̇д̇агам̣ нибаж̇ж̇ид̇ваа убхаязнаби сзяяасукам̣ бассасукам̣ мид̣̇д̇хасукам̣ ануяуд̇д̇од̇и д̣̇ассзд̇и. ниваабабудтод̇и гун̣д̣агаад̣̇инаа суугарабхад̇д̇зна будто бхарид̇о. гхарасуугаро хи б̣аалагаалад̇о бадтааяа босияамаано т̇ууласарийрагаалз г̇зхаа б̣ахи нигкамид̇ум̣ алабханд̇о хздтааман̃жаад̣̇ийсу самбаривад̇д̇зд̇ваа самбаривад̇д̇зд̇ваа саяад̇зва. ид̣̇ам̣ вуд̇д̇ам̣ ход̇и – яад̣̇аа бурисо мид̣̇д̇хий жа ход̇и махаг̇гхасо жа ниваабабудто махаавараахо вияа ан̃н̃зна ирияаабат̇зна яаабзд̇ум̣ асаггонд̇о нид̣̇д̣̇ааяанасийло самбаривад̇д̇асааяий, д̇ад̣̇аа со ‘‘анижжам̣ д̣̇угкам̣ анад̇д̇аа’’д̇и д̇ийн̣и лагкан̣аани манасигаад̇ум̣ на саггод̇и. д̇зсам̣ аманасигаараа манд̣̇абан̃н̃о бунаббунам̣ г̇аб̣бхам̣ убзд̇и, г̇аб̣бхааваасад̇о на баримужжад̇зваад̇и. д̇ам̣ суд̇ваа д̣̇аасагад̇т̇зро сам̣взг̇аж̇аад̇о вибассанам̣ бадтабзд̇ваа нажирассзва арахад̇д̇ам̣ сажчаагааси. д̇зна вуд̇д̇ам̣ абад̣̇аанз (аба. т̇зра 2.51.74, 80-84) –
17. Tattha middhīti thinamiddhābhibhūto, yañhi middhaṃ abhibhavati, taṃ thinampi abhibhavateva. Yadāti yasmiṃ kāle. Mahagghasoti mahābhojano, āharahatthakaalaṃsāṭakatatthavaṭṭakakākamāsakabhuttavamitakānaṃ aññataro viya. Niddāyitāti supanasīlo. Samparivattasāyīti samparivattakaṃ samparivattakaṃ nipajjitvā ubhayenapi seyyasukhaṃ passasukhaṃ middhasukhaṃ anuyuttoti dasseti. Nivāpapuṭṭhoti kuṇḍakādinā sūkarabhattena puṭṭho bharito. Gharasūkaro hi bālakālato paṭṭhāya posiyamāno thūlasarīrakāle gehā bahi nikkhamituṃ alabhanto heṭṭhāmañcādīsu samparivattetvā samparivattetvā sayateva. Idaṃ vuttaṃ hoti – yadā puriso middhī ca hoti mahagghaso ca nivāpapuṭṭho mahāvarāho viya aññena iriyāpathena yāpetuṃ asakkonto niddāyanasīlo samparivattasāyī, tadā so ‘‘aniccaṃ dukkhaṃ anattā’’ti tīṇi lakkhaṇāni manasikātuṃ na sakkoti. Tesaṃ amanasikārā mandapañño punappunaṃ gabbhaṃ upeti, gabbhāvāsato na parimuccatevāti. Taṃ sutvā dāsakatthero saṃvegajāto vipassanaṃ paṭṭhapetvā nacirasseva arahattaṃ sacchākāsi. Tena vuttaṃ apadāne (apa. thera 2.51.74, 80-84) –
‘‘аж̇ид̇о наама самб̣уд̣̇д̇хо, химаванд̇з васий д̇ад̣̇аа;
‘‘Ajito nāma sambuddho, himavante vasī tadā;
жаран̣зна жа самбанно, самаад̇хигусало муни.
Caraṇena ca sampanno, samādhikusalo muni.
‘‘суван̣н̣аван̣н̣з самб̣уд̣̇д̇хз, аахуд̇ийнам̣ бадиг̇г̇ахз;
‘‘Suvaṇṇavaṇṇe sambuddhe, āhutīnaṃ paṭiggahe;
рат̇ияам̣ бадибаж̇ж̇анд̇з, амб̣апаламад̣̇аасахам̣.
Rathiyaṃ paṭipajjante, ambaphalamadāsahaṃ.
‘‘зганавуд̇з ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekanavute ito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зро имааяа г̇аат̇ааяа мам̣ бхаг̇аваа овад̣̇и, ‘‘аяам̣ г̇аат̇аа маяхам̣ ан̇гусабхууд̇аа’’д̇и д̇амзва г̇аат̇ам̣ бажжуд̣̇аахааси. д̇аяид̣̇ам̣ т̇зрасса баривад̇д̇аахааранаязна ан̃н̃ааб̣яаагаран̣ам̣ ж̇аад̇ам̣.
Arahattaṃ pana patvā thero imāya gāthāya maṃ bhagavā ovadi, ‘‘ayaṃ gāthā mayhaṃ aṅkusabhūtā’’ti tameva gāthaṃ paccudāhāsi. Tayidaṃ therassa parivattāhāranayena aññābyākaraṇaṃ jātaṃ.
д̣̇аасагад̇т̇зраг̇аат̇ааван̣н̣анаа нидтид̇аа.
Dāsakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. д̣̇аасагад̇т̇зраг̇аат̇аа • 7. Dāsakattheragāthā
