| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
д̣̇асагаваараван̣н̣анаа
Dasakavāravaṇṇanā
330. д̣̇асагзсу – д̣̇аса аагхаад̇авад̇т̇уунийд̇и навагзсу вуд̇д̇аани нава ‘‘адтаанз ваа бана аагхаад̇о ж̇ааяад̇ий’’д̇и иминаа сад̣̇д̇хим̣ д̣̇аса хонд̇и. аагхаад̇абадивинаяааби д̇ад̇т̇а вуд̇д̇аа нава ‘‘адтаанз ваа бана аагхаад̇о ж̇ааяад̇и, д̇ам̣ гуд̇зд̇т̇а лаб̣бхаад̇и аагхаад̇ам̣ бадивинзд̇ий’’д̇и иминаа сад̣̇д̇хим̣ д̣̇аса взд̣̇ид̇аб̣б̣аа. д̣̇аса винийд̇авад̇т̇уунийд̇и д̣̇асахи аагхаад̇авад̇т̇уухи вирад̇исан̇каад̇аани д̣̇аса. д̣̇асавад̇т̇угаа мижчаад̣̇идтийд̇и ‘‘над̇т̇и д̣̇инна’’нд̇иаад̣̇ивасзна взд̣̇ид̇аб̣б̣аа, ‘‘ад̇т̇и д̣̇инна’’нд̇иаад̣̇ивасзна саммаад̣̇идти, ‘‘сассад̇о лого’’д̇иаад̣̇инаа васзна бана анд̇аг̇г̇аахигаа д̣̇идти взд̣̇ид̇аб̣б̣аа. д̣̇аса мижчад̇д̇аад̇и мижчаад̣̇идтиаад̣̇аяо мижчаавимуд̇д̇ибарияосаанаа, вибарийд̇аа саммад̇д̇аа. салаагаг̇г̇аахаа самат̇агканд̇хагз нид̣̇д̣̇идтаа.
330. Dasakesu – dasa āghātavatthūnīti navakesu vuttāni nava ‘‘aṭṭhāne vā pana āghāto jāyatī’’ti iminā saddhiṃ dasa honti. Āghātapaṭivinayāpi tattha vuttā nava ‘‘aṭṭhāne vā pana āghāto jāyati, taṃ kutettha labbhāti āghātaṃ paṭivinetī’’ti iminā saddhiṃ dasa veditabbā. Dasa vinītavatthūnīti dasahi āghātavatthūhi viratisaṅkhātāni dasa. Dasavatthukā micchādiṭṭhīti ‘‘natthi dinna’’ntiādivasena veditabbā, ‘‘atthi dinna’’ntiādivasena sammādiṭṭhi, ‘‘sassato loko’’tiādinā vasena pana antaggāhikā diṭṭhi veditabbā. Dasa micchattāti micchādiṭṭhiādayo micchāvimuttipariyosānā, viparītā sammattā. Salākaggāhā samathakkhandhake niddiṭṭhā.
д̣̇асахан̇г̇зхи саманнааг̇ад̇о бхигку уб̣б̣аахигааяа самманнид̇аб̣б̣од̇и ‘‘сийлаваа ход̇ий’’д̇иаад̣̇инаа наязна самат̇агканд̇хагз вуд̇д̇зхи д̣̇асахи. д̣̇аса аад̣̇ийнаваа рааж̇анд̇збураббавзсанз рааж̇асигкаабад̣̇з нид̣̇д̣̇идтаа. д̣̇аса д̣̇аанавад̇т̇уунийд̇и аннам̣ баанам̣ вад̇т̇ам̣ яаанам̣ маалаа г̇анд̇хам̣ вилзбанам̣ сзяяаавасат̇ам̣ бад̣̇ийбзяяам̣. д̣̇аса рад̇анаанийд̇и муд̇д̇ааман̣ивзл̣урияаад̣̇ийни. д̣̇аса бам̣сугуулаанийд̇и сосаанигам̣, баабан̣игам̣ , унд̣̇уурагкааяид̇ам̣, убажигагкааяид̇ам̣, аг̇г̇ид̣̇ад̣дхам̣, г̇окааяид̇ам̣, аж̇игагкааяид̇ам̣, т̇уубажийварам̣, аабхисзгияам̣, бхад̇абадияаабхад̇анд̇и зд̇зсу убасамбаннзна уссуггам̣ гаад̇аб̣б̣ам̣. д̣̇аса жийварад̇хааран̣аад̇и ‘‘саб̣б̣анийлагаани жийвараани д̇хаарзнд̇ий’’д̇и вуд̇д̇авасзна д̣̇асаад̇и гурунд̣̇ияам̣ вуд̇д̇ам̣. махааадтагат̇ааяам̣ бана ‘‘навасу габбияажийварзсу уд̣̇агасаадигам̣ ваа сан̇гажжигам̣ ваа багкибид̇ваа д̣̇асаа’’д̇и вуд̇д̇ам̣.
