| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
த³ஸகவாரவண்ணனா
Dasakavāravaṇṇanā
330. ‘‘ஓரமத்தகஞ்ச அதி⁴கரணங் ஹோதி, ந ச க³திக³த’’ந்திஆதி³னா (சூளவ॰ 204) த³ஸ அத⁴ம்மிகா ஸலாகக்³கா³ஹா. விபரீதா த⁴ம்மிகா. ஸமத²க்க²ந்த⁴கே வுத்தேஹி ஸமன்னாக³தோ ஹோதீதி ஸம்ப³ந்தோ⁴. ‘‘ஸங்கச்சிகங் வா பக்கி²பித்வா த³ஸா’’தி வுத்தங் கப்பியத்தா ஏதேஸங். மாதுரக்கி²தாத³யோ த³ஸ இத்தி²யோ. த⁴னக்கீதாத³யோ த³ஸ ப⁴ரியா. ‘‘ஸிக்கா²ஸம்முதிங் த³த்வா த³ஸவஸ்ஸாய தஸ்ஸா த்³வாத³ஸவஸ்ஸகாலே ஸயம்பி த்³வாத³ஸவஸ்ஸா ப⁴விஸ்ஸதீ’’தி வுட்டா²பனஸம்முதி ஸாதி³தப்³பா³. ‘‘வினயத⁴ரஸ்ஸேவ ‘ஆபத்தானாபத்திங் ந ஜானாதீ’தி ஆரப்³ப⁴ யாவ ‘உப⁴யானி கோ² பனஸ்ஸ…பே॰… அனுப்³யஞ்ஜனஸோ’தி பஞ்சங்கா³னி வத்வா புனபி ‘ஆபத்தானாபத்திங் ந ஜானாதி’ச்சேவ ஆரப்³ப⁴ யாவ ‘அதி⁴கரணே ச ந வினிச்ச²யகுஸலோ ஹோதீ’தி பஞ்ச வுத்தா, தே ததா² ததா² பஞ்ச பஞ்ச கத்வா த³ஸ ஹொந்தீ’’தி லிகி²தங். ‘‘த³ஸவஸ்ஸாய பி⁴க்கு²னியா நிஸ்ஸயோ தா³தப்³போ³’’தி ஏகச்சேஸு பொத்த²கேஸு நத்தி², கிஞ்சாபி நத்தி², பாடோ² ஏவ பன ஹோதி.
330. ‘‘Oramattakañca adhikaraṇaṃ hoti, na ca gatigata’’ntiādinā (cūḷava. 204) dasa adhammikā salākaggāhā. Viparītā dhammikā. Samathakkhandhake vuttehi samannāgato hotīti sambandho. ‘‘Saṃkaccikaṃ vā pakkhipitvā dasā’’ti vuttaṃ kappiyattā etesaṃ. Māturakkhitādayo dasa itthiyo. Dhanakkītādayo dasa bhariyā. ‘‘Sikkhāsammutiṃ datvā dasavassāya tassā dvādasavassakāle sayampi dvādasavassā bhavissatī’’ti vuṭṭhāpanasammuti sāditabbā. ‘‘Vinayadharasseva ‘āpattānāpattiṃ na jānātī’ti ārabbha yāva ‘ubhayāni kho panassa…pe… anubyañjanaso’ti pañcaṅgāni vatvā punapi ‘āpattānāpattiṃ na jānāti’cceva ārabbha yāva ‘adhikaraṇe ca na vinicchayakusalo hotī’ti pañca vuttā, te tathā tathā pañca pañca katvā dasa hontī’’ti likhitaṃ. ‘‘Dasavassāya bhikkhuniyā nissayo dātabbo’’ti ekaccesu potthakesu natthi, kiñcāpi natthi, pāṭho eva pana hoti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 10. த³ஸகவாரோ • 10. Dasakavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / த³ஸகவாரவண்ணனா • Dasakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / த³ஸகவாரவண்ணனா • Dasakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ச²க்கவாராதி³வண்ணனா • Chakkavārādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஏகுத்தரிகனயோ த³ஸகவாரவண்ணனா • Ekuttarikanayo dasakavāravaṇṇanā