Dasahaṅgehi samannāgato bhikkhu ubbāhikāya sammannitabboti ‘‘sīlavā hotī’’tiādinā nayena samathakkhandhake vuttehi dasahi. Dasa ādīnavā rājantepurappavesane rājasikkhāpade niddiṭṭhā. Dasa dānavatthūnīti annaṃ pānaṃ vatthaṃ yānaṃ mālā gandhaṃ vilepanaṃ seyyāvasathaṃ padīpeyyaṃ. Dasa ratanānīti muttāmaṇiveḷuriyādīni. Dasa paṃsukūlānīti sosānikaṃ, pāpaṇikaṃ , undūrakkhāyitaṃ, upacikakkhāyitaṃ, aggidaḍḍhaṃ, gokhāyitaṃ, ajikakkhāyitaṃ, thūpacīvaraṃ, ābhisekiyaṃ, bhatapaṭiyābhatanti etesu upasampannena ussukkaṃ kātabbaṃ. Dasa cīvaradhāraṇāti ‘‘sabbanīlakāni cīvarāni dhārentī’’ti vuttavasena dasāti kurundiyaṃ vuttaṃ. Mahāaṭṭhakathāyaṃ pana ‘‘navasu kappiyacīvaresu udakasāṭikaṃ vā saṅkaccikaṃ vā pakkhipitvā dasā’’ti vuttaṃ.
аванд̣̇анийяабуг̇г̇алаа сзнаасанагканд̇хагз нид̣̇д̣̇идтаа. д̣̇аса аггосавад̇т̇ууни омасаваад̣̇з нид̣̇д̣̇идтаани. д̣̇аса аагаараа бзсун̃н̃асигкаабад̣̇з нид̣̇д̣̇идтаа. д̣̇аса сзнаасанаанийд̇и ман̃жо, бийтам̣, бхиси, б̣имб̣оханам̣, жимилигаа, уд̇д̇арад̇т̇аран̣ам̣, д̇аддигаа, жаммакан̣д̣о, нисийд̣̇анам̣, д̇ин̣асант̇ааро, бан̣н̣асант̇аарод̇и. д̣̇аса вараани яаажим̣сууд̇и висаакаа адта, суд̣̇д̇ход̣̇анамахаарааж̇аа згам̣, ж̇ийваго згам̣. яааг̇уаанисам̣саа жа агаббияамам̣саани жа бхзсаж̇ж̇агканд̇хагз нид̣̇д̣̇идтаани. сзсам̣ саб̣б̣ад̇т̇а уд̇д̇аанамзваад̇и.
Avandanīyapuggalā senāsanakkhandhake niddiṭṭhā. Dasa akkosavatthūni omasavāde niddiṭṭhāni. Dasa ākārā pesuññasikkhāpade niddiṭṭhā. Dasa senāsanānīti mañco, pīṭhaṃ, bhisi, bimbohanaṃ, cimilikā, uttarattharaṇaṃ, taṭṭikā, cammakhaṇḍo, nisīdanaṃ, tiṇasanthāro, paṇṇasanthāroti. Dasa varāni yāciṃsūti visākhā aṭṭha, suddhodanamahārājā ekaṃ, jīvako ekaṃ. Yāguānisaṃsā ca akappiyamaṃsāni ca bhesajjakkhandhake niddiṭṭhāni. Sesaṃ sabbattha uttānamevāti.
д̣̇асагаваараван̣н̣анаа нидтид̇аа.
Dasakavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 10. д̣̇асагавааро • 10. Dasakavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇асагаваараван̣н̣анаа • Dasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇асагаваараван̣н̣анаа • Dasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чаггаваараад̣̇иван̣н̣анаа • Chakkavārādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо д̣̇асагаваараван̣н̣анаа • Ekuttarikanayo dasakavāravaṇṇanā
